Sipas të dhënave, 53% e të anketuarve në Shqipëri vlerësojnë se gjendja financiare pritet ë “më keq” ose “shumë më keq” në 12 muajt në vijim, një nivel që e bën pesimizmin dominues.

46% shprehen se situata është përmirësuar, ndërsa një pjesë minimale mendon se ka mbetur e pandryshuar.

Një vit më parë, në 2024 pakënaqësia ishte e kufizuar në 14%, ndërsa gati gjysma e shqiptarëve mendonin se situata financiare do të mbetej e njëjtë dhe 38% prisnin përmirësim.

Vihet re një kalim nga një klimë neutrale pritshmërie, në një gjykim masiv negativ brenda vetëm një viti, çka tregon se një pjesë e madhe e familjeve kanë përjetuar përkeqësim real të kushteve ekonomike, ose të paktën një zhgënjim të fortë nga pritshmëritë e mëparshme.

Ky ndryshim reflekton presionet e vazhdueshme mbi buxhetet familjare, veçanërisht rritjen e kostos së jetesës dhe pasigurinë ekonomike, të cilat duket se kanë gërryer besimin e qytetarëve.

Edhe pse inflacioni zyrtar është zbutur krahasuar me kulmin e viteve të mëparshme, çmimet e ushqimeve, energjisë dhe shërbimeve bazë kanë mbetur të larta, duke ulur fuqinë blerëse të pagave dhe pensioneve.

Për shumë familje, normalizimi i inflacionit nuk është përkthyer në lehtësim real të shpenzimeve mujore.

Një arsye tjetër lidhet me mospërputhjen mes rritjes ekonomike dhe të ardhurave reale. Rritja e PBB-së dhe e pagës mesatare nuk është ndjerë njësoj në të gjitha shtresat, veçanërisht te punonjësit me të ardhura të ulëta dhe të mesme.

Pakënaqësia ushqehet edhe nga pasiguria në tregun e punës, sidomos për të rinjtë dhe punësimin cilësor.

Edhe pse punësimi në terma sasiorë është rritur, shumë vende pune mbeten me paga të ulëta ose pa stabilitet afatgjatë, duke forcuar perceptimin e pasigurisë financiare dhe mungesës së perspektivës.

Rritja e emigrimit dhe krahasimi i vazhdueshëm me të ardhurat dhe standardin e jetesës në vendet e BE-së e thellojnë ndjesinë e pakënaqësisë, edhe kur treguesit makroekonomikë paraqiten relativisht të qëndrueshëm.

Ndryshe nga 2024, kur dominonte ideja e stabilitetit, 2025 shënoi një kthesë drejt pakënaqësisë, duke e vendosur Shqipërinë ndër vendet e rajonit me rritjen më të fortë të perceptimit negativ për ekonominë për muajt në vijim./ Monitor

The post Anketa: 53% e shqiptarëve presin përkeqësim të financave në 12 muajt në vijim appeared first on Albeu.com.

Por meteorologët kanë lajme të këqija, pasi stuhia Cianar e cila goditi Europën perëndimore gjatë 24 orëve të fundit, tashmë po godet Ballkanin.

Sipas meteorologëve orët në vijim do të kenë mot të përkeqësuar, ku pritet stuhi shiu dhe erëra të forta.

Ndërkohë që orët në vijim do të sjeellin dhe ulje me disa gradë të temperaturave sa i përket vlerave maksimale.

Pritet që moti i keq të vijojë deri të shtunën mbasdite, më pas do të kemi një normalizim.

/AlbEu.com/

The post Më e keqja nuk ka ardhur! Metetorlogët japin alarmin për motin gjatë orëve në vijim appeared first on Albeu.com.

Kështu, drejtoria e Përgjithshme detare ka dalë me një njoftim duke paralajmëruar subjektet që ushtrojnë veprimtari në fushën detare të marrin masa për të parandaluar rreziqet që shkakton moti i keq.

Njoftim për përkeqësim të motit në Republikën e Shqipërisë !

Drejtoria e Përgjithshme Detare ju njofton se në bazë të parashikimit për situatën hidrometeorologjike moti do të përkeqësohet për daten 09-10-11 dhjetor 2022 duke filluar nga ora 12:00 date 09 dhjetor era do të jetë me drejtimin Jug-Jug-Lindje dhe Jug JugPerëndim në forcën 5-9 bft, 1.00-1.50m dhe shpejtësi 12-25m/s dhe lartësi dallge nga 1.50 deri 3.00 metra.

