Kryeministri në detyrë i Kosovës, Albin Kurti, ka nderuar kujtimin e Fazli Greiçevcit dhe Cen Dugollit, të cilët u vranë më 17 gusht në burgun e Prishtinës. Greiçevci humbi jetën më 1964, ndërsa Dugolli u vra 34 vjet më vonë, më 1998.

Në mesazhin e tij përkujtimor, Kurti theksoi se Greiçevci dhe Dugolli u vranë nga i njëjti pushtet, në të njëjtin vend dhe në të njëjtën datë, por në dy vite të ndryshme, të ndara nga një periudhë prej 34 vjetësh. Ai tha se në përvjetorët e vdekjes së tyre kujtohen të dy veprimtarët.

Fazli Greiçevci, i lindur më 1935 në Sankoc të Drenasit, ishte mësues, poet dhe veprimtar politik në Lëvizjen Revolucionare për Bashkimin e Shqiptarëve. Në Shkollën Normale në Prishtinë ai kishte qenë shok klase me Rexhep Qosjen, ndërsa me Adem Demaçin ndante të njëjtat ideale politike.

Gjatë fillimit të viteve ’60, Greiçevci ushtroi profesionin e mësuesit në disa fshatra të Drenicës. Krahas punës në arsim, ai shkroi edhe poezi, disa prej të cilave u botuan në revistat “Jeta e Re” dhe “Zani i Rinisë”.

Në fundin e verës së vitit 1963, në Prishtinë, një grup veprimtarësh të rinj politikë themeloi organizatën ilegale Lëvizja Revolucionare për Bashkimin e Shqiptarëve. Organizata drejtohej nga Adem Demaçi, ndërsa Fazli Greiçevci ishte pjesë e aktivistëve të saj udhëheqës.

Autoritetet jugosllave të sigurisë arrestuan mbi 300 anëtarë të kësaj organizate në qershor të vitit 1964. Ndonëse nuk ishte në mesin e të ndaluarve, Greiçevci u dorëzua vetë në polici. Duke nisur nga 3 gushti 1964, ai iu nënshtrua torturave për dy javë në burgun e Prishtinës dhe vdiq më 17 gusht 1964. Vrasja e tij nën tortura u krye nga autoritetet serbe.

Cen Dugolli lindi më 25 shtator 1966. Gjatë viteve ’90, ai veproi në degën e Ferizajt të Këshillit për Mbrojtjen e të Drejtave dhe Lirive të Njeriut, në shoqatën humanitare “Nënë Tereza”, si dhe në Unionin e Pavarur të Studentëve në Shkollën e Lartë Teknike në Ferizaj.

Dugolli më vonë u mobilizua në Ushtrinë Çlirimtare të Kosovës, duke shërbyer si ushtar në Zonën Operative të Nerodimës.

Policia serbe e arrestoi atë më 21 qershor 1998 në shtëpinë e tij në Ferizaj, ku edhe e rrahu përpara familjarëve. Pas arrestimit, ai u dërgua fillimisht në burgun e Gjilanit, për t’u transferuar më pas në burgun e Prishtinës. Atje u torturua nga autoritetet serbe të sigurisë dhe të gjyqësisë.

Për shkak të torturave, Dugolli ra në koma më 16 gusht. Më pas u transportua në spitalin e Prishtinës, ku ndërroi jetë më 17 gusht 1998.

Kurti u shprehu lavdi Fazli Greiçevcit, Cen Dugollit dhe të gjithë atyre që humbën jetën nga dhuna e regjimit serb gjatë angazhimit të tyre për lirinë e Kosovës.

The post Kurti nderon Greiçevcin dhe Dugollin: Lavdi viktimave të regjimit serb në përpjekjen për lirinë e Kosovës appeared first on Albeu.com.

Ish-kryetari i Aleancës, Ramush Haradinaj, ka rikujtuar sakrificën e të rënëve gjatë gushtit të vitit 1998 në Gllogjan dhe Irzniq.

Në një postim në Facebook, ai ka shprehur vlerësimin e tij për heroizmin e atyre që dhanë jetën në përpjekjet për çlirimin e Kosovës.

Sipas Haradinajt, qëndresa e tyre u shndërrua në burim frymëzimi për shumë luftëtarë të lirisë dhe për betejat që vijuan deri në çlirimin e vendit.

