Kombëtarja e Marokut ka prerë biletën për në çerekfinale të Kupës së Botës 2026, pasi mposhti Kanadanë me shifrat 3-0 në ndeshjen e vlefshme për fazën e 1/8 së finales.

Takimi u hap me intensitet të lartë dhe rasti i parë i rrezikshëm erdhi nga Kanadaja, me Tanitoluwa Oluwaseyi që provoi të godiste, por pa arritur të kalojë portierin Bono. Më pas, Maroku nisi të marrë terren dhe vendosi kontroll mbi lojën në mesfushë.

Fraksioni i parë i lojës solli përplasje të shumta dhe disa kartonë të verdhë për të dyja përfaqësueset, ndërsa marokenët mbetën kërcënues sidomos në kundërsulme.

Epërsia për Marokun erdhi në minutën e 50-të, kur Azzedine Ounahi shënoi për 1-0 me një goditje të saktë nga distanca, pas pasimit të Achraf Hakimit.

Kanadezët u përpoqën të ktheheshin në lojë, por prapavija e Marokut së bashku me Bono nuk lejuan asnjë hapësirë.

Në fundin e ndeshjes, Maroku realizoi edhe golin e dytë, duke e bërë edhe më të qartë epërsinë dhe duke vulosur kualifikimin pa diskutim për në raundin pasues.

Para përfundimit të takimit, skuadra marokene gjeti edhe golin e tretë, këtë herë me Soufiane Rahimi, i cili dërgoi topin në rrjetë për 3-0 pas asistimit nga Brahim.

Pas këtij suksesi, Maroku kalon në çerekfinale dhe aty do të ndeshet me fituesin e përballjes mes Paraguait dhe Francës.//

The post Maroku triumfon ndaj Kanadasë me rezultatin 3-0 dhe avancon në çerekfinale të Botërorit appeared first on Albeu.com.

Ndeshja mes Kanadasë vendase dhe Marokut, që hap fazën e 1/8 së finales në Kampionatin Botëror, nis në ora 19:00.

Pak para fillimit të këtij takimi, trajnerët Jesse March dhe Mohamed Ouahbi kanë bërë publike formacionet zyrtare.

Te përfaqësuesja kanadeze, nga minuta e parë në sulm paraqitet Jonathan David i Juventusit, ndërsa në formacion është edhe Tajon Buchanan.

Sa i takon Marokut, ka një ndryshim në qendër të mbrojtjes, ku Redouane Halhal e nis ndeshjen si titullar në vend të Chadi Riad, ndërkohë që reparti i mesfushës mbetet i njëjtë.

Në vijën e avancuar për Marokun starton Ismael Saibari, sensacioni i këtij Botërori, me mbështetjen e Bilal El Khannouss, Azzedine Ounahi dhe Brahim Diaz.

Formacionet zyrtare:

Kanada: Crepeau; Johnston, Fougerolles, Bombito, Laryea; Buchanan, Sigur, Eustaquio, Ahmed; David, Oluwaseyi.

Marok: Bono; Mazraoui, Halhal, Diop, Hakimi; El Aynaoui, Bouaddi; Khannouss, Ounahi, Diaz; Saibari.

The post Zyrtarizohen 11-shet startuese për përballjen Kanada – Marok appeared first on Albeu.com.

Stephen Eustáquio u kthye në protagonistin e madh të Kanadasë, pasi realizoi golin vendimtar në minutën e 92-të kundër Afrikës së Jugut, një gol që i dha kombëtares kualifikimin e parë historik në fazën e 1/8 së finales të Kupës së Botës.

Por pas atij momenti feste që shpërtheu në fushë, qëndron një rrëfim i thellë personal dhe shumë prekës.

Lotët që mesfushori nuk mundi t’i mbante pas golit nuk lidhen vetëm me lumturinë e fitores. Ata ishin edhe një kujtim e përkushtim për prindërit e tij, të cilët i humbi brenda më pak se një viti.

Pas përfundimit të ndeshjes, Eustáquio foli hapur për emocionet e tij dhe për njerëzit që e motivojnë. “Çdo gjë që bëj është për familjen time, për prindërit e mi, për të dashurën, vajzën dhe miqtë e mi. Gjithçka e bëj për ta”, tha ai.

Këto fjalë morën një kuptim edhe më të fortë për shkak të tragjedive familjare që futbollisti ka kaluar gjatë viteve të fundit.

Kur ishte vetëm shtatë vjeç, familja e Eustáquios u largua nga Kanadaja dhe u vendos në Portugali.

Në vitin 2023, nëna e tij, Esmeralda, humbi jetën pas betejës me kancerin, ndërsa në vitin 2024 babai i tij, Armando Eustáquio, ndërroi jetë si pasojë e një sulmi në zemër.

