Këto dy miqësore ndaj Italisë, do të jenë edhe provat e para për trajnerin e ri të Kombëtares U-17, Fatjon Tafaj, i cili do të testojë grupin e lojtarëve të grumbulluar.

Takimi i parë Itali U-17 – Shqipëri U-17 do të luhet më 12 gusht në orën 18:00, ndërsa ndeshja e dytë më 14 gusht në orën 11:00.

Këto takime miqësore, do të shërbejnë si përgatitje për kualifikueset e raundit të parë të Kampionatit Europian “Estonia 2026”.

Shqipëria ndodhet në Grupin 8, së bashku me Kroacinë, Holandën dhe Kazakistanin. Të gjitha ndeshjet e këtij mini-turneu do të luhen në Kroaci, në datat 11, 14 dhe 17 nëntor 2025.

The post Përgatitje për kualifikueset, kuqezinjtë zyrtarizojnë dy ndeshje miqësore me Italinë appeared first on Albeu.com.

Përgatitjet e shpejta janë zbuluar përmes komunikimeve në aplikacionin “Sky”, ku informacioni, sigurimi i armëve dhe makinave me qëllim goditjen e objektit në formën “rrufe”, evidentohen në shumë raste.

Në total janë 14 episode ku grupi i drejtuar nga Hajdar dhe Franc Çopja, së bashku me Talo Çelën, kanë krijuar mjetet dhe kushtet për të vrarë, Arjan Spahiun ose siç thirej ndryshe “Arjani i Vogël”.

Grupi është mobilizuar për të vrarë Arjan Spahiun, në dy raste në periudhën kohore nëntor 2020, deri në Janar 2021 dhe dhjetor 2019 deri në janar 2020.

Në fakt Arjan Spahiu, është vrarë në muajin Nëntor 2020, në Molembek të Belgjikës, ku personi që dyshohet për vrasjen është Mikel Kamami alias “Keli i Kicit”, i shpallur në kërkim nga SPAK dhe autoritetet Belge.

Ndërsa sipas prokurorëve Belgë financuesi është Franc Çopja.

Kurse personat që Nuredin Dumani dhe Erjon Alibej dyshojnë se ka shitur Arjan Spahiun në Belgjikë, është Fati Koçi dhe Lutfi Shabani ose siç njihet ndryshe me nofkën “Ben Çami”.

Gjithashtu, në vitin 2020, ky grup kriminal ka tentuar të vrasë dhe Rigers Spahiun, vëllain e Arjan Spahiut.

Rigers Spahiu u arrestua nga policia e Elbasanit, në muajin Tetor 2022 pas dyshimeve se së bashku me Luis Gaxhin kishin siguruar 4 armë automatike për t`i përdorur ato më pas në vrasje.

Por gjatë kësaj kohe në katër raste grupi Çopja, ka siguruar informacion dhe mobilizuar për të vrarë Erjon Alibej, i cili është mik me Arjan Spahiun dhe personazhi kryesor që financonte disa prej vrasjeve të bëra nga Nuredin Dumani.

Nga 2019 deri në 2020, grupi ka krijuar kushtet katër herë të vrasë Alibej, madje edhe gjatë kohës kur ai ka qënë në masën e sigurisë “arrest në shtëpi”, për rastin e plagosjes me armë të Xhon Rustës.

Në dy raste gjatë vitit 2020, ky grup ka tentuar të vrasë vetë vrasësin me pagesë, Nuredin Dumani, por pa arritur ta kapin atë.

Gjithashtu, në dy raste të tjera në vitin 2020, grupi ka tentuar të vrasë Aleksandër alias Aldo Bahon, i cili momentalisht ndodhet në Itali.

Baho njihet ndryshe me nofkën “Sakati” dhe është vëllai i Kevin Bahos të vrarë në Peqin në 2019.

Aldo Baho njihet si mik i “Tarzanit” Enea Alibej i vrarë në dhjetor 2018 në Elbasan.

Sigurim kushtesh janë krijuar dhe për të vrarë, shtetasit A.Ç, E.C dhe Q.A.

The post SKY” nxjer 14 raste për përgatitje për vrasje, nga Rigers dhe Arjan Spahiu te vrasësi me pagesë Nuredin Dumani appeared first on Albeu.com.

Më poshtë, ua prezantojmë disa këshilla rreth forcimit të sistemit imun dhe t’u rrëfejmë se si mund të mbroheni nga sëmundja, transmeton Telegrafi.

