EMRI/ Përfshihet nga flakët një banesë në Korçë, humb jetën një person

Një ngjarje tragjike ka ndodhur sot në Korçë. Një banesë është përfshirë nga flakët në lagjen 11 dhe për pasojë ka humbur jetën një persona.

Viktima është 64-vjeçari Vasil Dolani, i cili ishte bllokuar brenda nga flakët, ndërsa janë lënduar tre të tjerë.

Mësohet se ai jetonte me gruan, motrën e tij dhe djali. Ata ishin në kushte të vështira ekonomike.

Policia, zjarrfikësja dhe ambulaca ndodhen në vendngjarje ndërsa ende nuk dihen shkaqet e zjarrit.

Njoftimi i policisë:

Korçë/Informacion paraprak

Më datë 18.10.2021, rreth orës 17:15, në lagjen nr. 11, ka rënë zjarr në banesën në pronësi të shtetasit Dh. D. dhe për pasojë ka gjetur vdekjen vëllai i tij shtetasi V. D., rreth 64 vjeç dhe janë lënduar lehtë pronari i banesës Dh. D, shtetasi J. D. dhe shtetasja V. D.

Shërbimet e policisë dhe zjarrfikëses, ndodhen në vendngjarje dhe po punohet për fikjen e zjarrit.

Grupi hetimor po punon për të zbardhur rrethanat e ngjarjes dhe përcaktuar shkaqet e rënies së zjarrit./albeu.com


Shtuar 18.10.2021 17:34