Në një deklaratë të saj, misioni diplomatik britanik ka vlerësuar lart guximin dhe profesionalizmin e Policisë së Kosovës në përballjen me sulmuesit dhe në rivendosjen e rendit dhe sigurisë në zonë.

“Në trevjetorin e sulmit tragjik në Banjskë, ne kujtojmë zyrtarin policor të Kosovës, Afrim Bunjaku, i cili ra në krye të detyrës për vendin e tij”, theksohet në reagimin e Ambasadës.

Ambasada gjithashtu, ka mirëpritur punën e vijueshme të prokurorëve kosovarë për të sqaruar rrethanat e ngjarjes dhe për të ndjekur penalisht të dyshuarit, duke nënvizuar nevojën për vendosjen e përgjegjësisë.

Sipas Ambasadës britanike, individët përgjegjës për sulmin, mes tyre Milan Radoiçiq, ende nuk janë përballur me sistemin e drejtësisë.

“Ne ritheksojmë thirrjen tonë drejtuar autoriteteve serbe që të marrin masat e duhura për të garantuar që autorët të mbajnë përgjegjësi, pa vonesa të mëtejshme”, thuhet në njoftim.

Sulmi në Banjskë ndodhi më 24 shtator 2023 dhe mori jetën e policit Afrim Bunjaku, duke shkaktuar përleshje të armatosura mes Policisë së Kosovës dhe grupit të armatosur në pjesën veriore të vendit.

The post Ambasada britanike përkujton Banjskën dhe kërkon që autorët, përfshirë Radoiçiqin, të dalin para drejtësisë appeared first on Albeu.com.

Ambasada shkruan se nderojnë jetët e humbura gjatë sulmit që tronditi botën dhe qëndrueshmërinë amerikane.

“Nderojmë jetët e humbura, heronjtë që u shfaqën në Neë York, Pennsylvania dhe Virginia, si dhe qëndrueshmërinë e shpirtit amerikan”, shkruan ambasada.

Sulmi i 11 shtatorit 2001 u koordinuan nga grupi ekstremist al-Kaeda kundër Shteteve të Bashkuara të Amerikës, duke shkaktuar vdekjen e 2,977 personave dhe duke ndryshuar përgjithmonë historinë moderne botërore.

19 terroristë të Al-Kaedës rrëmbyen katër aeroplanë pasagjeresh, dy prej të cilëve u përplasën me Kullat Binjake të Qendrës Botërore të Tregtisë në New York City, duke shkaktuar shembjen e të dy kullave.

Një aeroplan i tretë u përplas me Pentagonin, pak jashtë Uashingtonit. Aeroplani i katërt u rrëzua në Pensilvani pasi ekuipazhi dhe pasagjerët sulmuan terroristët në bord, duke e penguar atë të godiste një objektiv tjetër që mendohej të ishte Shtëpia e Bardhë.

The post Ambasada e SHBA-së në Tiranë përkujton 25-vjetorin e 11 Shtatorit: Nderim për viktimat dhe heronjtë appeared first on Albeu.com.

Kreu i Shtetit thekson se, përmes shërbimit ndaj të varfërve, të pamundurve dhe të sëmurëve, Nënë Tereza dëshmoi madhështinë e dinjitetit njerëzor.

“Drita e shpirtit të saj mbetet një burim frymëzimi dhe shërimi për mbarë njerëzimin”, shkruan Begaj.

Sipas Presidentit, për shqiptarët Nënë Tereza mbetet një udhëzim dhe një amanet për të qenë pranë atyre që kanë më shumë nevojë, duke besuar te dashuria, drejtësia dhe shpresa.

The post Presidenti Begaj përkujton Shenjtoren Nënë Tereza: Amanet për të qenë pranë atyre që kanë më shumë nevojë appeared first on Albeu.com.

Ai publikoi një foto të ngrohtë familjare, ku shfaqet përkrah të atit, ndërsa dedikimi që e shoqëron foton ka prekur shumë ndjekës.

“Dy vjet pa ty zemra ime, heroi im. Gjithmonë do jesh më i miri dhe njerëz si ti janë gjithmonë në paqe me Zotin. Të dua shumë, Babo…”, – shkruan ai, duke shprehur mallin e thellë për figurën më të rëndësishme të jetës së tij.

Postimi ka marrë menjëherë reagime të shumta, me njerëz që i shprehin ngushëllime dhe e mbështesin, duke ndarë po ashtu histori personale mbi humbjet e tyre.

Jul Deda, ka ndarë një nga postimet më të ndjera në rrjetet sociale, duke kujtuar babain e tij, artistin e mirenjohur Zef Deda në përvjetorin e dytë të ndarjes nga jeta.

Aktori publikoi një foto të ngrohtë familjare, ku shfaqet përkrah të atit, ndërsa dedikimi që e shoqëron foton ka prekur shumë ndjekës.

“Dy vjet pa ty zemra ime, heroi im. Gjithmonë do jesh më i miri dhe njerëz si ti janë gjithmonë në paqe me Zotin. Të dua shumë, Babo…”, – shkruan ai, duke shprehur mallin e thellë për figurën më të rëndësishme të jetës së tij.

