Policia hyri në zonën ku ndodhej një grup tifozësh dhe përdori plumba gome dhe gaz lotsjellës për të shpërndarë ata që ishin të përfshirë në trazira. Pamjet tregonin tifozët që tërhiqnin zvarrë edhe një efektiv, duke e përdorur atë si mburojë.

🚨⚽ Suspenden el Superclásico tras violentos incidentes en graderías

👉🏻 El duelo entre Cerro Porteño y Olimpia fue suspendido por disturbios registrados en el sector norte del Estadio Defensores del Chaco.

⚠️ Autoridades señalaron que los enfrentamientos no cesaban y que la… pic.twitter.com/SdACCpiKrc

— América Paraguay (@AmericaTVPy) April 19, 2026

Një inspektor i Policisë Kombëtare Paraguaiane i tha shtypit lokal: “Ka të lënduar, si oficerë policie ashtu edhe tifozë të Cerro-s”, pa specifikuar numrin e saktë. Përdorimi i kimikateve shkaktoi mbytje dhe panik midis spektatorëve, shumë prej të cilëve kërkuan strehim në fushë për shkak të pamundësisë për t’u evakuuar përmes daljeve kryesore. Lojtarët e Cerro Porteño, të trajnuar nga ish-lojtari i Aris, Juan Iturbe, u përpoqën t’i ndihmonin tifozët duke hedhur shishe uji në tribuna, raportoi ABC Color. Përshkallëzimi i dhunës arriti në një pikë kritike kur një grup tifozësh rrëmbyen një mburojë policie dhe e ngritën lart si simbol. Drejtori i ndeshjes i Federatës së Futbollit të Paraguait, Michel Sanchez, njoftoi shtyrjen përfundimtare të ndeshjes: “Ndeshja është shtyrë. Nuk ka garanci minimale që ajo të vazhdojë”, thanë autoritetet.

El clásico paraguayo entre Olimpia y Cerro Porteño fue suspendido tras graves incidentes entre hinchas de Cerro Porteño y la Policía Nacional de #Paraguay en el Estadio Defensores del Chaco.

La suspensión se produjo cuando oficiales antimotines ingresaron y utilizaron balines de… pic.twitter.com/yKnKZIejYr

— David de la Paz 戴维 (@daviddelapaz) April 20, 2026

Kaosi detyroi ndërhyrjen e paramedikëve dhe zjarrfikësve për të ndihmuar të plagosurit. Prania e policisë për këtë ngjarje ishte më e madhe se zakonisht, me më shumë se 3,500 oficerë të caktuar për sigurinë e derbit të dytë të madh të sezonit.

Ambulancat mbërritën në stadium për të transportuar të plagosurit, përfshirë ata që u ranë të fikët nga gazi lotsjellës. Ndeshja mbeti 0-0 në kohën e ndërprerjes, pas shumë tensionesh midis lojtarëve.

Olimpia, nën drejtimin e argjentinasit Pablo Sanchez, kryeson kampionatin e Apertura me 39 pikë, e ndjekur nga Cerro Porteno, e cila ka grumbulluar 33.

🤍 Imágenes que duelen… pero también enseñan..

En medio de la tensión del clásico entre Club Olimpia y Cerro Porteño, estas imágenes reflejan una mezcla de emociones…

Tristeza por lo que ocurrió.
Preocupación por las familias presentes.
Pero también un gesto que no pasa… pic.twitter.com/LQP0AGt5cR

— Larissa Riquelme (@lari_riquelme) April 19, 2026

The post Përleshje e dhunshme mes tifozerive dhe policisë në derbin e Paraguajit/ Efektivi tërhiqet zvarrë dhe shkelmohet, dhjetëra të plagosur (VIDEO) appeared first on Albeu.com.

Përleshjet ndodhën midis dy grupeve të tifozëve pranë stadiumit Sinigaglia, disa orë para fillimit të ndeshjes.

Dy autobusë që transportonin tifozë të Kuqeblu, që mbërritën pranë stadiumit Sinigaglia, rastësisht kaluan një bar të frekuentuar nga tifozët e Comos.

Situsta u tensionua në fillim aty dhe më pas u përshkallëzua në hedhjen e shisheve dhe shkëmbimin e fyerjeve.

Ndërhyrja e shpejtë e forcave të rendit parandaloi pasoja më serioze, duke rivendosur qetësinë brenda pak minutash.

Si masë paraprake, disa rrugë u mbyllën përkohësisht dhe autobusët që transportonin tifozë të Bologna-s u larguan nën shoqërimin e policisë.