Subjektet që ushtrojnë veprimtari në fushën e detarisë , duhet të marrin të gjitha masat e nevojshme për të qënë të sigurt dhe parandaluar çdo rrezik të mundshëm për shkak të kushteve të përkeqësuara të motit.

Përmisimi i situatës meteorologjike të përkeqësuar do të jetë mbas datës 11 dhjetor 2022 ora 12:00./albeu.com

The post Moti do të përkeqësohet në orët në vijim, drejtoria detare bën paralajmërimin e rëndësishëm appeared first on Albeu.com.

Përfaqësues të 7 organizatave evropiane në mbrojtje të lirisë së medias paraqitën gjetjet e tyre pas takimeve që zhvilluan me gazetarë, shoqata të medias në Shqipëri, kryeministrin Edi Rama, deputetë të Komisionit të Medias, përfaqësues të Autoritetit të Mediave Audiovizive, por edhe me përfaqësues të policisë, gjykatës, prokurorisë etj.

Në vlerësimin e tyre, Shqipëria vijon të përjetojë përkeqësim të lirisë së medias, ndërsa nuk ka asnjë përmirësim të situatës për të mundësuar gazetari të pavarur.

Ndërkaq u vlerësua pozitivisht qëndrimi i qeverisë për të tërhequr nga axhenda parlamentare “paketën antishpifje” që ndërkombëtarët e kanë cilësuar si “shpata e Demokleut” mbi tregun mediat dhe me pasoja të rënda nëse do të miratohej.

Vlerësim pati edhe për shtimin e numrit të konferencave për mediat të organizuara nga Kryeministria si dhe për punën e policisë së shtetit në hetimin e shpejtë të sulmeve ndaj gazetarëve dhe zbatimin e masave disiplinore për rastet që përfshijnë oficerë të policisë.

Por shqetësime të mëdha mbeten: perceptimi se klima për raportim të lirë dhe të pavarur po përkeqësohet, ankesat në rritje të gazetarëve për sulme ndaj tyre, gjuha diskretituese si dhe kufizimet për akses në informacion nga institucionet shtetërore.

“Media mbetet e kapur nga biznesi dhe pushteti dhe lidhjet e tyre, e në këtë mënyrë asetet mediatike u shërbejnë axhendave të tyre dhe jo interesit të publikut- u theksua gjatë konferencës për media.

Shqetësim u shpreh edhe për emërimet e politizuara në Autoritetin e Mediave Audiovizive dukë vënë në pikëpyetje pavarësinë e tij.

Përfaqësuesit e 7 organizatave theksuan se mungon transparenca dhe aksesi në informacion, ndërkohë qw, zyrat e shtypit të Kryeministrit dhe kryebashkiakut të Tiranës shpërndajnë në media materialet video që kanë interes duke shmangur gazetarët në aktivitetet e tyre.

Ata bënë të ditur se i kishin thënë kryeministrit Rama në takim se Shqipëria është një nga vendet më të këqija sa i takon lirisë së medias dhe vetëm Turqia qëndron më keq në renditje, një krahasim për të cilin kryeministri thanë se reagoi ashpër.

“Fakt është se Qeveria nuk ka bërë asgjë që herën e fundit, 3 vjet më parë, kur ne kemi qënë këtu dhe ky është dështim i qeverisë. Nuk e di si do ta bindni Komisionin Evropian për progress në këtë fushë” –tha Ricardo Gutierrez nga “European Federation of Journalist”

“Diskutuam edhe për ‘riedukimin’, masa që kryeministri Rama ka marrë ndaj disa gazetarëve. Ai tha se e ka thënë me humor, por në fakt gazetarëve u është hequr e drejta të marrin pjesë në konferencat e Kryeministrit, shpresoj që të ketë qënë humor dhe nuk do të ndodhë më”- tha Flutura Kusari nga “European Centre for Press and Media Freedom.”

