Ndërsa Kupa e Botës 2026 vijon ende, deri në këtë pikë 13 përzgjedhës kanë humbur vendin e punës. Shkaqet kanë qenë të ndryshme: disa janë shkarkuar menjëherë pas një ndeshjeje, të tjerë janë larguar pas eliminimit, ndërsa në disa raste pesha nuk ka ardhur vetëm nga rezultatet, por edhe nga klima e krijuar rreth skuadrës.

Ja cilët janë trajnerët që janë ndarë deri tani nga kombëtaret e tyre në Botërorin 2026, që po zhvillohet në Shtetet e Bashkuara të Amerikës, Kanada dhe Meksikë.

Roberto Martinez (Portugali)

Pas disfatës 1-0 kundër Spanjës në fazën e 1/8-tës, Roberto Martinez bëri të ditur largimin nga stoli i Portugalisë. Ai tha se kishte ardhur me objektivin për të fituar Kupën e Botës dhe se, pa e arritur këtë, nuk kishte kuptim të vijonte. Kështu u mbyll periudha e tij trevjeçare e gjysmë, ku veçohet fitimi i Ligës së Kombeve 2025 dhe dy kualifikime në çerekfinale, por pa shkuar në asnjë finale në pesë turne madhorë si trajner.

Sabri Lamouchi, Herve Renard (Tunizi)

Botërori i Tunizisë u shndërrua në një rrëmujë të plotë. Sabri Lamouchi u largua nga detyra pas humbjes 5-1 përballë Suedisë. Në vendin e tij erdhi Herve Renard, por as ai nuk mundi të përmbysë situatën, pasi skuadra u mund edhe nga Japonia dhe Holanda. Me përfundimin e aventurës së Tunizisë, edhe Renard zgjodhi të largohej.

Javier Aguirre (Meksikë)

Mandati i Javier Aguirre përfundoi pas humbjes 3-2 ndaj Anglisë në fazën e 1/8-tës. Largimi i tij ishte parashikuar më herët, teksa Rafael Marquez ishte bërë gati për ta pasuar. Aguirre u nda me kombëtaren me ndjenjë krenarie, pasi e drejtoi Meksikën drejt paraqitjes së saj më të mirë në Kupën e Botës pas shumë vitesh.

Steve Clarke (Skoci)

Menjëherë pasi Skocia u eliminua në fazën e grupeve, Steve Clarke paraqiti dorëheqjen, edhe pse vetëm pak javë më parë kishte zgjatur kontratën. Ai largohet si tekniku më i suksesshëm i epokës moderne të futbollit skocez, duke rikthyer përfaqësuesen në Kampionatin Evropian dhe në Kupën e Botës pas dekadash mungese.

Hong Myung-bo (Koreja e Jugut)

Për Hong Myung-bo, aventura mori fund pas daljes në fazën e grupeve. Përtej rezultateve jo bindëse, ai hasi edhe kritika të forta publike dhe kërcënime, ndërsa emërimi i tij kishte qenë i diskutueshëm që në nisje.

Ronald Koeman (Holandë)

Eliminimi nga Maroku me penallti solli fundin e qëndrimit të Ronald Koeman. Fillimisht ai mbrojti vendimet e veta taktike, por të nesërmen vendosi të japë dorëheqjen. Tekniku holandez pranoi zhgënjimin për dështimin në Botëror dhe theksoi se kishte ardhur momenti për ta mbyllur mandatin.

Carlos Queiroz (Gana)

Carlos Queiroz mori drejtimin e Ganës vetëm disa muaj përpara Kupës së Botës dhe arriti ta çojë ekipin në fazën eliminatore për herë të parë që nga viti 2010. Sidoqoftë, pas humbjes me Kolumbinë në 1/16-tën e finales, portugezi njoftoi se po largohej, duke kërkuar më tepër investime për zhvillimin e futbollit në vend.

Sebastian Beccacece (Ekuador)

Pas humbjes ndaj Meksikës në fazën e 1/16-tës, Sebastian Beccacece u largua me mbylljen e kontratës së tij. Argjentinasi e la skuadrën pasi e kishte kualifikuar në Botëror dhe e kishte çuar në raundin eliminator për herë të parë në 20 vjet.

Miroslav Koubek (Çeki)

Pas përfundimit të Çekisë në vendin e fundit të grupit, Miroslav Koubek u nda nga kombëtarja. Sipas vetë trajnerit, vendimi u ndikua edhe nga klima e krijuar nga mediat, pavarësisht faktit se ai e kishte rikthyer ekipin në Kupën e Botës pas dy dekadash.

