Mësohet se 36-vjeçari Artion Taci ishte vënë nën vëzhgim nga policia që prej 5 muajsh dhe mbahej në përgjim.

Para dhe pas zgjedhjeve rezulton se ai ka biseduar me mbi 40 persona të cilët mendohet se i ka ndihmuar të shmangin detyrimet ligjore që ata kishin, në lidhje me masat e sigurisë për mbrojtjen nga zjarri ne bizneset e tyre. Indicia për të nisur hetimet ka ardhur pas denoncimit të një qytetari.

Në pranga kanë përfunduar dhe dy vartësit e tij Armand Gjoka dhe Adnand Xhelili, përgjegjësi i OSHEE Cërrik Alban Shima dhe punonjësi i bashkisë së Cërrikut Agiano Dinoshi me detyre specialist në zyrën e taksave.

Mbi kreun e zjarrfikëses rëndojnë veprat penale të “Ushtrimit te ndikimit të paligjshëm ndaj personave që ushtrojnë funksione publike”, dhe “Përdorimi i funksionit publik për veprimtari politike ose zgjedhore. Dy vartësit e tij akuzohen për “Përdorim të funksionit publik për veprimtari politike ose zgjedhore”. Ndërsa punonjësi i bashkisë është arrestuar për lëshim të vërtetimeve false për disa biznese gjatë periudhës së fushatës zgjedhore të 14 majit. Po për këtë vepër penale është shpallur në kërkim edhe një 64 vjecar.

Për të pestë të arrestuarit gjykata e shkallës së parë elbasan ka vendosur masën e sigurisë “Arrest në burg”. Dosja pritet t’i kalojë prokurorisë së posacme.

Kreu i zjarrfikëses së cërrikut Artion taci ishte pezulluar nga puna pak kohë më parë. Nuk është hera e parë që 36 vjecari përfundon në prangat e policisë. Në janar të këtij viti ai është arrestuar nën akuzën “Drejtim i mjetit në mënyrë të parregullt në gjendje të dehur”.

The post Prej 5 muajsh në përgjim, çfarë e nxorri zbuluar Drejtorin e Zjarrfikëses appeared first on Albeu.com.

Kur Elona Musk bleu Twitter-in, Komisarja e BE-së që merret me tregun e brendshëm europian, Thierry Breton, kërkoi menjëherë që shërbimi i SHBA-së i lajmeve të shkurtra, Twitter, t’i përmbahet rregullave të Bashkimit Europian. Por, kur qeveritë europiane shpërdorojnë softwaret e spiunazhit, institucionet e Brukselit nuk interesohen fare, kritikon raportuesja e të ashtuquajturit Komiteti Pega të Parlamentit Europian, deputetja europiane nga Holanda, Sophie in ‘t Veld. Ndërkohë që të drejtat demokratike rrezikohen seriozisht, kur shumë vende anëtare të BE-së përdorin pa kontroll  Pegasuas-in dhe software të tjera të ngjashme dhe përgjojnë kritikët e qeverisë, gazetarët dhe opozitarët nën mburojën e sigurisë kombëtare.   

Softwaret e spiunazhit janë aferë europiane 

“Shpërdorimi është aferë e gjithë Europës,” thuhet në raportin e papërfunduar të Komisionit hetimor, të prezantuar ditën e martë (08.11) nga Sophie in ‘t Veld. “Vendet anëtare kanë përdorur software përgjimi kundër qytetarëve të tyre, për arsye politike si dhe për të fshehur korrupsionin dhe aktivitetet kriminele.” Meqenëse asnjë nga autoritetet kombëtare nuk ka qenë i gatshëm t’i japë Parlamentit të BE-së informacione konkrete, raporti bazohet vetëm në burime të hapura për publikun.

