Carlos Queiroz ka dhënë dorëheqjen nga posti i trajnerit të Ganës, vetëm tre muaj pasi mori drejtimin e skuadrës, menjëherë pas daljes së kombëtares nga Kupa e Botës 2026.

Trajneri portugez 73-vjeçar, i emëruar në krye të Ganës në muajin prill, e çoi ekipin deri në vendin e tretë në grupin L. Rruga e Ganës në këtë turne u mbyll më pas në fazën e 1/16 së finales, ku u mund 1-0 nga Kolumbia.

Kështu, aventura e tij me “Yjet e Zinjtë” përfundon shumë shpejt, pasi qëndrimi në stolin e përfaqësueses zgjati vetëm tre muaj.

Për Queirozin, kjo ishte hera e pestë radhazi që merrte pjesë në Kupën e Botës në rolin e trajnerit. Më parë, ai kishte qenë në drejtim të Portugalisë, Iranit dhe Egjiptit në turneun më të madh të futbollit.

Largimi i tij konsiderohet ndër lëvizjet e para në stolat e përfaqësueseve, pas mbylljes së rrugëtimit të tyre në Kupën e Botës.

Në të njëjtën ditë, postin e trajnerit e la edhe Jamal Sellami te Jordania, pasi skuadra e tij e përfundoi grupin J në vendin e fundit dhe mbeti jashtë fazës eliminatore.

The post Carlos Queiroz largohet nga Gana pas eliminimit nga Kupa e Botës 2026 appeared first on Albeu.com.

Falë fitores 1-0 ndaj Ganës në një përballje të fortë dhe me raste në të dy krahët, Kolumbia ka prerë biletën për në fazën tjetër të Kupës së Botës.

Skuadra kolumbiane gjeti golin që vendosi ndeshjen që në minutën e 14-të. Pas një krosimi të saktë të Luis Suarez në zonë, Jhon Arias reagoi në momentin e duhur dhe e dërgoi topin në këndin e poshtëm të djathtë të portës ganeze.

Gana rrezikoi herët në ndeshje, kur Thomas Partey provoi me një goditje nga larg, por topi kaloi fare pranë shtyllës së majtë.

Pas kësaj, Kolumbia mori iniciativën dhe ndërtoi disa aksione të rrezikshme me Luis Diaz, Luis Suarez dhe Johan Mojica, por Lawrence Ati Zigi u tregua i sigurt në portë.

Në minutën e 56-të, kolumbianët besuan se kishin shënuar golin e dytë. Luis Diaz tundoi rrjetën pas një asisti nga Jefferson Lerma, por pas kontrollit me VAR, goli u anulua për pozicion jashtë loje në fillim të aksionit.

Luis Diaz mbeti lojtari më kërcënues për Kolumbinë edhe më tej. Në minutën e 58-të ai u ndal nga një pritje shumë e mirë e Ati Zigit, ndërsa në momentet e fundit të sfidës kolumbianët patën edhe raste të tjera për ta vulosur suksesin. Richard Rios tentoi dy herë nga distanca, kurse Juan Quintero goditi ngjitur me shtyllën.

Në pjesën e dytë, Gana kërkoi të rikthehej në lojë, por nuk arriti të ndërtonte raste të pastra shënimi. Thomas Partey provoi sërish në minutën e 69-të, por tentativa e tij përfundoi pranë portës.

Deri në vërshëllimën e fundit, Kolumbia e administroi mirë avantazhin dhe siguroi një fitore të çmuar 1-0, duke e vazhduar aventurën në fazën eliminatore të Kupës së Botës.

The post Kolumbia kalon më tej pas triumfit minimal ndaj Ganës appeared first on Albeu.com.

Falë fitores 1-0 ndaj Ganës në një përballje të fortë dhe me raste në të dy krahët, Kolumbia ka prerë biletën për në fazën tjetër të Kupës së Botës.

