JOQ ka publikuar pamjet e rënda, ku disa vajza janë filmuar teksa përleshen fizikisht me njëra-tjetrën.

Fillimisht, në video shihen dy vajza që nisin sherrin mes tyre, por situata degradohet shpejt dhe përplasja fizike përfshin edhe vajza të tjera.

Pavarësisht se një djalë mundohet të ndërhyjë për të ndaluar sherrin, situata i del jashtë kontrollit, ose ai thjesht heq dorë nga përpjekjet e tij.

Vetëm falë ndërhyrjes së një shoferi të rastësishëm, i cili ndalon makinën dhe arrin t’i ndajë, situata vihet në kontroll.

Ajo që e bën edhe më shqetësuese këtë ngjarje, është fakti se vajzat kanë ndaluar makinat në mes të rrugës për të zhvilluar këtë përleshje, duke rrezikuar jo vetëm veten e tyre, por edhe pjesëmarrësit e tjerë në trafik.

Ky incident, është vetëm një rast mes dhjetëra të tjerëve që tregojnë një rritje alarmante të dhunës mes të rinjve në Shqipëri.

Fenomeni po merr përmasa të frikshme, duke ngritur pikëpyetje serioze mbi edukimin, ndikimin e rrjeteve sociale dhe mungesën e vlerave të komunikimit paqësor mes të rinjve.

The post Përleshje fizike mes 4 vajzave në Vlorë/ Ulërima dhe grushte në mes të rrugës (VIDEO) appeared first on Albeu.com.

Qindra qytetarë kinezë në qytetin jugor të Shenzhenit kanë protestuar kundër një bllokimi për koronavirusin të vendosur nga autoritetet. Një video nga qyteti në provincën jugore të Guangdong tregoi vendasit e tërbuar duke u përballur me oficerët e policisë të veshur me veshje mbrojtëse mjekësore blu, duke përfshirë  veshje mbrojtëse dhe maska ​​​​për fytyrën.

Protestuesit në turmë brohoritën “hiqni bllokimin” ndërsa u përleshën verbalisht dhe fizikisht me policinë që u përpoq t’i ndalonte me barriera metalike.

Disa njerëz në turmë u panë duke hedhur shishe uji ndaj policëve të cilët bënë një sërë arrestimesh.

Ata argumentuan se kishte anomali në testet masive Covid që kanë qenë një tipar i rregullt i jetës kineze që nga fillimi i pandemisë Covid-19.

Protesta të ngjashme por më të vogla u zhvilluan gjithashtu në rrethet Xinzhou dhe Huaqiangbei të qytetit.

The post Kina rikthen masat anti-COVID, qytetarët mbushin rrugët, përleshje fizike me policinë appeared first on Albeu.com.