Megjithatë mendon Komiteti, janë mbledhur shumë fakte. “Po të ketë enigma 1000 të panjohura, ne kemi në duar 900 prej tyre,” thotë Sophie in ‘t Veld. Mund të thuhet se të gjitha vendet europiane kanë blerë software spiunazhi dhe disa prej tyre kanë bërë me to edhe tregti përfituese. “Qipro dhe Bullgaria janë kthyer në qendrat e eksportit, Irlanda ofron software për të rregulluar taksat. Kurse Luksemburgu është qendra financiare për shumë lojtarë nga vendet prodhuese.” I ashtuquajturi Wiretapper’s Ball, një mbrëmje vallëzimi që organizohet çdo vit nga kjo industri, zhvillohet në Pragë kurse Malta vlerësohet nga protagonistët si vend i preferuar qëndrimi.

Shembulli më i njohur është firma izraelite NSO, e cila prodhon softwar-in e spiunazhit Pegasus, një software që shkaktoi skandal politik në Greqi. Sipërmarrja ka filiale në Qipro dhe Bullgari dhe i ka kryer aktivitetet financiare nëpërmjet Luksemburgut. Ajo ka përfituar nga tregu i brendshëm dhe liria e lëvizjes brenda BE-së. Shitja e software-ve bëhet me qëllim në mënyrë jo trasparente dhe strukturat e firmës janë komplekse, thuhet në raportin e sapoprezantuar- por “biznesi është në lulëzim dhe me përfitim të madh”.

Greqia, Hungaria, Polonia – dyshimet nuk largohen  

Viktima më e njohur e përgjimit të politikanëve të opozitës dhe gazetarëve në Greqi, është kryetari i socialdemokratëve të Pasok-ut, dhe deputeti europian Nikos Androulakis. Celulari i tij ishte infektuar me software-in e përgjimit, Predator.

Ndërkohë listat e njerëzve që mendohet të jenë prekur bëhet gjithnjë e më e gjatë. Së fundi kryeministri Kyriakos Mitsotakis përsëriti edhe një herë se nuk ka të bëjë me fajësimet e fundit. “Është turp të pretendosh se kryeministri ka përgjuar ministrat e tij,” tha ai për televizionin ANT1.

Por Nikos Marantzidis, ekspert i mediave në Universitetin e Maqedonisë në Selanik, thotë se kryeministri është përgjegjës: “Në fillim ai tha se çdo gjë bëhet sipas ligjit, kurse tani thotë se ka arritur t’i mënjanojë problemet që ka pasur me Pegasusin dhe Predatorin. Është e pamundur t’i besosh gjithë deklaratat.”

Por më e keqja është se afera ka tronditur besimin e shumë grekërve tek kushtetueshmëria demokratike e vendit: “Shumë vetë janë shokuar, sepse jemi duke u futur sërish në një fazë autoritare”. Ndërkohë qeveria greke kërkon të ndalojë shitjen e software-ve të tillë të spiunazhit.

Raporti i Parlamentit Europian merret me hollësi edhe me qeveritë e Budapestit dhe Varshavës. Hungaria ka qenë një nga vendet e para të përzier me skandalin europian të përgjimit. Sipas njoftimeve të organizatës së të drejtave të njeriut, Amnesty International,

atje janë përgjuar mbi 300 aktivistë politikanë, gazetarë, avokatë dhe të tjerë. “Përdorimi i Pegasusit duket të jetë pjesë e një strategjie të menduar mirë për shkatërrimin e shtypit dhe lirisë së mendimit nga qeveria (hungareze)”, thuhet përveç kësaj në raport.

Polonia ka zgjeruar qysh vitin e kaluar mundësitë ligjore pë të bërë përgjime gati të pakufizuara. “Të drejtat e viktimave janë minimalizuar dhe mjetet juridike për të luftuar përgjimin janë bërë praktikisht të parëndësishme,” thotë raporti hetimor. Partitë qeveritare kanë çdo gjë nën kontroll dhe viktimat nuk kanë ku të shkojnë për të kërkuar të drejtat.

