Sipas tyre ky vendim i shërben vetëm qeverisë dhe jo bashkimit të demokrateve dhe e cilësuan si çmenduria e radhës së Enkelejd Alibeajt në shërbim të Edi Ramës

“Është akt mëse i turpshëm, me mungesë dinjiteti nga ai zotëria, por politikisht është heqja e maskave, sepse ai tregoi se është në bashkëpunim me Ramën. Ai mund të vijë një ditë dhe të përjashtojë të gjithë deputetë dhe Rama të vazhdojë lojën me të”, tha Paloka për News 24.

Ndërkohë Këlliçi, i cili ishte mes të përjashtuarve, e krahasoi përjashtimin me dëbim-internimet që bëheshin gjatë kohës së diktaturës.

“Unë nuk e kam bërë këtë autokritikë që ka kërkuar shoku Enkelejd Alibeaj, ndaj gjykoj që komisioni i dëbim internimeve që ka ngritur ai në mendjen e tij paska vendosur të marrë këtë hap totalisht qesharak. Në vend që sot të të ishim emisione dhe të flitej për faktin që e dërguam në SPAK Veliajn, vijmë për shkak të kësaj manovre të Alibeaj, që vetëm opozitarizmit nuk i shërben”, u shpreh Këlliçi.

Kandidati i grupit të Berishës për bashkinë e Tiranës tha se  bëhet fjalë për vendimin e një individi që erdhi në PD si i persekutuar dhe po bën atë që ka bërë partia e punës 45 vite.

Për Palokën, me këto veprime, Alibeaj ia ka kaluar edhe grupit të deputeteve që erdhën në parlament pas djegies së mandateve.

Edhe Ferdinand Xhaferaj, i cili nuk është deklaruar si mbështetës i Berishës, e cilësoi një maskaradë vendimin për përjashtimin e 4 deputetëve.

“Jam informuar në media, kjo tregon për maskaradën e dimensionit demokratik që ka kjo vendimmarrje, unë jam marrë dhe do vazhdojë të merrem me qeverinë, ka dhe kolegë të tjerë brenda opozitës. Asnjëherë nuk kam votuar për përjashtim kolegësh”, tha ai.

Enkelejd Alibeaj përjashtoi nga Grupi Parlamentar i PD-se deputetet Oerd Bylykbashi, Belind Klliçi, Tritan Shehu, dhe Agron Shehaj. Arsyeja për këtë vendim ishte mosdistancimi nga ngjarjet e 8 janarit të një viti më parë në selinë blu.

The post “Tregoi se bashkëpunon me Ramën”, Këlliçi dhe Paloka flasin për përjashtimet nga grupi i PD: U hoqën maskat appeared first on Albeu.com.

Edmond Spaho ka deklaruar në MCN se mbështetësit e Berishës, nuk do të krijojnë një grup të ri parlamentar, por do të vijojnë të luftojnë brenda këtij grupi parlamentar.

Ai u pyet nga gazetarët se ç’do të ndodhë më tej me aksionin e grupit Berisha.

Pjesë nga biseda:

Ylli Rakipi: Çfarë do të bëni ju konkretisht, sepse letrat që bëni, këta nuk pyesin fare. Keni plan të bëni grup tjetër parlamentar? Çfarë është aksioni juaj poliitk?

Edmond Spaho: Nuk kemi plan për të krijuar grup tjetër parlamentar. Ne jemi pjesë e grupit parlamentar të PD. Do të vijojmë luftën në PD. Me të njëjtat forma, do të vijojmë luftën në Kuvend. Do të keni parasysh që veç betejës në Kuvend, do të kemi protesta, që do të synojnë të shkatërrojnë këtë lidhje Rama-Basha.

Mos harroni se do të kemi edhe zgjedhje vendore, do të vërtetohet kush është shumicë, kë mbështesin qytetarët.

Arjan Çani: Profesor, do të merrni pjesë në zgjedhje?

Edmond Spaho: Do t’i paraqesim kandidatët si PD. Në varësi të qëndrimit të KQZ do të shohim.

Arjan Çani: Ju e dini që KQZ nuk e lejon këtë.

Edmond Spaho: Po e paragjykojmë, kur të vijë momenti do të marrim përgjigje zyrtare dhe do të marrim vendim.

Arjan Çani: Kush do ruajë votat tuaja? Keni komisionerë ju?

Edmond Spaho: Opozita dhe në kushtet ekzistuese ka njerëz në komision. Ne kemi deklaruar se do të krijojmë opozitë sa më të gjerë të jetë e mundur.

Ylli Rakipi: Këtu ta rrëmbejnë votën nga dora o profesor!

Edmond Spaho: Cfarë sugjeroni të dorëzohemi ne?