Pikërisht për këtë arsye, goli ndaj Afrikës së Jugut nuk ishte thjesht një gol kualifikimi, por një moment me peshë të madhe emocionale për të.

Eustáquio nuk shkëlqeu vetëm për shkak të golit të fitores. Ai zhvilloi një ndeshje të nivelit të lartë dhe në fund u zgjodh lojtari më i mirë i takimit.

Sipas të dhënave të Opta-s, ai u bë vetëm futbollisti i dytë që krijon pesë raste të rrezikshme nga goditjet standarde në një ndeshje të Kupës së Botës, që prej nisjes së regjistrimit të këtyre statistikave.

Mesfushori 29-vjeçar, i cili është në pronësi të Portos dhe aktualisht aktivizohet si i huazuar te Los Angeles FC, mban edhe shiritin e kapitenit të Kanadasë në mungesë të Alphonso Davies.

Cilësitë e tij Eustáquio i ka treguar edhe në skenën evropiane. Në sezonin 2022/23 të Ligës së Kampionëve, ai shënoi ndaj Atletico Madridit dhe ndihmoi Porton të eliminonte ekipin e Diego Simeones.

Edhe përzgjedhësi i Kanadasë, Jesse Marsch, foli me vlerësim të madh për mesfushorin, i cili me golin e tij la gjurmë në historinë e Kanadasë.

“Nuk mund të mendoj për një njeri që e meriton më shumë këtë moment. Jam jashtëzakonisht i lumtur për të. Besoj se prindërit e tij po e shikojnë nga lart dhe janë krenarë për atë që ka arritur”, deklaroi Marsch.

Rrugëtimi i Stephen Eustáquios është një nga historitë më emocionuese të Kupës së Botës 2026, duke treguar se pas lavdisë sportive shpesh fshihen humbje, sakrifica dhe dhimbje të mëdha personale.

The post Stephen Eustáquio, nga dhimbja personale te momenti historik i Kanadasë në Kupën e Botës appeared first on Albeu.com.

Skuadra helvetike ishte superiore në pjesën më të madhe të ndeshjes dhe epërsia erdhi menjëherë pas nisjes së pjesës së dytë.

Në minutën e 46-të, Johan Manzambi pasoi saktë për Ruben Vargas, i cili e dërgoi topin në rrjetë për 1-0 me një goditje precize, ku topi u ndihmua edhe nga shtylla.

Edhe pse Kanadaja u përpoq të kundërpërgjigjej, Zvicra vazhdoi të krijonte më shumë rrezik para portës kundërshtare.

Goli i dytë erdhi në minutën e 57-të, kur Breel Embolo asistoi për Johan Manzambin dhe ky i fundit shënoi me qetësi, duke e çuar rezultatin në 2-0.

Ekipi i drejtuar nga Jesse Marsch nuk u dorëzua dhe u rikthye në ndeshje në minutën e 76-të. Nathan Saliba dërgoi një top të saktë në zonë, ndërsa Promise David realizoi për 2-1, duke i shtuar tensionin fundit të takimit.

Kanadezët patën një rast ideal në kohën shtesë për të barazuar. Pas një krosimi që kaloi mbi portierin Gregor Kobel, Derek Cornelius u gjend përballë portës së boshatisur, por në mënyrë të pabesueshme e dërgoi topin jashtë.

Johan Manzambi ishte një prej emrave më të spikatur të ndeshjes, duke kontribuar me një gol dhe një asistim në suksesin që i dha Zvicrës vendin e parë në grup. Një tjetër paraqitje të mirë në mesfushë bëri edhe kapiteni Granit Xhaka, i cili menaxhoi ritmin e lojës dhe organizoi aksionet e ekipit të Murat Yakinit.

Pas kësaj fitoreje, Zvicra e mbyll fazën e grupeve në krye me 7 pikë, ndërsa Kanadaja e përfundon në vendin e dytë me 4 pikë. Të dyja përfaqësueset avancojnë në fazën e eliminimit direkt të Kupës së Botës 2026.

The post Zvicra triumfon ndaj Kanadasë, mbyll grupin në krye dhe kualifikohet bashkë me kundërshtarin appeared first on Albeu.com.

Ndeshja pritet të sjellë ritëm të lartë, intensitet dhe përplasje të shumta në repartin e mesfushës.

Skuadra e Zvicrës paraqitet me një rreshtim të ekuilibruar dhe me eksperiencë në çdo repart. Në portë është Kobel, ndërsa katërshja e mbrojtjes përbëhet nga Jaquez, Elvedi, Akanji dhe Ricardo Rodríguez.

