Dega e Prishtinës e Lëvizjes Vetëvendosje ka sjellë sërish në qendër të vëmendjes disa përgjime të bëra publike pak ditë më parë, të cilat kanë të bëjnë me procesin e legalizimeve në kryeqytet.

Nëpërmjet një videoje të shpërndarë në Facebook, struktura ka ripostuar materiale me komunikime që, sipas saj, lidhen me pretendimet për legalizime të kundërligjshme gjatë kohës që Përparim Rama drejtonte Komunën e Prishtinës, raporton “Bota sot”.

Në postimin shoqërues, LVV-ja u bën thirrje organeve të drejtësisë, veçanërisht Prokurorisë, që të hetojnë përmbajtjen e këtyre bisedave dhe të nxjerrin në shesh të vërtetën.

“I mbetet Prokurorisë dhe organeve të tjera të drejtësisë ta zbardhin të vërtetën rreth këtyre komunikimeve dhe legalizimeve të paligjshme nën udhëheqjen e Përparim Ramës,” thuhet në reagimin e partisë.

The post Të zbardhet e vërteta!” – LVV riaktualizon përgjimet për legalizimet në Prishtinë dhe kërkon hetim ndaj udhëheqjes së Përparim Ramës appeared first on Albeu.com.