10.01.2026🇮🇹Streetfight Como – Bologna, click for more here: https://t.co/8QBlqIUKiS

All in one place. Tap to download.
🔗 https://t.co/FXnrFRpzhv pic.twitter.com/2N7og8dBwL

— Hooligans.cz Official (@hooliganscz1999) January 10, 2026

The post Përleshje masive mes tifozëve përpara ndeshjes së Serie A Como-Bologna (VIDEO) appeared first on Albeu.com.

Por mesa duket, kjo harmoni publike ka qenë më shumë fasadë sesa realitet. Sipas zërave që qarkullojnë lart e poshtë në rrjet, raportet mes Enxhit dhe Neadës kanë qenë të tensionuara, aq sa situata thuhet se ka degraduar deri në përplasje fizike në korridoret e Top-it. Fatkeqësisht, konflikti nuk është ndalur më vetëm te fjalët.

Të njëjtat burime shtojnë se edhe gjatë transmetimit të fundit, ftohtësia mes vajzave ishte e dukshme, ndërsa Blendi përpiqej të mbante balancën mes tyre. Një situatë aspak profesionale dhe jo e hijshme për imazhin e dy moderatoreve të njohura, figura publike, të cilat shikuesi i ka parë gjithmonë si shembull qytetarie, figura të qeta dhe komunikative.

Megjithatë, deri në këtë moment gjithçka mbetet në nivel aludimesh. Nuk ka asnjë reagim zyrtar nga Enxhi apo Neada, as rrëfim personal dhe as sqarim publik.

Deri sa vajzat të flasin vetë dhe të tregojnë versionin e tyre të ngjarjes, heshtja nga të dyja palët mbetet një formë pohimi.

The post Përplasje fizike mes vajzave të ekranit: Çfarë ndodhi në prapaskenë me Enxhi Nasufin dhe Neada Muçajn? appeared first on Albeu.com.

Përleshja ka qenë kaq e ashpër dhe e papërshtatshme, duke ka krijuar një atmosferë të tensionuar, ku janë përdorur grushte dhe shkelma mes palëve.

Por, ndonëse pamjet e këtij sherri kanë bërë xhiron e mediave, duket se policinë e ka zënë gjumi pasi ende nuk ka marra masat e nevojshme lidhur me këtë sherr.

Kjo jo pa qëllim! Mësohet se në sherrin e dhunshëm në Dhërmi, janë të përfshirë fëmijë dhe nipër të VIP-ave të njohur dhe politikanëve me emër.

Në këtë përleshje, mësohet se janë të përfshirë individë të njohur si nipi i ish-deputetit Mark Frroku, Leon Frroku, djemtë e ish-Miss Shqipëria Valbona Selimllari, Deni dhe Kejni, si dhe një i nipi i ish-ministrit Lefter Koka.

Një dëshmitar shkruan për JOQ, se shkak i sherrit ka qenë një femër dhe inatet e mëparshme.

“Përshëndetje JOQ. Personat që zihen janë çunat e Valbona Selimllarit. Ai që rrihet është Deni Selimllari kurse agresori është Leon Frroku. Kam qenë vet aty. Personi me bluzë të zezë e me tuta të bardha është vëllai i Denit, Kejn Selimllari. Janë zënë për një femër, kanë patur inate të mëparshme. Leon Frroku e ka sulmuar. Ju lutem anonim”, shkruan dëshmitari për JOQ.

“Djali që bie në tokë është Deni Selimllari, djali i Valbona Selimllarit. Ai që është sipër makinës është Leo Frroku, nipi i Mark Frrokut. Isha prezent aty dhe i njoh personalisht”, shkruan një dëshmitare tjetër për JOQ.

Skena ka ndodhur në një nga zonat më të frekuentuara nga turistët, ku dhuna ka qenë krejt e papranueshme, duke tronditur çdo vizitor. Megjithatë, autoritetet nuk kanë bërë asnjë deklaratë zyrtare dhe nuk kanë marrë masa për të ndëshkuar personat e përfshirë.

The post Sherr i dhunshëm në Dhërmi/ Nipi i Frrokut përleshet me çunat e Valbona Selimllarit, pjesë e përleshjes edhe nipi i Kokës appeared first on Albeu.com.

Ata janë përplasur fizikisht dhe kanë tentuar të thyejnë mjetet e FNSH. Më pas, Garda ka ndërhyrë për t’i ndarë.

Demokratëve i janë bashkuar edhe protestuesit para Bashkisë së Tiranës, të cilët nuk janë lejuar të hyjnë në oborrin e Kuvendit.

Ata kanë tentuar të çajnë kordonin dhe janë përplasur me policët.