Skuadra kolumbiane gjeti golin që vendosi ndeshjen që në minutën e 14-të. Pas një krosimi të saktë të Luis Suarez në zonë, Jhon Arias reagoi në momentin e duhur dhe e dërgoi topin në këndin e poshtëm të djathtë të portës ganeze.

Gana rrezikoi herët në ndeshje, kur Thomas Partey provoi me një goditje nga larg, por topi kaloi fare pranë shtyllës së majtë.

Pas kësaj, Kolumbia mori iniciativën dhe ndërtoi disa aksione të rrezikshme me Luis Diaz, Luis Suarez dhe Johan Mojica, por Lawrence Ati Zigi u tregua i sigurt në portë.

Në minutën e 56-të, kolumbianët besuan se kishin shënuar golin e dytë. Luis Diaz tundoi rrjetën pas një asisti nga Jefferson Lerma, por pas kontrollit me VAR, goli u anulua për pozicion jashtë loje në fillim të aksionit.

Luis Diaz mbeti lojtari më kërcënues për Kolumbinë edhe më tej. Në minutën e 58-të ai u ndal nga një pritje shumë e mirë e Ati Zigit, ndërsa në momentet e fundit të sfidës kolumbianët patën edhe raste të tjera për ta vulosur suksesin. Richard Rios tentoi dy herë nga distanca, kurse Juan Quintero goditi ngjitur me shtyllën.

Në pjesën e dytë, Gana kërkoi të rikthehej në lojë, por nuk arriti të ndërtonte raste të pastra shënimi. Thomas Partey provoi sërish në minutën e 69-të, por tentativa e tij përfundoi pranë portës.

Deri në vërshëllimën e fundit, Kolumbia e administroi mirë avantazhin dhe siguroi një fitore të çmuar 1-0, duke e vazhduar aventurën në fazën eliminatore të Kupës së Botës.

The post Kolumbia kalon më tej pas triumfit minimal ndaj Ganës appeared first on Albeu.com.

Sipas një analize të publikuar nga Reuters, Kupa e Botës 2026 mund të mbahet mend si turneu që riformësoi në themel raportet e forcës në futbollin botëror. Skuadrat që dikur sundonin pa diskutim nuk e kanë më atë monopol, ndërsa përfaqësueset që për vite me radhë qëndronin në prapaskenë tashmë po rivalizojnë në mënyrë të barabartë për pozitat më të larta.

Ndryshimi më i qartë, sipas kësaj tabloje, përfaqësohet nga Gjermania. Katër herë kampionët e botës u ndalën në fazën e 1/16-tës nga Paraguai, Uruguai e mbylli rrugëtimin që në fazën e grupeve, ndërsa Holanda u eliminua nga Maroku. Italia, ndërkohë, dështoi të sigurojë pjesëmarrjen në Kupën e Botës për herë të tretë radhazi.

Në këtë kontekst, bie në sy edhe një tjetër fakt domethënës: Italia, Gjermania dhe Spanja, pas fitimit të titujve të tyre të fundit botërorë, nuk kanë arritur të fitojnë as edhe një ndeshje në fazën me eliminim direkt të këtij kompeticioni.

Nga ana tjetër, kombëtaret që deri jo shumë kohë më parë konsideroheshin jashtë rrethit të favoritëve, tashmë po zënë vend qendror në skenën ndërkombëtare. Maroku vazhdoi të tregojë se arritja e vitit 2022 nuk ishte rastësi, Paraguai shkaktoi befasi të madhe duke nxjerrë jashtë Gjermaninë, ndërsa Reuters përmend mes skuadrave që po marrin gjithnjë e më shumë vëmendje edhe Algjerinë, Egjiptin, Ganën dhe debutuesit e Kepit të Gjelbër.

Se futbolli botëror po kalon një transformim të thellë, e pranoi edhe trajneri i Gjermanisë, Julian Nagelsmann, pas eliminimit të ekipit të tij. Ai shprehu një mendim që deri para pak kohe do të dukej i paimagjinueshëm: “Do të ishte shumë arrogante të thuash se jemi ndër ekipet kombëtare më të mira në botë. Thjesht nuk jemi më”, tha Nagelsmann.

