Lidhur me ngjarjen, policia në veri të Indisë ka arrestuar gjashtë persona.

Ata dyshohen si të përfshirë në përdhunimin dhe vrasjen e dyshuar të dy vajzave të mitura, të cilat u gjetën të varura në një pemë, thanë sot zyrtarët lokalë.

Trupat e dy vajzave, të moshës 15 dhe 17 vjeç , u gjetën sot në lagjen Lakhimpur Kheri në rajonin më të populluar të Indisë, Uttar Pradesh, sipas policisë lokale.

“Katër nga të akuzuarit i joshën vajzat në një fushë dhe i përdhunuan”, u tha gazetarëve Sanjeev Suman, një zyrtar i policisë lokale .

Është duke u zhvilluar një hetim i plotë mbi incidentin, tha Suman, duke shtuar se hetimet fillestare tregojnë se vajzat u mbytën me një shami dhe u varën në një pemë pasi u përdhunuan.

Dhuna kundër grave, veçanërisht ato nga kastat e ulëta, është një fenomen në Indi.

Familjet e viktimave i thanë policisë se dy vajzat u rrëmbyen nga burrat me motoçikleta, u përdhunuan dhe më pas u vranë.

These #Communists displays d #caste with much fun & fare if victim is #Dalit.Will they display the #religion of the Criminals?They r dividing the society 4 their ideology & hatred #LakhimpurKhiri @RanaAyyub @khanumarfa @bainjal @sakshijoshii @ravishndtv https://t.co/IoSii0fVvp

— Homo Sapien (@homo_sapien007) September 15, 2022

The post E RËNDË/ Dy vajza të mitura gjenden të varura në pemë, policia: I rrëmbyen dhe i përdhunuan (FOTO LAJM) appeared first on Albeu.com.

Kërcënimet e marra për jetën dhe mungesa e drejtesisë, ka bërë që shtetasi Algert Belulaj t’i drejtohet TV ORA për të denoncuar Drejtorin e Doganës Fier Arlind Lagji.

Algert Belulaj: Shqetësimi im ka të bëjë me titullarin e doganës Fier, Arlind Lagji, i cili është drejtor i doganës sot. Veçse më ka prishur familjen vazhdon të më kërcënojë dhe cënojë mua.

Gazetarja: Thoni se ka ndërhyrë në familjen tuaj. Çfarë nënkuptoni?

Algert Belulaj: Unë sot jam në statusin e divorcuar pasi mora vesh lidhjen jashtëmartesore të ish bashkëshortes time sot me Arlind Lagjin”

Drejtori i Doganës Fier, Arlind Lagji: Unë në jetë nuk kam bërë turpe

Algert Belulaj: Ça është kjo që bëre ti me një grua të martuar?

Drejtori i Doganës Fier: Më qëndro larg mua

Algert Belulaj: Do të qëndroj po hajde ma sqaro pak muahabetin

Drejtori i Doganës Fier:  Unë do vij do marr **** te shtepia e saj nesër në mëngjes, guxove dole me makinë para meje po të thotë prapë Arlindi

Algert Belulaj:Do vazhdosh më me ****

Drejtori i Doganës Fier: Do vazhdoj unë nga inati jot tani.

Algert Belulaj: Më ke poshtëruar, ke shkuar me gruan time kur kam qenë i martuar. Në gusht kam ardhur unë te zyra jote dhe të kam thenë ke gjë me atë? Kam pasur më the.

Drejtori i Doganës Fier: Kam pasur është e vërtetë.

Algert Belulaj: Janë fjalët e tua nuk janë fjalët e mia.

Drejtori i Doganës Fier: Mos më dil më përpara se do të bëj thela thela që kur të dalësh në mes të Fierit të dridhet mishi,që të mendosh çdo njeri si Arlindi. More vesh? Unë jam nipi i ***** o idiot. E di kush është ******?

Algert Belulaj: Jo

Drejtori i Doganës Fier: Jam djali i  motrës së tij, Hakmarrja ***** dhe ata persona të zhdukin .

Algert Belulaj: Po ata e dinë me sa fytyra je ti?

Drejtori i Doganës Fier: Po ku ishe ti kur ajo flinte me mua në filan vend ku ishe ti?

Algert Belulaj: Unë isha në dy punë si punojnë shumë burra.

Drejtori i Doganës Fier: Jo nuk punojnë shumë burra dy punë. Burrat bëhen burra për gratë, i japin siguri mbrojtje.

Algert Belulaj: Po mos kishe pushtet do ta shikoje.

Drejtori i Doganës Fier: Po të kenë frikë është vlerë dhe ti je i pavlerë, kupton?

Por gjuha e kercenimeve nga Drejtori i Doganës së Fierit  nuk mbaron këtu.

Gazetarja: Kemi parë dhe një video ku makina juaj është ndaluar. Çfarë ndodhi në atë kohë?

Algert Belulaj: Kam dashur të pij kafe me bashkëshorten time në atë kohë sepse nuk e kisha të faktuar lidhjen jashtëmartesore. Kam qenë me  një shok. Kma marrë në telefon ish bashkëshortën. Ajo nuk mu përgjigj. Më mori Arlindi më tha të pijmë një kafe për të sqaruar se unë nuk kam asgjë me ty. Kemi vajtur në një lokal në Fier ku më ka futur në kurth bashkë me dy persona të tjerë, që nuk i njoh e më ka dhunuar. Arlind Lagji më ka drejtuar armën. Personi që del nga makina është Arlind Lagji dhe në makinë me të ka qenë ish gruaja ime.