The post Përleshje në hyrje të Kuvendit, deputetët e PD përplasen me efektivët e FNSH-së, garda ndërhyn për t’i ndarë appeared first on Albeu.com.

Siç raporton RomaToday, të shtunën e datës 20 korrik, rreth orës 13:30, policia hekurudhore është dashur të ndërhyjë për shkak të një debati të dhunshëm që përfshinte tre persona, të cilët më vonë u zbulua se ishin me origjinë nga Magrebi.

Paniku shpërtheu kur njëri prej tyre nxori një sharrë.

Sipas asaj që është rikonstruktuar deri më tani, njëri prej të përfshirëve në përleshjen e madhe ka nxjerrë një sharrë dhe në atë moment ka shpërthyer paniku, me qindra njerëz që kanë ikur nga stacioni. Një roje sigurie  duke ndjerë peshën e situatës, i ndoqi ata teksa hipnin në një tren, duke njoftuar policinë hekurudhore, e cila më pas priti burrat në stacionin e Tiburtinës.

Sapo treni mbërriti në stacion, inxhinieri i detyroi të gjithë të zbrisnin nga automjeti për të lejuar oficerët të ndërhynin. Por pikërisht në atë moment njëri prej të treve nxori një armë, një sharrë, duke shkaktuar panik në bord.

Kishte nga ata që bërtisnin se dikush po qëllonte, të tjerë që thoshin se njerëzit goditnin me thikë pasagjerët pa dallim.  Thirrjet në gjuhën arabe, thonë dëshmitarët, kishin ngritur gjithashtu frikën e një sulmi. Thashethemet më të ndryshme dhe të pakontrolluara filluan të qarkullojnë në rrjetet sociale, disa prej të cilave madje flisnin për agresorët që sulmonin pa dallim.

Siç raporton RomaToday, aktualisht vetëm një person është plagosur me dëmtime të dukshme në fytyrë, i transportuar me autoambulancë në spitalin Sandro Pertini. Tre persona u arrestuan, të gjithë me origjinë nga Afrika e Veriut, me akuzën e sherrit të dhunshëm. Njëra prej tyre akuzohet edhe për armëmbajtje pa leje pasi iu gjetën dy thika. Të tre akuzohen edhe për kundërshtimin e një zyrtari publik dhe ndërprerjen e një shërbimi publik.

The post PANIK në metronë e Romës/ Sharra, thika dhe përleshje me britma në arabisht, ja çfarë ndodhi appeared first on Albeu.com.

Numri i të arrestuarve pas ndërhyrjeve të policisë për të shpërndarë protestuesit pro-palestinezë në universitetet amerikane ka tejkaluar shifrën 1000.

Në raste të rralla, zyrtarët e universitetit dhe udhëheqësit e protestës kanë arritur marrëveshje për të shmangur kufizimet e ashpra të aktiviteteve brenda hapësirave të universitetit dhe penguar ceremonitë e diplomimit që pritet të mbahen brenda pak ditëve.

Në Universitetin e Kalifornisë grupe pro-palestineze dhe pro-izraelite u përleshën mbrëmë për disa orë mirëpo autoritet nuk kanë njoftuar për të lënduar.

Kryetarja e Bashkisë të Los Anxhelosit Karen Bass e quajti dhunën “absolutisht të neveritshme dhe të pafalshme” në një postim në mediat sociale dhe tha se policia e qytetit ishte në vendngjarje. Universiteti tha se kishte kërkuar ndihmë.

Të martën në mbrëmje, policia e Nju Jorkut hyri në Universitetin ‘Columbia’ pasi universiteti kërkoi ndihmë. Ata larguan një kamp me tenda dhe larguan turmën që kishte marrë nën kontroll sallën ‘Hamilton’.“Pasi Universiteti mori vesh se salla ‘Hamilton’ ishte pushtuar, vandalizuar dhe bllokuar, nuk na mbeti zgjidhje tjetër”, tha shkolla në një deklaratë.

Disa dhjetëra protestues në ‘Columbia’ u arrestuan pasi injoruan një ultimatum të mëparshëm për të hequr kampin me tenda të hënën ose do të përballeshin me pezullim.

Disa rrugë më tutje nga Universiteti ‘Columbia’, në ‘City College’ të Nju Jorkut, demonstruesit u përplasen me policinë para hyrjes kryesore të këtij universiteti publik. Pamje filmike të postuara në mediat sociale nga gazetarët të martën në mbrëmje, tregonin oficerët që detyronin disa njerëz të ulën në tokë dhe shtynin të tjerët ndërsa pastronin rrugën dhe trotuaret.