Një frymë e ngjashme po vërehet edhe në Itali, ku drejtuesit e federatës së futbollit kanë paralajmëruar ndërhyrje rrënjësore në sistemin e zhvillimit të lojtarëve dhe në mënyrën si funksionon ekipi kombëtar, me synimin për ta rikthyer vendin në majën e futbollit botëror.

Reuters veçon Marokun si modelin më të spikatur të këtij realiteti të ri. Pasi hynë në histori në Katar me arritjen në gjysmëfinale, marokenët kanë vijuar të investojnë në rritjen e talenteve të reja. Trajneri aktual, Mohamed Ouahbi, fitoi Kupën e Botës me ekipin U-20 vetëm një vit më parë, ndërsa shumë prej atyre lojtarëve të rinj tani po udhëheqin skuadrën edhe në nivelin senior.

Në përfundim, Reuters vlerëson se Kupa e Botës 2026 nuk paraqet më një histori ku favoritët tradicionalë imponohen ndaj të tjerëve. Futbolli, sipas kësaj analize, ka hyrë në një fazë të re, ku gjithnjë e më shumë kombëtare besojnë me të drejtë se mund të mposhtin këdo, ndërsa kufiri i dikurshëm i qartë mes të mëdhenjve dhe të vegjëlve po zbehet gjithnjë e më shumë.

The post Reuters: Botërori 2026 po vulos një ekuilibër të ri global në futboll appeared first on Albeu.com.

Në përfundim të fazës së grupeve të Kupës së Botës 2026, një prej zhvillimeve më befasuese ishte paraqitja e ekipeve afrikane: nëntë nga 10 përfaqësueset e kontinentit siguruan kualifikimin për në raundet eliminatore. Asnjë konfederatë tjetër e pranishme në këtë edicion të Botërorit nuk pati një përqindje suksesi kaq të lartë.

Ky realitet lidhet edhe me një prirje më të gjerë që po bëhet gjithnjë e më e dukshme në futbollin modern. Në Kupën e Botës 2026 janë regjistruar jo më pak se 289 futbollistë që kanë lindur në një shtet, por përfaqësojnë një tjetër në turne. Rekordi i mëparshëm ishte ai i Kupës së Botës 2022, me 137 lojtarë në të njëjtën situatë.

Sa më shumë kalon koha, aq më qartë shfaqet ndikimi i globalizimit në botën e sotme, dhe futbolli është një nga pasqyrimet më të forta të këtij procesi. Megjithatë, duhet pranuar edhe se zgjerimi i Kupës së Botës nga 32 në 48 skuadra ka pasur pjesën e vet në këtë rritje.

Pjesa më e madhe e këtyre 289 rasteve lidhet me futbollistë të lindur në Evropë, të cilët më pas zgjedhin ose fitojnë të drejtën sportive për të përfaqësuar një kombëtare afrikane.

Prej vitesh, në shekullin e 21-të, është përsëritur shpesh ideja se përfaqësuesja e Francës ka qenë në thelb një skuadër me përbërje afrikane më shumë sesa franceze. Në raste të caktuara, ky debat ka degjeneruar edhe në komente haptazi raciste. Është e vërtetë që Franca, por edhe disa ekipe të tjera kombëtare, kanë në përbërje shumë futbollistë, prindërit ose gjyshërit e të cilëve kanë jetuar në Afrikë.

Megjithatë, ekziston edhe kahu i kundërt i këtij fenomeni: Evropa po “ushqen” me një numër të madh lojtarësh vetë kombëtaret afrikane, pasi shumë prej tyre janë lindur në Afrikë, por janë rritur futbollistikisht në vendet evropiane.