Ushqimi

Për fat të keq, shumica e njerëzve gabojnë duke menduar se gështenja posedon sasi të madhe të kalorive. Pemët të cilat simbolizojnë vjeshtën janë rrushi, gështenja dhe mollët.

Rrushi është burim shumë i rëndësishëm, ngase posedon sasi të madhe të antioksiduesve, që do të thotë se mbron organizmin dhe qelizat tona nga të ashtuquajturit, radikalë të lirë. Po ashtu përmban edhe acidin folik që luan një rol shumë të rëndësishëm në mbrojtjen e lëkurës, e sidomos të thonjve dhe të flokëve.

Kur jemi tek gështenja, është shumë e varfër me yndyrë dhe përmban një sasi të vogël të kalorive. Por, atë nuk duhet konsumuar personat që vuajnë nga sëmundjet reumatoide, përderisa sugjerohet për konsumim ngase ngadalëson plakjen.

Edhe molla, po ashtu është mjaft e rëndësishme, ngase përmban pektinë dhe në lukth jep ndjenjën e ngopjes. Molla po ashtu u ndihmon edhe të sëmurëve që vuajnë nga sëmundjet e zemrës, mëlçisë, veshkës e po ashtu edhe komplikimeve gjatë shtatzënisë.

Sipas traditës, vjeshta sjell grip dhe ftohje. Simptomat pothuajse të gjithë i dimë: rrjedhje e hundëve, kolla, teshtitjet, temperatura e ngritur trupore, kokëdhembje, dhembje në nyjesh, lodhje dhe mungesë apetiti.

Ju sugjerojmë të përgatitni supë me qepë, ngase qepa është e pasur me antioksidues, vitamina C dhe E disa minerale etj.

Përgatitjet për ditët e ftohta

Të shohim se në çfarë mënyre duhet të përgatitemi që të jemi të gatshëm për ditët e ftohta dhe të jemi të gatshëm për ditën e gripit dhe të viruseve:

* Në radhë të parë – tentoni ta zvogëloni stresin, apo të zbusni pasojat e tij.
* Merrni vitamina C shtesë.
* Në ushqim sa më shumë përdorni prodhime të qumështit.
* Çdo ditë konsumoni çaje, konsumoni ushqim që është i pasur me fibra.
* Konsumimi i alkoolit të jetë në masën më të vogël të mundshme. Ushtroni rregullisht, ecni atëherë kur ju ofrohet mundësia.
* Flini së paku 7 orë në ditë.

The post Si të përgatitemi fizikisht për ditët e ftohta? appeared first on Albeu.com.

Sipas studimeve rreth 65% e kësaj pije konsumohet që me mëngjes ndaj shpesh edhe flitet për vlerat dhe dëmet që shkakton në organizëm.

Një studim i fundit hedh dritë mbi rrezikshmërinë që një lloj përgatitje e kafes ka.

Çfarë duhet të dini:

Në një studim të publikuar në Revistën Evropiane të Kardilogjisë Preventive thuhet se, kafja e pafiltruar përmban substance të cilat rrisin kolesterolin e keq në gjak.

Sipas drejtuesit së këtij studimi Dag Thelle, professor në Universitetin e Gothenburgut në Suedi, përdorimi i filtrave ndihmon në shëndetin e mirë të të gjithë organizmit.

Te gjitha llojet kafesë edhe ajo turke apo lloje të tjera përmbajnë sasi të larta të substancave si kafestol dhe kahueol.

Kimikate që gjenden në pikat e vajit si pjesë përbërëse e kafesë duke u kthyer kështu në një dëm për shëndetin.

Studimet kanë treguar se këto substanca mund të rrisin nivelet e triglicerideve dhe nivelet e kolesterolit të keq.

Të dhënat e studimit:

Për studimin e botuar në Revistën Evropiane të Kardiologjisë Preventive, studiuesit hetuan nëse ndonjë metodë e veçantë e përgatitjes së kafes ishte e lidhur me ndonjë rrezik më të lartë të vdekjes së parakohshme, sëmundjeve të zemrës dhe goditjes në tru.

Pjesmarrësit më shumë se 500,000 të rritur norvegjezë midis moshave 20 dhe 79 plotësuan anketa mbipërditshmërinë dhe shëndetine tyre për 2 dekada.