Gjetjet u prezantuan nga përfaqësues të organizatave; Article 19, European Federation of Journalists, International Press Institute, Committee to Protect Journalists, Reporters Without Borders, European Broadcasting Union, European Centre for Press and Media Freedom./REL

The post Liria e medias në Shqipëri po përkeqësohet appeared first on Albeu.com.

Në Shqipëri, komuniteti i gazetarëve dhe grupimet shoqërore që monitorojnë zhvillimet në spektrin mediatik, shprehin shqetësim për cëninim e vazhdueshëm të lirisë së shprehjes. Së fundi edhe raporti i KE-së veçoi se nuk është shënuar progres në fushën e medias, dhe se ndërthurja e interesave të politikës dhe biznesit vijoi të pengojë pavarësinë e saj dhe cilësinë e gazetarisë. Analistë dhe gazetarë konstatojnë, se gjithnjë e më shumë media po kthehet në një zgjatim të politikës. Institucionet publike thonë ata e kanë përkeqësuar transparencën, kryesisht në dhënien e informacionit mbi çështje që lidhen me afera korruptive duke penguar investigimet mbi korrupsionin, kontratat konçensionare, dhe mbi mënyrën se si shpenzohen paratë e buxhetit të shtetit.

“Institucionet po rezistojnë gjithnjë e më shumë për të dhënë edhe informacionet që më herët i kanë dhënë me lehtësi. Ne jemi në një betejë të përhershme, gjithmonë e më keq tani, për të marrë informacion për kontrata, ku autoritetet publike i japin të drejtën vetes t’i bëjnë konfidenciale, për të mbrojtur kryesisht veten në këto kontrata dhe për të vendosur një perde ndaj informimit të publikut”- tha për Zërin e Amerikës Aleksandra Bogdani, gazetare e BIRN-it.

Analisti Lutfi Dervishi, thotë për Zërin e Amerikës, se mungesa e transparencës së institucioneve publike i ka lënë shteg të hapur propagandës qeveritare të depërtojë me lehtësi në publik, si rrjedhojë edhe të zhvillimeve të vrullshme teknologjike.

“Për fat të keq ne shohim një përkeqësim të vazhdueshëm të marrjes së informmacionit, bazuar në ligjin për të drejtën e informimit të publikut mbi dokumentat zyrtare. Ky nuk është një ligj i keq, por zbatimi i tij ka ardhur duke u përkeqësuar. Është ironike, kur mendon se hakerat marrin çfarë duan dhe gazetarët nuk marrin atë që u jep ligji”- tha për Zërin e Amerikës analisti Lutfi Dervishi.

Sipas analistëve një mungesë e tillë transparence, u pa dhe në një rast të fundit kur kryeministri Edi Rama takoi pak kohë më parë në Turqi presidentin e këtij vendi, Reçep Tayyp Erdogan dhe nuk dha asnjë njoftim për shtyp mbi përmbajtjen e këtij takimi.

Krytari i unionit të gazetarëve shqiptarë Aleksandër Çipa shpreh keqardhje kur thotë se problemeve të vjetra u shtohen dhe të reja, duke ju referuar kaosit në funksionimin e medias on line. Qeveria është tërhequr nga ajo që njihet si paketa antishpifje për median on line, e cila i jepte autoritetit të mediave audiovizive atributet e gjykatës. Në raportin KE-së, nënvizohet vetërregullimi në këtë fushë, ku dizinformacionet janë të përsëritura. Por zoti Çipa shkon më tej kur flet për një kuadër ligjor që nxit regjistrimin e mediave on line, me qëllim largimin e gazetarisë nga mjaft fenomene negative.

“Sot ne kemi një skenë të medias on line inflacioniste, rreth 750 media on line. Mungesa e rregullimeve ligjore në këtë sektor të medias ka mbishtuar problematikat, që lidhen me trashëgiminë e tranzicionit, siç janë çështjet e informalitetit në marrëdhëniet e punës, parregullsitë financiare, thashethemin, lajmin e rremë, anonimitetin, shantazhin, intimidimin dhe në të njëjtën kohë ka ndotur klimën etike të munguar në vend”- u shpreh për Zërin e Amerikës Aleksandër Çipa, Unioni i Gazetarëve Shqiptarë.

