Pas golit të vlonjatëve në minutën e 34-t, në stadium nisi një valë tensionesh që çoi në përjashtimin me karton të kuq të drejtorit të Vorës, Bazjon Tragaj, nga gjyqtari Kreshnik Barjamaj.

Shkak i situatës u bë një përplasje verbale në distancë mes Tragajt dhe tifozëve të Flamurtarit.

Pamjet televizive e fokusuan drejtuesin e Vorës teksa reagonte i irrituar nga tribuna, ndërkohë që Alfred Ferko, pjesë e stafit të Flamurtarit, ndërhyri për ta qetësuar.

Përshkallëzimi i momenteve të tensionit detyroi edhe policinë të ndërhynte në tribunë, për të shmangur incidente të tjera dhe për të rikthyer qetësinë.

Pas pak minutash ndërprerjeje, ndeshja vijoi normalisht.

Dy skuadrat ndodhen në betejë të drejtpërdrejtë për mbijetesë, me Flamurtarin që aktualisht gjendet në zonën e ftohtë të renditjes, çka e rrit ndjeshëm presionin dhe nervozizmin në çdo takim.

VIDEO

The post VIDEO/ Tension në Vlorë, drejtori i Vorës përjashtohet pas përplasjes me tifozët e Flamurtarit, ndërhyn policia appeared first on Albeu.com.

Vendimi është marrë nga Sekretariati për Procedurat, Votimet dhe Etikën, pas shqyrtimit të sjelljes së Bardhit në një nga seancat e fundit parlamentare.

Kujtojmë që Partia Socialiste, kishte kërkuar përjashtimin me 30 ditë të Gazment Bardhit.

Pas mbledhjes së Komisionit të Etikës, deputeti i PD, Saimir Korreshi, tha se përjashtimi i Bardhit ishte i qëllimtë që ai të mos marrë pjesë në seancat ku do të raportojnë institucionet e drejtësisë.

“Kjo është haptazi, si e si që një nga figurat më të forta, i cili ka denoncuar me pyetje konkrete organet ligjzbatueshme të mos jetë prezent kur ato të raportojnë. Ironia më e madhe që ndodh, po të shihni këta new entry, deputetët e rinj të kuvendit, kërkojnë të mos mbyllet parlamenti dhe thonë çfarë po na bën opozita. Dy janë gjërat kryesore, heshtja dhe mbyllja e gojës, të vetmen gjë që ka opozita, se numrat këta i kanë”, tha Korreshi.

Përjashtimi i Bardhit erdhi pas seancës së 16 tetorit, ku pati përplasja me kryetarin e Kuvendit, Niko Peleshi, teksa para deputetëve raportonte Komisioneri për Mbrojtjen nga Diskriminimi.

The post Gazment Bardhi përjashtohet me 15 ditë nga punimet e Kuvendit appeared first on Albeu.com.

Drejtuesja aktuale e BKH-së, nuk ka dorëzuar dokumentacionin e kërkuar brenda afatit të caktuar nga Komisioni i Përzgjedhjes deri më 7 maj dhe për pasojë, është përjashtuar nga e drejta për rikandidim. Këtë e ka konfirmuar edhe vetë SPAK, përmes një përgjigje të shkurtër për mediat.

“Znj. Hajnaj nuk do t’i nënshtrohet procedurës së riemërimit, pavarësisht shfaqjes së interesit për një mandat të dytë, pasi Znj. Hajnaj nuk dorëzoi dokumentacionin e kërkuar brenda afatit të caktuar nga Komisioni i Përzgjedhjes (7 maj). Mosdorëzimi i dokumentacionit mbyll procedurën e mëtejshme te riemërimit”, thuhet në përgjigjen e SPAK.

Kujtojmë se ishte vetë Aida Hajnaj, e cila kishte shprehur që më 28 mars interesin për një tjetër mandat 5-vjeçar, pasi më 31 gusht mandati i drejtores aktuale të Byrosë Kombëtare të Hetimit përfundon.

Në Prokurorinë e Posaçme, ishte hapur procesi i riemërimit të saj në krye të BKH-së, por duket se ka ndryshuar mendje, duke u tërhequr nga riemërimi.

Pritet që SPAK shumë shpejt të rihapë garën për kandidaturat e tjera të cilët do t’i nënshtrohen disa procedurave.

Procesi i emërimit të drejtorit të ri do të kryehet duke kaluar në 7 faza, testi i arsyetimit logjik, kontrolli mjekësor, testi fizik, ese me shkrim, intervistë dhe më pas bëhet verifikimi i figurës, deklarimi i aseteve dhe testi i poligrafit.

The post Përjashtohet Aida Hajnaj, SPAK pritet të hapë garën për kreun e BKH-së appeared first on Albeu.com.

Në zarfin e zi që mbërriti këtë mëngjes në shtëpi, theksohet se dhuna është rreptësisht e ndaluar.

Ndërkohë, televotimi për të banorin e preferuar, që u hap në spektaklin e së martës, është anuluar.

“Në shtëpinë e Vëllait të Madh rregullat janë thyer. Dhuna e çfarëdolloj forme është rreptësisht e ndaluar. Për këtë arsye, Vëllai i Madh, ka përjashtuar menjëherë nga gara G Banin dhe njofton se televotimi për të preferuarin, do të anulohet“, shkruhej te zarfi i zi.