Gjatë kësaj periudhe kohore, afërsisht 12,000 pjesëmarrës vdiqën nga sëmundje të zemrës, 6,000 humbën jetën nga sëmundje ishemike e zemrës dhe pothuajse 3,000 të tjerë nga goditjet në tru.

Në fund studiuesit zbuluan se pjesëmarrësit që pinin kafen të filtruar kishin 15% më pak mundësi për një vdekje më të hershme.

Njerëzit që konsumonin nga një deri në katër filxhanë çdo ditë, patën nivelet më të ulëta të vdekshmërisë në përgjithësi.

Kjo shifër përfshin gjithashtu edhe ata që nuk konsumonin fare kafe.

Të dhënat si për ata që konsumonin kafe filtër dhe ata që nuk konsumonin fare kafe ishin thuajse të njejta dhe kjo sipas ekspertëve vërteton për ndihmën që kjo lloj përgatitje e kafes i jep organizmit.

Sidoqoftë edhe në këtë rast të kafesë më filtër mjekët nuk këshillojnë në asnjë rast më shumë se 5 filxhanë në ditë.

The post Mënyra më e rrezikshme e konsumimit të kafesë sipas mjekëve appeared first on Albeu.com.

28-vjeçari belg u rikthye te gjigandët e Serie A në formë huazimi këtë verë pas vetëm një sezoni te Chelsea.

Lukaku nuk mundi të japë më të mirën e tij sezonin e kaluar në Premier League duke shënuar vetëm 15 gola në 44 paraqitje.

Tani duket se ai po punon për t’u rikthyer në top-formë në Itali, pasi fotot e tij nga stërvitja e fundit më “zikaltërit” dëshmojë në fizik të shkëlqyer.

Forma trupore e Lukakut ka qenë e njohur për luhatje gjatë karrierës së tij dhe këtë e ka pranuar edhe vetë sulmuesi./albeu.com

The post Lukaku duket në formë të pabesueshme pak ditë nga nisja e sezonit të ri me Interin (FOTO LAJM) appeared first on Albeu.com.

– I pasur me vitaminë E: Vitamina E është një vitaminë e rëndësishme për mbrojtjen e qelizave nga dëmtimi i radikalëve të lirë. Ajo ndihmon shëndetin e syve dhe të lëkurës dhe mund të luajë një rol në mbrojtjen nga sëmundjet, si sëmundja e zemrës.

– Përmban pak sheqer: Nëse po përpiqeni të kufizoni marrjen e sheqerit, qumështi i bajames pa ëmbëlsues është një zgjedhje e shkëlqyeshme.

Rreziqe të mundshme

– Mungesë proteinash: Proteina është thelbësore për shumë funksione trupore, përfshirë rritjen e muskujve, strukturën e lëkurës dhe kockave dhe prodhimin e enzimave dhe hormoneve.

– I papërshtatshëm për foshnjat: Fëmijët më të vegjël se 1 vjeç nuk duhet të pinë qumësht lope ose me bazë bimore, pasi këto mund të parandalojnë thithjen e hekurit.

– Mund të përmbajë përbërës të shtuar: Kontrolloni listën e përbërësve. Zgjidhni qumështin e bajameve pa ëmbëlsues dhe pa aromë.

Si ta bëni vetë qumështin e bajameve

Përbërësit:

– 2 gota bajame të njomura
– 4 gota ujë
– 1 lugë çaji ekstrakt vanilje (opsionale)

Vendosni bajamet në ujë brenda natës dhe kullojini para se t’i përdorni. Shtoni bajamet, ujin dhe vaniljen në një blender. Sigurohuni që bajamet të jenë bluar mirë (1-2 minuta). Më pas, kullojeni përzierjen me napë. Lëngun ruajeni në frigorifer për 4-5 ditë./albeu.com

The post Qumështi i bajameve, përfitimet, rreziqet dhe si ta përgatisni në shtëpi appeared first on Albeu.com.

Nëse jeni në rradhët e njerëzve që këto të fundit nuk ju shijojnë atëherë përfitoni prej tyre nga përdorimet e jashtme pasi efekti është i njëjtë. Studimet kanë zbuluar se lëngu i qepës përdoret kundra rënies së flokëve dhe trajton problemet që lidhen me zbokthin dhe infeksionet e lëkurës së kokës.