Nevojiten rregulla të reja dhe kontrolle ndaj teknologjive të përgjimit 

Amnesty International ka mbledhur ndërkohë 100 mijë firma për një peticion drejtuar Kombeve të Bashkuara, ku kërkohet ndalimi i shitjes dhe shpërndarjes së software-ve të spiunazhit. “Është urgjentisht e domosdoshme, që të mbrohen më mirë të drejtat e njeriut gjatë eksportimit të teknologjive të përgjimit,” shkruan drejtoresha e Amnestisë, Agnès Callamard. “Ne jemi duke përjetuar një krizë globale të softawareve të përgjimit, ku sulmet e qëllimshme që bëhen kundër sferës private të gazetarëve, aktivistëve dhe avokatëve përdoren për t’i detyruar ata që të mbyllin gojën dhe për t’u ngjallur frikën.” Anëtarët e OKB-së nuk duhet të përdorin ose tolerojnë më softwaret si instrumente shtypëse.

Një ndalim të përkohshëm kërkon edhe raportuesja e Komitetit Pega të Parlamentit Europian. Përveç kësaj Sophie in ‘t Veld kërkon që të gjitha akuzat të hetohen deri në fund nga Interpoli më mirë, si dhe zëvendësimin e kuadrit për përdorimin legal dhe licencat e eksportimit të software-ve të përgjimit për të cilat ka dyshime. Deputetja pranon vetë se nuk ekziston asnjë mekanizëm për zbatimin e rregullave të reja.  /DW

The post Si i përgjon Europa qytetarët appeared first on Albeu.com.

Për të paktën 15 ditë, oficerët e terrenit mbanin në vëzhgim vilën e Belegut në rrugën “Tre Vëllezërit Kondi” dhe lëvizjet e të afërmve të tij.

Në një tjetër dokument, autorizohen oficerët e Policisë Gjyqësore të përgjojnë edhe bisedat telefonike të bashkëshortes së Eduartit.

“Nga tërësia e provave rezulton e domosdoshme qe te pergjohen te gjitha permbajtjet e bisedave hyrese dhe dalese te numrave telefonik celular të mësipërm. Nga bisedat hyrëse e dalëse të zhvilluara në këto numra telefoni mund të identifikohet jo vetëm vendndodhja e pengut por dhe autorët e mundshëm të kësaj vepre penale”.

Në atë kohë, ka reaguar ashpër edhe i ndjeri Dritan Prifti. Ai akuzoi rëndë policinë se po i shmangej të vërtetës dhe veprimeve hetimore që të çonin tek zbardhja e ngjarjes.

“Policia, edhe sot, familjes së tij i thotë na thoni ku ka shkuar Belegu. Policia dhe prokuroria nuk e ka marrë në asnjë rast seriozisht denoncimin tim publik se zoti Bejlegu është zhdukur nga të tjerë dhe jo vetë. Më vjen shumë keq që drejtësia nuk ka vepruar”.

“Shumë shpejt u kalua në kundërsulm duke thënë që u vet zhduk se ka problem, kishte në fakt problem ishte arrestuar, besoj që ishte lojë e polcisë për mos krijuar imazh të keq të vetja e për ti thënë popullit mirë bëri që iku se kriminel, etj etj, e njëjta histori që përsëritet”, u shpreh gazetari, Ferdinand Dervishi.

“U përdorën mjete dhe metoda shumë teknike hetimi, operative dhe gjurmuese që ishte me miratim të gjykatës për të shmangur këtë pistë, si të thuash edhe për të vënë para përgjegjësisë vetë policinë për ti thënë që nuk është zhdukje qëllimshme, atëherë hajde të vijojmë me verisonet e tjera, mbaj mend që edhe kjo pistë na mori shumë kohë por u arrit që u rrëzua si pistë”, u shpreh ish prokurori i dosjes “Belegu”, Eugen Beci./tch

The post Zbulohet dosja! Si u përgjuan familjarët e Belegut pas zhdukjes appeared first on Albeu.com.

