Kryemadhi shprehet se në deklaratën e ministres kishte shumë luhatje, ndërsa pyeti se çfarë transparence është bërë në inceneratorin e Tiranës.

Më pas Kryemadhi theksoi se ministrja e dinte që kompanitë e denoncuara ishin falso, por sipas saj, qeveria nuk i ka kontrolluar magazinat e këtyre kompanive.

“Ka një reagim pas kaq kohësh, por jam e bindur se në deklaratën e saj ka shumë luhatje. I kërkoj ministre të tregojë çfarë transparence është bërë në inceneratorin e Tiranës. Nuk është i realizuar. dhe nëse jo, a mund të thotë ministria sa paguar deri tani. Këto 47 mln euro që janë paguar, për çfarë kanë shërbyer? Kjo është detyrë kryesore e Ministrisë së Financave për të shpjeguar se ç’bëhet me paratë e buxhetit. Unë e di mirë dhe s’ka nevojë të ma thotë ministrja se kompanitë që kam denoncuar janë falso, që nuk kanë mallra në magazinë dhe as njerëz të punësuar. Kemi kontrolluar, në bazë të dokumentacionit që kemi, që këto kompani kanë shërbyer për të bërë gjithë evazionin fiskal të Klodian Zotos dhe kompanive të tjera. A i keni kontrolluar magazinat e këtyre kompanive? Pyes unë sot ministren e Financave”, tha Kryemadhi./albeu.com

The post Ministria e Financave pranoi evazionin fiskal, Kryemadhi: Dihej që kompanitë ishin falso, por qeveria nuk i ka kontrolluar appeared first on Albeu.com.