Ky është rasti i parë në Francë ku një grua merr këtë dënim. Lola Davied u vra në tetor të vitit 2022, dhe trupi i saj u gjet në një bagazh pranë shtëpisë së saj.
Benkired, një emigrante nga Algjeria, kishte marrë urdhër për t’u larguar nga Franca.

Rasti ka nxitur reagime të forta nga politikanët e krahut të djathtë dhe ekstremit të djathtë, të cilët e kanë përdorur çështjen për qëllime politike.
Ndërkohë më parë, këtë dënim e kanë marrë vetëm figura të njohura, si vrasësi serial Michel Fourniret dhe xhihadisti Salah Abdeslam, pjesëmarrës në sulmet terroriste të Parisit në vitin 2015, që i morën jetën 130 personave.

The post Përdhunoi dhe vrau 12-vjeçaren në Francë, burg përjetë për autoren/ Për herë të parë autoritetet franceze marrin këtë vendim për një grua appeared first on Albeu.com.

Por çfarë ka ndodhur atë natë të 21 Tetorit me vajzën e cila kishte dalë për të kaluar disa orë me të dashurin e saj dhe kishte përfunduar pa ndjenja në një dhomë hoteli në Vlorë?

Për këtë do të kërkojmë të rindërtojmë hap pas hapi të gjithë dinamikën e atyre orëve…

Nga lokali ku u konsumua alkool e drogë, e deri në reanimacionin e spitalit të Vlorës, ku vajza u përmend një ditë më pas.

Por gjithashtu, do të kërkojmë të hedhim dritë mbi disa veprime apo mosveprime, që çojnë në dyshime serioze se kjo ngjarje është kërkuar të fshihej.

Dinamika e ngjarjes, bazuar edhe në dëshmitë e dhëna në polici nga protagonistët, na tregon se vajza ka qenë totalisht e pavetëdijshme për shkak të alkoolit dhe drogës së konsumuar. Ajo është marrë në makinë nga Albi Çeno, i cili e ka dërguar në hotel Fjortes, në lagjen 24 maji në Vlorë.

Një distancë prej gati 8 km, me kohë udhëtimi rreth 15 minuta.

Gjatë të cilave, vajza ishte në një gjendje të rënduar fizike dhe e theksojmë, totalisht e pavetëdijshme. Por, megjithatë, shoqëruesi i saj, nuk mendoi aspak që ta dërgonte në spital, por në një dhomë hoteli.

Mund të ngjajë rastësi e çuditshme, por në bllokun e klientëve të hotelit, është grisur një fletë e vetme.

Dëshmia e këtij të riu është vërtetë tronditëse. Ai është personi që në njëfarë mënyre i ka shpëtuar jetën vajzës, e cila është flakur pa ndjenja, pasi është abuzuar për orë të tëra në mënyrën më të tmerrshme.

Ndërkohë, rreth orës 7 të mëngjesit, vajza është shtruar me urgjencë në reanimacionin e spitalit të Vlorës, ku është mbajtur nën kontroll nga mjeku Edmond Breshani.

Pasi është përmendur, ende në gjendje jo të mirë për të komunikuar, vajza nuk ka gjetur aty pranë, asnjë nga të afërmit e saj, edhe pse kishin kaluar orë nga momenti kur ishte dërguar me urgjencë atje. Autoritetet e spitalit të Vlorës, nuk kanë marrë mundimin të bëjnë një telefonatë për të njoftuar familjen e 26-vjeçares.

E ndërsa familja nuk ka qenë aty kur vajza është zgjuar, ajo është vizituar nga nëna e njërit nga të arrestuarit, një person të cilin e shihte për herë të parë…

Siç thotë edhe vajza në dëshminë e saj, gjatë gjithë kësaj bisede, ajo ka qëndruar e mpirë dhe nuk ka pasur forcë të kundërshtojë fjalët me tone të ngritura të kësaj zonje të paftuar në dhomën e saj.

Dhe e gjitha kjo ka ndodhur në prani të mjekut dhe të infermierëve, të cilët kanë qenë prezent gjatë gjithë kohës.

A është kaq e lehtë të hyhet në repartin e reanimacionit të spitalit të Vlorës?

Në fakt, nëse nuk të shoqëron njeri, është krejtësisht e pamundur.