Një sjellje fiksuese e përsëritur, këmbëngulëse dhe ndërhyrëse që shkakton frikë dhe alarm tek viktima konsiderohet si “cyber stalking” dhe mund të rezultojë e rrezikshme nëse nuk e ndaloni në kohë. Në Britaninë e Madhe, ligjet kundër këtij lloj abuzimi rishihen kohë pas kohe në mënyrë që të ndërmerren vendimet e duhura që shkojnë paralel me ndryshimet e teknologjisë.

Ekspertët sugjerojnë se në rast dyshimi të tillë, duhet të studioni sjelljen e personit tjetër dhe mënyrën sesi e folura apo mesazhet e tij ju bëjnë të ndiheni. Të raportosh dikë për “përndjekje në WhatsApp” duket dramatike, por nëse ndiheni të kërcënuar është vendimi më i sigurt që mund të merrni.

Nëse gjëja e parë që bëni kur ndiheni se dikush ju përndjek në mënyrë posesive, është ta bllokoni, mos harroni t’i bëni një screenshot mesazheve për të ruajtur informacionin që mund t’ju duhet në vijim.

The post Shumë e thjeshtë! Si ta kuptoni që dikush po ju përgjon në WhatsApp apo Instagram appeared first on Albeu.com.

Stilistja Rosie Taylor-Davies dhe bashkëshorti Christopher, thanë se detyroheshin të ndërroheshin prapa një rafti librash dhe të qëndronin në errësirë ose me perdet e mbyllura, pasi fqinji i tyre Simon Cook, hapi një dritare që shihte nga dhoma e tyre e gjumit.

Ata thanë në gjykatë se dritarja nuk ishte bërë me xham akulli siç parashikohej nga bashkia, por për më tepër fqinji i tyre dashakeq vendosi aty një manekin ‘bionde’ që dukej sikur përgjonte gjithë kohës nga shtëpia e tyre.

Gjykatësja tha se Cook nuk i kishte marrë seriozisht shqetësimet e fqinjëve të tij për privatësinë. Megjithatë, ajo tha se fqinji nuk ka shkelur rregullat ndërtimore të planifikimit.

Ndërsa sipas avokatit të çitit vendosja e një manekini “shërben për të dhënë përshtypjen se një person mbikqyr gjithë kohës shtëpinë e tyre duke u shkelur privatësinë. Kjo shton shumë stresin e personave që banojnë aty”.

Çifti tha se po merrnin në konsideratë të zhvendoseshin nga shtëpia ku kanë jetuar për më shumë se 20 vjet.

The post Çifti padit fqinjin, vendosi manekin në dritare për t’i përgjuar në dhomën e gjumit (FOTO LAJM) appeared first on Albeu.com.

1.Kontrolloni se sa gjatë mban bateria e telefonit tuaj. Bateria e telefonit celular përdoret në rastet e dërgimit të SMS-ve apo informatave me zë, ose gjatë aktivizimit të mikrofonit.

2.Nëse qëndrueshmëria e baterisë zvogëlohet në mënyrë drastike sesa në rastet e zakonshme, telefoni juaj me gjasë përgjohet.

3.Kontrollojeni temperaturën e telefonit tuaj celular. Bateria bëhet e nxehtë kur përdoret, ndërsa nëse ju nuk e keni përdorur telefonin celular dhe bateria është e nxehtë, atëherë kjo lë të kuptohet se telefoni po shfrytëzohet pa njohurinë tuaj.

4.Shihni punim të çuditshëm të telefonit. Nëse celulari juaj fillon befasisht të ndalet dhe trashet vetvetiu ose ju nuk mund ta ndalni, atëherë mund të ndodhë që dikush tjetër po merret me telefonin tuaj.

5.Kushtojini rëndësi mesazheve të koduara. Nëse merrni një mesazh tekst në formë kodi me shifra dhe simbole në vend të fjalëve, ky mund të jetë tregues i tentimit të transmetimit të të dhënave nga person i paautorizuar.