Me dhembje dhe krenari, sot në Gllogjan dhe Irzniq kujtuam të rënët e javës së dytë të gushtit 1998: Enver dhe Orhan Halilaj, Arton Hasanaj, Arben Ahmetaj, Halil Sejfijaj, Naim Nimanaj, Maxhun Çekaj, Gëzim Dervishaj, Halil Berisha, Malë Zejnaj, Nexhat Humaj, Naser Idrizaj, Hasan Osmani dhe Agron Thaqi.

Gjithashtu, së bashku me shumë bashkëluftëtarë, në Ditën e Dëshmorëve të fshatit Irzniq bëmë zbulimin e pllakës përkujtimore, në nderim të të rënëve të këtij fshati, i cili gjatë luftës për liri dha luftëtarë të shquar dhe dëshmorë të kombit.

Heroizmi i tyre u bë frymëzim për shumë luftëtarë të lirisë dhe për shumë beteja të tjera, deri në çlirimin e vendit.

Përgjithmonë në kujtesën tonë historike!

The post Ramush Haradinaj nderon të rënët e gushtit 1998 në Gllogjan dhe Irzniq appeared first on Albeu.com.

Teksa shënohet tetëvjetori i ndarjes nga jeta, kryeministri në detyrë Albin Kurti zhvilloi homazhe për të nderuar figurën e Adem Demaçit, të cilin e cilësoi si mishërim të rezistencës kundër shtypjes së regjimit jugosllav dhe serb.

Përmes një postimi publik, Kurti theksoi se 28 vite burgim nuk e thyen dot Demaçin, i cili mbetet një model i qëndresës së palëkundur dhe një burim i pashtershëm frymëzimi për brezat e ardhshëm. Duke e krahasuar me figurën globale të Nelson Mandelës, ai e quajti atë “Mandela i shqiptarëve dhe i Evropës” dhe nënvizoi se trashëgimia e tij në sferat politike, kulturore dhe historike vijon të jetë busull për shoqërinë.

“Lavdi jetës dhe veprës së Bacë Adem Demaçit,” përmbylli mesazhin e tij kryeministri.

Në shkrimin integral, Kurti shprehet se sot, në këtë përvjetor, u kryen homazhe në nderim të Bacës Adem, i cili është bërë vetë sinonim i kundërshtimit ndaj makinerisë shtypëse që ushtrohej mbi shqiptarët. Për këtë arsye, sipas tij, ai mban me plot të drejtë epitetin e Mandelës për shqiptarët dhe kontinentin.

Kurti vlerësoi se Adem Demaçi mishëronte pathyeshmërinë dhe amshimin. Pavarësisht se kaloi 28 vite pas hekurave, ai nuk u tund asnjëherë nga udha dhe bindjet e tij. Sipas kryeministrit në detyrë, Baca Adem e zotëronte dialektikën e ekzistencës sepse nuk kishte frikë prej fundit. Ai luhatej midis lirisë dhe qelisë, duke i transmformuar vuajtjet në energji e duke e kthyer dhunën në forcë rezistence, çka e bëri të pavdekshëm. Ai, shprehet Kurti, “kishte vrarë vdekjen”.

Edhe pse Baca Adem nuk jeton më fizikisht, angazhimi i tij jetësor vazhdon të na shërbejë si udhërrëfyes e motivim. Postimi mbyllet me nderimin për jetën, veprën dhe tërësinë e pasurisë së tij trashëgimore.

The post Tetë vjet pa Adem Demaçin, Kurti kujton ‘Mandelën e shqiptarëve’ appeared first on Albeu.com.

Shoqja e tij e jetës, bashkëudhëtarja e cila pa dëshirën e saj i lëshoi dorën vetëm pak muaj më parë, ka lënë te Agroni dhe te fëmijët e saj një boshllëk që asnjëherë nuk do të mbushet. I ftuar së fundmi në emisionin “Vizioni i Pasdites”, aktori ka “shpërthyer” në lot duke treguar se sa shumë u mungon bashkëshortja e tij.