Sepse duhen kaluar disa dyer, dhe në pjesën më të madhe të tyre, kalimi bëhet me kartë të cilën e disponojnë mjekët dhe infermierët.

Praninë e saj në dhomën e vajzës, e ka pranuar dy ditë më parë edhe nëna e Albi Çenos. Sipas informacioneve tona të verifikuara nga prokuroria e Vlorës, ajo ka hyrë te vajza dhe e ka marrë gjatë në pyetje, dhe me tone imponuese.

Madje i ka kërkuar vajzës qa ta pranojë se çdo gjë është bërë me konsensus të plotë nga ajo.

A duhet të mbajnë përgjegjësi autoritetet spitalore për këtë skandal?

Ne shkuam ta takojmë zonjën, në hotelin luksoz që zotëron familja e Albi Çenos, për të dëgjuar edhe të vërtetën e saj. Por gjërat nuk shkuan aq mirë.

Një tjetër detaj që lë shumë vend për dyshime, është vonesa prej katër ditësh e ekzaminimit mjekësor të vajzës, që sipas ligjit duhej bërë brenda 48 orësh.

Këtu del në skenë një tjetër personazh. Mjeku ligjor i Vlorës Alban Hazizi.

Pavarësisht se sipas policisë është njoftuar ne mbrëmjen e datës 22 Tetor, ai është paraqitur për të kryer vizitën ekzaminuese, me datën 25 tetor.

Pra, katër ditë më vonë. A ka pasur arsye të neglizhohet ky rast kaq delikat?

Mjeku është zhdukur prej disa ditësh… Por le të kthehemi tek vizita që ka kryer me vajzën.

A është kaq e paqëllimtë që një mjek ekspert të mos ekzaminojë aspak shenjat e dhunës dhe nxirjet në qafë dhe në krahë, të një vajze që ndodhet në spital e dyshuar për përdhunim?

Deklarimet e vajzës, janë akuza tepër të rënda ndaj mjekut, që në rast se vërtetohen, do ta përballin atë me akuzën për fshehje të provave të një krimi.

Pasi kemi dëgjuar dëshminë e vajzës, por edhe kemi renditur informacionet e mbledhura gjatë këtyre ditëve, një ide e kemi krijuar, dhe dyshimet janë të bazuara se kjo ngjarje e rëndë, është kërkuar të fshihet me çdo kusht.

Por, për fat të mirë, brenda zyrave të organeve ligj zbatuese, ka ende njerëz te përgjegjshëm që kërkojnë t’i shkojnë në fund historive të tilla me dhunë e abuzime. Edhe pse të pakët.

Dhe kjo vajzë pret nga ata, vetëm drejtësi.

The post SKANDALI/ Përdh*nimi i të resë në Vlorë, mjeku ligjor shkoi pas 4 ditësh për t’i bërë ekspertizën appeared first on Albeu.com.

D.26-vjeçe denoncoi këtë rast të rëndë, por menjëherë më pas u përball me kërcënime jo vetëm nga përdhunuesit por dhe nga familjarët e tyre.

I dashuri i saj e kishte ftuar për të dalë, ndërsa në mendje kishte gati kutrhin për ta përgatitur 26-vjeçaren si dhuratë për shokun e tij që kishte dalë nga burgu.

E reja ka rrëfyer edhe njëherë tragjedinë e saj në emisionin “Piranjat” me një letër të hapur, por e lexuar nga moderatorja Dojna Mema.

“Kam vendosur të dal sonte këtu pa fytyrë ër shkak të opinionit të njerëzve, por jo se kam bërë faj. Çfarë ka ndodhur e kam treguar aq sa kam qenë e vetëdijshme, nuk gënjej sepse akoma e kam para syve çdo gjë. U zgjova në spital dhe nuk pashë nënën time, por nënën e dikujt tjetër. Edhe pse isha e përgjumur, nuk më pyeti se si jam, por më tha tërhiq çdo gjë që ke thënë. Normal që kam frikë, sepse e di që ata kanë njohje, kanë lekë dhe njohin njerëz, ndërsa unë vij nga një fmailje e thjeshtë që jeton në fshat. Por nuk do ta shkelin kurrë dinjitetin tim, siç u munduan të ma shkelin, do vazhdoj të tregoj të vërtetën, kokën do ta mbaj lart edhe për ata që më shajnë, edhe për ata që më kërcënojnë. Prandaj do të bërtas për të vërtetën time. Përdhunuesit të marrin atë që meritojnë, dhe unë atë që meritoj. Këto ditë kam marrë me mijëra mesazhe mbështetjeje nga njerëz që nuk i njoh, ju falenderoj”.