The post G-Bani perjashtohet nga “Big Brother Albania Vip” (VIDEO) appeared first on Albeu.com.

Sipas mediave braziliane, kur iu kërkua llogari nga Komiteti Olimpik Brazilian, ajo shfaqi një sjellje agresive dhe u mor vendimin për ta dërguar në shtëpi, shkruan Living.

Sipas institucionit olimpik brazilian, 22-vjeçarja tregoi mungesë respekti dhe agresivitet.

Partneri i saj Santos, i cili u eliminua në garat e stilit të lirë 4×100 për meshkuj, gjithashtu u penalizua, por ai kërkoi falje për veprimin dhe nuk u pezullua.

Çifti është pjesë e Esporte Clube Pinheiros, një nga klubet braziliane të atletikës me më shumë sportistë në Lojërat Olimpike të Parisit.

The post Doli pa leje për t’u takuar me të dashurin, sportistja 22-vjeçare përjashtohet nga Lojërat Olimpike appeared first on Albeu.com.

Kjo pasi përfaqësuesi i saj Joost Klein është marrë në pyetje nga policia suedeze pasi dyshohet se ka kërcënuar një anëtare të ekipit të Eurovisionit, megjithëse nuk është ende e qartë se çfarë ka ndodhur.

“Policia suedeze ka hetuar ankesën e bërë nga një grua që është pjesë e produksionit. Nuk do të ishte e udhës që ai të vazhdonte garën. Dëshirojmë të sqarojmë se ky incident nuk ka përfshirë asnjë artist tjetër ose anëtar i delegacionit.

Ne kemi 0 tolerancë nga sjelljet e papërshtatshme në Festival dhe jemi të përkushtuar të ofrojmë një mjedis pune të sigurt për të gjithë stafin.’- njoftuan organizatorët e festivalit.

The post Eurovision Song 2024, përfaqësuesi i Holandës përjashtohet nga finalja appeared first on Albeu.com.

“Me vjen keq, është okay, ishte kënaqësi, u kënaqëm, nuk është një gjest që duhet ta bëni, mos bini pre e provokimeve, unë bëra qejfin tim u kënaqa nuk jam pishman për asgjë, gjërat që kam bërë gabim kam kërkuar ndjesë, do të takohemi jashtë, mos bini pre e provokimeve sepse do të bëhen më të forta”, tha Egla.

 

View this post on Instagram

 

A post shared by Big Brother Alb VIP Edition (@bigbrotheralb_vip)

The post Egla Ceno përjashtohet nga “Big Brother” (VIDEO) appeared first on Albeu.com.

Në lidhje me këtë kryetari i Grupit Parlamentar i Partisë Socialiste, Taulant Balla, tha se bllokimi i foltores nga Berisha po bëhet qëllimisht nga ai, në mënyrë që të zhvendosë vëmendjen nga provat e reja që kanë dalë për vrasjen e katër qutetarëve në protestën e 21 janarit.

Deputetët e Partisë Demokratike kërkuan sot mocion me debat për çështjen e arrestimit të ish-agjentit të FBI-së McGonigal gjatë senacës së sotme parlamentare.

Sipas opozitës ish-agjenti ka pasur raporte me kryeministrin, Edi Rama.

Si rrjedhojë, deputetët e Partisë Demokratike depozituan kërkesën për ndryshimin e rendit të ditës në senacën e sotme parlamentare.

Por kërkesa u rrëzua nga mazhoranca e cila votoi kundër ndryshimit të rendit të ditës.

Pas kësaj Berisha  refuzoi kategorikisht të lironte foltoren. E për rrjedhojë pas disa paraljmërimeve nga kryetarja e Kuvendit, ai u përjashtua nga seanca parlamentare e sotme.

/albeu.com/

The post Bllokoi foltoren, Berisha përjashtohet nga Kuvendi appeared first on Albeu.com.

Mbrojtësi i Atalantës dështoi në një test të kryer nga Nado Italia gjatë stërvitjes së lojtarëve të bergamos.

Substanca e ndaluar, sipas asaj që mëson “Ansa”, është nandrolone, një steroid anabolik që rrjedh nga testosteroni./ h.ll/albeu.com

The post Test i befasishëm antidoping, lojtari zikaltër e pëson appeared first on Albeu.com.

Vendimi vjen pasi IJF njoftoi se e ka pezulluar rolin e Putinit si president nderi muajin e kaluar për shkak të konfliktit të vazhdueshëm në Ukrainë.

Federata Ndërkombëtare e Xhudos njofton se “Z. Vladimir Putin dhe Z. Arkady Rotenberg janë larguar nga të gjitha pozicionet e mbajtura në Federatën Ndërkombëtare të Xhudos”, thuhet në deklaratën e fundit.

IJF është një nga një sërë organesh qeverisëse që i kanë hequr Putinit titujt e nderit sportiv që nga shpërthimi i luftës.

Federata e Taekwondos ia hoqi Putinit rripin e zi të nderit që ia kishin dhënë në nëntor 2013, ndërsa Federata Ndërkombëtare e Notit (FINA) hoqi Urdhrin e FINA-s që ia ishte dhënë më parë presidentit rus në tetor 2014.

Rotenberg, ndërkohë, kishte qenë anëtar i komitetit ekzekutiv të IJF-së si menaxher zhvillimi që nga viti 2013.

The post Këtë nuk e ka pritur as vet Putin, vendimi që u mor sot për Presidentin rus appeared first on Albeu.com.