Marcelo Bielsa (Uruguai)

Dihej paraprakisht se Marcelo Bielsa do të largohej pas Botërorit, por eliminimi i shpejtë dhe konfliktet me lojtarët e bënë fundin e tij edhe më të hidhur. Argjentinasi e pranoi se nuk arriti të sillte rezultatet që priteshin prej tij.

Jamal Sellami (Jordani)

Jamal Sellami e çoi Jordaninë në Kupën e parë të Botës në historinë e saj dhe mori gjithashtu shtetësinë jordaneze. Megjithatë, pas tre humbjeve në fazën e grupeve, ai vendosi të largohej, duke mbyllur një periudhë historike për futbollin e vendit.

Julian Nagelsmann (Gjermani)

Pas eliminimit të Gjermanisë nga Paraguai me penallti, Julian Nagelsmann njoftoi dorëheqjen, ndonëse mediat gjermane raportuan se në të vërtetë bëhej fjalë për një shkarkim të kamufluar. Pas afro tre vitesh në krye të përfaqësueses, ai largohet, ndërsa si pasues pritet Jurgen Klopp.

Trajnerët që mund të largohen së shpejti

Kjo listë mund të zgjatet në një kohë shumë të shkurtër. Hugo Broos ka sinjalizuar dorëheqjen pas eliminimit të Afrikës së Jugut, Zlatko Daliç duket pranë fundit të ciklit të tij me Kroacinë, ndërsa Vladimir Petkoviç ndodhet nën presion të fortë në Algjeri dhe largimi i tij shihet vetëm si çështje kohe.

The post Botërori 2026 ka sjellë deri tani 13 largime trajnerësh, Roberto Martinez mbyll listën e fundit appeared first on Albeu.com.

Kampionët në fuqi e dëshmuan sërish rolin e tyre si favoritë, ndërsa Lionel Messi, i futur në lojë nga stoli, ndikoi menjëherë duke realizuar një gol spektakolar.

Që në fillim të takimit, argjentinasit morën kontrollin dhe ndërtuan disa raste të mira shënimi. Fillimisht, një gol i Giovani Lo Celso u anulua për pozitë jashtë loje, por ai arriti të zhbllokojë rezultatin në minutën e 19-të me një goditje dënimi të realizuar në mënyrë të shkëlqyer për 1-0.

Jordânia 1-[3] Argentina – L. Messi 80′ – Copa do Mundo 2026, 3ª rodada, Grupo J
by
u/meunomedeusuario in
futebol

Ekipi i drejtuar nga Lionel Scaloni vijoi dominimin dhe në minutën e 30-të fitoi penallti pas rishikimit me VAR. Nga pika e bardhë, Lautaro Martínez nuk gaboi dhe e çoi epërsinë në 2-0.

Jordania reagoi pas pushimit dhe në minutën e 55-të arriti të shkurtojë diferencën. Mousa Tamari mposhti portierin argjentinas pas asistimit të Ehsan Haddad, duke çuar rezultatin në 2-1.

Në minutën e 60-të erdhi çasti që tifozët prisnin, kur Messi u hodh në fushë nga stoli në vend të Lautaro Martinezit.

Pas vetëm 20 minutash në lojë, kapiteni argjentinas vulosi suksesin me një supergol nga goditja e lirë. Ai e dërgoi topin me saktësi në cepin e portës, pa i lënë asnjë shans portierit kundërshtar, për rezultatin përfundimtar 3-1.

Falë kësaj fitoreje, Argjentina e mbylli fazën e grupeve me 9 pikë në tri ndeshje, duke kaluar në fazën me eliminim direkt si vendi i parë i grupit dhe duke konfirmuar formën shumë të mirë në mbrojtje dhe në sulm.

The post VIDEO/ Messi shënon pasi futet nga stoli, Argjentina e mbyll grupin me pikë të plota appeared first on Albeu.com.

Argjentina hyn në këtë takim si kryesuese e grupit dhe synon ta përfundojë fazën e grupeve me pikë të plota, ndërsa Jordania është në kërkim të një rezultati historik përballë kampionëve në fuqi të botës.

Me kualifikimin e siguruar më herët, trajneri Lionel Scaloni ka zgjedhur të bëjë ndryshime të shumta në formacion, duke e lënë Lionel Messin në bankën rezervë së bashku me disa nga yjet kryesorë të ekipit.

