Në këtë garë morën pjesë shtatë ekipe nga Komanda e Logjistikës dhe njësitë e saj vartëse, ndërsa aktiviteti u organizua në katër disiplina të ndryshme. Sipas FSK-së, synimi kryesor ishte verifikimi i përgatitjes fizike dhe i qëndrueshmërisë luftarake të pjesëtarëve të njësive.

Përgjatë zhvillimit të garës, pjesëmarrësit treguan profesionalizëm të lartë, disiplinë, përkushtim dhe gatishmëri të mirë fizike, duke vënë në pah rëndësinë që kanë stërvitjet e pandërprera dhe puna në grup për realizimin e detyrave ushtarake.

Në përfundim të aktivitetit, u shpallën ekipet më të suksesshme dhe u ndanë mirënjohje për pjesëmarrësit. Sipas organizatorëve, kjo garë reflektoi frymën e garës së ndershme, profesionalizmit dhe bashkëpunimit mes pjesëtarëve të Forcës së Sigurisë së Kosovës.

The post FSK organizon garën ekipore “Forca 2026” për të vlerësuar gatishmërinë e ushtarëve appeared first on Albeu.com.