Reperi na ktheu pas në kohë teksa performoi hitet e tij më të famshme që prej fillimit të karrierës dhe na dhuroi një spektakël të vërtetë, të cilin e shijuam në maksimum.

Një eksperiencë të tillë kanë kërkuar të përjetojnë edhe fansa të Kapos nga Serbia. Teksa reperi pyeste ndjekësit se ku dëshironin ta shihnin të performonte këtë vit, dikush i shkruan:

“Në Serbi të lutem, ke fansa edhe këtu.”

Doni të dini përgjigjen e Capital T që na i bëri zemrat mal? Ai vendosi një kusht tepër të rëndësishëm:

“Kur shteti juaj të na njohë. Republika e Kosovës.”- shkruan ai, shoqëruar me flamurin e Kosovës.

Përgjigje më të bukur s’mund të jepte!

Këtë vit, Kapo i është rikthyer koncerteve e performancave në clube gjatë verës, teksa premton surpriza për muajt në vijim.

Madje, ai ka treguar për fansat se i ka “borxh” një koncert “Time Capsule” qytetit të tij, Prishtinës. Planet janë që ky koncert madhështor të realizohet në vitin 2022 dhe ne e dimë që Capital T i mban premtimet!

Ndaj, mezi po presim ta shohim sërish!

The post I kërkojnë koncert në Serbi, Capital T krenon gjithë Kosovën me përgjigjjen appeared first on Albeu.com.