Republika Demokratike e Kongos e mbylli pjesën e parë në avantazh 1-0 përballë Anglisë, pasi shfrytëzoi maksimalisht mundësinë më të mirë që krijoi. Nga ana tjetër, anglezët u penguan si nga portieri kundërshtar, ashtu edhe nga VAR-i.

Skuadra afrikane goditi shumë herët, duke surprizuar “Tre Luanët” që në minutën e shtatë. Brian Cipenga përfitoi nga një krosim nga krahu dhe e finalizoi në mënyrë të shkëlqyer aksionin, duke e dërguar topin në këndin e poshtëm të portës për 1-0.

Pas pësimit të golit, Anglia reagoi dhe provoi të kthehej në ndeshje, me Jude Bellingham në qendër të aksioneve më të rrezikshme. Në minutën e 30-të, mesfushori i Real Madridit tentoi me kokë, por portieri kongolez bëri një ndërhyrje shumë të mirë.

Në minutën e 35-të, Marcus Rashford kërkoi të barazonte shifrat, por goditja e tij u ndal nga mbrojtja.

Kongo iu afrua ndjeshëm golit të dytë në minutën e 42-të. Yoane Wissa goditi fort pas një pasimi të gjatë, por topi përfundoi në shtyllën e djathtë.

Nuk munguan debatet në fundin e fraksionit të parë. Në minutën e 44-të, Harry Kane pretendoi për penallti pas një dueli në zonë, ndërsa gjyqtari në fillim urdhëroi vijimin e lojës. Më pas ai u thirr nga VAR-i për të rishikuar episodin dhe, pas verifikimit të pamjeve, vendosi se nuk kishte shkelje, duke rrëzuar pretendimet e anglezëve.

Në kohën shtesë, Bellingham iu afrua shumë golit të barazimit sërish me kokë, por portieri i Kongos realizoi edhe një pritje spektakolare. Kështu, skuadra e tij shkoi në pushim me epërsinë minimale 1-0.

The post Cipenga i jep epërsinë Kongos, portieri mban në lojë afrikanët ndaj Anglisë appeared first on Albeu.com.

Nga ora 18:00, Kombëtarja e Anglisë mat forcat me Republikën Demokratike të Kongos në ndeshjen e vlefshme për fazën e 1/16-tës së Kampionatit Botëror 2026.

Para nisjes së takimit, trajnerët Thomas Tuchel dhe Sebastien Desabre kanë bërë publike formacionet zyrtare për këtë përballje.

Te Anglia, mungesa e Reece James në krahun e djathtë bën që nga minuta e parë të aktivizohet Djed Spence. Në repartin ofensiv, Marcus Rashford është preferuar përpara Anthony Gordon në krahun e majtë.

Në majën e sulmit për “Tre Luanët” mbetet Harry Kane, i mbështetur në fazën sulmuese edhe nga Noni Madueke dhe Jude Bellingham.

Nga ana tjetër, te Kongo e nisin titullarë futbollistë si Aaron Wan-Bissaka, Axel Tuanzebe dhe Yoane Wissa.

Formacionet zyrtare:

Anglia: Pickford; Spence, Konsa, Guehi, O’Reilly; Anderson, Rice; Madueke, Bellingham, Rashford; Kane.

Kongo: Mpasi Nzau; Masuaku, Mbemba, Tuanzebe, Wan-Bissaka; Sadiki, Moutousammy; Cipenga, Mukau, Mbuku; Wissa.

The post Anglia dhe Kongo publikojnë 11-shet zyrtare për duelin e 1/16-tës në Botërorin 2026 appeared first on Albeu.com.

Në përfundim të fazës së grupeve të Kupës së Botës 2026, një prej zhvillimeve më befasuese ishte paraqitja e ekipeve afrikane: nëntë nga 10 përfaqësueset e kontinentit siguruan kualifikimin për në raundet eliminatore. Asnjë konfederatë tjetër e pranishme në këtë edicion të Botërorit nuk pati një përqindje suksesi kaq të lartë.

Ky realitet lidhet edhe me një prirje më të gjerë që po bëhet gjithnjë e më e dukshme në futbollin modern. Në Kupën e Botës 2026 janë regjistruar jo më pak se 289 futbollistë që kanë lindur në një shtet, por përfaqësojnë një tjetër në turne. Rekordi i mëparshëm ishte ai i Kupës së Botës 2022, me 137 lojtarë në të njëjtën situatë.

Sa më shumë kalon koha, aq më qartë shfaqet ndikimi i globalizimit në botën e sotme, dhe futbolli është një nga pasqyrimet më të forta të këtij procesi. Megjithatë, duhet pranuar edhe se zgjerimi i Kupës së Botës nga 32 në 48 skuadra ka pasur pjesën e vet në këtë rritje.

