Deklarata u bë nga Sekretari për Çështjet Ligjore në PD, Ivi Kaso, i cili tha se procesi do të zhvillohet sipas parimit “1 anëtar, 1 votë”.

Sipas tij, në të gjitha degët e partisë do të ngrihen qendra votimi, të cilat do të jenë të hapura nga ora 08:00 deri në 18:00, ndërsa në degët më të mëdha do të ketë më shumë se një qendër votimi.

Deklarata e sekretarit të çështjeve ligjore në PD, Ivi Kaso

Në emër të Komisionit të Organizimit dhe Kontrollit të Operacioneve Elektorale të Partisë Demokratike, njoftoj se ka përfunduar faza e përgatitjeve për procesin e datës 23 Maj, ku demokratët me referendum do zgjedhin kryetarin e tyre, sipas parimit 1 anëtar 1 votë.

Në të gjithë degët e Partisë Demokratike do të ngrihen qendrat e votimit ku, nga ora 08.00 deri në orën 18.00 demokratët janë të thirrur të votojnë masivisht, në këtë shprehje të demokracisë së drejtpërdrejte. Nëpër degët e mëdha, sipas kërkesave është përcaktuar se mund të ngrihet edhe më shumë se 1 qendër votimi.

Këtë të shtunë 77 degë të Partisë Demokratike në të gjithë Shqipërinë shprehen në referendum për kryetarin në një ushtrim të demokracisë.

Partia Demokratike është krenare sepse, që nga ngritja e Komisionit të Rithemelimit, deri më 23 maj, ka zhvilluar 7 procese zgjedhore të hapura, të drejtpërdrejta dhe demokratike.

Krejt e kundërta me parimin ‘një anëtar një votë’, ndodh në ‘partinë bunker’, ku prej më shumë se një dekade nuk bëhen zgjedhje dhe çdo emërim bëhet sipas parimit autokratik ‘një kryetar, një votë’.

Edhe njëherë u bëj thirrje të gjithë demokratëve të ushtrojnë të drejtën e votës në referendumin e së shtunës.

The post Përfundon faza e përgatitjeve, të shtunën demokratët do zgjedhin me referendum kryetarin e tyre appeared first on Albeu.com.

Ceremonia e përcjelljes u zhvillua me tapet të kuq, ndërsa Trump kaloi pranë rreshtave të ushtarëve kinezë që qëndronin në pozicion nderi dhe studentëve që valëvitnin njëkohësisht flamujt e Kinës dhe të SHBA-së.

Gjatë përshëndetjes me zyrtarët kinezë, Trump u pa duke kapur miqësisht nga supet ministrin e Jashtëm kinez Wang Yi, të cilit i dha një përshëndetje miqësore para nisjes.

Presidenti kinez Xi Jinping e cilësoi vizitën si “historike dhe me rëndësi të veçantë”, duke deklaruar se dy liderët kanë krijuar “një pozicionim të ri për marrëdhënie konstruktive, strategjike dhe të qëndrueshme” mes dy vendeve.

“Presidenti Trump dëshiron ta bëjë Amerikën sërish të madhe, ndërsa unë jam i përkushtuar të udhëheq popullin kinez drejt rilindjes së madhe të kombit kinez”, tha Xi, duke shtuar se të dyja palët duhet të zbatojnë “konsensusin e rëndësishëm” të arritur gjatë takimeve.

Nga ana tjetër, Trump e përshkroi vizitën si “shumë të suksesshme, të njohur në mbarë botën dhe të paharrueshme”. Ai e quajti Xi Jinping “një mik të vjetër”, duke shtuar se ka “respekt të madh” për presidentin kinez.

“Jam i gatshëm të vazhdoj komunikimin e sinqertë dhe të thelluar me presidentin Xi Jinping dhe pres me kënaqësi ta pres atë në Uashington”, deklaroi Trump.

The post Përfundon vizita e Trump në Kinë/ Xi Jinping: Historike, të zbatohen dakordësitë e arritura! Presidenti i SHBA-ve: Takim i suksesshëm appeared first on Albeu.com.

Sipas informacioneve paraprake, Nunka ka pasur edhe më herët probleme me zemrën dhe nuk është ndjerë mirë pas shoqërimit nga policia. Për këtë arsye ai është dërguar me urgjencë në spital për kontroll mjekësor.

Burime bëjnë me dije se pas ekzaminimeve dhe EKG, mjekët kanë konstatuar probleme kardiake, ndërsa kardiologu ka vendosur që kirurgu të mbahet i shtruar dhe nën monitorim të vazhdueshëm.