Jo të gjitha skuadrat afrikane të Kupës së Botës 2026 mbështeten në të njëjtën masë te ky burim. Afrika e Jugut dhe Egjipti, për shembull, kanë vetëm nga një futbollist të lindur jashtë vendit. Në anën tjetër, përqendrimi më i madh i lojtarëve të tillë gjendet te Republika Demokratike e Kongos, Marok dhe Algjeri.

Siç pritej, Franca mbetet “furnizuesi” më i madh i talenteve për kombëtaret afrikane. Ajo qëndron dukshëm përpara Holandës, e cila mban vendin e dytë në këtë renditje të veçantë.

Në total, 98 nga 1,248 lojtarët e këtij Botërori kanë lindur në Francë:

23 në skuadrën e Francës;

12 në skuadrën e Algjerisë;

13 në skuadrën e Haitit;

11 në skuadrën e RD Kongos;

10 në skuadrën e Senegalit;

8 në skuadrën e Bregut të Fildishtë;

7 në skuadrën e Tunizisë;

6 në skuadrën e Marokut;

3 në skuadrën e Kepit të Gjelbër;

3 në skuadrën e Ganës;

1 në skuadrën e Egjiptit;

1 në skuadrën e Spanjës;

Përtej numrave, me rëndësi është edhe pesha reale që këta “evropianë” kanë në skuadrat afrikane në Kupën e Botës 2026. Matja më e saktë e këtij ndikimi nuk është e thjeshtë, por nëse merret si tregues më i drejtpërdrejtë kontributi në gola, atëherë panorama është kjo:

Maroku — 83% e golave të tyre të shënuar nga “evropianët”;

Algjeria — 80%;

Republika Demokratike e Kongos — 75%;

Bregu i Fildishtë — 50%;

Tunizia — 50%;

Kepi i Gjelbër — 50%;

Senegali — 50%;

Gana — 50%;

Egjipti — 0%;

Afrika e Jugut — 0%;

Sigurisht, në disa përfaqësuese ndikimi më i madh i këtyre futbollistëve nuk reflektohet vetëm te golat, pasi roli i lojtarëve mbrojtës mund të jetë vendimtar, sidomos në skuadra që nuk dominojnë shpesh ndeshjet. Gjithsesi, gjatë fazës së grupeve u dallua qartë pesha e formimit futbollistik evropian.

Një shembull i qartë ishte Ismael Saibari, i lindur në Barcelonë, i cili realizoi në secilën prej tri ndeshjeve të para të Marokut në Kupën e Botës 2026. Po ashtu, Riyad Mahrez, i lindur në Francë, shënoi dy gola në takimin e tretë të grupit ndaj Austrisë, duke i siguruar Algjerisë kalimin në raundet eliminatore.

The post Globalizimi në futboll: Sa lojtarë të formuar në Evropë po përforcojnë kombëtaret afrikane appeared first on Albeu.com.

Kupa e Botës 2026 ka sjellë një moment historik për futbollin afrikan, pasi kontinenti ka siguruar një rekord të ri me nëntë përfaqësuese të kualifikuara në fazën e 1/16-ës.

Në këtë mënyrë, Afrika arrin numrin më të lartë të skuadrave të saj ndonjëherë në një etapë me eliminim direkt të këtij turneu.

Mes ekipeve që kanë prerë biletën janë Maroku, Egjipti, Afrika e Jugut, Bregu i Fildishtë, Kepi i Gjelbër, Senegali, Gana, Republika Demokratike e Kongos dhe Algjeria.

Falë formatit të ri me 48 kombëtare, nëntë nga 32 ekipet që kanë kaluar në fazën me eliminim direkt vijnë nga Afrika. Kjo do të thotë se 28.1 për qind e skuadrave pjesëmarrëse në këtë raund i përkasin kontinentit afrikan, përqindja më e lartë e regjistruar ndonjëherë për Afrikën në historinë e Kupës së Botës.

Ky rezultat historik nënvizon rritjen e futbollit afrikan në skenën ndërkombëtare dhe siguron që kontinenti të ketë më shumë përfaqësues se asnjëherë më parë në garën për një vend në fazën e 1/8-ës së finales të Kupës së Botës 2026.