Kjo gjë nuk është një zbulim i ri pasi studime të shumta kanë mbështetu këtë fakt, e para tyre kanë qenë gjyshet tona që rekomandonin lëngun e qepës për flokë të shëndetshme.

Receta dhe përgatitja:

Grini një kokërr qepë në mikser dhe më pas shtypni tulin e qepës në një kullesë të vogël në mënyrë që të merrni vetëm lëngun. Shtoni 2 lugë gjelle mjaltë dhe mund të shtoni sipas dëshirës disa piak vaj aromatik. Mund të lyeni flokët 3 herë në javë ti mbani disa minuta ose orë sipas mundësisë e më shpëlajini normalisht.

The post RECETA/ Efekti i lëngut të qepës kundër rënies së flokëve appeared first on Albeu.com.

Nëse frika më e madhe e Europës realizohet dhe konflikti në Ukrainë përfshin fqinjët e tjerë të Rusisë, atëherë Finlanda do të jetë gati.

Ka furnizime. Të paktën gjashtë muaj të të gjitha lëndëve djegëse dhe drithërave kryesore, ndërsa kompanitë farmaceutike kanë 3-10 muaj rezerva të të gjithë barnave të nevojshme.

Ka mbrojtje civile. Të gjitha ndërtesat duhet të kenë strehimoret e tyre për bomba, dhe pjesa tjetër e popullsisë mund të përdorë parkingje nëntokësore, sheshet e  patinazhi dhe pishinat mund të shndërrohen në qendra evakuimi.

Dhe ka ushtarë. Pothuajse një e treta e popullsisë së rritur të vendit nordik është një rezervist, që do të thotë se Finlanda mund të formojë një nga ushtritë më të mëdha në Europë në krahasim me madhësinë e saj.

“Ne kemi përgatitur shoqërinë tonë dhe jemi trajnuar për këtë situatë që nga Lufta e Dytë Botërore,” tha Tytti Tuppurainen, ministri i Finlandës. Pasi kaluam tetë dekada duke jetuar fillimisht nën hijen e Bashkimit Sovjetik dhe tani Rusisë, kërcënimi i një lufte në Europë “nuk na ka kapur në befasi”.

Por ajo që Finlanda e quan strategjinë e saj të “sigurisë gjithëpërfshirëse” ofron një shembull se si vendet mund të krijojnë sisteme rigoroze, në mbarë shoqërinë për të mbrojtur veten, duke planifikuar jo vetëm  një pushtim të mundshëm, por edhe për fatkeqësi natyrore ose sulme kibernetike ose pandemi, raporton abcnews.al.

Finlanda ka krijuar rrjete informale midis elitave të botës politike, të biznesit dhe të organizatave joqeveritare për t’u përgatitur për më të keqen. Vendi zbulon se cilat janë dobësitë e tij kryesore dhe përpiqet t’i korrigjojë  për të krijuar sa më shumë elasticitet përpara se të ndodhë një krizë.

Lufta në Ukrainë ka nxjerrë në pah se sa e ekspozuar është Finlanda, me kufirin e saj prej 1,340 km me Rusinë.

Pjesa më e madhe e gatishmërisë së Finlandës rrjedh nga lufta e saj me Moskën, në 1939-40 për të mbajtur jashtë Bashkimin Sovjetik. Por ata humbën një pjesë të madhe të territorit të tyre si rezultat, duke përfshirë qytetin e tyre më kozmopolit, Vyborg, dhe një nga zonat e tyre kryesore të industrisë.

“Ne kemi pasur shumë herë përvoja të vështira në histori. Nuk e kemi harruar, është në ADN-në tonë. Kjo është arsyeja pse ne kemi qenë shumë të kujdesshëm në ruajtjen e elasticitetit tonë”, tha presidenti Sauli Niinisto.

Sipas sondazheve, rreth tre të katërtat e finlandezëve janë të gatshëm të luftojnë për vendin e tyre, deri tani shifra më e lartë në Europë.

Finlanda ka një forcë trupash të kohës së luftës prej rreth 280,000 njerëz, ndërsa në total ka 900,000 të trajnuar si rezervistë. Vendi vazhdoi me rekrutimin  e të gjithë meshkujve që braktisën shkollën edhe pas përfundimit të Luftës së Ftohtë.

Ekziston një planifikim i detajuar në rast të një pushtimi, duke përfshirë vendosjen e avionëve luftarakë në rrugët e largëta të vendit, vendosjen e minave në korsitë kryesore të transportit dhe përgatitjen e mbrojtjes tokësore, si p.sh. hedhja në erë e urave.