Ndërkohë, pritet të vendoset edhe lidhur me zhvillimin e seancës për masën e sigurisë, e planifikuar për ditën e nesërme, e cila mund të mbahet në ambientet e spitalit.

The post U arrestua për ngacmimin e vajzës 21-vjeçare, mjeku Nikolla Nunka përfundon në spital appeared first on Albeu.com.

Pas ndalimit të mjetit, drejtuesi është parë duke dalë nga automjeti dhe duke u ngjitur drejt hyrjes së institucionit, ku më pas ka goditur me shkelma dyert e godinës.

Në pamjet e publikuara shihet edhe një efektiv policie që afrohet pranë automjetit, por më pas qëndron në distancë pa ndërhyrë në momentin kur qytetari godet hyrjen e Kryeministrisë.

Deri tani, nuk dihen motivet që kanë çuar drejtuesin e mjetit në këtë veprim.

The post VIDEO/ Incident para Kryeministrisë, makina përfundon në shkallët e godinës, shkelmon derën e institucionit appeared first on Albeu.com.

Në mbledhjen e grupit, kryeministri Edi Rama, mësohet se u ka kërkuar vijimin me intensitet të kontakteve me njerëzit në bazë dhe qytetarët, sa i takon procesit të integrimit në BE të vendit.

Rama kërkoi vijimin intensiv të takimeve dhe përcjelljen e mesazheve për integrimin edhe në mediat sociale.

Fokus kryesor tek ato çështje që lidhen direkt me sfidat e integrimit, një prej tyre edhe siguria ushqimore.

“Vijoni me intensitet komunikimin për integrimin”, ka thënë mes të tjerash kreu i mazhorancës socialiste dhe i ekzekutivit.

Në fjalën e tij, mësohet se Rama u ndal edhe në rienergjizimim e anëtarësisë së PS.

The post Përfundon mbledhja e zgjeruar e grupit parlamentar të PS dhe ministrave, zbulohen porositë që u la kryeministri Rama appeared first on Albeu.com.

Ekuipazhi i përbërë nga Reid Wiseman, Victor Glover, Christina Koch dhe astronauti kanadez Jeremy Hansen realizoi me sukses një nga hapat më të rëndësishëm drejt rikthimit të njeriut në Hënë, një objektiv që synohet të arrihet rreth vitit 2030.

Momenti më kritik i misionit ishte rikthimi në atmosferën e Tokës, kur kapsula Orion hyri mbi Oqeanin Paqësor, rreth 3.200 kilometra larg brigjeve të SHBA-së.

Për rreth gjashtë minuta nuk pati asnjë komunikim me ekuipazhin, për shkak të temperaturave ekstreme që kalonin, 2.000 gradë Celsius gjatë hyrjes në atmosferë.

Megjithatë, gjithçka shkoi sipas planit. Parashutat u hapën në kohën e duhur, duke mundësuar një ulje të butë në det në orën 02:07 të mëngjesit, pa asnjë problem.

Sipas NASA-s, astronautët nuk kanë qenë në asnjë moment në rrezik, falë mburojës termike të avancuar të kapsulës. Në zonën e uljes ishin dislokuar dhjetëra mjete detare dhe ajrore të forcave të armatosura dhe Rojeve Bregdetare të SHBA-së, për të garantuar sigurinë e operacionit.

Pas uljes, u raportuan disa probleme të vogla në komunikimin mes kapsulës dhe qendrës së kontrollit, por ato nuk u konsideruan shqetësuese.

Misioni Artemis II konsiderohet një hap kyç për programin hapësinor amerikan, duke hapur rrugën për kthimin e njeriut në Hënë pas më shumë se pesë dekadash.

Orion’s main parachute has deployed. The spacecraft has a system of 11 chutes that will slow it down from around 300 mph to 20 mph for splashdown.

Get more updates on the Artemis II blog: https://t.co/7gicm7DWBt pic.twitter.com/ReXHTfkFld

— NASA (@NASA) April 11, 2026

The post VIDEO/ Përfundon me sukses misioni “Artemis II”, kapsula Orion ulet në Paqësor pas udhëtimit rreth Hënës appeared first on Albeu.com.

Sipas gazetares,Klodiana Lala, Mario Çela, ka ardhur nga Belgjika me një epikrizë me vete dhe nga paraburgimi, ku ishte vendosur fillimisht është paraqitur në Qendrën Spitalore të burgjeve.

Mësohet se Çela kërkon zëvendësim të masës për qëllime shëndetësore.