The post Afrika thyen çdo precedent në Botërorin 2026 me nëntë skuadra në fazën me eliminim direkt appeared first on Albeu.com.

Që në nisje të takimit, kroatët u shfaqën më këmbëngulës në sulm dhe iu afruan golit në minutën e 17-të, kur Nikola Vlašić goditi shtyllën.

Avantazhi për Kroacinë erdhi në minutën e 31-të. Petar Sucic shënoi një gol të shkëlqyer me një goditje të fortë nga largësia, duke mposhtur portierin Benjamin Asare për 1-0.

Në pjesën e dytë, Gana reagoi dhe në minutën e 73-të arriti të rikthejë baraspeshën. Pas një goditjeje dënimi të ekzekutuar nga Ernest Nuamah, Derrick Luckassen e dërgoi topin në rrjetë.

Fillimisht, goli u kontrollua nga VAR-i për pozitë jashtë loje, por më pas u pranua dhe rezultati shkoi në 1-1.

Gjithsesi, barazimi i Ganës nuk zgjati shumë. Në minutën e 83-të, Luka Modrić harkoi saktë nga goditja e këndit, ndërsa Nikola Vlašić u shkëput nga mbrojtësit dhe shënoi me kokë golin vendimtar. Topi preku fillimisht shtyllën dhe më pas përfundoi në rrjetë për 2-1.

Deri në vërshëllimën përfundimtare nuk pati më gola dhe Kroacia e ruajti epërsinë, duke marrë tri pikë të çmuara.

Pas këtij suksesi, Kroacia e përfundon fazën e grupeve në vendin e dytë me 6 pikë dhe kalon në fazën e 1/16 së finales, ndërsa Gana vazhdon si e treta.

The post Kroacia triumfon ndaj Ganës 2-1 dhe kualifikohet nga vendi i dytë në Grupin L appeared first on Albeu.com.

Formacioni i drejtuar nga Carlos Queiroz numëron katër pikë pas dy takimeve të para. Nëse fiton ndaj Kroacisë, Gana e siguron të paktën pozitën e dytë, por mund ta mbyllë grupin edhe në krye në rast se Anglia nuk arrin fitore ndaj Panamasë ose nëse ganezët triumfojnë me dy gola më shumë se anglezët.

Megjithatë, ekziston një rrethanë e pazakonshme që e bën vendin e dytë jo domosdoshmërisht alternativën më të dëshiruar. Në rast se Gana kalon tutje si nënkampione e grupit, ndeshjen e 1/16 së finales do të duhet ta zhvillojë në Toronto të Kanadasë.

Skenari problematik dhe Kanadaja

Kjo do të paraqiste problem për Thomas Parteyn, pasi mesfushori i Villarrealit nuk mund të hyjë në Kanada për shkak të procesit gjyqësor që po zhvillohet ndaj tij në Mbretërinë e Bashkuar, ku akuzohet për përdhunim dhe sulm seksual ndaj disa grave.

Për të njëjtën arsye, ai mungoi edhe në ndeshjen e parë të Ganës në këtë Botëror.

Në duelin ndaj Anglisë, Partey u kthye në formacion dhe ishte një nga lojtarët më të dalluar në fushë. Mesfushori bëri një paraqitje shumë të mirë dhe rezultoi futbollisti i Ganës më i vlerësuar mes lojtarëve të fushës, ndërsa vetëm portieri Asare u vlerësua më lart.

Lojtari kryesor i Queirozit

Si një prej emrave më të rëndësishëm në skuadrën e Carlos Queirozit, mungesa e Parteyt në një ndeshje me eliminim direkt do të ishte një goditje e fortë për Ganën.

Pikërisht kjo ka nxitur diskutime nëse përfaqësuesja afrikane do ta kishte më të leverdishme të kualifikohej si një nga skuadrat më të mira të vendeve të treta, në vend se ta mbyllte grupin në pozitën e dytë dhe të përballej me një ndeshje në Kanada pa një nga futbollistët e saj kyç.