Nëse një sulm i mundshëm zbulohet nga inteligjenca ushtarake, forcat do të mobilizoheshin dhe civilët do të evakuoheshin nga zonat e rrezikshme, një ndryshim i dukshëm me atë që ka ndodhur në Ukrainë. Kuusela thotë se thelbi i strategjisë së Finlandës është vullneti i qytetarëve të saj për të luftuar dhe mbrojtur vendin, i cilësuar së fundmi nga OKB-ja për të pestin vit radhazi si kombi më i lumtur në botë.

Çdo industri kritike – si telekomunikacioni, furnizimi me ushqime ose energjia mblidhen disa herë në vit ku diskutojnë për çështje që mund të prekin sektorin e tyre. Finlanda ka gjithashtu ka një bilancë prej 2.5 miliardë eurosh, i cili përbëhet nga rezervat e tij strategjike të furnizimit gjashtëmujor me drithëra, si gruri dhe tërshëra, dhe lloje të ndryshme karburanti si benzina dhe nafta.

Katër herë në vit, një grup prej disa dhjetëra politikanësh, drejtues biznesi dhe përfaqësues nga kisha, media dhe organizata joqeveritare takohen për një program intensiv njëmujor që përfshin leksione nga oficerë të lartë ushtarakë dhe zyrtarë qeveritarë. Finlanda nuk është e fokusuar vetëm në kërcënimin e pushtimit, por në forma të tjera sulmi – qofshin ato lokale, të tilla si helmimi i një burimi uji ose paaftësia e një termocentrali, ose kombëtare, si sulmet kibernetike.

Ka një fokus në rritje në të ashtuquajturat kërcënime hibride, veprime që shpesh janë të paqarta dhe nuk përmbushin nivelin e një sulmi të plotë ushtarak.  Para se të shpërthente lufta në Europë, gatishmëria e Finlandës u vu në provë nga Covid-19, megjithatë ekspertët thanë se kishte vend për përmirësim.

Një rrezik është gjithmonë që autoritetet t’i korrigjojnë gjërat bazuar në krizën e mëparshme, por një pikë e fortë e qasjes së Finlandës është se ajo ndihmon në përgatitjen për “mjellmat e zeza” ose ngjarje të papritura, duke pasur si fokus kryesor mbrojtjen e “funksioneve jetësore” të shoqërisë, raporton abcnews.al.

Nuk ka dyshim se finlandezët janë të shqetësuar nga pushtimi rus i Ukrainës, një tjetër nga fqinjët e saj që nuk janë pjesë e NATO-s. Helsinki është përpjekur gjithmonë për marrëdhënie të mira fqinjësore me Rusinë, për shkak të kufirit të gjatë, por kjo shpresë tani është shkatërruar.

Gjatë Luftës së Ftohtë, vendndodhja e Finlandës e detyroi atë të pranonte neutralitetin për të mbajtur larg Bashkimin Sovjetik, por pas anëtarësimit në BE në vitin 1995 dhe afrimit me NATO-n gjatë dekadave të fundit, ekziston një ndjenjë në rritje në Helsinki se anëtarësimi në aleancën ushtarake do të çimentonte statusin e tij si një vend i pavarur perëndimor.

Në thelb të gjithë kësaj është se edhe pse Ukraina dhe debati rreth NATO-s ndryshojnë shumë, e vetmja gjë e vërtetë është se Finlanda do të mbetet gjithnjë fqinje e Rusisë.

“Disa thonë se kemi bërë 32 luftëra kundër Rusisë, të tjerët 42”, tha Lindberg, ish-shefi i mbrojtjes.

“Gjithçka që di është se Rusia do të jetë gjithmonë fqinja jonë dhe ne e dimë se do të jemi gjithmonë gati.”

The post Lufta me Rusinë? Finlanda ka gati planin appeared first on Albeu.com.

Ai shkroi: “Estonia është një nga 14 vendet  pothuajse gjysma e anëtarëve aktualë të NATO-s  që iu bashkuan aleancës në faza të ndryshme gjatë çerek shekullit të kaluar. Të gjithë e panë anëtarësimin si një mjet për të mbrojtur veten kundër agresionit të mundshëm rus.