The post “U zgjova në spital dhe nuk pashë nënën time, por …”, letra prekëse e 26-vjeçares që u përdh*nua barbarisht (VIDEO) appeared first on Albeu.com.

Familjarët e autorëve tentuan që ta fshihnin lajmin.

Por çfarë ka ndodhur atë natë me vajzën e cila kishte dalë për të kaluar një natë të qetë me të dashurin e saj, dhe kishte përfunduar pa dëshirë në një dhomë hoteli në Vlorë?

Vajza ka patur një raport 2-vjeçar me atë që e konsideronte si të dashurin e saj. Pra në dukje një lidhje e konsoliduar dhe relativisht e gjatë në kohë. Sipas dëshmisë së saj, duket se grupi i djemve me përpara i kanë dhënë të pijë dhe më pas e kanë droguar.

Lexo edhe: “E zhveshëm dhe nisi s*ksi oral, i doli gjak…”, zbardhen dëshmitë tronditëse të përdh*nuesve të 26-vjeçares në Vlorë

Këtë e përforcon edhe mjeku Edmond Breshani, i spitalit të Vlorës.

Dhe ky ka qene vetëm fillimi i tmerrit për 26-vjeçaren.

Në videon e pulbikuar nga “Piranjat” vajza shihet në shkallët e hotelit. Ajo është e pavetëdijshme dhe pothuajse merret në krahë nga njëri prej djemve.

Pak çaste me vonë, nga një tjetër kamera, ajo shihet teksa e shtrirë në shkalle, bën lëvizje të pakontrolluara, dhe perplas kokën, dukshëm nën efektin e alkoolit dhe drogës. Pas saj shihet të afrohet i njëjti person. Është Albi Ceno, njeri nga të arrestuarit me akuzën e ‘përdhunimit’.

View this post on Instagram

A post shared by ᴘɪʀᴀɴᴊᴀᴛ (@piranjatofficial)

Një vajzë e cila është dërguar në spital e droguar dhe me dyshime se është përdhunuar, në momentin që hap sytë në reanimacionin e spitalit, gjen pranë saj, jo prindërit apo vëllain, por nënën e përdhunuesit e cila e merr në pyetje.

Por presionet duket se nuk janë ndalur këtu. Vajza në krevatin e reanimacionit dhe ende e pamundur për të lënë spitalin, detyrohet të presë një tjetër vizitë të padëshiruar.

Pavarësisht mëdyshjeve dhe frikës nga personat që e kërcënojnë, kjo vajzë duket e vendosur që t’i shkoje deri në fund kësaj beteje, më e rëndësishmja e jetës së saj.

The post “Beteja më e rëndësishme e jetës”, e vërteta e një përdhunimi që u tentua të fshihej appeared first on Albeu.com.

Ai tregoi se ka qenë një mjek nga spitali i Vlorës që i ka marrë në telefon dhe i ka informuar për ngjarjen. Kur ka shkuar në spital, djali tha se nuk iu dha asnjë detaj për çfarë kishte ndodhur.

“Motra ishte në reanimacion, nuk mund të fliste dhe doktorët nuk më dhanë shumë shpjegime. Unë dje e kam takuar motrën, sepse nuk jetoj këtu, jetoj jashtë shtetit. Ajo qëndroi në spital nga e premtja deri të hënën”, tha vëllai i vajzës në një intervistë për Euronews Albania.

Në momentin që vajza është përmendur ajo i ka treguar vëllait të saj se ka dalë me një djalë të pijë diçka dhe në një moment ka shkuar në tualet. Në momentin që është kthyer nga tualeti, djali me të cilin ajo kishte dalë i kishte dhënë një pije dhe pas asaj pije, vajza nuk ka qenë e vetëdijshme.

Sipas asaj që viktima ka komunikuar me vëllain, nga lokali në drejtim të hotelit, vajza kujton se është larguar vetëm me djalin që kishte dalë të pinte diçka, ndërsa më pas janë bashkuar dhe personat e tjerë që kanë kryer krimin.

