Ndërkohë, disa përfaqësuese e kanë humbur tashmë edhe matematikisht shansin për vazhdim, duke mbetur jashtë garës për raundin tjetër të turneut.

Në formatin e ri me 48 ekipe, kualifikimin e drejtpërdrejtë për në fazën me eliminim e sigurojnë dy vendet e para në secilin prej 12 grupeve, ndërsa me to bashkohen edhe tetë ekipet më të mira që e mbyllin grupin në pozitën e tretë.

Deri në këtë fazë, shtatë kombëtare janë eliminuar zyrtarisht nga Kupa e Botës 2026:

Republika Çeke (Grupi A) – E mbylli grupin në vendin e fundit pas humbjes ndaj Meksikës.

Katari (Grupi B) – Mori vetëm një pikë në tri ndeshjet e zhvilluara në grup.

Haiti (Grupi C) – Doli jashtë garës pas humbjeve kundër Skocisë, Brazilit dhe Marokut.

Turqia (Grupi D) – Disfatat ndaj Australisë dhe Paraguait ia shuan çdo shpresë për kualifikim.

Tunizia (Grupi F) – U përjashtua nga gara pas humbjeve të thella përballë Suedisë dhe Japonisë.

Jordania (Grupi J) – Debutuesja nga Azia nuk arriti të marrë asnjë pikë pas humbjeve ndaj Austrisë dhe Algjerisë.

Panamaja (Grupi L) – U eliminua herët pas humbjeve kundër Ganës dhe Kroacisë.

Këto shtatë skuadra nuk kanë më asnjë rrugë për të arritur raundin pasardhës, as përmes renditjes në grup dhe as përmes klasifikimit të ekipeve më të mira të vendit të tretë. /

The post Shtatë përfaqësuese që i kanë mbyllur llogaritë me Kupën e Botës 2026 appeared first on Albeu.com.

Me fazën e grupeve që po shkon drejt ndeshjeve të dyta, disa ekipe e kanë prerë tashmë biletën për në raundin e 32-të, ndërsa disa të tjera janë përshëndetur herët me turneun.

Mes skuadrave që kanë siguruar kalimin më tej është edhe SHBA-ja e drejtuar nga Mauricio Pochettino. Në Seattle, amerikanët fituan 2-0 ndaj Australisë me një autogol të Cameron Burgess dhe një realizim të Alex Freeman, duke vulosur matematikisht kualifikimin edhe përpara sfidës së fundit të grupit ndaj Turqisë.

Nga ana tjetër, Turqia mbeti jashtë pas humbjes 1-0 kundër Paraguait, ndërsa edhe Haiti u eliminua pasi u mposht 3-0 nga Brazili.

Në shikim të parë, të dyja këto kombëtare dukeshin ende në lojë, pasi i ndanin vetëm tre pikë nga pozicionet që çojnë në fazën tjetër. Por një ndryshim i ri në rregulloren e FIFA-s u hoqi përfundimisht çdo mundësi.

Ndryshe nga Botërorët e mëparshëm, ku ndarja e skuadrave me pikë të barabarta bazohej fillimisht te golaverazhi i përgjithshëm, në edicionin 2026 përparësi ka bilanci i ndeshjeve direkte mes ekipeve.

Pikërisht për këtë arsye, Turqia nuk ka më rrugëdalje. Meqë ka humbur ndaj Paraguait dhe Australisë, ajo nuk mund t’i lërë pas këto dy skuadra edhe nëse fiton ndeshjen e fundit kundër SHBA-së dhe i arrin në pikë.

E njëjta logjikë vlen edhe për Haitin. Skuadra karaibiane është mundur nga Brazili dhe Skocia, kështu që edhe nëse pas ndeshjes së fundit barazohet me skocezët në pikë, do të mbetet sërish pas tyre për shkak të rezultatit në përballjen direkte.

Ky ndryshim mund të rezultojë i favorshëm edhe për Anglinë. Në rast se ekipi i Thomas Tuchel fiton ndaj Ganës dhe Panamaja nuk merr fitore kundër Kroacisë, anglezët do ta sigurojnë vendin e parë në Grupin L një ndeshje përpara mbylljes së fazës së grupeve.

Në një situatë të ngjashme është edhe Gana, e cila mund të ngjitet në krye të grupit nëse mposht Anglinë dhe nëse Kroacia nuk arrin të fitojë ndaj Panamasë.

Një nga skuadrat që përfiton gjithashtu nga ky rregull i ri është Meksika. Bashkëorganizatorët e Botërorit kanë fituar dy sfidat e para kundër Afrikës së Jugut dhe Koresë së Jugut, duke siguruar kështu kalimin në raundin e 32-të.

Në historinë e Kupës së Botës, FIFA ka aplikuar kritere të ndryshme për renditjen. Deri në vitin 1966 përdorej raporti i golave, ndërsa nga viti 1970 u vendos sistemi i golaverazhit. Tani, pas shumë dekadash, organizata i ka dhënë për herë të parë përparësi rezultateve në ndeshjet direkte.