Pasi mbërriti policia, oficerët hoqën një flamur palestinez që ishte vendosur në shtizën ku mbahej flamuri i ‘City College’ dhe e hodhën në tokë. Më pas ata vendosën aty flamurin amerikan.

Universiteti ‘Brown’, një tjetër shkollë elitare, arriti marrëveshje të martën me protestuesit në hapësirat e saj në Rod Ajllënd. Demonstruesit thanë se do të hiqnin kampin e tendave nëse administratorët e universitetit të paktën do të diskutonin në muajin tetor për mundësinë që të heqin dorë nga investimet në kompanitë izraelite. Kjo me gjasë është hera e parë që një universitet amerikan ka rënë dakord që kërkesat e protestuesve të hidhen në votim.

Ndërkohë, në Universitetin e Arizonës Veriore në Flagstaff, policia hoqi një kamp me tenda të martën në mbrëmje dhe arrestoi rreth 20 persona. Zyrtarët e universitetit kishin paralajmëruar studentët se do të përballeshin me akuza penale nëse nuk do të shpërndaheshin.

Policia gjithashtu hoqi një kamp me tenda të mërkurën në mëngjes në Universitetin Tulane në Nju Orlins dhe rrëzoi të gjitha, përveç një tende në Universitetin e Uiskonsin në Madison, ku policia u përlesh me protestuesit dhe pati mbi 10 të arrestuar. Katër oficerë u plagosën, duke përfshirë një ushtarak të shtetit i cili u godit në kokë me një mjet të fortë, sipas zëdhënësit të policisë të Universitetit të Uiskonsin, Marc Lovicott.

Protestat nëpër universitetet amerikane filluan në Universitetin ‘Columbia’ si reagim ndaj ofensivës së Izraelit në Gazë dhe pasi Hamasi kreu një sulm terrorist në pjesën jugore të Izraelit më 7 tetor. Militantët vranë rreth 1200 njerëz, shumica prej tyre civilë dhe morën afërsisht 250 pengje. Duke u zotuar se do të zhdukë Hamasin, Izraeli ka vrarë më shumë se 34,000 palestinezë në Rripin e Gazës, sipas Ministrisë së Shëndetësisë atje që kontrollohet nga Hamasi.

Disa studentë hebrenj, Izraeli dhe mbështetësit e tij i kanë cilësuar protestat universitare si antisemite, ndërsa kritikët e Izraelit thonë se akuzat bëhen për të heshtur kritikat. Ndonëse disa protestues janë filmuar duke bërë komente antisemite ose kërcënime të dhunshme, organizatorët e protestave, disa prej të cilëve janë hebrenj, thonë se kjo është një lëvizje paqësore që synon mbrojtjen e të drejtave palestineze dhe proteston kundër luftës.

Policia e Njur Jorkut ka njoftuar se do të jenë të pranishëm në Universitetin ‘Columbia’ deri më 17 maj, kur janë planifikuar të përfundojnë aktivitetet e diplomimit.

Kryetari i bashkisë së Nju Jorkut, demokrati Eric Adams dhe ish-kapiten i policisë së Nju Jorkut, këmbënguli se ndërsa studentët ishin në mesin e atyre që hynë në sallën Hamilton, “ajo drejtohej nga individë që nuk kishin lidhje me universitetin”.

Zoti Adams nuk dha ndonjë provë për të mbështetur këtë pretendim, duke thënë se zbulimi i këtyre detajeve do të ishte “shumë i ndjeshëm” për hetimin që po zhvillohet.

Rebecca U. Weiner, zëvendëskomisionerja e Policisë së Nju Jorkut që drejton sektorin për inteligjencën dhe kundër terrorizmin, tha se disa nga protestuesit ishin “të njohur” për departamentin pasi kishin marrë pjesë edhe në protestat e kaluara.

Zëvendës komisioneri i departamentit të policisë për informacionin publik, Tarik Sheppard, tha se 40 deri në 50 persona u arrestuan në sallën Hamilton dhe se nuk kishte të lënduar. Zoti Adams tha se rreth 300 njerëz u arrestuan në Universitetin ‘Columbia’ dhe ‘City College’.

Në mesin e 300 personave të arrestuar përfshihen edhe individë të jashtëm që u kapën duke bërë përpjekje për të përshkallëzuar protestat që u mbajtën në universitetin ‘Columbia’.

Sipas zotit Adams administrata e këtij universiteti kërkoi ndërhyrjen e policisë pasi kuptuan se në hapësirat e universitetit kanë hyrë edhe individë të jashtëm që po trajnojnë dhe realisht po udhëheqin protestën.