“Ne u pranuam në NATO, krahas Shqipërisë, Bullgarisë, Kroacisë, Republikës Çeke, Hungarisë, Letonisë, Lituanisë, Malit të Zi, Maqedonisë së Veriut, Polonisë, Rumanisë, Sllovakisë dhe Sllovenisë.

“Por disa qeveri nuk i morën seriozisht paralajmërimet tona për Rusinë. Tani ata e shohin se ne kishim të drejtë.”

Karis shtoi se “kur vendet në krahun lindor folën për forcimin e mbrojtjes së NATO-s, disa e hodhën poshtë këtë si ankesë të lodhshme”, por pasi Rusia aneksoi krimin në vitin 2014, “njerëzit filluan të kuptojnë se ndoshta kishte ndonjë të vërtetë në paralajmërimet e lëshuara nga Polonia dhe shtetet baltike”.

Presidenti estonez shtoi: “NATO tani duhet të përgatitet për kërcënimet e ardhshme. Le të pranojmë se agresioni rus kërcënon të gjithë botën demokratike, veçanërisht ato vende që janë më afër Rusisë.

“Le të pranojmë se Putini përbën një kërcënim ushtarak për të gjithë ne”.

The post Presidenti estonez: NATO duhet të dëgjojë anëtarët lindorë dhe të përgatitet për kërcënimet e ardhshme appeared first on Albeu.com.

Por ky përfundim rezultoi të ishte shumë i gabuar, pasi Irani i përdori shumë shpejt njohuritë e tij për të vazhduar me një kapacitet edhe më të madh zgjerimin e programit të tij bërthamor. Por edhe në atë kohë, në industrinë ende të sapolindur të sigurisë kibernetike kishte ankesa shumë shqetësuese se Stuxnet apo diçka e ngjashme me të, që ishte në zhvillim për vite me radhë, mund të projektohej në mënyrën e kundërt ose të imitohej dhe të përdorej nga objektivat e saj fillestarë. Në fakt, ajo çka do të pasonte do të ishte edhe më e rrezikshme. Sulmi me Stuxnet, paralajmëroi një epokë të re të luftës kibernetike globale, dhe janë njerëzit e zakonshëm ata që po vuajnë pasojat e kësaj lufte.

Kujtojmë se përpara Stuxnet-it, sulmet kibernetike shiheshin më së shumti si shqetësime ose sjellje kriminale, të përdorura për spiunazh midis korporatave apo qeverisë. Industria globale e sigurisë kibernetike vlente vetëm disa miliardë dollarë. Por në 5 vitet e ardhshme, kjo industri pritet të ketë një vlerë prej më shumë se 210 miliardë dollarë. Lufta kibernetike, është shndërruar sot në një strategji të së sigurisë kombëtare të shumë kombeve, një mjet thelbësor i spiunazhit, kundërzbulimit, sabotimit dhe grabitjes. Çdo vend është duke u përpjekur për të përmirësuar mbrojtjen e vet kibernetike, si dhe aftësitë sulmuese. Ekspertët thonë se Rusia dhe Kina, zotërojnë aktualisht aftësi të jashtëzakonshme në luftën kibernetike. Por janë vendet e izoluara diplomatikisht, si Irani dhe veçanërisht Koreja e Veriut, ato që përbëjnë shqetësimin më të madh, pasi kanë shumë pak për të humbur dhe po aq shumë për të fituar duke i përdorur këto lloj armësh.

“Koreja e Veriut është shumë unike,pasi ajo po fokusohet shumë dhe vazhdimisht tek operacionet financiare dhe të biznesit”- thotë Sherod DeGripo, specialiste e sigurisë së informacionit në kompaninë e sigurisë kibernetike, Proofpoint. Ndër objektivat kryesore të Phenianit janë shkëmbimet në kriptomonedha, përpjekjet për të vjedhur emrat e përdoruesve dhe fjalëkalimet e tyre me synim zhvatjen e tyre, si dhe përpjekjet për të zbutur goditjen e sanksioneve ndërkombëtare mbi programin e saj bërthamor dhe sjelljen luftarake. Një raport i publikuar muajin e kaluar nga Proofpoint, përshkruan se si një grup që dyshohet se mbështetet nga Koreja e Veriut i quajtur Kimusky, AKA Thallium ose TA406, ka ndërmarrë sulme të rregullta duke synuar diplomatë, ekspertë të politikës së jashtme, gazetarë dhe organizata jofitimprurëse në të gjithë Evropën, Azinë dhe Amerikën e Veriut. Për më tepër, Proofpoint thotë se hakerat po përdorin gjithnjë e më shumë viruset e llojit “malware” që ndërhyjnë në sistemet e IT dhe mbledhin të dhëna, në vend të sulmeve tradicionale “phishing”, që i joshin objektivat që të heqin dorë nga fjalëkalimet dhe emrat e përdoruesve. Kjo do të thotë se kushdo që punon në çdo lloj fushe të ndjeshme – nga media apo financa deri tek politika e jashtme – duhet të jetë shumë vigjilent. “Sulmet do t’ju vijnë nga shumë drejtime të ndryshme – email, media sociale, telefonata, mesazhe me tekst. Duhet të jeni kudo shumë të kujdesshëm”-thotë ajo. Por nga ana tjetër ekziston shqetësimi se njerëzit nuk mund të bëjnë dot asgjë për të shmangur infiltrimin, vetëm në rats se e lagim telefonin tonë me benzinë dhe më pas i vëmë zjarrin.

