Ekipi i drejtuar nga Thomas Tuchel pati kontrollin e sfidës gjatë gjithë kohës, megjithatë goli i parë erdhi vetëm pas pushimit.

Në minutën e 62-të, Jude Bellingham shfrytëzoi një goditje nga këndi të ekzekutuar nga Bukayo Saka dhe kaloi Anglinë në avantazh 1-0.

Pesë minuta më pas, anglezët e siguruan fitoren. Ishte sërish Jude Bellingham që shërbeu për Harry Kane, ndërsa ky i fundit nga afërsia dërgoi topin në rrjetë për 2-0.

Falë këtij suksesi, Anglia e mbyll fazën e grupeve me shtatë pikë dhe kalon në fazën eliminatore si kryesuese e Grupit L.

Në anën tjetër, Panamaja i jep fund rrugëtimit në Kupën e Botës pa marrë asnjë pikë, duke u eliminuar pas tri humbjeve në tri ndeshje.

The post Bellingham dhe Kane i japin Anglisë triumfin ndaj Panamasë, grupin e mbyll në krye appeared first on Albeu.com.

Pas barazimit 0-0 kundër Ganës, “Tre Luanët” hyjnë në këtë përballje me objektivin e qartë për të marrë tri pikët dhe për ta mbyllur grupin në vendin e parë.

Për këtë sfidë, trajneri Thomas Tuchel ka bërë disa lëvizje në përbërje, ndërsa Jarell Quansah e nis si mbrojtës i djathtë për shkak të mungesës së Reece James.

Nga minuta e parë aktivizohen edhe Marcus Rashford dhe Bukayo Saka, me Harry Kane që udhëheq ekipin si kapiten.

Formacionet zyrtare:

Panama: Mosquera; Murillo, Escobar, Cordoba, Andrade, Gutierrez; Martinez, Barcenas, Harvey, Rodriguez; Rodriguez.

Anglia: Pickford; O’Reilly, Guehi, Konsa, Quansah; Bellingham, Anderson; Rashford, Rogers, Saka; Kane.

The post Anglia ndaj Panamasë me formacionet zyrtare, “Tre Luanët” kërkojnë triumfin për kreun e Grupit L appeared first on Albeu.com.

Ndërkohë, disa përfaqësuese e kanë humbur tashmë edhe matematikisht shansin për vazhdim, duke mbetur jashtë garës për raundin tjetër të turneut.

Në formatin e ri me 48 ekipe, kualifikimin e drejtpërdrejtë për në fazën me eliminim e sigurojnë dy vendet e para në secilin prej 12 grupeve, ndërsa me to bashkohen edhe tetë ekipet më të mira që e mbyllin grupin në pozitën e tretë.

Deri në këtë fazë, shtatë kombëtare janë eliminuar zyrtarisht nga Kupa e Botës 2026:

Republika Çeke (Grupi A) – E mbylli grupin në vendin e fundit pas humbjes ndaj Meksikës.

Katari (Grupi B) – Mori vetëm një pikë në tri ndeshjet e zhvilluara në grup.

Haiti (Grupi C) – Doli jashtë garës pas humbjeve kundër Skocisë, Brazilit dhe Marokut.

Turqia (Grupi D) – Disfatat ndaj Australisë dhe Paraguait ia shuan çdo shpresë për kualifikim.

Tunizia (Grupi F) – U përjashtua nga gara pas humbjeve të thella përballë Suedisë dhe Japonisë.

Jordania (Grupi J) – Debutuesja nga Azia nuk arriti të marrë asnjë pikë pas humbjeve ndaj Austrisë dhe Algjerisë.

Panamaja (Grupi L) – U eliminua herët pas humbjeve kundër Ganës dhe Kroacisë.

Këto shtatë skuadra nuk kanë më asnjë rrugë për të arritur raundin pasardhës, as përmes renditjes në grup dhe as përmes klasifikimit të ekipeve më të mira të vendit të tretë. /

The post Shtatë përfaqësuese që i kanë mbyllur llogaritë me Kupën e Botës 2026 appeared first on Albeu.com.

Pas sfidës së të martës kundër Ganës, mbrojtësi nuk është ndier mirë dhe për këtë arsye po i nënshtrohet një sërë kontrollesh mjekësore.

Sipas The Telegraph, stafi teknik nuk dëshiron të rrezikojë, duke marrë parasysh problemet që 26-vjeçari ka pasur më herët me dëmtimet muskulore.

