perdoruesit Archives - Albeu.com

Mijëra përdorues të Meta-s në mbarë botën raportojnë probleme me Facebook-un dhe Instagram-in

M C — Sun, 19 Jul 2026 08:52:30 +0000

Mijëra përdorues në të gjithë botën kanë raportuar këtë të dielë për ndërprerje në Facebook, Instagram dhe Facebook Messenger, të cilat janë të gjitha në pronësi të Metës. Më shumë se 4,000 raporte ishin paraqitur në Downdetector, i cili gjurmon ndërprerjet që prekin faqet e internetit dhe shërbimet online.

Sipas Downdetector, një program gjurmues i ndërprerjeve të drejtpërdrejta, problemet filluan rreth orës 3:25 të mëngjesit sipas kohës lindore, me mijëra përdorues që raportuan probleme në Shtetet e Bashkuara. Mediat shkruajnë se disa përdorues raportuan gjithashtu probleme me aksesin në Instagram në të njëjtën kohë, pasi të dy rrjetet sociale janë në pronësi të Meta-s.

Një mesazh në rrjetin social shkruante: “Llogaria juaj aktualisht nuk është e disponueshme për shkak të një problemi me faqen. Presim që kjo të zgjidhet së shpejti. Ju lutemi provoni përsëri pas disa minutash.”

The post Mijëra përdorues të Meta-s në mbarë botën raportojnë probleme me Facebook-un dhe Instagram-in appeared first on Albeu.com.

Disney kalon Netflix, 221 milionë përdorues në tre platforma “streaming”

E S — Thu, 18 Aug 2022 05:44:53 +0000

Disney do të lançojë një shërbim të ri me reklama në SHBA ndërsa kompania kaloi Netflix për nga numri i abonentëve me pagesë.

Kompania raportoi 221.1 milionë abonentë në re platformat e saj streaming. Kjo e vendos kompaninë përpara Netflix që prej disa muajsh po humb konsumatorë. Por, Disney tha se humbja e të drejtave streaming për cricket në Indi do të ule ritmin e rritjes së numrit të abonentëve krahasuar me parashikimet e mëhershme.

Firma e cila ka në pronësi platformën Hulu dhe platformën sportive ESPN+, tha se kërkesa për produktet e saj ka qenë e lartë. Kompania shtoi 14.4 milionë abonentë Disney+ në tre mujorin e dytë të vitit ku shumica ishin jashtë SHBA. Në fund të vitit do të lançojë një shërbim me pagesë prej 7.99 dollarë por me reklama krahas shërbimit 10.99 dollarë në muaj pa reklama.

Ky shërbim do të lançohet jashtë SHBA vitin e ardhshëm. Të ardhurat e Disney për periudhën Prill-Qershor ishin 26% më të larta në 1.5 miliardë dollarë. Rivali Netflix raporti një humbje prej 1 milionë përdoruesit në tre mujorin në fjalë duke rënë në 220.67 milionë.

The post Disney kalon Netflix, 221 milionë përdorues në tre platforma “streaming” appeared first on Albeu.com.

Përdoruesit e Google Chrome paralajmërohen ta fshijnë aplikacionin urgjentisht

A M — Wed, 10 Nov 2021 11:47:03 +0000

Përdoruesit e Google Chrome po paralajmërohen ta fshijnë aplikacionin sa më shpejt të jetë e mundur, pasi mendohet se po mblidhen të dhëna shumë të ndjeshme. Të dhënat e telefonit thuhet se rrezikojnë të transmetohen pa e kuptuar as përdoruesit.

Forbes raporton se ky makth i fundit i privatësisë mund t’u japë përdoruesve një arsye për të fshirë Chrome nga telefonat e tyre. Kjo vjen pasi Facebook po akuzohet për minimin e të dhënave kritike private të njerëzve duke përdorur të dhënat e akselerometrit si një mjet për të identifikuar vendndodhjet, për të gjurmuar në heshtje përdoruesit e aplikacioneve dhe për të monitoruar aktivitetet.

“Ndërsa Facebook po mblidhte këtë informacion për veten e tij, Chrome është i lumtur ta mbledhë atë për të tjerët – duke mundësuar në thelb një informacion falas për të gjithë kur bëhet fjalë për informacione jashtëzakonisht të ndjeshme për çdo aktivitet, çdo sjellje,” -tha Zak Doffman, shkrimtari i Forbes për sigurinë kibernetike.

Hulumtimi, tha ai, kishte treguar se si aplikacioni lejon faqet e internetit të celularëve të prekin sensorët e pajisjes. Google jo vetëm që lejon aksesin, por gjithashtu u thotë përdoruesve se ky është një cilësim “i rekomanduar” për ta mbajtur të aktivizuar, tha Doffman.

Apple çaktivizon aksesin e sensorit të lëvizjes si parazgjedhje (default). Në Android, Chrome mund të fshihet duke çaktivizuar aplikacionin te cilësimet (Settings).

Sipas raporteve, muajin e kaluar përdoruesit e Google Chrome u paralajmëruan për “hakime të shumta të nivelit të lartë”, dy herë brenda javës./The Sun

The post Përdoruesit e Google Chrome paralajmërohen ta fshijnë aplikacionin urgjentisht appeared first on Albeu.com.