Në mesin e fushës janë vendosur Xhaka dhe Freuler si pika referimi, me Manzambi dhe Sow që plotësojnë repartin për t’i dhënë më shumë energji dhe dinamizëm ekipit. Në vijën e parë trajneri i ka besuar Vargas dhe Embolo.

Në anën tjetër, Kanadaja vjen me një formacion të konsoliduar dhe të strukturuar mirë. Crépeau është në portë, ndërsa në repartin defensiv aktivizohen Johnston, De Fougerolles, Cornelius dhe Laryea.

Në mesfushë luajnë Choiniere, Saliba, Buchanan dhe Ali Ahmed, ndërsa në sulm vendoset dyshja e rrezikshme Jonathan David dhe Cyle Larin.

Zvicra: Kobel; Jaquez, Elvedi, Akanji, Ricardo Rodríguez; Xhaka, Manzambi, Sow, Freuler; Vargas, Embolo

Kanadaja: Crépeau; Johnston, De Fougerolles, Cornelius, Laryea; Choiniere, Saliba, Buchanan, Ali Ahmed; Jonathan David, Larin.

The post Formacionet zyrtare të Zvicër – Kanada, sfidë për kreun e renditjes appeared first on Albeu.com.

Që prej momentit kur mori në dorë kombëtaren në maj të vitit 2024, tekniku amerikan ka instaluar filozofinë tipike të shkollës Red Bull: presing të lartë, ritëm të jashtëzakonshëm dhe lojë të drejtpërdrejtë në vertikalitet.

Si një prej dishepujve më të njohur të Ralf Rangnick, Marsch ka transformuar dukshëm mënyrën se si paraqitet skuadra kanadeze.

Sulmuesi Liam Millar ka treguar se trajneri ua përsërit shpesh lojtarëve se nganjëherë janë tepër kanadezë, shumë të sjellshëm dhe politikisht korrektë.

Sipas Millar, ndikimi i Marsch nuk kufizohet vetëm te aspekti taktik, pasi energjia dhe karakteri i tij kanë ndikuar drejtpërdrejt edhe te besimi i grupit.

“Kur trajneri është i sinqertë dhe i apasionuar, kjo transmetohet te grupi. Na jep shumë besim”, shtoi Millar.

Mungesa e Koné, sfida e madhe për Kanadanë

Para ndeshjes me Zvicrën, Kanadaja ka marrë një goditje të rëndësishme me mungesën e mesfushorit Ismaël Koné, një prej elementëve më të rëndësishëm në skemën e Marsch.

Saliba fitoi pikë pas golit të shënuar si zëvendësues ndaj Katarit, ndërsa trajneri mund të mbështetet edhe te Mathieu Choinière dhe veterani Jonathan Osorio për të plotësuar boshllëkun në mesin e fushës.

“Ne duam t’ua bëjmë jetën të vështirë kundërshtarëve. Bëjmë presion, vrapojmë shumë dhe luftojmë për çdo duel”, ka deklaruar kapiteni Stephen Eustaquio.

Duel i fortë me mesfushën e Zvicrës

Përballë Kanadasë do të jetë një nga mesfushat më cilësore të këtij turneu, ajo e Zvicrës, ku bëjnë pjesë Granit Xhaka, Remo Freuler dhe Michel Aebischer.

Pas tensioneve që u krijuan pas ndeshjes së parë, në kampin zviceran situata duket se është stabilizuar. Xhaka dhe talenti i ri Johan Manzambi festuan bashkë golat ndaj Bosnjës, duke dhënë një sinjal të qartë për harmoninë brenda ekipit.

“E di që Xhaka kishte vetëm qëllime të mira. Tani jemi të gjithë në humor të mirë”, u shpreh mbrojtësi veteran Ricardo Rodriguez.

Ndeshja mes Kanadasë dhe Zvicrës pritet të jetë një nga përballjet më tërheqëse të fazës së 1/16-ës, me dy ekipe që mbështeten te intensiteti, organizimi taktik dhe një mesfushë e përgatitur për një betejë të fortë.

The post Jesse Marsch po i jep Kanadasë një fytyrë të re dhe rezultatet po mahnisin në Botërorin 2026 appeared first on Albeu.com.

Suksesi i thellë 6-0 i ekipit të drejtuar nga Jesse Marsch në Vancouver u la në hije nga ngjarja e rëndë që ndodhi në pjesën e dytë, kur Kone pësoi një thyerje të frikshme në këmbë.

Mesfushori i Kanadasë u nxor jashtë fushës me barelë pas një ndërhyrjeje të fortë nga Assim Madibo. Pasi pamjet u shqyrtuan me VAR, arbitri vendosi ta përjashtojë lojtarin e Katarit me karton të kuq, ndërsa më pas ai i kërkoi falje në dhomën e zhveshjes.