Një prej shqetësimeve serioze për komunitetin e gazetarëve në Shqipëri, lidhet me pronësinë e medias. Mjaft media mbështeten financiarisht, përveç fondeve nga buxheti i reklamave, edhe nga të ardhura që vijnë nga aktivitete të pronarëve në fushën e biznesit. Kjo e përkeqëson lirinë e shprehjes thonë analistët për disa arsye.

“Zhvillimi i punës së gazetarëve pengohet nga interesat e pronarëve në media. Këtu kemi mungesë të transparencës së pronësisë të financimeve dhe jo një ligj të qartë për financimet publike. Në momentin që një kompani shtetërore, apo institucione shtetërore financojnë një media të caktuar, nuk e ka më misionin e informimit të publikut dhe për të bërë një raport kritik, apo shqyrtim të fakteve, por priret drejt propagandës”- vijoi Lutfi Dervishi, analist.

Gazetarja Aleksandra Bogdani, duke i qëndruar të njëjtit argument, shprehet se interesat fitimprurese të pronarëve të mediave e kanë dëmtuar informimin, e publikut.

“Media është bërë një armë në duart e pronarëve. Ata nuk hyjnë në këtë biznes për të informuar publikun, futen në këtë biznes për të qenë sa më afër me politikën dhe grupe të tjera interesi. Dhe nëse në mëngjes një pronar është duke negociuar një lejë ndërtimi apo një kontratë të madhe me qeverinë, çfarë do bëjë media pasdite? Do mbajë nën kontroll këtë institucion në mënyrë që interesi publik të jetë i mbrojtur, apo në fakt thjesht do fshehë lajme dhe do çensurojë gazetarët që do tentojnë të bëjnë punën e tyre”- u shpreh Aleksandra Bogdani, gazetare e BIRN-it.

Media në Shqipëri nuk ka shënuar asnjë përparim, në vitin 2021, ashtu siç thuhet në raportin e KE-së, por gazetarët thonë se përkundrazi ajo ka shënuar hapa pas. Problemet e vjetra qëndrojnë pezull dhe të rejat shtohen në vijimësi. Gazetaria cilësore duket se ka hyrë në udhëkryq për shkak të pengesave të shumta, që vijnë nga të gjitha anët. Unioni i Gazetarëve Shqiptarë thotë se vetëm në 3 muajt e fundit 32 gazetarë të redaksive të informacionit dhe raportimit të thelluar, kanë lëvizur nga një media audiovizive në tjetrën. Kjo sipas këtij unioni tregon klimën e tensionuar dhe të pasigurt në sektorin mediatik. Dhe duket se në fund ajo që paguan është cilësia e informimit të publikut./VOA

The post Media në Shqipëri, gazetarët: Përkeqësim i treguesve të lirisë së shprehjes appeared first on Albeu.com.

Indeksi për vitin 2022 e rendit Shqipërinë në vendin e 87 mes 140 vendeve teksa në vitin 2021 ajo renditej në vendin e 84.

Indeksi ndërtohet në bazë të tetë faktorëve ku i pari është ai i kufizimeve në kompetencat e qeverisë që nënkupton se deri në çfarë pike institucionale dhe kushtetuese limitohen zyrtarët për të mbajtur përgjegjësi para ligjit. Ky faktor përfshin edhe sesa i lirë është shtypi duke mbetur jashtë kontrollit të qeverisë Në këtë tregues Shqipëria renditet e 105 mes 140 vendeve ndërsa një vit më parë në këtë tregues renditeshim të 109-et.

Mungesa e korrupsionit është treguesi i dytë që merret në analizë dhe mban parasysh tre forma: ryshfetin, ndikimin e papërshtatshëm nga interesi publik dhe privat dhe shpërdorimi i fondeve publike dhe burimeve të tjera.  Shqipëria renditet në vitin 2022 në vendin e 107 ndërkohë që një vit më parë në atë të 105-të.

Qeveria e hapur është treguesi i tretë dhe merr në analizë aspektin se deri në çfarë pike qeveria është transparente duke ndarë informacion , fuqizon njerëzit me mjete për ta vënë qeverinë para përgjegjësisë dhe nxit pjesëmarrjen e qytetarëve në diskutimet e politikave publike. Në këtë tregues Shqipëria renditet e 84 ndërkohë që një vit më parë në vendin e 82.