Ai tha se edhe pse në fillim në njoftimin zyrtar policia tha se bëhej fjalë për tre persona, ata ishin katër persona. Vëllai i viktimës u shpreh se nëse shteti do ua falë këtë vepër atyre personave ai vetë nuk ka për t’ua falur kurrë.

“Ata janë katër persona, nuk janë tre persona dhe nëse shteti i fal, nuk i fal unë. Nëse shteti apo gjykata do i fal, unë nuk i fal”, tha ai.

Ai tregoi se motrës së tij i është bërë ekspertiza mjekoligjore me vonesë e për këtë ia lë një pjesë të fajit spitalit të Vlorës që nuk ka një mjek për këtë punë dhe një pjesë të dyshimeve i çon te korrupsioni që mund të kenë kryer të akuzuarit në mënyrë që të fshihnin gjurmët e krimit të tyre.

“Ekspertiza mjekoligjore i është bërë pas 5 ditësh, ndërkohë që duhet t’i bëhej brenda 72 orëve,” u shpreh vëllai i vajzës.

The post “Nëse gjykata i fal, unë …”, flet vëllai i 26-vjeçares së përdh*nuar në Vlorë appeared first on Albeu.com.

“Ora News” ka mundur të sigurojë dëshminë e dy protagonistëve të këtij krimi, të cilët tregojnë se D. ka kryer marrëdhënie seksuale që në ambientet e lokal “Barakuda” në Zvërnec dhe më pas orgjia ka vazhduar në ambientet e hotelit.

Për këtë ngjarje policia është njohur në orën 07:00 të mëngjesit, ku një telefonatë në sallën operative raportonte se është gjetur pa ndenja një vajzë, e cila më tej u dërgua në Urgjencën në Spitalin Rajonal Vlorë, për ti dhënë ndihmën mjekësore.

Nga këqyrja e vendit të ngjarjes është konstatuar se tek dhoma nr.201, e cila ndodhet në katin e dytë të këtij hoteli, u konstatua se në çarçafin që ndodhet sipër dyshekut të krevatit, u vunë re njolla të kuqe si ato të gjakut të mpiksur, i cili u mor në cilësinë e provës materiale.

Policia ka sekuestruar pamje filmike të hotelit, rrobat e njërit prej autorëve Gentjano Mehmeti dhe mostra gjaku të D..

Ngjarja e rëndë tronditi opinionin publik. Ndërsa situatën e përkeqësoi akoma dhe më tej Albert Deliaj, pronari i televizionit 6+1 në Vlorë, duke sulmuar me fyerje dhe kërcënime një grup gazetarësh në Tiranë dhe Vlorë.

Vajza e dëmtuar D. tashmë është marrë në mbrojtje dhe transportuar në Tiranë për trajtim mjekësor.

Ndërsa pritet që në ditët në vijim të rimerret sërish në pyetje nga policia e Vlorës, për të treguar atë çfarë ndodhi natën e 21 tetorit 2023 në ambientet e lokalit “Baracuda” në Zvërnec dhe më pas në hotelin “Fjortes”.

Në dëshminë e parë të dhënë në ambientet e spitalit Vlorë, vajzë ka pohuar se kishte shkuar me dëshirë dhe se nuk kujtonte me saktësi se çfarë kishte ndodhur. Ndërkohë gjatë një dalje publike në media, ajo tregoi se ishte kërcënuar me jetë nga nëna e njërit prej të arrestuarve, ndaj kishte dhënë atë deklarim.

Dy nga 4 personat abuzues, Oltjan Tahiri dhe Albi Ceno aktualisht ndodhet në burg, kurse në kërkim vijojnë të jenë Gentjano Mehmeti dhe Vilion Kapaj.

Ky që shihni në këtë foto të siguruar nga “Ora Neës” është Gentjano Mehmeti, i shpallur në kërkim dhe protagonist në abuzimin seksual që ka ndodhur në dhomën nr. 201 të hotelit “Fjortes”.

Ndërsa Oltjan Tahiri, është djali i Malko Tahirit një biznesmen që disponon kompaninë “Olar” e cila ka si objekt riparimet e mjeteve lundruese në zonën e “Triportit” në Vlorë.