Sipas FIFA-s, arsyeja e këtij ndryshimi është shmangia e ndikimit të rezultateve shumë të thella në renditje. Për shembull, një fitore si ajo e Gjermanisë 7-1 ndaj Curacaos nuk do të sjellë më një epërsi kaq të madhe në garën për kualifikim, duke synuar një konkurrencë më të drejtë dhe më të ekuilibruar.

The post FIFA ndryshon në heshtje rregulloren e Botërorit 2026, Turqia dhe Haiti mbeten pa asnjë shans kualifikimi appeared first on Albeu.com.

Në raundin e dytë të Kupës së Botës, Brazili siguroi një fitore të qetë përballë Haitit, ndërsa në këtë sfidë minutat e para i mori edhe sulmuesi i ri Endrick.

Futbollisti brazilian u hodh në fushë në minutën e 64-të, duke zëvendësuar Mattheus Cunhan, autorin e dy golave, dhe pas ndeshjes u shfaq i kënaqur për debutimin e tij.

“Jam shumë i lumtur. Zoti më tha se do të bëja gjëra të jashtëzakonshme në jetën time. Të dilja në fushë dhe të shënoja një gol që më vonë u anulua… por për mua, thellë në zemrën time, ishte një gol që vlente shumë”, tha fillimisht 19-vjeçari.

“Gjithashtu dua të falënderoj tifozët brazilianë, njerëzit që erdhën nga Brazili në Shtetet e Bashkuara për të mbështetur ekipin kombëtar. Ky është një grup ku duhet të jenë vetëm lojtarët e etur për të luftuar, për të luajtur, për të qenë në fushë dhe për të ndihmuar ekipin”.

“Mendoj se kushdo që është atje do ta ndihmojë ekipin dhe do t’i sjellë diçka të ndryshme grupit. Po punoj çdo ditë, duke i bërë gjërat siç duhet, duke e shtyrë veten çdo ditë, në mënyrë që kur të më lindë mundësia të jem gati dhe të mund të bëj atë që kam bërë gjithmonë me ekipin kombëtar: të luaj çdo ndeshje sikur të ishte e fundit”, përfundoi Endrick.

The post Endrick flet pas ndeshjes së parë në Kupën e Botës: Zoti më kishte thënë se do të arrija gjëra të jashtëzakonshme appeared first on Albeu.com.

Me këtë rezultat, skuadra nga Karaibet, që po luan në Botëror për herë të parë që prej vitit 1974, regjistroi humbjen e dytë radhazi në fazën e grupeve dhe nuk arriti të përballojë nivelin e brazilianëve.

Brazilianët, të udhëhequr nga Carlo Ancelotti, kontrolluan ndeshjen thuajse në tërësi dhe morën tri pikë me shumë pak vështirësi.

Matheus Cunha ishte protagonisti kryesor i takimit, duke shënuar dy herë për Brazilin, ndërsa në mesin e golashënuesve u fut edhe Vinicius Junior.

Edhe pse u përpoq gjatë gjithë ndeshjes, Haiti e pati shumë të vështirë të ndërtonte raste të pastra për gol përballë një prej pretendentëve më të mëdhenj për ta fituar turneun.

Pas dy ndeshjeve të para pa asnjë pikë dhe me dy disfata, Haiti nuk ka më asnjë shans matematikor për të kaluar në fazën e eliminimit direkt, duke u bërë kështu kombëtarja e parë që eliminohet nga Botërori i zgjeruar me 48 ekipe.

Nga ana tjetër, Brazili e ka konsoliduar pozitën në grupin C dhe tashmë është shumë afër kualifikimit në fazën e ardhshme të garës.

The post Haiti i pari ekip i eliminuar zyrtarisht nga Kupa e Botës 2026 appeared first on Albeu.com.

Përfaqësuesja braziliane ishte superiore gjatë gjithë takimit dhe e mbylli sfidën me fitore të pastër 3-0.

Në minutat e para, Raphinha e dërgoi topin në rrjetë, por goli nuk u pranua për pozitë jashtë loje.

Zhbllokimi i rezultatit erdhi në minutën e 23-të, kur Matheus Cunha shfrytëzoi një gabim të repartit mbrojtës kundërshtar.

I njëjti futbollist realizoi edhe golin e dytë në minutën e 36-të, pasi u shërbye nga Vinicius Jr dhe goditi bukur, duke e lënë portierin pa reagim.

Pak para përfundimit të pjesës së parë, në minutën 45+3’, ishte vetë Vini që shënoi për 3-0 pas një kundërsulmi të shpejtë.

Edhe në pjesën e dytë Brazili gjeti rrugën e rrjetës me Endrick, por edhe ky gol u anulua për pozitë jashtë loje.

Pas kësaj fitoreje, Brazili ngjitet në vendin e parë në grupin C me katër pikë, po aq sa ka edhe Maroku. Në ndeshjen e fundit do të përballet me Sokcinë, ku do t’i mjaftojë të paktën një pikë për të siguruar kualifikimin tutje.//

The post Cunha udhëheq Brazilin me dy gola, Haiti mposhtet qartë 3-0 appeared first on Albeu.com.