Treguesi i katërt për të drejtat themelore ndalet në atë sesa i respekton shteti të drejtat sipas ligjeve kombëtare dhe konventave ndërkombëtare të njerëzve të tij ku renditemi në vendin e 63 nga vendi i 62 që ishim në 2021.

Rendi dhe siguria është treguesi i pestë merr në analizë sesa shoqëria garanton sigurinë e njeriut dhe të pronës ku për 2022 renditemi në vendin e 50 nga vendi i 47 që ishim më herët.

Zbatimi i rregulloreve ndalet në masën në të cilën rregulloret zbatohen në mënyrë të drejtë dhe efektive në vend dhe janë treguesi i 6 i indeksit. Shqipëria renditet në vendin e 112 ndërkohë që në vitin 2021 ishte në vendin e 107.

Drejtësia civile është e shtata në radhën e treguesve dhe mban parasysh nëse njerëzit e zakonshëm mund t’i zgjidhin ankesat e tyre në mënyrë paqësore dhe në mënyrë efektive nëpërmjet sistemit të drejtësisë civile. Në këtë aspekt renditemi për 2022 në vendin e 98  teksa një vit më parë në vendin e 92.

I fundit është treguesi i të drejtës kriminale dhe ky është një skanim i sistemit të drejtësisë duke përfshirë nga policia tek avokatët, prokurorët, gjyqtarët apo policia e burgjeve. Treguesi sheh sesa efektiv është sistemi dhe sa garanton ai gjetjen  e të drejtës dhe dënimin e personave për vepra penale kundër shoqërisë. Për vitin 2022 renditemi në vendin e 81 duke rënë me një pozicion nga viti i kaluar./Monitor

Link indeksi: https://worldjusticeproject.org/rule-of-law-index/global

The post Indeksi i Sundimit të Ligjit, Shqipëria bën hapa pas, përkeqësohet korrupsioni, rendi dhe siguria appeared first on Albeu.com.

“Fëmijët detyrohen të lënë shtëpitë, miqtë, lodrat dhe sendet e çmuara, anëtarët e familjes dhe po përballen me pasigurinë për të ardhmen.”

Khan tha se sipas shifrave të OKB-së, 277 fëmijë janë vrarë dhe 456 janë plagosur gjatë rrjedhës së luftës dhe luftimet kanë dëmtuar ose shkatërruar një në gjashtë “shkolla të sigurta” të mbështetura nga UNICEF-i në lindje të vendit.

Ndërkohë, Prokurori i Përgjithshëm tha se 313 fëmijë janë vrarë dhe 579 janë plagosur.

“Siç tregojnë këto shifra, lufta në Ukrainë është një krizë e të drejtave të fëmijëve dhe UNICEF po punon për të mbështetur fëmijët dhe familjet kudo që janë në vend,” shtoi Khan.

Ajo tha se sulmet në zonat e populluara dhe infrastrukturën civile duhet të marrin fund.

“UNICEF-i vazhdon të bëjë thirrje për një armëpushim të menjëhershëm në Ukrainë dhe për të mbrojtur të gjithë fëmijët nga rreziku.Çdo ditë që kjo luftë vazhdon, po shton ndikimin afatgjatë, shkatërrues mbi fëmijët, në Ukrainë, në rajon dhe në mbarë botën”.

The post UNICEF: Lufta në Ukrainë ka përkeqësuar të drejtat e fëmijëve appeared first on Albeu.com.

Megjithatë, ish-futbollisti legjendar, i cili ka tre Botërorë, mund të jetë shumë shpejt objekt i një trajtimi shtesë mjekësor. Sipas informacioneve që vijnë nga Brazili, Pele ka parë përkeqësim të shëndetit të tij në muajt e fundit. I trajtuar fillimisht për një tumor të zorrës së trashë të identifikuar në shtator 2021 , ish-sulmuesi i Santos dhe Brazilit tani do të vuante nga kanceri i përhapur.

I shtruar sërish në spital për 48 orë ditët e fundit, Pele tani do të vuante nga disa tumore të ndryshme, një në zorrë, një tjetër në mëlçi dhe fillimi i një të treti në mushkëri. r.t/albeu.com

The post Vjen lajmi i “hidhur” për Pele, kanceri po i përhapet appeared first on Albeu.com.