Çdo ditë, pas shkollës, ai kalon rreth katër orë të humbur në një rrjedhë të pafundme videosh. Është gjëja e parë që kontrollon në mëngjes dhe e fundit që bën para se të shtrihet për të fjetur. Raporti i tij i kohës së ekranit në iPhone, tregon se ai kalon mesatarisht 5-6 orë në ditë duke “lundruar” në këtë platformë, duke u përhumbur në videot që janë trende.

Sipas një raporti nga Kepios, në Shqipëri, TikTok ka mbi 1.5 milion përdorues, dhe 35% e përdoruesve janë mes moshës 12-25-vjeç, duke e bërë këtë grup moshe dominues në përdorimin e platformës.

Këto të dhëna, përkojnë me interesin e madh që kanë të rinjtë shqiptarë për TikTok-un, i cili shndërrohet në një formë argëtimi dhe një mundësi, për të shprehur kreativitetin dhe mendimet e tyre.

Ndërkohë që Arditi lundron TikTok-un, përmbajtja që ai sheh pasqyron atë që po tërheq vëmendjen e të rinjve shqiptarë.

Videot më të njohura që shfaqen në feed-in e tij, janë një reflektim i kulturës që dominon këtë aplikacion dhe, fatkeqësisht, shumë prej këtyre trendeve ngjallin shqetësime.

Makina të shtrenjta, jetët luksoze dhe sherrët në shkolla janë disa nga përmbajtjet që shpesh dalin më në pah.

Këto video shpesh shoqërohen nga “influencera” që shfaqin famën e tyre pa pasur ndonjë arsim të lartë, përdorin gjuhë vulgare për të tërhequr vëmendjen dhe biznese që reklamojnë produktet e tyre në mënyrë të shpejtë dhe të paverifikuar.

Trendet që po tërheqin vëmendjen e të rinjve shqiptarë:

Shqetësimi në rritje mbi ndikimin e TikTok-ut

Pas një incidenti tragjik në nëntor të vitit 2024, ku një adoleshent humbi jetën pas një përleshjeje që supozohet të ketë filluar në rrjetet sociale (por më vonë kjo gjë u hdh poshtë), qeveria shqiptare ka marrë masa.

Kryeministri Edi Rama, shpalli se do të mbyllet TikTok-u për një vit, duke e fajësuar atë për përhapjen e dhunës dhe ngacmimit, veçanërisht mes nxënësve të shkollave.

Në përgjigje, kompania e TikTok-ut, deklaroi se nuk kishte asnjë provë që lidhte platformën me incidentin, megjithatë shqetësimet e prindërve janë në rritje.

Politikat rregulluese të TikTok-ut ekzistojnë për të parandaluar përmbajtjet shqetësuese, por ato shpesh janë të pafuqishme për të parandaluar shpërndarjen e videove me përmbajtje të dëmshme.

Megjithatë, shumë përdorues vazhdojnë të shpërndajnë dhe të shikojnë përmbajtje që shkelin këto rregulla, duke përfshirë sfida të rrezikshme, dhunë, dhe nënvlerësim të edukatës dhe vlerave.

TikTok, është një platformë ku përdoruesit shqiptarë janë shumë aktivë dhe përdorin me shumicë hashtag-e që lidhen me kulturën dhe identitetin shqiptar. Sipas FastMoss, disa nga hashtag-et më të përdorur janë:

Gjithashtu, sipas një raporti nga Brand24, rreth 240 milion postime përmendin Shqipërinë në TikTok, duke pasqyruar një angazhim të madh të përdoruesve shqiptarë në këtë platformë.

Ky nivel i lartë i postimeve dhe shikimeve, tregon ndikimin e fuqishëm që TikTok ka mbi kulturën dhe shoqërinë shqiptare, duke kontribuar në formimin e tendencave dhe diskutimeve që prekin brezin e ri./ Monitor

The post 1.5 milionë përdorues të TikTok-ut, çfarë po ndjekin të rinjtë shqiptarë? appeared first on Albeu.com.

Kjo kompani ka paralajmëruar për rënie të fitimeve teksa përballet me garë nga rivalët si TikTok dhe YouTube, meqë edhe reklamuesit janë duke zvogëluar shpenzimet.

Pas njoftimit, vlera e aksioneve të kompanisë Meta ka rënë për 20 për qind, shifër që në të holla përkthehet me 200 miliardë dollarë.

Vlera e aksioneve ka rënë edhe te platformat tjera të mediave sociale, duke përfshirë Twitter, Snap dhe Pinterest.

Shef ekzekutiv i kompanisë Meta, Mark Zuckerberg ka thënë se rritja e kompanisë është dëmtuar, pasi audiencat, – kryesisht të rinjtë – kanë kaluar te rivalët.

Meta, e cila përbën platformën e dytë më të madhe në botë për reklamim, pas Google, ka thënë se është dëmtuar edhe nga ndryshimet për privatësi në sistemin operativ të pajisjeve të kompanisë, Apple.

Ndryshimet ua kanë vështirësuar kompanive procesin e shënjestrimit dhe matjes së efektit të reklamave të tyre në Facebook dhe Instagram.

Zuckerberg ka thënë se është i bindur se investimet në realitetin virtual do të kenë rezultatin e vet. /Rel/

The post Për herë të parë në 18 vjet, bie numri i përdoruesve aktivë të Facebook appeared first on Albeu.com.

“Nëse para 5 vitesh kur trendi kryesor ka konsumi i heroinës ishte më i madh, pastaj janë përdoruesit e kokainës. Më pas janë përdorimi i hashashit dhe kanabisit, dhe në fund varësia nga medikamentet”.

Po sipas mjekes toksikologe konsumi i drogave të paligjshme nis që në moshën e adoleshencës.

“Numrin më të lartë në përdorimin e drogave të jashtëligjshme e zënë adultët e rinj, pra mosha 20- 30 vjeç. Hashashi është fenomen i përhapur tek adoleshentët 17 – 20 vjeç”.

Sipas të dhënave nga Out World Data, në 2017 u shënuan në Shqipëri 142 vdekje nga përdorimi i lëndëve narkotike, kryesuar nga grupmosha 50 deri 69 vjeç./Tv Klan

The post Duke nisur që nga 15 vjeçarët, rriten përdoruesit e drogës në Shqipëri appeared first on Albeu.com.