Postimi ka marrë menjëherë reagime të shumta, me njerëz që i shprehin ngushëllime dhe e mbështesin, duke ndarë po ashtu histori personale mbi humbjet e tyre.

The post Julian Deda mesazh prekës në përvjetorin e humbjes së babait: Dy vite pa ty zemra ime… appeared first on Albeu.com.

Kryeministri japonez Shigeru Ishiba, mori pjesë në ceremoni të mërkurën, së bashku me zyrtarë nga e gjithë bota.

“Japonia është i vetmi komb që ka vuajtur nga një bombardim atomik në luftë”, tha kryebashkiaku i Hiroshimës, Kazumi Matsui, në Parkun Memorial të Paqes të qytetit.

“Qeveria japoneze përfaqëson një popull që aspiron për paqe të vërtetë dhe të qëndrueshme”.

Lufta e Dytë Botërore përfundoi me kapitullimin e Japonisë pas hedhjes së bombave në Hiroshima dhe Nagasaki, të cilat ndodhën me një diferencë prej disa ditësh.

Bombat vranë më shumë se 200.000 njerëz – disa nga shpërthimi i menjëhershëm dhe të tjerë nga sëmundja nga rrezatimi e djegiet.

“Babai im u dogj rëndë dhe u verbua nga shpërthimi. Lëkura e tij varej nga trupi – ai nuk mundi as të më mbante dorën”, tha për BBC-në i mbijetuari i Hiroshimës, Shingo Naito. Ai ishte gjashtë vjeç kur bomba goditi qytetin e tij, duke vrarë babanë dhe motrën e vëllain e tij.

Naito ka ndarë historinë me një grup studentësh në Hiroshima, të cilët po i shndërrojnë kujtimet e tij të tragjedisë në art.

Në vitin 2024, Nihon Hidankyo, një grup japonez i të mbijetuarve të bombës atomike, fitoi Çmimin Nobel për Paqen për përpjekjet e tyre për të çliruar botën nga armët bërthamore.

Në një fjalim të mërkurën, kryebashkiaku i Hiroshimës, Matsui, paralajmëroi për një “trend në rritje drejt ndërtimit të forcave ushtarake në të gjithë botën” dhe “idenë se armët bërthamore janë thelbësore për mbrojtjen kombëtare”.

“Këto zhvillime shpërfillin në mënyrë flagrante mësimet që bashkësia ndërkombëtare duhet të kishte nxjerrë nga tragjeditë e historisë”, tha ai.

“Ato kërcënojnë të rrëzojnë strukturat e ndërtimit të paqes për të cilat kaq shumë njerëz kanë punuar kaq shumë për t’i ndërtuar”.

Matsui tha se Traktati për Mospërhapjen e Armëve Bërthamore, i cili synon të parandalojë përhapjen e armëve bërthamore dhe të promovojë përdorimin paqësor të energjisë bërthamore, ishte “në prag të mosfunksionimit”.

Ai gjithashtu, i bëri thirrje qeverisë japoneze të ratifikojë Traktatin për Ndalimin e Armëve Bërthamore – një marrëveshje ndërkombëtare që ndalon armët bërthamore që hyri në fuqi në vitin 2021.

Më shumë se 70 vende e kanë ratifikuar traktatin, por fuqitë bërthamore si SHBA-ja dhe Rusia e kanë kundërshtuar atë, duke treguar funksionin parandalues të arsenaleve bërthamore.

Japonia gjithashtu e ka hedhur poshtë një ndalim të tillë, duke argumentuar se siguria e saj është rritur nga armët bërthamore të SHBA-së.

Në rrugët që të çojnë në Parkun Memorial të Paqes, pati protesta të vogla që bënin thirrje për heqjen e armëve bërthamore.

Satoshi Tanaka, një tjetër i mbijetuar i bombës atomike i cili vuante nga kancere të shumta nga ekspozimi ndaj rrezatimit, tha se të parit të gjakderdhjes në Gaza dhe Ukrainë sot i sjell në mendje vuajtjet e tij.

“Duke parë malet me rrënoja, qytetet e shkatërruara, fëmijët dhe gratë që iknin në panik, të gjitha më sjellin kujtime të asaj që përjetova”, i tha ai BBC-së.

“Ne jetojmë pranë armëve bërthamore që mund ta zhdukin njerëzimin shumë herë”.

“Prioriteti më urgjent është të shtyhen udhëheqësit e vendeve të armatosura me armë bërthamore. Popujt e botës duhet të bëhen edhe më të indinjuar, të ngrenë zërin e tyre më fort dhe të ndërmarrin veprime masive”.

The post Hiroshima përkujton 80 vjetorin e bombardimit atomik, flet i mbijetuari: Babai im u verbua nga shpërthimi, lëkura e tij… appeared first on Albeu.com.

Presidenti Begaj, nënvizon se mbi 8 000 boshnjakë u masakruan nga ushtria serbe dhe mijëra të tjerë u dëbuan nga shtëpitë e tyre.