Kujtojmë se Çela ishte shpallur në kërkim ndërkombëtar, pasi GJKKO i ka caktuar masën e sigurisë “Arrest në burg” për disa vepra penale, “Vrasja me paramendim”, ”Organizata kriminale”, ”Mbajtja pa leje dhe prodhimi i armëve, armëve shpërthyese dhe municionit” dhe ”Korrupsioni aktiv ne sektorin privat”.

Mario Çela, u arrestua në qershor të vitit 2024 nga autoritetet italiane dhe iu dorëzua Belgjikës për një vrasje të ndodhur në Antwerp.

Në Shqipëri ai ishte shpallur në kërkim në kuadër të operacionit të SPAK në nëntor 2024, ku u godit organizata kriminale e drejtuar nga vëllai i tij, Suel Çela. SPAK në atë kohë lëshoi 21 urdhër arreste, mes të cilëve edhe Suel Çela.

Mario Çela, sikurse njoftonte Prokuroria e Posaçme, ishte një ndër anëtarët kryesorë të organizatës. Grupi i Suel Çelës u godit edhe njëherë tjetër, në korrik të vitit të kaluar, nga autoritetet italiane, në bashkëpunim me Prokurorinë e Posaçme Kundër Krimit dhe Korrupsionit.

The post Vëllai i Suel Çelës përfundon në spital, Mario Çela u ekstradua nga Belgjika, me vete kishte edhe një epikrize: Me lironi nga burgu appeared first on Albeu.com.

Siç bëjnë me dije burimet, prokurori i çështjës në procesin me dyer të mbyllura që po zgjat prej disa orësh, prokurori Sotir Kllapi, i kërkoi gjykatës paraprake të kalojë në gjykim themeli dosjen me 5 të akuzuar, ndaj të cilëve janë rëndojnë akuzat e korrupsionit të pastrimit të parave.

Aktualisht, në gjyq po flet ish-presidenti Ilir Meta.

The post SPAK përfundon parashtrimet në gjyqin paraprak ndaj Ilir Metës dhe Monika Kryemadhit appeared first on Albeu.com.

Pas kryerjes së të gjitha verifikimeve të mundshme brenda dhe jashtë vendit, Prokuroria ka miratuar rezultatet e procesit të verifikimit dhe ka përcjellë vendimin në Këshillin e Lartë Gjyqësor.

Verifikimi i pasurisë së Irena Gjokës, u zhvillua mbi bazën e kërkesës së Komisionit të Zhvillimit të Karrierës në Këshillin e Lartë Gjyqësor.

Njoftimi:

Mbi bazën e kërkeses së Komisionit të Zhvillimit të Karrierës në Këshillin e Lartë Gjyqësor, më datë 08.05.2024 në Sektorin e Dekriminalizimit të Prokurorisë së Përgjitshme është regjistruar me nr.40 procesi per verifikimin e thelluar të deklarimeve të bëra në Formularin e Vetëdeklarimit date 22.04.2016, për subjektin Irena Gjoka(Shpata, Maneku), gjyqtare në Gjykatën e Posaçme Kundër Korrupsionit dhe Krimit të Organizuar.

Pas kryerjes së të gjitha verifikimeve të mundshme brenda dhe jashtë vendit, më datë 19.01.2026, Prokuroria e Përgjithshme ka vendosur miratimin e rezultateve të verifikimit, vendim të cilin po këtë datë ja ka përcjellë Këshillit të Lartë Gjyqësor si organ përgjegjës për verifikimin e kushteve të ndalimit në zbatim të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, dhe Vendimit të Kuvendit nr.17/2016 “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”.

The post Pas kërkesës nga KLGJ, Prokuroria e Përgjithshme përfundon verifikimin e pasurisë së gjyqtares Irena Gjoka appeared first on Albeu.com.

Einxhel ka postuar në rrjetin e saj social “Insagram” foto nga spitali, e shtrirë në krevat dhe me serum në dorë.

Ndërkohë, krah saj është bashkëshorti i saj Dj Dagz.

Pavarësisht situatës, moderatorja nuk e ka humbur optimizmin dhe sensin e humorit, duke zgjedhur ta ndajë këtë episod me ndjekësit në mënyrë të sinqertë dhe pozitive.

Kujtojmë se Einxhel është nënë e dy djemve dhe jeton mes Prishtinës dhe Tiranës. Ajo është shkëputur përkohësisht nga ekrani televiziv.

The post Moderatorja Einxhel Shkira përfundon në spital (FOTO) appeared first on Albeu.com.