6.Dëgjoni zëra paralelë kur jeni duke biseduar. Jehonat mund të shkaktohen nga pengesat në transmetimin e të dhënave, sinjaleve ose zërit, por shkaktare mund të jetë edhe pajisja të cilën një i tretë e përdor për përgjimin e telefonit tuaj celular.

The post Keni frikë se telefoni juaj përgjohet? Këto janë 6 mënyrat për ta zbuluar appeared first on Albeu.com.

1.Kontrolloni se sa gjatë mban bateria e telefonit tuaj. Bateria e telefonit celular përdoret në rastet e dërgimit të SMS-ve apo informatave me zë, ose gjatë aktivizimit të mikrofonit.

2.Nëse qëndrueshmëria e baterisë zvogëlohet në mënyrë drastike sesa në rastet e zakonshme, telefoni juaj me gjasë përgjohet.

3.Kontrollojeni temperaturën e telefonit tuaj celular. Bateria bëhet e nxehtë kur përdoret, ndërsa nëse ju nuk e keni përdorur telefonin celular dhe bateria është e nxehtë, atëherë kjo lë të kuptohet se telefoni po shfrytëzohet pa njohurinë tuaj.

4.Shihni punim të çuditshëm të telefonit. Nëse celulari juaj fillon befasisht të ndalet dhe trashet vetvetiu ose ju nuk mund ta ndalni, atëherë mund të ndodhë që dikush tjetër po merret me telefonin tuaj.

5.Kushtojini rëndësi mesazheve të koduara. Nëse merrni një mesazh tekst në formë kodi me shifra dhe simbole në vend të fjalëve, ky mund të jetë tregues i tentimit të transmetimit të të dhënave nga person i paautorizuar.

6.Dëgjoni zëra paralelë kur jeni duke biseduar. Jehonat mund të shkaktohen nga pengesat në transmetimin e të dhënave, sinjaleve ose zërit, por shkaktare mund të jetë edhe pajisja të cilën një i tretë e përdor për përgjimin e telefonit tuaj celular.

The post Keni frikë se telefoni juaj përgjohet? 6 mënyrat për ta zbuluar appeared first on Albeu.com.

Për të arritur që të futeni në brendësi të bisedave të personave të tjerë, duhet të përdorni metodën e MAC spoofing, e cila parashikon 8 hapa të nevojshëm.

– Ç’instaloni WhatsApp nga aparati telefonik.

– Kërkoni dhe gjeni smartfonin që doni të monitoroni, përgjoni.

– Gjeni adresën MAC të smartfonit që do të përgjoni. Adresa Mac është një numër i cili identifikon në mënyrë të veçantë çdo pajisje.

Ja si ta gjeni:

Android: Settings → About phone → Status → Wi-Fi MAC address.
iPhone: Settings → General → About → Wi-Fi Address.
Windows Phone: Settings → About → More info → MAC address.
Blackberry: Options → Device → Device and Status info → WLAN MAC.

– Mbani shënim edhe adresën MAC të telefonit tuaj.

– Ndërroni adresën tuaj MAC me atë të smartfonit që do të përgjoni. Për të vendosur një adresë të re MAC duhet të instaloni një aplikacion të MAC spoofing. Për iPhone aplikacionet MAC që këshillohen janë MacDaddy X e WifiSpoof, ndërsa për Android është Busy Box.

– Instaloni sërish WhatsApp në aparatin tuaj celular dhe në momentin që kërkon një numër telefoni, vendosni numrin e personit që do të përgjoni.

– Vendosni kodin që ju kërkohet dhe që do të vijë me sms.

– Vazhdoni të lexoni bisedat. /albeu.com

The post Si të përgjoni bisedat e të tjerëve në WhatsApp? Mjafton kjo metodë appeared first on Albeu.com.