Arjan Cani: Është luftë për pushtet. Ose të shpallni falimentin… duhet metoda të reja, sepse këto nuk ju çojnë gjëkundi. Këto janë fakte profesor. Jemi përballë një absurdi, ku shumica e njerëzve e dinë shumë mirë që ajo që ka ndodhur në PD, është një gjë ashiqare, dihet që lidershipi I PD është në minorancë, ndërkohë ju e shihni që sistemi, aleatët amerikanë, kryeministri, drejtësia, mban pakicën.

The post Arjan Çani “i pret shpresat” grupit “Berisha”: Më mirë shpallni falimentin appeared first on Albeu.com.

Disa nga mediat kryesore në Greqi, shkruajnë për shkarkimin e Berishës duke e cilësuar si një “stuhi” politike në Partinë Demokratike shqiptare.

“Partia Demokratike e Shqipërisë njoftoi të martën se kishte shkarkuar bashkëthemeluesin e saj , ish-presidentin dhe ish-kryeministrin, Sali Berisha, pas një konflikti të ashpër brenda partisë. Kjo u pasua nga një mbledhje maratonë e bordit ekzekutiv të Partisë Demokratike, e cila përfundoi mëngjesin e së martës. Tetë drejtues të tjerë, të cilët, si zoti Berisha, vunë në dyshim legjitimitetin e kryetarit aktual të partisë, Lulzim Basha, janë përjashtuar gjithashtu nga partia.

Përplasja e hapur mes Lulzim Bashës dhe Sali Berishës u përshkallëzua të shtunën, kur mijëra mbështetës të këtij të fundit sulmuan zyrat e Partisë Demokratike. Megjithatë, ata nuk mundën të hynin në zyrat e mbyllura të Bashës. Nga kjo protestë shpërthyen incidente të shumta dhe policia ndërhyri duke përdorur gaz lotsjellës për të zmbrapsur protestuesit e dhunshëm.

Sali Berisha ka më shumë se njëzet vjet në skenën politike shqiptare. Ai ishte kryeministër nga viti 2005 deri në vitin 2013. Kritikët e tij e akuzojnë për korrupsion dhe nepotizëm, si dhe për mashtrim të hapur elektoral. Gjatë presidencës së tij (1992-1997), ai u akuzua se ndihmoi në krijimin e një atmosfere lufte civile në vend.

Lulzim Basha mori kryesimin e Partisë Demokratike në vitin 2013, pasi Sali Berisha dha dorëheqjen pasi pësoi një humbje të rëndë elektorale atë vit.

Në shtator, Berisha u përjashtua nga grupi parlamentar i partisë me një vendim të  Bashës. Në fillim të vitit të kaluar, qeveria amerikane njoftoi se i kishte ndaluar politikanit veteran hyrjen në territorin amerikan , për shkak të akuzave për korrupsion ndaj tij. Kjo ishte edhe një nga arsyet pse Basha vendosi të përjashtojë Berishën nga grupi parlamentar. Ndërkohë kjo solli një përplasje të ashpër në Partinë Demokratike”, shkruhet në mediat e vendit fqinj./albeu.com/

The post Mediat e huaja jehonë përjashtimit të Sali Berishës nga PD (FOTO LAJM) appeared first on Albeu.com.

Sipas burimeve për albeu.com, Jemi Gjana ka deklaruar ndër të tjera se ata e njohin mirë Sali Berishën dhe se grupi i Rithemelimit duhet të përjashtohet i gjithë. Gjana ka kujtuar situatën e PD-së në vitin 1997, ku Genc Pollo dhe shumë të tjerë u larguan dhe se në PD mbetëm vetëm 17 deputetë.

“Ne e njohim atë (Berishën) mirë. Nuk ka të ngjashëm me asnjë lider botëror në histori, që t’ia bej këtë partisë së tij. Grupi i Rithemelimit duhet të përjashtohet i gjithë. Mbaj mend historinë e 97-ës, me Genc Pollon, dhe grupi ynë mbeti me 17 deputetë, e në bëm opozite dhe e mbajtëm PD-në. Shkonim në terren dhe kishim përballë bandat dhe e ngritëm partinë duke komunikuar dhe duke dëgjuar. Kjo nuk është as 1/3 e asaj që i ndodhi PD-së në 97-ës”, mësohet të jetë shprehur Gjana./albeu.com/

The post Jemin Gjana “shpërthen” ndaj Berishës: E njoh mirë që nga 97-ta, asnjë lider botëror s’ja ka bërë këtë partisë së tij appeared first on Albeu.com.

Duma është shprehur se vendimi për përjashtimin e Berishës është marrë me vonesë, pasi sipas saj, Berisha ka mbetur akoma në vitin 97.

Postimi i Grida Dumës:

Marrja e vendimeve në kohë është më e rëndësishme se vetë vendimi. Ne marrim vendime me vonesë.