A është e përgatitur bota për të përballuar

Kompania izraelite NSO, ka zhvilluar tashmë një program të quajtur Pegasus, i cili mund të hakojë telefonin e dikujt pa klikuar apo hapur ndonjë gjë. Tani që grupet e teknologjisë së informacionit në Iran dhe Korenë e Veriut, e dinë se një program i tillë është i mundur, edhe sa kohë mund t’u duhet për ta rindërtuar atë?Ndoshta disa tashmë e kanë realizuar diçka të tilla. Kevin Mandia, kreu ekzekutiv i kompanisë së sigurisë kibernetike “Mandiant”, paralajmëroi kohët e fundit se aftësitë kibernetike të Iranit janë zgjeruar shumë, përtej aftësisë së Perëndimit për t’u mbrojtur kundër tij. “Ata po operojnë me shumë efikasitet; me “malware” që mund të përditësohen. Kështu ata mund të jenë shumë efikasë… duke kapërcyer sistemin tonë mbrojtës”- deklaroi Mandia për televizionin amerikan CNBC.

Ndërkohë shumë ekspertë shqetësohen se tashmë ka filluar një cikël i pakthyeshëm i përshkallëzimit të kësaj lufte, dhe ku vendet po përpiqen të tejkalojnë njëri-tjetrin në një garë të ethshme të armëve kibernetike. Vetëm disa javë pasi Izraeli u akuzua në tetor për një sulm kibernetik mbi stacionet e benzinës të Iranit, Teherani dyshohet se u kundërpërgjigj duke hakuar në faqet e internetit ku caktohen vizitat në sistemin e kujdesit shëndetësor izraelit. Që nga viti 2006, Qendra për Sigurinë dhe Studimet Ndërkombëtare ka grumbulluar një listë shqetësuese, dhe me gjasë vetëm të pjesshme, me 62 faqe të sulmeve të rëndësishme kibernetike. Protagonistë janë hakerat e dyshuar në Brazil, Kinë, Rusi dhe Izrael. Dhe objektivat janë gjithnjë e më shumë civile në natyrë, përfshirë pakicat etnike si kurdët, aktivistët që kërkojnë zgjedhje të ndershme në Rusi, bizneset e vogla dhe kompanitë energjitike. Ndoshta ka ardhur koha të hartohet dhe miratohet një traktat global që të rregullojë përdorimin, keqpërdorimin dhe përhapjen e armëve kibernetike në të njëjtën mënyrë siç rregullohet mbajtja e armëve bërthamore, kimike dhe biologjike. Por DeGripo dyshon se do të funksiononte çdo lloj marrëveshjeje ndërkombëtare. Në dallim nga bombat bërthamore, burimi i sulmeve të luftës kibernetike mund të fshihet shumë lehtë. Aftësia e madhe për t’i mohuar akuzat, është një nga avantazhet kryesore të armëve kibernetike, duke i bërë ato të papërshkueshme ndaj rregulloreve. Zhvilluesit e fshehtë të Stuxnet, patën vërtet shumë imagjinatë kur krijuan një virus që mundi të shkatërronte sistemet kompjuterike nga mijëra milje larg. Por atyre mund t’u ketë munguar vizioni për të parashikuar se çfarë lloj bote do të krijonte një armë e tillë./The Indipendent

The post A është e përgatitur bota për të përballuar luftën kibernetike? appeared first on Albeu.com.