I arrestuari tjetër Albi Ceno, është djali i biznesmenit Krenar Cenos, i cili disponon hotel “Kraal” në Vlorë, kompaninë e tregtimit të Gazit “CENO” dhe kompaninë tjetër “K.R-AAL-KONSTRUKSION”.

Në dëshminë e siguruar nga “Ora Neës” të njërit nga të arrestuarit Oltjan Tahiri, ka pohuar se në mbrëmjen e datës 20 Tetor 2023 rreth orës 20:20, së bashku me një të njohurin e tij, i cili quhet “Vilo”, kanë shkuar para “Neptunit”, ku kanë takuar D. Ajo ka hipur në makinën e tyre dhe të tre së bashku kanë shkuar tek lokal “Baracuda” në Zvërnec.

Oltjani sqaron se aty ata kanë konsumuar pije alkoolike dhe lëndë narkotike kokainë, të cilën sipas tij e ka siguruar i njohur si “Vilo”.

Oltjani shprehet se më vonë tek lokal ”Barakuda” ka shkuar dhe shoku i tij Albi Ceno, i cili së bashku me ata ka konsumuar pije alkoolike dhe lëndë narkotike.

Gjatë kohës që ai ka qëndruar tek lokal “Barakuda” ka kryer marrëdhënie seksuale me D. në ambientet e lokalit.

Më pas Oltjani shton se D., është larguar së bashku me Albi Cenon ndërsa ai ka qëndruar me “Vilon” tek lokali.

Pak më vonë e ka telefonuar Albi, i cili ishte në shoqërinë e një shoku të tij, Gentjano Mehmeti, i cili i ka thënë se D. nuk ndihej mirë dhe kishte vjellë tek makina e tij.

Oltjani tregon se pasi e ka telefonuar Albi është ngritur nga tavolina dhe është takuar me Albin, Gentjanon dhe Dorinën përballë me hotel “Fjortes”.

Kjo pasi, Albi e ka marrë prapë në telefon duke i thënë të shkoj tek dhoma nr.201. Kur ka shkuar aty, e ka pritur Gentjani një kat më poshtë.

Kur janë ngjitur tek dhoma, Albi ishte i ulur tek kolltuku, ndërsa D. ka qenë e shtrirë tek krevati.

Sipas deklaruesit, D. sillej çuditshëm dhe bënte veprime të pavetëdijshme. Oltjani thotë se të tre filluan ta ngacmonin dhe ta zhvishnim D., e cila është afruar tek ata dhe ka nisur të bëj seks oral me të tre.

Më pas ai tregon se Albi Ceno, ka kryer edhe marrëdhënie seksuale me 26-vjeçaren D. Pasi ka mbaruar Albi, Gentjano Mehmeti ka kryer marrëdhënie me të.

Oltjani sqaron se kur kanë mbaruar, Gentjano dhe Albi janë larguar nga dhoma dhe pas tyre është larguar dhe ai.

Ai ka shpjeguar në polici se në lokal “Barakuda” ishte i mbyllur, por atë e kishte hapur “Vilo”, i cili kishte porositur edhe lëndën narkotike kokainë, ndërsa hashashin e posedonte D., e cila e kishte të dredhur në formë cigareje dhe u kishte dhënë të gjithëve.

Ndërsa përsa i përket njollave të gjakut të konstatuar në çarçafin e krevatit të hotelit, ai shprehet se mund ti ketë dalë D., pasi ka kryer seks anal me Gentjano Mehmetin.

The post “E zhveshëm dhe nisi s*ksi oral, i doli gjak…”, zbardhen dëshmitë tronditëse të përdh*nuesve të 26-vjeçares në Vlorë appeared first on Albeu.com.

Balla tha për media se kultura e pandëshkueshmërisë së dhunës me bazë gjinore do të marrë fund.

Ai u shpreh se vajza do ketë mbështetje të plotë ligjore dhe se autorët do të ndëshkohen për krimin.

“Nuk është e vërtetë që policia ka vepruar me vonesë. Emrat e fajtorëve i cakton prokuroria, lëreni të bëjë punën e vet. Të bëhemi të gjitha bashkë sepse vajza mund të ishte motra e secilit prej nesh. Dhuna me bazë seksuale dhe gjinore nuk është e re, por është krijuar kulturë pandëshkueshmëri, ju garantoj se do të marrë fund. Jam këtu për të mbështetur këtë vajzë, që ka rënë pre e kësaj dhune.