Pjesa më e madhe e këtyre 289 rasteve lidhet me futbollistë të lindur në Evropë, të cilët më pas zgjedhin ose fitojnë të drejtën sportive për të përfaqësuar një kombëtare afrikane.

Prej vitesh, në shekullin e 21-të, është përsëritur shpesh ideja se përfaqësuesja e Francës ka qenë në thelb një skuadër me përbërje afrikane më shumë sesa franceze. Në raste të caktuara, ky debat ka degjeneruar edhe në komente haptazi raciste. Është e vërtetë që Franca, por edhe disa ekipe të tjera kombëtare, kanë në përbërje shumë futbollistë, prindërit ose gjyshërit e të cilëve kanë jetuar në Afrikë.

Megjithatë, ekziston edhe kahu i kundërt i këtij fenomeni: Evropa po “ushqen” me një numër të madh lojtarësh vetë kombëtaret afrikane, pasi shumë prej tyre janë lindur në Afrikë, por janë rritur futbollistikisht në vendet evropiane.

Jo të gjitha skuadrat afrikane të Kupës së Botës 2026 mbështeten në të njëjtën masë te ky burim. Afrika e Jugut dhe Egjipti, për shembull, kanë vetëm nga një futbollist të lindur jashtë vendit. Në anën tjetër, përqendrimi më i madh i lojtarëve të tillë gjendet te Republika Demokratike e Kongos, Marok dhe Algjeri.

Siç pritej, Franca mbetet “furnizuesi” më i madh i talenteve për kombëtaret afrikane. Ajo qëndron dukshëm përpara Holandës, e cila mban vendin e dytë në këtë renditje të veçantë.

Në total, 98 nga 1,248 lojtarët e këtij Botërori kanë lindur në Francë:

23 në skuadrën e Francës;

12 në skuadrën e Algjerisë;

13 në skuadrën e Haitit;

11 në skuadrën e RD Kongos;

10 në skuadrën e Senegalit;

8 në skuadrën e Bregut të Fildishtë;

7 në skuadrën e Tunizisë;

6 në skuadrën e Marokut;

3 në skuadrën e Kepit të Gjelbër;

3 në skuadrën e Ganës;

1 në skuadrën e Egjiptit;

1 në skuadrën e Spanjës;

Përtej numrave, me rëndësi është edhe pesha reale që këta “evropianë” kanë në skuadrat afrikane në Kupën e Botës 2026. Matja më e saktë e këtij ndikimi nuk është e thjeshtë, por nëse merret si tregues më i drejtpërdrejtë kontributi në gola, atëherë panorama është kjo:

Maroku — 83% e golave të tyre të shënuar nga “evropianët”;

Algjeria — 80%;

Republika Demokratike e Kongos — 75%;

Bregu i Fildishtë — 50%;

Tunizia — 50%;

Kepi i Gjelbër — 50%;

Senegali — 50%;

Gana — 50%;

Egjipti — 0%;

Afrika e Jugut — 0%;

Sigurisht, në disa përfaqësuese ndikimi më i madh i këtyre futbollistëve nuk reflektohet vetëm te golat, pasi roli i lojtarëve mbrojtës mund të jetë vendimtar, sidomos në skuadra që nuk dominojnë shpesh ndeshjet. Gjithsesi, gjatë fazës së grupeve u dallua qartë pesha e formimit futbollistik evropian.

Një shembull i qartë ishte Ismael Saibari, i lindur në Barcelonë, i cili realizoi në secilën prej tri ndeshjeve të para të Marokut në Kupën e Botës 2026. Po ashtu, Riyad Mahrez, i lindur në Francë, shënoi dy gola në takimin e tretë të grupit ndaj Austrisë, duke i siguruar Algjerisë kalimin në raundet eliminatore.

The post Globalizimi në futboll: Sa lojtarë të formuar në Evropë po përforcojnë kombëtaret afrikane appeared first on Albeu.com.

Prania e tij u vu re në sfidën kundër Kolumbisë, pasi nuk kishte mundur të ishte në ndeshjen hapëse ndaj Portugalisë për shkak të një izolimi të përkohshëm, të kërkuar nga autoritetet amerikane në kuadër të protokolleve shëndetësore për hyrjen në vend.

Pasi kaloi procedurat dhe verifikimet përkatëse, ai iu bashkua delegacionit të DR Kongos. Menjëherë sapo u shfaq në stadium, “Lumumba” u bë viral, pasi shumë tifozë e dalluan në tribuna dhe gjatë pushimit të ndeshjes kërkuan fotografi e selfie me të.

Ai u kthye në një nga atraksionet kryesore të spektaklit, duke marrë vëmendje po aq sa edhe futbollistët që ishin në fushë.

Kush është “Lumumba”?