Nga minuta e parë te Argjentina do të aktivizohen Julián Álvarez, Giovanni Simeone dhe talenti i ri Paz, ndërsa shiritin e kapitenit do ta mbajë Nicolás Otamendi.

Jordania: Yazeed Abulaila; Nasib, Abudahab, Alarab, Haddad (C); Alrawabdeh, Abutaha, Alrashdan; Olwan, Fakhoury, Azaizeh.

Argjentina: Emiliano Martínez; Senesi, Tagliafico, Otamendi (C); Paredes, Lo Celso, Palacios; Julián Álvarez, Giovanni Simeone, Paz, Lautaro Martínez.

The post Formacionet zyrtare të Jordani – Argjentinë: Scaloni pushon Messin dhe emrat kryesorë appeared first on Albeu.com.

Ndërkohë, disa përfaqësuese e kanë humbur tashmë edhe matematikisht shansin për vazhdim, duke mbetur jashtë garës për raundin tjetër të turneut.

Në formatin e ri me 48 ekipe, kualifikimin e drejtpërdrejtë për në fazën me eliminim e sigurojnë dy vendet e para në secilin prej 12 grupeve, ndërsa me to bashkohen edhe tetë ekipet më të mira që e mbyllin grupin në pozitën e tretë.

Deri në këtë fazë, shtatë kombëtare janë eliminuar zyrtarisht nga Kupa e Botës 2026:

Republika Çeke (Grupi A) – E mbylli grupin në vendin e fundit pas humbjes ndaj Meksikës.

Katari (Grupi B) – Mori vetëm një pikë në tri ndeshjet e zhvilluara në grup.

Haiti (Grupi C) – Doli jashtë garës pas humbjeve kundër Skocisë, Brazilit dhe Marokut.

Turqia (Grupi D) – Disfatat ndaj Australisë dhe Paraguait ia shuan çdo shpresë për kualifikim.

Tunizia (Grupi F) – U përjashtua nga gara pas humbjeve të thella përballë Suedisë dhe Japonisë.

Jordania (Grupi J) – Debutuesja nga Azia nuk arriti të marrë asnjë pikë pas humbjeve ndaj Austrisë dhe Algjerisë.

Panamaja (Grupi L) – U eliminua herët pas humbjeve kundër Ganës dhe Kroacisë.

Këto shtatë skuadra nuk kanë më asnjë rrugë për të arritur raundin pasardhës, as përmes renditjes në grup dhe as përmes klasifikimit të ekipeve më të mira të vendit të tretë. /

The post Shtatë përfaqësuese që i kanë mbyllur llogaritë me Kupën e Botës 2026 appeared first on Albeu.com.

Pjesa e parë solli vetëm një gol. Në minutën e 36-të, Nizar Al Rashdan dërgoi topin pas portierit Alziz Luca Zidane dhe i dha epërsinë Jordanisë.

Deri në atë moment, dukej se Jordania do të ishte skuadra që në raundin e fundit do të luftonte për një vend në fazën e 1/16-tës, por Algjeria reagoi në vazhdim dhe ua mbylli çdo mundësi për të avancuar më tej.

Barazimi erdhi në minutën e 69-të, kur Nadir Benbouali realizoi për 1-1, ndërsa në minutën e 82-të Amine Gouiri shënoi golin që vulosi fitoren 2-1 të Algjerisë.

Në raundin e fundit, Algjeria do të përballet me Austrinë më 28 qershor në orën 04:00. Me fitore do të kualifikohej si skuadra e vendit të dytë, por ka mundësi të mira të avancojë edhe me një barazim si njëra prej skuadrave të vendit të tretë.

Argjentina e ka siguruar tashmë vendin e parë, ndërsa nëse ndeshja përfundon në barazim, Austria do të kalonte tutje nga pozita e dytë. Në atë skenar, Algjeria me shumë gjasa do të renditej mes tetë ekipeve më të mira të vendeve të treta.

The post Algjeria përmbys Jordaninë 2-1 dhe ruan shpresat për kalimin në fazën eliminatore të Kupës së Botës appeared first on Albeu.com.

Gjërat nisën keq për jordanazët që në fraksionin e parë të takimit, kur Romano Schmid kaloi Austrinë në avantazh.

Në nisje të pjesës së dytë, Jordania befasoi të gjithë. Ali Olwan, golashënuesi më i mirë i skuadrës, riktheu baraspeshën dhe për një moment u dha tifozëve shpresën se një mrekulli mund të ndodhte.