Ndonëse ende nuk ka një afat zyrtar për rikthimin e Konés, sipas raportimeve ai mund të qëndrojë jashtë fushave për katër deri në pesë muaj.

Për shkak të këtij dëmtimi, FIFA do të vërë në zbatim Programin e Mbrojtjes së Klubeve (FIFA Club Protection Programme), i cili parashikon mbulimin e kostove për futbollistët që lëndohen aksidentalisht gjatë grumbullimeve me përfaqësueset e tyre.

Kjo skemë nuk mbulon sëmundjet dhe as shpenzimet mjekësore, por përfshin raste të tilla si sulmet në zemër, goditjet në tru dhe dëmtimet e ndodhura në ndeshje, stërvitje apo gjatë udhëtimeve zyrtare me kombëtaren, me kusht që mungesa të zgjasë më shumë se 28 ditë.

Rasti i Konés i përmbush të gjitha kushtet e programit, ndaj Sassuolo do të kompensohet për mungesën e njërit prej lojtarëve të vet gjatë një pjese të madhe të sezonit 2026/27.

Vlera e kompensimit përllogaritet mbi pagën fikse të futbollistit, që raportohet të jetë rreth 26,500 euro në javë. Pa llogaritur bonuset, Kone përfiton afërsisht 3,750 mijë euro në ditë.

Meqë 28 ditët e para nuk përfshihen në skemën e dëmshpërblimit dhe mungesa e tij pritet të shkojë rreth 150 ditë, Sassuolo besohet se do të marrë afërsisht 560,000 mijë euro nga FIFA.

The post FIFA pritet të dëmshpërblejë Sassuolon pas lëndimit të rëndë të Ismael Koné në ndeshjen Kanada-Katar appeared first on Albeu.com.

Të enjten, më 18 qershor 2026, ai tërhoqi vëmendje të madhe pasi ishte i pranishëm në dy ndeshje brenda ditës. Fillimisht ndoqi suksesin bindës 5-1 të Zvicrës, skuadrës së tij vendase, ndaj Bosnjës dhe Hercegovinës, e më pas u shfaq edhe në përballjen Kanada-Katar.

Prania e tij në të dyja sfidat u konsiderua befasuese, pasi mes tyre kishte vetëm një orë diferencë dhe atij iu desh të lëvizte nga një vend në tjetrin në një interval shumë të shkurtër.

Shpjegimi lidhet me faktin se kreu i FIFA-s përdor avionin e tij privat, i cili udhëton në vende të ndryshme për t’i dhënë mundësi të ndjekë disa ndeshje gjatë së njëjtës ditë.

Infantino e kishte marrë si dhuratë një avion privat për Kupën e Botës nga Qatar Airëays, ndërsa gëzon edhe leje të posaçme sigurie që ia lehtësojnë udhëtimin e shpejtë.

Po ashtu, presidenti i FIFA-s nuk qëndron për gjithë kohëzgjatjen e ndeshjeve, por merr pjesë vetëm në një pjesë të tyre, gjë që i krijon mundësinë të shfaqet në disa takime brenda ditës.

The post Si arrin Gianni Infantino të jetë në dy ndeshje të Kupës së Botës FIFA brenda së njëjtës ditë? appeared first on Albeu.com.

Teksa stafi i emergjencës e largonte nga fusha me barelë pas lëndimit, tifozët vëzhguan me kureshtje një objekt jeshil të pazakontë në gojën e tij.

Pas kësaj, shumëkush nisi të pyesë se çfarë ishte saktësisht ajo pajisje.

Në të vërtetë, bëhej fjalë për Penthrox, një mjet mjekësor që përdoret si qetësues i fortë dhe me efekt të shpejtë kundër dhimbjeve, veçanërisht nga ekipet e urgjencës në rastet e traumave të rënda.

Në terminologjinë mjekësore ai njihet shpesh si “bilbili i gjelbër”, një inhalator dore që i mundëson pacientit të thithë një medikament të avulluar për të zbutur me shpejtësi dhimbjen e fortë.

Fakti që u përdor menjëherë në fushë tregoi qartë sa serioz ishte dëmtimi i Kones, ndërsa i siguronte lehtësimin e nevojshëm gjatë stabilizimit dhe përgatitjes për dërgimin në spital.

Edhe pse pamja e këtij “bilbili të gjelbër” në fillim shqetësoi tifozët, pajisja e kreu me sukses funksionin e saj, duke ia lehtësuar vuajtjet mesfushorit përpara se ai t’i përshëndeste me qetësi tifozët në rrugën drejt spitalit.

The post Pajisja jeshile në gojën e Ismael Kones pas dëmtimit ndaj Katarit, ja çfarë ishte appeared first on Albeu.com.