Partey ka qenë pjesë e Arsenalit dhe për atë periudhë ai akuzohet për përdhunim dhe sulm seksual ndaj disa grave.

The post Thomas Partey, dilema që mund ta shtyjë Ganën të synojë vendin e tretë në vend të pozitës së dytë appeared first on Albeu.com.

Mesfushori 22-vjeçar, i shpallur nga FIFA “Lojtari më i mirë i ndeshjes” pas paraqitjes së tij në Boston, qëndroi në fushë për 73 minuta përpara se vendin e tij ta zinte Morgan Rogers.

Në pjesën e parë, Bellingham pati një debat të ashpër me trajnerin e Ganës, Carlos Queiroz, i cili reagoi me zemërim pas një ndërhyrjeje që futbollisti i Real Madridit i bëri njërit prej lojtarëve të tij.

Më pas, Queiroz u shpreh se Bellingham kishte qenë me fat që nuk u ndëshkua me karton të verdhë, madje sipas tij edhe me karton të kuq, për atë episod.

Në një moment tjetër, ai u pa duke folur edhe me kapitenin e Ganës, Jordan Ayew, para se të dy futbollistët të largoheshin nga loja në pjesën e dytë.

Gjatë kësaj bisede me Ayew, Bellingham e mbuloi gojën me dorë, një veprim që FIFA e kishte ndaluar në rrethana të caktuara përpara Kupës së Botës 2026.

Nga ana tjetër, në triumfin 1-0 të Paraguait kundër Turqisë, ish-sulmuesi i Newcastle, Almiron, u përjashtua me karton të kuq pasi mbuloi gojën gjatë një përplasjeje verbale me mbrojtësin kundërshtar Mert Muldur.

Almiron u bë kështu lojtari i parë që shkel rregullin e ri të FIFA-s dhe u pezullua për një ndeshje, çka do të thotë se do të mungojë në sfidën e fundit të Paraguait në grup ndaj Australisë.

Pse Bellingham nuk u përjashtua kundër Ganës?

Shpjegimi lidhet me mënyrën se si FIFA e ka përcaktuar saktësisht se kur mbulimi i gojës përbën shkelje që ndëshkohet me karton të kuq.

Sipas këtij interpretimi, një futbollist nuk ndalohet automatikisht nëse mbulon gojën gjatë një bisede, pasi rregulli synon situatat me natyrë më agresive dhe konfrontuese.

Ky vendim u forcua pasi anësori i Benficas, Gianluca Prestianni, u pezullua për gjashtë ndeshje nga UEFA për përdorimin e një fyerjeje homofobike gjatë ndeshjes ‘play-off’ të skuadrës së tij ndaj Real Madridit në mars.

Argjentinasi fillimisht u akuzua për një koment racist ndaj Vinicius Junior, por UEFA nuk arriti të përmbushte pragun e nevojshëm të provave, pjesërisht sepse Prestianni kishte mbuluar gojën me fanellë ndërsa fliste.

Kreu i gjyqtarëve të FIFA-s, Pierluigi Collina, e sqaroi këtë rregull gjatë një konference informative të mbajtur para Kupës së Botës.

“Lojtarët mund të vazhdojnë ta mbulojnë gojën me një krah dhe me fanellën, sepse mund të bisedojnë me miqtë. Është normale të bisedosh para, gjatë ose pas ndeshjes. Pra, nëse biseda është miqësore, ata mund ta vazhdojnë pa asnjë problem”, deklaroi fillimisht Collina.

“Kur biseda është konfrontuese, mbulimi i gojës do të thotë se po bën diçka shumë të gabuar, potencialisht, dhe sanksioni është kartoni i kuq”, përfundoi ish-gjyqtari italian.

The post Pse Jude Bellingham nuk u ndëshkua me karton të kuq për mbulimin e gojës, ndryshe nga Miguel Almiron? appeared first on Albeu.com.

