Komentet ai i bëri pas mbledhjes së Kryesisë në Selinë Rozë.

Duke folur për gazetarët, Rama uroi që demokratët të dalin sa më shpejt nga situata duke i kapërcyer liderin aktual Lulzim Basha dhe ish-liderin Sali Berisha, të cilët i cilëson shpesh si “kufoma politike”.

I pyetur nëse mazhoranca sheh mundësi për të bashkëpunuar me opozitën në këto kushte, kreu i qeverisë tha se kjo mbetet për t’u parë pasi “nuk dihet më se kush është kush.”

Megjithatë, ai shtoi se për sa kohë deputetet demokratë janë legjitimë sepse janë në Parlament me votën e zgjedhësve, mundësitë mund të krijohen.

“Të dy këta përfaqësues të mbetur nga e shkuara në këmbë, nuk kanë asnjë legjitimitet veç e veç. Deputetët e PD, janë legjitimë sepse janë aty me votën e popullit. Kur shohim që ka shans për bashkëpunim, jemi aty për ta bërë këtë. Situata është e vështirë për momentin..do të shohim si do të zhvillohet. Uroj që të ketë një zgjidhje paqësore. Uroj që dhuna dhe fortifikimet të mbeten pas.”

Ndërkohë, më 29 janar Partia Socialiste mbledh Kongresin e partisë. Burime për ABC, bëjnë të ditur se mbledhja e Kongresit do të mbahet në kuadër të disa ndryshimeve statuore./albeu.com/

The post Ironizon Rama: Ne jemi të gatshëm për bashkëpunim me PD, por s’po dimë kush është kush appeared first on Albeu.com.

Ka qenë Byroja e Çështjeve Konsullore në Departamentin amerikan të Shtetit, e cila pas ambasadës se SHBA dhe BE, i ka dënuar aktet e dhunshme.

Teksa ka shpërndarë postimin e ambasadës së SHBA në Tiranë, u ka bërë thirrje të gjithë qytetarëve të shmangin zonën rreth selisë së Partisë Demokratike, e cila tashmë është kthyer në një skenë krimi. Byroja shkruan se incidente të tjera mund të shfaqen në pjesë të tjera të qytetit.

“Protesta në selinë e Partisë Demokratike është përshkallëzuar në dhunë, me incidente të forcës fizike dhe gazit lotsjellës. Shmangni zonën dhe qëndroni të vetëdijshëm për rrethinën pasi mund të shfaqen incidente në pjesë të tjera të qytetit”, shkruhet në postim./albeu.com

The post DASH reagon pas “luftës” në selinë e PD-së, mesazhi për amerikanët (FOTO LAJM) appeared first on Albeu.com.

Kujtojmë se situata në Partinë Demokratike përshkallëzoi në dhunë pas protestës së Sali Berishës për marrjen e godinës së selisë blu.

Protestuesit u treguan mjaft të vendosur për hapjen e dyerve të blinduara dhe duket se për këtë qëllim kishin marrë edhe mjete të shumëllojshme me vete, si varre, kazma, leva hekuri e matrapik.

Ata arritën që të shqyenin dyert e vendosura poshtë pas insistimit të tyre, por në fund hasën në rezistencën e Policisë, e cila pretendoi se deputetëve që ndodheshin brenda selisë po u rrezikohëj jeta./albeu.com/

The post Momentet pas kaosit në PD, deputetët dalin nga selia me sy të skuqur (FOTO LAJM) appeared first on Albeu.com.