Vajzë nga një zonë rurale që ka ardhur në Vlorë për të punuar dhe mbështetur familjen e vet. Kam ardhur t’i ofroj mbështetje kësaj vajze dhe familjes së saj.

Kini besim tek drejtësia. Prokuroria e Vlorës po e heton këtë çështje”, tha Balla jashtë spitalit të Vlorës.

The post Përdh*nimi i 26-vjeçares në Vlorë, Balla: Do të ketë mbështetje të plotë ligjore, ndëshkim për autorët appeared first on Albeu.com.

Gjykata e Shkallës së Parë Berat ka shpallur sot vendimin për shtetasin nga Kosova Belul Kokollari, i akuzuar për kryerjen e veprës penale. Vendimmarrja e gjykatës u mbështet në provat e shqyrtuara dhe të administruara gjatë shqyrtimit gjyqësor të kësaj çështjeje.

Denoncimi në Komisariatin e Policisë së Beratit u bë nga nëna e të miturit, në 10 Nëntor 2021. Ajo denoncoi në polici vëllain e saj Belul Kokollari, duke pretenduar se ai kishte abuzuar me djalin e saj të mitur.

Ajo deklaroi asokohe në polici se është shtetase kosovare dhe e martuar në Berat, ku jeton me bashkëshortin e saj në lagjen “28 Nëntori” dhe se çdo 3-muaj shkonte në Kosovë për të vizituar vëllezërit e saj. Në datën 4 Nëntor 2021 ajo ishte nisur me djalin e saj drejt Kosovës, ku ka qëndruar deri në datën 9 Nëntor dhe kur ishte kthyer në Shqipëri djali i kishte treguar gjithçka.

The post Dënohet me 15 vite burg daja “monstër”, përdhunoi nipin e mitur appeared first on Albeu.com.

https://www.youtube.com/watch?v=jc_TnWikHbk

Për avokat Ngjelën gratë dhe vajzat gjatë përdhunimit kanë një moment ku i dorëohen kënaqësisë.

Deklaratë kjo e cila u cilësua si e papranueshme nga ana e Zhaklinë Lekatarit, në një moment që theksohet nga një personazh publik siç është avokat Ngjela.

Për lekatarin deklarata të tilla që ulin nivelin e grave dhe vajzave shqiptare ndikojnë në rritje e abuzimit nga ana e burrave.

The post “Gratë gjatë përdhunimit i dorëzohen kënaqësisë”, deklarata shokuese e Ngjelës, Zhaku debat të fortë me avokatin appeared first on Albeu.com.

Këtë herë në rrjetën e “Piranjave” ka rënë “Doktor” Adriatik Sadiku, io cili ndryshe nga pjesa më e madhe e shoqërisë shqiptare që është edhe ajo më e shëndetshmja, mendon se përdhunimi nuk është një fenomen që duhet zhdukur, por duhet promovuar, pasi sipas tij të bën mirë për shëndetin.

“Nuk ka vdekur njeri nga përdhunimi…. Përdhunimi është si serumi, të pastron enët e gjakut”, shkruante Adritik Sadiku në Facebook, në rastin kur një vajzë e vogël 11-,vjeçare nga Kosova u dhunua seksualisht për 7 orë nga 5 persona maxhorenë.

Mirëpo “Doktor” Tiku duket se mendon ndryshe kur përballë tij vihet “Piranja” Lediona Xheladinaj, e cila e bën të pendohet për gjithçka ka thënë.

Madje “Doktor” Tiku premton publikisht se pas kësaj ngjarjeje do të sillet mirë, madje do të promovojë mirësi.

Ju kujtojmë që “Piranjat” në Abc e kanë gjithmonë derën hapur për çdo denoncim, ndaj dhunës, ngacmimeve seksuale, kundër pedofilëve e në çdo rast që ndiheni të grabitur.

Mos hezitoni aty ku nuk hyjnë institucionet, depërtojnë “Piranjat”./abcnews.al

The post “Nuk ka vdekur njeri, përdhunimi është si serumi”, “Piranjat” demaskojnë “Doktor” Tikun (VIDEO) appeared first on Albeu.com.