Pak vite më parë, rruga e tij në futboll nuk dukej aspak e zakonshme. Për ta kuptuar më mirë njeriun që u bë figura kryesore e sfidës Angli-Gana, vlejnë disa detaje nga jeta dhe karriera e tij.

Ngjitja e Asares në futbollin profesionist erdhi me ritëm të ngadaltë, derisa shtatë vjet më parë trajneri Ennor Walker dalloi aftësitë e tij dhe e afroi te Great Olympics, klub i elitës ganeze. Walker e mbështeti vazhdimisht portierin, madje duke i mbuluar edhe shpenzimet e transportit publik.

Për shkak të nevojës së madhe për të ardhura, Asare bëri punë të ndryshme jashtë futbollit. Kur ishte në shkollë fillore, ai shiste qese plastike, ndërsa më vonë, në shkollën e mesme, u aftësua si zdrukthëtar dhe përkulës çeliku, duke punuar njëkohësisht edhe si konduktor autobusi.

Kur ishte 28 vjeç, karriera e tij u afrua pranë fundit. Ai pësoi thyerje të këmbës dhe mbeti jashtë për një vit e gjysmë. Edhe pse mjekët i sugjeruan të largohej nga futbolli, Asare vendosi të rikthehej dhe e bëri këtë me shumë guxim.

Në vitin 2024, ai kaloi te Hearts of Oak, një nga klubet më të njohura, me 114 vjet histori. Emblema e këtij ekipi është lisi, simbol i forcës, qëndrueshmërisë dhe mbijetesës në çdo rrethanë, një përshkrim që përshtatet edhe me historinë personale të Asares. Sezonin e kaluar, Hearts of Oak e mbylli kampionatin në vendin e tretë, me vetëm 15 gola të pësuar në 34 ndeshje, kryesisht falë paraqitjeve të sigurta të portierit.

Deri në vitin 2025, Benjamin nuk kishte marrë asnjë ftesë nga kombëtarja dhe nuk kishte luajtur kurrë në turne ndërkombëtar. Më pas, në kualifikueset e Kupës së Botës 2026, ai u aktivizua në gjashtë ndeshje dhe lejoi vetëm një gol. Pas këtij fillimi shumë të fortë me ekipin kombëtar, në rrjetet sociale qarkulloi një video ku shihej duke udhëtuar me minibus.

Kjo pamje preku një biznesmen vendas, i cili vendosi t’i dhuronte portierit një Hyundai Elantra. Ai u impresionua nga këmbëngulja dhe vendosmëria që Asare kishte treguar në rrugën e tij nga vështirësitë drejt kombëtares së Ganës.

Në Kupën e Botës 2026, Asare ka regjistruar nga tre pritje në secilën prej dy ndeshjeve të luajtura deri tani, ndaj Panamasë në fitoren 1-0 dhe ndaj Anglisë në barazimin 0-0.

Jashtë fushës, Benjamini kujdeset për gjyshen e tij, së cilës më herët i ishte amputuar këmba. “Unë e ndihmoj të lahet dhe pastaj shkoj në stërvitje. Kam vëllezër dhe motra, por unë jam ai që kujdeset për të”, ka thënë Asare.

Ai nuk e humbi kurrë besimin se një ditë do të arrinte diçka të madhe në futboll. Megjithatë, trajneri Ennor Walker, njeriu që e zbuloi në ligat e ulëta, i dha besim dhe nxori në pah talentin e tij, nuk arriti ta shihte kulmin e nxënësit të vet, pasi ndërroi jetë vjeshtën e kaluar në moshën 62 vjeçare.

Tani, përpara Ganës është përballja vendimtare me Kroacinë më 28 qershor, ku edhe një barazim do t’i mjaftojë skuadrës për të siguruar kalimin nga grupi.

The post Benjamin Asare, rrugëtimi i jashtëzakonshëm nga konduktor autobusi te heroi që frenoi Anglinë appeared first on Albeu.com.