“Është një kohë kur nuk e kuptoj edhe vetë se ku jam. Si ndjenjë e kam, kërkoj të qesh brenda të qarës time, të mbys të qarën me të qeshur dhe sërish qaj. Kërkoj në një perde të errët një pikë dielli, për të ardhmen e fëmijëve të mi. E di që shpirti i asaj më ndjek nga lart”, u shpreh Llakaj, ndërsa shtoi se bashkëshortja e tij do të vijojë të jetë me të në çdo moment, edhe pse jo fizikisht.

Pjesë nga biseda:

Brikena Prifti: “Papare Najt” e nis në momentin më të vështirë. Ku e gjen forcën?

Agron Llakaj: Nuk e prisja këtë pyetje.

Brikena Prifti: Vlerësimet më të mëdha që njerëzit kanë patur për ty ka qenë raporti që ke patur për Kostandinën?

Agron Llakaj: Nuk flas dot, në këtë moment. (përlotet)

Brikena Prifti: Teos dhe Brus e presin gjyshin këtë periudhë? Ke ndarë para pak ditësh një foto që ishte dhe ditëlidnja, besoj se ata ty të kanë pikën më të fortë?

Agron Llakaj: Unë nuk do të doja ta cekja këtë temë, sepse e di që janë kohët më të vështira në jetën time. Më duhet të qesh, kur nga brenda qaj, dhe e kam shumë të vështirë por do të përdor më tepër më rrok pjesa e vuajtjes dhe e dhimbjes, edhe pse mundohem ta kaloj. Pardje isha në një ceremoni dhe më erdhi një nënë në moshë, më tha bëhu i fortë Agron, do na bësh për të qeshur, sepse është mision. Ti duhet të jesh më i fortë në këtë mision, pasi të gjithë kemi nga një shpirt, por ti ke dy, ke dhe shpirtin e Kostandinës. Më mungon tmerrësisht, pse më futët në këtë pyetje.

Brikena Prifti: Nuk dua të të pyes më shumë Goni, pasi unë e di që ti ke dhënë shumë. E përmenda pak më parë që ti gjatë kësaj kohe ke treguar lidhjen me nipërit dhe me mbesën që është bërë një zonjushë.

Agron Llakaj: Ata janë burim motivimi, shprese. Nuk e dija që Zoti do më rezervonte këtë lloj fati, se thonë që Zoti të sprovon për të treguar se sa i fortë është njeriu, unë nuk jam kaq i fortë, nuk futem te ajo seri e njerëzve. Dikur i thoja Kostandinës se është Agronizuar, tani kuptoj që jam Kostandinizuar. Unë duhet të marr dashurinë e atyre të vegjëlve por dhe të rriturve. Ime bijë pati ditëlindjen në 22 gusht, dhe nuk mund t’i thoja veçse unë nënë për ty nuk mund të bëhem kurrë. Është një kohë kur nuk e kuptoj edhe vetë se ku jam. Si ndjenjë e kam, kërkoj të qesh brenda të qarës time, të mbys të qarën me të qeshur dhe sërish qaj. Kërkoj në një perde të errët një pikë dielli, për të ardhmen e fëmijëve të mi. E di që shpirti i asaj më ndjek nga lart.

Brikena Prifti: Por është mision

Agron Llakaj: Është mision, por duke ditur që unë kam ndarë me të çdo moment, më mungon fjala e parë, kritika e parë e shokut tim.

Brikena Prifti: Goni të kërkoj ndjesë për pyetjen, por të vlerësoj shumë.

Agron Llakaj: Unë nuk mund të rri pa përmendur. Qendrimi afër i të gjithë njerëzve dhe miqve. Njeriu i mirë duket në ditët e vështira. Në momentin qe Genci më thirri për tu rikthyer në “Fake Off” e më pas për tu bërë pjesë e një misioni tjetër, u premtoj se do luftoj me dy shpirtrat. Unë jam ky që jam dhe do ta bëj atë që dua. Në gjithë misionin tim, do ta gdhend emrin e Kostandinës që është tek unë, e cila është bashkëshoqëruese në gjtihë veprimtarinë time.

The post Agron Llakaj “shpërthen” në lot në mes të emisionit, kujton bashkëshorten e ndjerë appeared first on Albeu.com.

