Pas nisjes dje të ndeshjeve të fazës me eliminim direkt në Kupën e Botës 2026, sot Brazili dhe Japonia matin forcat mes tyre në garën për një vend në çerekfinale.

Kjo sfidë konsiderohet ndër më tërheqëset e kësaj faze, pasi të dyja përfaqësueset hyjnë në fushë me objektivin e qartë për të prerë biletën për më tej.

Në letër, “Seleçao” shihet si skuadra favorite, kryesisht për shkak të nivelit të lartë individual në sulm, aty ku dallohen Vinicius Junior dhe Matheus Cunha.

Nga ana tjetër, Japonia synon të vijojë rrugëtimin surprizues në këtë turne, duke u mbështetur te organizimi i lojës, disiplina taktike dhe shpejtësia në kundërsulm.

Parashikohet një duel me intensitet të lartë, ku brazilianët do të përpiqen të kontrollojnë zotërimin e topit, ndërsa japonezët do të kërkojnë të përfitojnë nga çdo hapësirë për të goditur rivalin. Skuadra që do të triumfojë në këtë përballje do të vazhdojë rrugën drejt 16 skuadrave më të mira të Botërorit.

Brazili: Alisson, Danilo, Marquinhos, Gabriel Magalhães, Douglas Santos, Casemiro, Bruno Guimarães, Lucas Paquetá, Rayan, Vinicius Junior, Matheus Cunha.

Japonia: Zion Suzuki, Takehiro Tomiyasu, Shogo Taniguchi, Hiroki Ito, Ritsu Doan, Kaishu Sano, Daichi Kamada, Keito Nakamura, Daizen Maeda, Junya Ito, Ayase Ueda.

The post Brazili dhe Japonia zbresin në fushë për çerekfinalen, publikohen formacionet zyrtare appeared first on Albeu.com.

Skuadra japoneze e nisi ndeshjen në mënyrë të furishme dhe kaloi në avantazh që në minutën e katërt.

Gjithçka erdhi pas një aksioni shumë të bukur, kur Keito Nakamura dërgoi një top të rrezikshëm në zonë. Mbrojtja e Tunizisë nuk arriti ta spastronte, ndërsa Daichi Kamada përfitoi mes një tollovie lojtarësh për ta shtyrë topin në rrjetë.

Dominimi i ekipit aziatik vazhdoi pa ndërprerje edhe më tej. Portieri Aymen Dahmen shmangu një gol të dytë të sigurt për tunizianët, duke ndalur mbi vijë një tentativë të Ayase Uedas, ndërsa Tunizia në sulm ishte pothuajse e padukshme dhe rrallëherë vuri në vështirësi kundërshtarin.

Goli i dytë i Japonisë u shënua në minutën e 31-të, kur Ueda goditi saktë nga skaji i zonës dhe e çoi topin në këndin e poshtëm të portës.

Deri në mbyllje të pjesës së parë, Japonia e pati ndeshjen nën kontroll të plotë, ndërsa tunizianët nuk gjetën zgjidhje për t’u rikthyer në lojë.

As pas pushimit tabloja nuk ndryshoi. Tunizia iu afrua golit me Hannibal Mejbri, por ekipi i drejtuar nga Herve Renard vazhdoi të dukej pa ide dhe pa energji në fushë.

Në minutën e 69-të erdhi edhe goli i tretë, kur Junya Ito shfrytëzoi një top të thjeshtë në thellësi, fitoi duelin fizik ndaj Mohamed Amine Ben Hmidan dhe e mposhti me qetësi Dahmenin.

Vetëm pak më pas, Ueda i vuri vulën suksesit me golin e tij të dytë personal, duke realizuar me kokë pas një harkimi që kaloi në mënyrë befasuese mes disa mbrojtësve tunizianë.

Me këtë dygolësh, sulmuesi u bë futbollisti i parë japonez që realizon dy herë në një ndeshje të Kupës së Botës.

Kjo fitore, e arritur në ndeshjen e 1000-të në historinë e Kupës së Botës, e çon Japoninë shumë pranë kualifikimit në fazën e 1/32-ës.

Në takimin e fundit të grupit, japonezëve do t’u mjaftonte një pikë përballë Suedisë për të siguruar avancimin. Në krahun tjetër, Tunizia thellon serinë negative, duke regjistruar vetëm një fitore në nëntë ndeshjet e fundit, krahas 2 barazimeve dhe 6 humbjeve.

The post Japonia i jep leksion Tunizisë me katër gola dhe afrohet me fazën me eliminim direkt appeared first on Albeu.com.