Por në fund të ndeshjes, 30-vjeçari Yazan Al-Arab mori rolin e figurës më të pafat të takimit. Mbrojtësi realizoi një autogol që i hapi rrugën Austrisë për të konfirmuar fitoren.

Jordanezët dolën të mundur nga kjo sfidë, ndërsa për Yazanin kjo ndeshje pritet të mbetet një kujtim i hidhur. Megjithatë, historia e karrierës së tij është po aq e pazakontë sa edhe interesante.

Në vitin 2023, ai mori një përjashtim të përjetshëm nga futbolli malajzian. Pas daljes së skuadrës së tij nga Kupa, Abu Arab ofendoi arbitrin, u ndëshkua me karton të kuq dhe më pas e goditi atë me shqelm. Menjëherë pas kësaj, Selangor vendosi t’i ndërpresë kontratën futbollistit.

Më pas, Yazan kërkoi falje dhe sqaroi se reagimi i tij kishte ardhur pasi kushëriri i tij kishte ndërruar jetë pak kohë më parë, çka sipas tij i kishte bërë të humbiste kontrollin emocional. Sidoqoftë, kjo nuk mjaftoi për ta shmangur dënimin e rëndë.

Pavarësisht këtij episodi të bujshëm, karriera e Abu Al-Arab nuk u mbyll. Ai vijoi rrugën e tij në një klub irakian dhe më pas, gjatë vitit 2024, u transferua te një skuadër e Koresë së Jugut.

Po ashtu, ai vazhdoi të ishte pjesë e kombëtares së Jordanisë dhe shërbeu si një nga mbrojtësit kryesorë të ekipit që mbërriti në finalen e Kupës së Azisë 2023.

The post Yazan Al-Arab, nga ndalimi i përjetshëm te autogoli i dhimbshëm me Jordaninë në Kupën e Botës appeared first on Albeu.com.

Skuadra jordaneze hyri në fushë me shumë guxim dhe rrezikoi që në minutën e dytë, kur Ehsan Haddad përfitoi nga një top i mbetur brenda zonës, por tentativa e tij përfundoi shumë pranë shtyllës së djathtë. Në minutën e 17-të, Odeh Al Fakihouri provoi nga distanca me një goditje të rrezikshme, por Alexander Schlager bëri një ndërhyrje fantastike.

Megjithatë, ishte Austria që kaloi e para në avantazh. Në minutën e 21-të, Romano Schmid e kontrolloi në mënyrë të shkëlqyer një pasim pranë hyrjes së zonës dhe me një goditje të bukur e dërgoi topin në cepin e sipërm të portës për 1-0.

Jordania nuk u tërhoq dhe vazhdoi të sulmonte. Vetëm një minutë më pas, Ali Olwan iu afrua shumë golit të barazimit, por goditja e tij me kokë u ndal nga traversa. I njëjti lojtar provoi sërish në minutën e 34-t, por Schlager regjistroi edhe një pritje tjetër vendimtare.

Pas kthimit nga pushimi, këmbëngulja e Jordanisë dha rezultat. Në minutën e 50-të, Ali Olwan doli i vetëm përballë portës dhe nuk fali, duke barazuar rezultatin në 1-1.

Austria reagoi shpejt dhe në minutën e 67-të mendoi se kishte rikthyer epërsinë. Pas një rrëmuje në zonë, topi shkoi te Marko Arnautovic, i cili nga afërsia e çoi në rrjetë për 2-1, por pas rishikimit me VAR, goli u anulua për prekje të topit me dorë gjatë aksionit.

Goli i dytë i Austrisë erdhi gjithsesi në minutën e 76-të, kur një krosim nga goditja e këndit u devijua në portën e vet nga Yazan Al Arab, duke i dhënë austriakëve avantazhin 2-1.

Kur gjithçka po shkonte drejt mbylljes me këtë rezultat, në zonën e Jordanisë u sinjalizua një prekje e topit me dorë dhe, pas verifikimit me VAR, arbitri akordoi penallti. Nga pika e bardhë u tregua i saktë Arnautovic, i cili vulosi fitoren përfundimtare 3-1.

Falë këtij triumfi, Austria e nis në mënyrën më të mirë fazën e grupeve, ndërsa Jordania mbetet pa pikë, edhe pse zhvilloi një paraqitje të guximshme përballë favoritëve evropianë.

The post Austria e hap me sukses Botërorin, fiton 3-1 ndaj Jordanisë në sfidën e parë të Grupit J appeared first on Albeu.com.