Vështirësitë shtohen edhe më shumë sepse kombëtarja angleze tashmë nuk e ka në dispozicion Tino Livramenton, alternativën e dytë për krahun e djathtë të mbrojtjes, i cili u la jashtë turneut përpara ndeshjes hapëse si pasojë e një dëmtimi në pulpë.

Si skuadra që kryeson Grupin L, Anglia e pret një përballje me ngarkesë fizike ndaj një Panamaje të organizuar mirë në mbrojtje, e cila deri tani ka pësuar vetëm dy gola në këtë turne.

Megjithatë, trajneri gjerman nuk parashikohet të bëjë lëvizje të mëdha për këtë takim përballë Panamasë, skuadër që Anglia e kishte mposhtur 6-1 në Kupën e Botës 2018 në Rusi, por që në këtë turne ka regjistruar dy humbje minimale 1-0.

Nico O’Reilly i Manchester City mund të aktivizohet nga minuta e parë në krahun e majtë të mbrojtjes në vend të Djed Spence, por Tuchel ka mbështetur balancën e ekipit të tij dhe ka nënvizuar se vazhdimësia është thelbësore, pavarësisht kritikave për paraqitjen sulmuese ndaj Ganës.

Nëse James mungon nga formacioni titullar, Ezri Konsa mund të spostohet nga qendra e mbrojtjes në krah, ndërsa në mesfushë Kobbie Mainoo mbetet opsion zëvendësues në rast se Declan Rice nuk është në gjendjen më të mirë fizike.

Për ekipin anglez, ruajtja e vazhdimësisë taktike konsiderohet vendimtare në përpjekjen për të marrë pikët e plota dhe për të vulosur vendin e parë në grup.

The post Anglia rrezikon të mbetet pa Reece James para sfidës kyçe ndaj Panamasë appeared first on Albeu.com.

Në rrjetet sociale janë shpërndarë gjerësisht pamjet që tregojnë skemën e veçantë të futbollistëve panamezë në goditjen nga qendra, menjëherë pasi kishin pësuar gol në minutat shtesë.

Shkaku i kësaj zgjidhjeje ishte i qartë: Gana realizoi në minutën e 95-të, duke i lënë Panamasë shumë pak hapësirë kohore për reagim. Për këtë arsye, lojtarët e saj vendosën të organizoheshin në mënyrën më efikase të mundshme për të nisur menjëherë një aksion drejt sulmit.

Në minutën e 97-të, tetë futbollistë t137 Panamasë u vendosën pranë vijës së mesfushës, në pritje të sinjalit për rinisjen e lojës. Sapo u ekzekutua goditja nga qendra, ata u hodhën përpara me shpejtësi drejt portës së Ganës, në përpjekje për të gjetur golin e barazimit.

Rregullat e lojës parashikojnë që të gjithë lojtarët e ekipit që kryen goditjen nga qendra duhet të jenë në gjysmën e tyre të fushës përpara rifillimit. Pikërisht kjo solli një pamje të rrallë dhe mjaft interesante, e cila tashmë është bërë virale në rrjetet sociale.

E gjithë kjo situatë mund të ndiqet në videon e bashkëngjitur.

The post Formacion i rrallë i Panamasë ndaj Ganës, pozicionimi në goditjen nga qendra pushton rrjetet sociale appeared first on Albeu.com.

Në sfidën e Kupës së Botës mes Ganës dhe Panamasë, transmetimi televiziv fiksoi një skenë të pazakonshme në tribuna.

Kur po luhej minuta e 16-të, një mbështetës i Ganës nisi të kryente një ritual para syve të të gjithëve.

Ai mori një enë të vogël, hodhi në pëllëmbë një pluhur të bardhë dhe më pas e fryu atë në drejtim të fushës.

Ajo që e bëri momentin edhe më interesant ishte se, të paktën në dukje, rituali dha efekt. Gana hasi vështirësi gjatë gjithë takimit për të gjetur golin ndaj Panamasë, por gjithçka u vendos në çastet e fundit.

Në minutën e pestë të shtesës, 90+5′, Caleb Yirenkyi realizoi golin e fitores, duke i dhënë vendit të tij suksesin e parë në Kupën e Botës 2026.

The post “Magjia” nga tribuna? Tifozët e Ganës tërheqin vëmendjen pas golit vendimtar në fund ndaj Panamasë appeared first on Albeu.com.