“Jemi pranë familjeve që vijojnë të mbajnë dhembjen e thellë për njerëzit e tyre të dashur, viktima të këtij gjenocidi”, shkruan Presidenti Begaj, duke shtuar se Srebrenica, edhe pas tre dekadash, mbetet një kujtesë e gjallë për domosdoshmërinë e veprimit të përditshëm në shërbim të paqes.

Postimi i presidentit Begaj:

The post Presidenti Begaj përkujton gjenocidin e Srebrenicës: 30 vite nga masakra më e rëndë në Evropë pas Luftës së Dytë Botërore appeared first on Albeu.com.

Në këtë rast, u inaugurua monumenti kushtuar heroit nga Kavaja.

Kreu i Shtetit vendosi një kurorë me lule në shtatoren e “Ushtar Kavajës” si shenjë respekti për sakrificën e Carës, i cili la jetën në frontin e luftës për lirinë e Kosovës.

Në fjalën e tij Begaj theksoi, vendosmërinë dhe atdhedashurinë e Indrit Carës, i cili la Anglinë për t’iu bashkuar luftës për liri, duke e cilësuar atë një simbol të guximit dhe frymëzimit për brezat e rinj.

“Ai lindi në Kavajë, por sot i takon Kosovës, i takon Shqipërisë, i përket shqiptarisë. Indrit Cara është shembull dhe simbol i guximit, një frymë e pastër atdhedashurie dhe një zemër që rrahu fuqishëm për lirinë e kombit shqiptar”, u shpreh Presidenti Begaj.

Duke e vlerësuar sakrificën e tij si një udhërrëfyes për të ardhmen, ai nënvizoi rëndësinë e mbajtjes gjallë të amanetit të dëshmorëve për një komb të bashkuar dhe një Kosovë të fortë e të lirë.

Në vijim të ceremonisë, Presidenti Begaj, përmendi me nderim edhe figurat historike që udhëhoqën përpjekjet për çlirimin e Kosovës, duke përfshirë Ibrahim Rugovën, Adem Demaçin dhe Adem Jasharin, ndërsa theksoi përgjegjësinë e politikës dhe shoqërisë për të ruajtur vlerat dhe idealet për të cilat ata luftuan.

Gjatë vizitës në Kavajë, Presidenti u prit nga kryetari i bashkisë, Fisnik Qosja, dhe zhvilloi një takim me të, ndërsa vizitoi edhe Muzeun Etnografik të qytetit, i cili është restauruar së fundmi.

The post Presidenti Begaj përkujton dëshmorin e UÇK Indrit Cara në Kavajë, inaugurohet monumenti në nder të tij appeared first on Albeu.com.

Presidentja Vjosa Osmani, tha se beteja e Koshares është një ndër betejat më të suksesshme të luftës së Ushtrisë Çlirimtare të Kosovës, kundër forcave të regjimit gjenocidal të Serbisë.

Ajo theksoi se guximi, sakrifica dhe vendosmëria përmblidhen në betejën e Koshares, sikurse edhe në shumë kapituj të tjerë të historisë së luftës sonë.

Ndër të tjera, presidentja Osmani tha se pjesëmarrja në luftën tonë për liri nuk pati kufi gjeografik për shqiptarët. Ajo shtoi se varganit të luftërave të lirisë iu bashkua edhe mërgata jonë dhe shumë luftëtarë nga Shqipëria dhe viset e tjera shqiptare.

Betejës së Koshares, Osmani e konsideroi se operacioni më të madh ushtarak të UÇK-së, e cila u riorganizua nga shumë veprimtarë të hershëm të rezistencës kombëtare, pas asaj që njihet si e Loxhës.

Ndërsa kryeministri Albin Kurti, në fjalën e tij theksoi se në mes të këtij viti do të përmbushet një çerekshekull prej kur Kosova dhe populli i saj u çliruan nga Serbia pushtuese dhe regjimi kriminal e terrorist i Beogradit.

Kurti tha se liria e brendshme e popullit, është parakushti më total i çlirimit nga okupatorët e jashtëm dhe mundësia më reale e shtetformimit integral.

Ai tha se gjatë betejës së Koshares, në radhët e Ushtrisë së Serbisë luftonin edhe mercenarë rusë, ndërsa në radhët e Ushtrisë Çlirimtare të Kosovës luftonin edhe luftëtarë nga Evropa dhe jo vetëm.

Ai shprehu mirënjohje dhe lavdi për të gjithë dëshmorët dhe të plagosurit në betejat për lirinë dhe pavarësinë e Kosovës.

Në betejën e Koshares, ranë 114 dëshmorë të Kombit, prej të cilëve ka të dekoruar me Urdhrin Hero i Kosovës.

Në këtë betejë morën pjesë edhe vullnetarë ndërkombëtarë, shtetas të huaj nga: Italia, Franca etj.

The post Kuvendi i Kosovës përkujton me seancë solemne Betejën e Koshares appeared first on Albeu.com.