Ndërhyrja e policisë u bë që t’i mundësohet këtij universiteti largimi i këtyre individëve që kthyen protestën në një lëvizje anti-semite dhe kundër Izraelit.

Protestuesit fillimisht ngritën një kamp me tenda në ‘Columbia’ pothuajse dy javë më parë. Shkolla dërgoi policinë për të hequr çadrat të nesërmen, duke arrestuar më shumë se 100 persona, por studentët u kthyen sërish në hapësirat e universitetit.

Negociatat mes protestuesve dhe universitetit u ndalën ditët e fundit dhe shkolla u caktoi një afat protestuesve që të braktisin kampin me tenda të hënën pasdite ose do të pezulloheshin.

Por protestuesit shkuan më tej duke pushtuan ndërtesën Hamilton të martën në mëngjes e bllokuan hyrjen brenda saj./voa

The post Pezullohet mësimi në Universitetin e Kalifornisë pas përleshjeve mes grupeve protestuese appeared first on Albeu.com.

Sipas mediave të huaja, pamjet tronditëse të përleshjes treguan një grup grash që luftonin në një restorant në Liverpool.

Aty, ndër tjerash thuhet se një grua kapi një tjetër nga flokët dhe i ra me grushte në kokë.

Një nënë e tmerruar mund të shihej duke mbrojtur kokën e vajzës së saj, teksa sherri shpërtheu në restorantin e bukur.

Është e paqartë se çfarë e ndezi luftën e tmerrshme në atë që supozohej të ishte një ditë e mirë për të festuar.

The post Përleshje në restorant, gratë godasin me grushta njëra-tjetrën (VIDEO) appeared first on Albeu.com.

Ndërsa, zëdhënësja e Policisë për rajonin e Prishtinës, Florie Ahmeti i ka thënë Gazetës Express se lidhur me rastin janë shoqëruar për në stacion tre të dyshuar, si dhe se kanë nisur hetime për veprën “Sulm ndaj personit zyrtar”.

“Sot rreth orës 10:00, në Merdarë ka ndodhë një incident, ku patrulla e policisë është sulmuar nga persona të dyshuar. Në këtë rast lëndime trupore kanë pësuar dy zyrtarë policor. Pas vënies nën kontrollë të situatës dhe shoqërimit në stacion të tre personave të dyshuar, policia në koordinim me prokurorin e shtetit, kanë nisë një hetim për veprën Sulm ndaj personit zyrtar”, ka thënë Ahmeti.

Më poshtë mund të shihni videon e re të publikuar nga televizioni Dukagjini:

The post VIDEO / Publikohen pamjet e reja të përleshjes së mërgimtarëve me Policinë e Kosovës në Merdar appeared first on Albeu.com.

Përleshjet shpërthyen të dielën midis protestuesve në dy tubime, një pro-palestinez dhe tjetri pro-izraelit, në Thousand Oaks, në veriperëndim të Los Anxhelosit, sipas Zyrës së Sherifit të Qarkut Ventura.

Në vendngjarje, policia konstatoi se viktima, 69-vjeçari Paul Kessler, ka “pësuar traumë në kafkë”, thuhet në njoftim.

“Dëshmitarët raportuan se Kessler ishte përfshirë në një grindje me një ose më shumë protestues” në tubimin pro-palestinez.

“Gjatë përleshjes, Paul Kessler u rrëzua mbrapa dhe goditi kokën në tokë”, thuhet në deklaratë.

?#BREAKING: A Jewish man has died as a result of a head injury after being assaulted by a pro-Palestinian protester with a megaphone.

?#Losangeles | #California

According to Los Angeles law enforcement, they confirmed late Monday that a Jewish man has died as a result of a… pic.twitter.com/iiGIMybA4o

— R A W S A L E R T S (@rawsalerts) November 7, 2023

Ky episod vjen një muaj pas sulmit të kryer nga lëvizja islamike palestineze Hamas në territorin izraelit, i cili mori jetën e më shumë se 1400 njerëzve, shumica prej tyre civilë. Islamistët rrëmbyen gjithashtu më shumë se 240 pengje, të cilët i morën në Gaza.

Që atëherë, Izraeli ka bombarduar vazhdimisht Rripin e Gazës. Sipas Hamasit, më shumë se 10,022 njerëz kanë humbur jetën nga bombardimet izraelite, shumica prej tyre civilë dhe mes tyre më shumë se 4,000 fëmijë.

The post Përleshje mes protestuesve pro-izraelitë dhe pro-palestinez në Kaliforni, një i vdekur (VIDEO) appeared first on Albeu.com.