Duke qenë se të gjithë jemi pak më të ndërgjegjshëm për atë që ndajmë këto ditë, kjo ka detyruar pëlqyesit e Google të jenë më të hapur për atë që bën dhe çfarë nuk di.

Historia e vendndodhjes supozohet të jetë e çaktivizuar si parazgjedhje, por disa gjëra të tjera mund të mblidhen.

Është një ide e mirë të kontrolloni gjithsesi dhe mënyra më e mirë për ta bërë këtë është përmes zonës së aktivitetit të Google.

Si të kontrolloj aktivitetin tim në Google

Në fakt, gjurmimi synon ta bëjë jetën në internet më të lehtë duke ditur se çfarë ju pëlqen dhe çfarë nuk ju pëlqen.

Por jo të gjithë janë të kënaqur me të, natyrisht.

Fatmirësisht mund të hyni në aktivitetin tuaj të Google nga një kompjuter duke vizituar këtë faqe interneti: myactivity.google.com.

Nga këtu, do të shihni tre opsione: aktivitetin në ueb dhe aplikacione, historikun e vendndodhjes dhe historikun e YouTube.

Poshtë secilës do të shihni një kuti me shënime.

Ju mund t’i çaktivizoni këto nëse dëshironi që Google të mos gjurmojë se çfarë jeni duke bërë.

Zgjedhja e tyre do t’ju ofrojë gjithashtu më shumë informacion rreth asaj që bën Google.

Për shembull, nën aktivitetin e uebit dhe të aplikacioneve thotë Google “ruan aktivitetin tuaj në sajtet dhe aplikacionet e Google, duke përfshirë informacionin e lidhur si vendndodhjen, për t’ju dhënë kërkime më të shpejta, rekomandime më të mira dhe përvoja më të personalizuara në Hartat, “Kërko” dhe shërbime të tjera të Google”.

Mund të shihni dhe fshini çdo aktivitet nga aplikacionet dhe shërbimet përkatëse poshtë tij, si Chrome dhe Google Play.

Madje ka nën-cilësime, kështu që ju zgjidhni të lejoni disa gjurmime ndërsa bllokoni të tjerët./ h.ll/albeu.com

The post Google gjurmon këdo, ja çfarë duhet të bëni që të parandaloni këtë gjë appeared first on Albeu.com.

Sipas gazetares Klodiana Lala, Erigers Mihasi, dyshohet për vrasjen e ish-policit Xhelal Reçi, ngjarje e cila u regjistrua disa javë më parë në Laç, raporton BW.

Referuar raportimeve, Mihasi po përgjohej nga Prokuroria, por ndaj tij, nuk kishte ende një akuzë zyrtare.

Sakaq, kujtojmë se i vdekur nga atentati mbeti dhe Armando Dumani. Të dy viktimat njiheshin si persona me precedentë të mëparshëm penal.

Mihasi, krahas akuzohej se ka grabitur nën kërcënimin e armës banesën e prindërve të Elton Çiços në Tepelenë, ndërsa po ashtu, dyshohej se ishte bashkëpunëtor në sulmin me armë ndaj kompleksit “Eiffel”.

Sakaq, Dumani dyshohet se është përfshirë në një grabitje në një bankë të nivelit të dytë. Sa i përket autorëve dhe ngjarjes së sotme, raportohet se ata e kanë ndjekur makinën për një kohë të gjatë dhe për të kryer ekzekutimin kanë pritur momentin ku janë gjendur në një zonë pa prani të kamerave të sigurisë.

Pas vrasjes, ata kanë mundur të depërtojnë mes makinave dhe të largohen. Policia ka gjetur dhe një mjet tip “Toyota” të djegur në zonën e Thumanës, tragat e së cilës rezultonin të vjedhura në Tiranë.

The post I dyshuar për vrasjen e ish-policit, Erigers Mihasi ishte në përgjim nga Prokuroria (FOTO LAJM) appeared first on Albeu.com.