Pas 9 shtatorit, kur u mor vendimi mbi non gratën, cdo ditë ju kam thënë e kërkuar të qartësosh njerëzit e demokratët për si dhe pse u mor ky vendim. Nuk do ishim këtu sot nëse do kishim qartësuar njerëzit për 4 muaj dhe do i kishim marrë këto vendime më parë.

Berisha u la të forcohej, dhe u forcua sepse nuk vepruam. Por fatmirësisht dhe për shkak të Zotit, e jo të veprimeve tona, ai në datën 8 janar pas dhunës vandale dhe terrorit, që mund të kishte sakrifikuar jetë njerëzish, gaboi vetë dhe i tregoi shqiptarëve që kishte mbetur ai i ‘97, pa asnjë reflektim.

Sot mendoj që gjërat duhen thënë hapur. Po, ne jemi kompleksuar!!. Kompleks kudo, veprojmë vonë, marrim vendime vonë, jemi të vonuar të flasim troc me njerëzit, e lëmë kundërshtarin të ecë një hap përpara.

Sa i përket godinës, nuk mundemi ne ta bëjmë betejën për godinën si lufte guerrilie. Asnjë kompleks nuk mund të kesh të kërkosh policinë të veprojë. Si mundet në të pretendojmë që do mbrohet godina e partisë me hekura blinda dhe hunj dhe të kompleksohemi që të veprojnë institucionet. Po duhet të veprojë policia dhe sepse ndërhyri policia u evitua gjakderdhje, tí themi gjërat sic janë. Për pak minuta mund të kishte gjak, dhe gjakun po presin disa dhe ne e dimë mirë.

Por institucioni mbrohet me institucion dhe jo trupa njerëzish që bëhen therror. Unë nuk mbroj dot hekurat e blindimit, dhe nëse është cështja për një zyrë të vogël që përdor aty poshtë, cdo democrat të vijë ta ;përdorë si të vetën përditë.

Godina e PD duhet të ç’mitizohet. Le të hapet godina dhe për simbolikë të mbrohet zyra juaj, si institucioni i kryetarit. Duhet të bëjmë opozitë e politikë, jo guerrilie për të mbrojt godinën. Siç e patë nuk hyri njeri brenda të nesërmen kur e kishin të shkatërruar të thyer, as guxuan të hyjnë e të merrnin zyrën kur vinin e bënin shoë tek shkallët disa herë.

S’mund të na mbajë peng me këto komplekse askush!

Pas asaj që ndodhi duhet të shkojmë në terren para demokratëve me urgjencë dhe me nje ofertë të re. Duhen ndryshime të tjera në parti. Nëse është e nevojshme duhen ripozicionuar njerëzit, e kush ka bërë betejë të jetë në krye të punëve dhe të ndjekim vetëm meritën e njerëzve jo më thjeshtë procedurat. Partia s’mund të jetë më me gjuhë monokolor, duhet ti flasë , të zhgënjyerve, duhet të bëjë kritike reale me veten dhe ti japë vendin më të sakrifikuarve e ti njohë meritën atyre që i duhen partisë. Thënë kjo na duhet një ofertë e re e madhe dhe me të gjitha ngjyrat pa asnjë kompleks.

Ngritja do fillojë nga këtu, njerëzit nuk kanë cfarë na japin më na i kanë dhënë të gjitha, jemi ne që duhet të ofrojmë./albeu.com/

The post Grida Duma: Berisha u përjashtua me vonesë! Ai ka mbetur në vitin 97, nuk ka reflektuar appeared first on Albeu.com.

Në një reagim për Abcnews.al, Noka është shprehur se këto vendimarrje janë të padrejta dhe e ka quatjur kryesinë e PD si shoqata e bravave të Alkatrazit.

Noka shton se kjo shoqatë sipas tij nuk përfaqëson më asnjë demokrat dhe nuk ka të drejtë vendimarjeje.

“Shoqata e bravave te bunkerit Alkatrazit paska njoftuar avancim me fushaten e perjashtimeve… Por shoqata nuk perfaqeson demokratet e as Partine Demokratike . Demokratet me dt 11 Dhjetor 2021 kane miratuar ne Kuvendin Kombetar ngritjen e Komisionit te Perkoheshem te Rithemelimit te PD qe i perfaqeson ata ne cdo vendimarrje .Shoqata mund te nxjerre njoftime ne media per kedo qe ka nevoje per rregullime e nderrime bravash, drynash, dyersh apo blindime dyersh,bunkeresh por jo ne emer te PD” shprehet Noka./albeu.com/

The post U përjashtua nga partia, reagon Noka: Shoqata e bravave të Alkatrazit nuk përfaqëson demokratët appeared first on Albeu.com.