Michel Kuka Mboladinga konsiderohet një prej figurave më emblematike të tifozerisë së Kongos. Pseudonimi i tij është një nderim për Patrice Lumumba, figurën historike të pavarësisë së Kongos dhe një simbol të dinjitetit kombëtar.

Pozat e tij të veçanta, të frymëzuara nga statuja e Lumumbas në Kinshasa, e kanë bërë një simbol të njohur të pasionit afrikan për futbollin, si edhe një figurë shumë të dashur të Kupës së Botës 2026.

Ai kishte fituar famë edhe në Kupën e Kombeve të Afirkës vitin e kaluar, kur Kongo arriti të luante deri në çerekfinale.

The post “Lumumba” rikthehet në tribunat e Kupës së Botës dhe fiton sërish zemrat e tifozëve appeared first on Albeu.com.

Megjithatë, teksa ekipi tërhoqi vëmendje në fushë, në tribuna u vu re mungesa e një figure shumë të njohur për tifozët kongolezë, Michel Nkuka Mboladinga, i cili njihet gjerësisht si “Lumumba”.

Ai ishte kthyer në një fenomen në internet gjatë Kupës së Kombeve të Afrikës, falë paraqitjes së tij karakteristike në ditët e ndeshjeve si një “statujë e gjallë” e palëvizshme, në shenjë nderimi për kryeministrin e parë të RD Kongos.

Në fillim nuk ishte e qartë pse ai nuk ishte i pranishëm për sfidën e parë ndaj Portugalisë, por tashmë arsyeja e mungesës së Lumumbas në tribunë është bërë e ditur.

Sipas raportimeve, ai është vendosur në karantinë në kuadër të masave paraprake shëndetësore të vendosura nga Shtetet e Bashkuara për udhëtarët që vijnë nga zonat e prekura nga Ebola në Republikën Demokratike të Kongos dhe Ugandë.

Përkrahësit e RD Kongos kanë gjithsesi një lajm pozitiv, pasi Lumumba pritet të rikthehet në tribuna për ndeshjen e Kupës së Botës ndaj Kolumbisë më 23 qershor.

The post Tifozi i famshëm i RD Kongos, Lumumba, mungoi ndaj Portugalisë në hapjen e Kupës së Botës për shkak të karantinës appeared first on Albeu.com.

Deklaratat e Mukaut kanë marrë jehonë të madhe në mediat ndërkombëtare, pasi ato vijnë nga një lojtar që u përball në fushë drejtpërdrejt me pesë herë fituesin e Topit të Artë.

Lojtari i Lille, që pati mundësinë të ndeshej me një nga figurat më të mëdha në historinë e futbollit, u shpreh se mosha tashmë ka lënë gjurmë në paraqitjet e yllit portugez, edhe pse të luash kundër tij mbetet një privilegj i veçantë.

“E dinim se ai nuk është më i njëjti si më parë, ndaj e kuptonim se do të vraponte më pak në fushë. Ndoshta prisja pak më shumë prej tij, por kjo është krejt normale. Ai është rritur në moshë. Gjithsesi, të luash kundër Cristiano Ronaldos është një nder i madh”, deklaroi Mukau.

Edhe pse në moshën 41-vjeçare Ronaldo vazhdon të mbetet figura qendrore e Portugalisë, në këtë përballje ai nuk arriti të kishte ndikimin e zakonshëm, ndërsa RD Kongo mori një rezultat pozitiv përballë njërit prej favoritëve të turneut.

Sidoqoftë, Mukau nënvizoi se vlerësimi dhe respekti i tij për Ronaldon mbeten të jashtëzakonshme, edhe pse nga ana fizike ai nuk është më në nivelin e viteve më të mira të karrierës.

The post Ngal’ayel Mukau për Ronaldon: Prisja më shumë, por ai nuk është më si dikur appeared first on Albeu.com.

Vetëm një ditë pasi rivali i tij Lionel Messi realizoi tregolësh në ndeshjen e parë të Argjentinës, Ronaldo zhvilloi një sfidë ku u pa kryesisht i painteresuar dhe pa ndikim të madh në lojë.

Paraqitja dhe rezultati i Portugalisë kanë sjellë shumë kritika ndaj Ronaldos dhe skuadrës, por edhe reagime tallëse.

Mbështetësit e Republikës Demokratike të Kongos e përjetuan me entuziazëm paraqitjen e parë të ekipit të tyre në Kupën e Botës, si edhe golin dhe pikën e parë të fituar.

Pas përfundimit të ndeshjes, ata u filmuan jashtë stadiumit në Hjuston duke imituar festimin e famshëm të Ronaldos, të njohur si “Siuu”.

Pamjet e tifozëve që tallen me Ronaldon janë bërë tashmë virale në rrjetet sociale.

The post Tifozët e RD Kongos ironizojnë Ronaldon pas barazimit të Portugalisë në debutimin e tij në Kupën e Botës appeared first on Albeu.com.