Basha shkruan se 11 vite pas Spaçit, në një tjetër burg mizor të diktaturës ringriti krye shpresa për liri kundër padrejtësisë.

Kujtojmë që ditën e sotme “Rithemelimi” po mban zgjedhjet për kryetarin e ri të Partisë Demokratike, ku në garë janë Sali Berisha dhe Ibsen Elezi.

“Sot përulemi me respekt para heroizmit të martirëve të revoltës së Qafë-Barit, Sokol Sokoli dhe Tomë Ndoja, dhe qindra bashkëvuajtësve të tyre, të burgosur politikë që sfiduan me kurajo regjimin gjakatar nga brenda kampit të vuajtjes, ku dhuna e egër ishte e vetmja gjuhë me të cilën diktatura u komunikonte mizoritë e saj njerëzve të lirë, që nuk u dorëzuan kurrë përballë regjimit,” shkruan Basha ndër të tjera

Postimi i plotë:

The post “Rithemelimi” zhvillon zgjedhjet, Basha përkujton revoltën e “Qafë Barit”: Sfiduan me kurajo regjimin gjakatar appeared first on Albeu.com.

Gjatë karrierës së saj realizoi 100 role në teatër dhe 16 role në kinematografi. Interpretimi i fundit i Aktores së madhe është tek tragjikomedia “Streha e të harruarve”, shkruar nga Ruzhdi Pulaha.

Ish-punëtorja e tipografisë, vetëm 20 vjeçe u regjistrua në shkollën e parë dramatike, të hapur pranë Teatrit të Shtetit, më vitin 1946, ku u shqua menjëherë për vërtetësi, spontanitet e natyrshmëri të rrallë, por edhe disiplinë e vullnet të hekurt.

Më pas shkëlqeu në rolet protagoniste në komeditë “Gratë gazmore të Uindsorit” (1959) dhe “Morali i zonjës Dulska” (1958). Nga dramaturgjia kombëtare interpretoi me shumë sukses Olimbinë te “Karnavalet e Korçës” (1964), Zyhranë te “Fytyra e dytë” (1968), Nicën te “Gjenerali i ushtrisë së vdekur” (1971), Ollgën te “Zonja nga qyteti” (1975) dhe teton te “Pallati 176” (1985), duke u transformuar tërësisht në secilin prej tyre.

Ka luajtur edhe në 16 filma, që nga “Tana” (1958) e deri tek “Rrethimi i vogël” (1989) dhe një teledramë “Gjenerali i ushtrisë së vdekur” (1976). Për rolin e teto Ollgës tek “Zonja nga qyteti” fitoi Medaljonin e Festivalit të Filmit më 1977.

The post Rikujtojmë sot përvjetorin e saj të lindjes, e gjeni dot për kë ikonë të Teatrit shqiptar bëhet fjalë (FOTO LAJM) appeared first on Albeu.com.

Bëhet fjalë për Dr.Florin, i cili u nda nga jeta në nëntor të 2014-ës. Ishte një humbje e madhe për artin shqiptar dhe e pabesushme për miqtë e shokët e tij.

Me rastin e përvjetorit të lindjes, ai u kujtua me plot mall nga miqtë e bashkëpunëtorët e tij, përfshirë këtu Landi Fornian dhe Armir Shahinin, me të cilët ishte pjesë e grupit “West Side Family”.

Thonë: “Një foto vlen sa një mijë fjalë”.

Nuk e di nëse një mijë fjalë do të ishin mjaft, por edhe nëse do të ishin, boshllëku mbetet e s’kam ç’bëj tjetër veçse të shoh foton e të kujtoj të gjitha ato momente të jetuara, të cilat sigurisht ua kalojnë fjalëve.

Në kujtim të Floran Kondit, i njohur si Dr. Flori

28 shkurt 1979 – 17 nëntor 2014″, shkruan Landi, postim që e ka shpërndarë edhe Armiri. Djemtë nuk e harrojnë kurrë mikun e tyre duke e kujtuar si sot edhe në çdo rast tjetër./albeu.com/

 

View this post on Instagram

 

A post shared by Roland Hysi (@landifornia)

The post Sot do të festonte 43 vjetorin, Dr.Flori përkujtohet me mall nga anëtarët e “West Side Family” (FOTO LAJM) appeared first on Albeu.com.