Më konkretisht janë përjashtuar deputetët, Zheni Gjergjit; Asllan Dogjanit; Luan Baçi; Gazment Bardhit; Elda Hotit; Albana Vokshit; Bledion Nallbatit dhe Lefter Gështenjës.

Partia Socialiste i dërgoi gjatë ditës së sotme kërkesë Komisionit të Disiplinës dhe Etikës për të marrë masa ndaj deputetëve që penguan votimin ditën e djeshme në seancën në Kuvend.

Kujtojmë që seanca e djeshme u zhvillua me debate të shumta, fillimisht PD kërkoi që të diskutohej për Kosovën, dhe nuk pranuan që të vazhdonin me rendin e ditës.

Ndërsa më vonë, teksa po zhvilloheshin debate për Reformën Zgjedhore deputetët e opozitës kanë bllokuar foltoren dhe podiumin e qeverisë.

Opozita refuzoi të votonte ndryshimet, ndërsa kreu i grupit Parlamentar Gazment Bardhi kërkoi që ngrihej një Komision i Posaçëm për Reformën Zgjedhore.

Kaosi në Kuvend, bëri që kryetarja e Kuvendit Lindita Nikolla në një nga mikrofonat e ministrave të mbyllte seancën, pasi karrigia e saj ishte zënë nga Albana Vokshi dhe Elda Hoti./Albeu.com

The post Hipën mbi karrige dhe bllokuan seancën, përjashtohen me 10 ditë 8 deputetët e PD (EMRAT) appeared first on Albeu.com.