Tashmë janë bërë publike formacionet zyrtare të të dyja përfaqësueseve, ndërsa përzgjedhësi Roberto Martinez ka zgjedhur të paraqitet me skuadrën më të fortë të mundshme.

Vëmendja te portugezët është përqendruar te Cristiano Ronaldo, i cili po merr pjesë në Botërorin e tij të fundit. Në repartin ofensiv, ai do të ketë përkrahjen e Pedro Netos dhe Bernardo Silvës.

Sa i takon mbrojtjes, në mungesë të liderit Ruben Dias, i cili vazhdon të jetë i lënduar, Martinez ka vendosur t’ia besojë qendrën e defensivës dyshes Tomas Araujo dhe Renato Veiga.

Në anën tjetër, Republika e Kongos e nis këtë ndeshje me futbollistë si Aaron Wan-Bissaka, Axel Tuanzebe dhe Yoane Wissa.

Formacionet zyrtare:

Portugalia: Costa, Cancelo, Araujo, Veiga, Mendes, Fernandes, Neves, Vitinha, Silva, Ronaldo, Neto

Repbulika e Kongos: Mpasi Nzau, Masuaku, Kapuadi, Mbemba, Tuanzebe, Wan-Bissaka, Mukau, Moutoussamy, Kayembe, Bakambi, Wissa.

The post Portugalia publikon 11-shen ndaj Kongos, Martinez aktivizon emrat kryesorë appeared first on Albeu.com.

Përzgjedhësi Roberto Martinez e bëri publik këtë vendim, duke sqaruar se qendërmbrojtësi ende nuk e ka kaluar plotësisht problemin fizik dhe se stafi teknik nuk dëshiron të vërë në rrezik gjendjen e tij.

“Ai ende nuk është rikuperuar plotësisht dhe ne nuk do të marrim asnjë rrezik”, u shpreh Martinez në prag të ndeshjes së grupit K.

Mungesa e mbrojtësit të Manchester Cityt konsiderohet një goditje e ndjeshme për Portugalinë, duke qenë se ai shihet si udhëheqësi i prapavijës dhe një nga emrat më të rëndësishëm të skuadrës.

Disa ditë më parë, Matheus Nunes kishte dhënë shpresë se bashkëlojtari i tij mund të arrinte të ishte i gatshëm për sfidën hapëse, por zhvillimet e fundit kanë bërë që stafi mjekësor të këshillojë kujdes maksimal.

Ndeshjen e parë në këtë edicion të Kupës së Botës, Portugalia do ta luajë në Houston kundër DR Kongos, teksa në grupin K bëjnë pjesë edhe Kolumbia dhe Uzbekistani.

Edhe pse pa Dias, Martinez do të ketë në dispozicion kapitenin Cristiano Ronaldo, i cili pritet të udhëheqë ekipin në synimin për ta nisur turneun me fitore.

The post Roberto Martinez konfirmon se Portugalia nuk do ta ketë Ruben Dias ndaj DR Kongos: “Nuk do të marrim asnjë rrezik” appeared first on Albeu.com.

Gjatë përgatitjeve të kombëtares portugeze në Miami, qendërmbrojtësi ndoqi një program të personalizuar rikuperimi, duke lënë ende të hapur çështjen e gatishmërisë së tij për takimin e fazës së grupeve me Republikën Demokratike të Kongos, i cili luhet të mërkurën.

29-vjeçari kishte munguar edhe në stërvitjen e parë të Portugalisë në Shtetet e Bashkuara të Amerikës të shtunën, kur zhvilloi ushtrime të posaçme larg pjesës tjetër të skuadrës.

E njëjta situatë u pa edhe të hënën, teksa ai fillimisht vrapoi më vete në fushë dhe më pas vijoi me punën rikuperuese në palestër.

Kjo seancë u zhvillua pasi stërvitja e planifikuar për të dielën ishte anuluar për shkak të kushteve të pafavorshme atmosferike.

Nga ana tjetër, futbollistët e tjerë të ekipit të drejtuar nga Roberto Martinez u përgatitën normalisht dhe pa asnjë problem fizik.

Në ditët e ardhshme, stafi mjekësor i Portugalisë do të mbajë nën vëzhgim të afërt gjendjen e mbrojtësit të Manchester Cityt, përpara se të japë vendimin përfundimtar mbi aktivizimin e tij në ndeshjen e parë të Botërorit.

Dias vlerësohet si një nga elementët më të rëndësishëm për synimet e Portugalisë në këtë turne, por aktivizimi i tij përballë RD Kongos mbetet ende i pasigurt.

The post Ruben Dias mbetet pikëpyetje për debutimin e Portugalisë ndaj RD Kongos appeared first on Albeu.com.