Personi që del i shoqeruar nga makina është Arlind Lagji. Drejtuesi i Doganës Fier me një fjalor rruge tërheq zvarrë qytetarin dhe e kërcenon.

Por hakmarrja e titullarit të institucionit nuk u ndal me kaq.

“Lëre lëre o Ardit” (Dëgjohet zëri në kamera)

Algert Belulaj: Në momentin që më kanë tërhequr para makinës nuk kanë arritur dot të më dhunojnë, ka nxjerrë armën. Në këtë moment që ka nxjerrë armën njeriu i tij e ka ndaluar dhe nuk e ka shkrepur.

Pas dhunës së ushtruar Drejtori i Doganës i dërgon qytarit këtë sms ku thotë të mos e dononcojë si rast pasi ai i ka krahët e ngrohte sepse është ulur në tavoline me prokurorin 3 OPGJ  dhe mjekun ligjor.

Algert Belulaj: Rastin nuk e kam denoncuar pasi jam kërcënuar me jetë. Është kërcënuar dhe vajza ime. I bëj thirrje institucioneve të shtetit të bëjnë detyrën e tyre të veprojnë.

The post “Do të të bëj thela-thela”, si e rrahu dhe e kërcënoi me jetë drejtori i Doganës në Fier qytetarin pasi “i kapi” gruan appeared first on Albeu.com.

Lajmin e bënë me dije mediat greke, të cilat thanë se ngjarja ndodhi të premten (15 prill), ku ata të dy janë takuar rastësisht në kafene.

Si ndodhi ngjarja?

Të dy ishin ulur në grupe të ndryshme dhe kur 25-vjeçarja u ngrit për të shkuar në tualet, ish-parteri e ndoqi dhe e përdhunoi atje.

Vajza ka kontaktuar menjëherë komisariatin lokal, ku ka denoncuar ngjarjen.

Tashmë është urdhëruar ekspertiza mjeko-ligjore dhe autori 27-vjeçar do të dërgohet në prokurori.

The post E rëndë! 25 vjeçarja abuzohet nga ish-partneri i saj në tualetin e një kafeneje appeared first on Albeu.com.

Presidenti peruan Pedro Castillo, tha të shtunën se qeveria e tij po shqyrtonte vendosjen e tredhjes kimike ndaj përdhunuesve të të miturve, ndër masat e tjera drastike për të luftuar krime të tilla.

“Mjaft me kaq shumë dhunë! Krimet seksuale ndaj fëmijëve nuk do të tolerohen nga kjo qeveri dhe as nuk do të mbeten pa u ndëshkuar”, tha Castillo, i cili tha se ishte “i zemëruar” nga përdhunimi i një vajze 3-vjeçare që ka tronditur vendin.

Masa e propozuar nga Presidenti Castillo duhet të miratohet nga parlamenti peruan.

Castillo tha se tredhja kimike e përdhunuesve ishte praktikuar tashmë në vende të tilla si Rusi, Poloni, Koreja e Jugut, Indonezi dhe Moldavi. Kastrimi kimik bëhet duke administruar barna që pengojnë dëshirën seksuale.

Sipas Ministrisë peruane të të Drejtave të Grave, më shumë se 21,000 të mitur janë përdhunuar në 4 vitet e fundit. Vetëm në vitin 2021 janë regjistruar 6929 raste.

Në Peru, përdhunuesit e mitur përballen me burgim të përjetshëm.

The post Propozimi i fortë i presidentit peruan për përdhunuesit e të miturve appeared first on Albeu.com.

Ajo shtoi se dy fëmijët kanë qenë dëshmitarë të vuajtjes së nënës.

Ana, identiteti i së cilës nuk u bë publik, tregoi se burri kishte marrëdhënie sentimentale të tjera jashtë martese dhe kur vinte në shtëpi, e dhunonte herë pas here.

Me dhimbje, ajo rrëfen se është dhunuar seksualisht, deri në atë pikë sa rrezikonte të ndërronte jetë.

“Jam përdhunuar barbarisht nga ai person dhe kam bërë një ndërhyrje, që nuk e dija a do të dilja gjallë. Pas operacionit, kuptova që m’u dha shansi i dytë për të jetuar dhe u largova”.

Disa muaj më parë, bashkëshorti, me të cilin ende nuk është divorcuar , e ka përzënë nga shtëpia dhe që atëherë, nuk e lejon që të shohë fëmijët.

“Kam shtatë muaj e gjysmë pa i parë prindërit. Ata janë fëmijët tanë dhe duhet t’u gjendemi të dy njësoj. Jetojmë në të njëjtin qytet, por nuk i shoh dot. I bëj thirrje shtetit të më ndihmojë”.

Mes lotësh, Ana e mbyll me një mesazh për nënat shqiptare që mund të jenë në jenë në një situatë të ngjashme:

“Mos të bëjnë të njëjtin gabim që kam bërë unë. Kur u jepet mundësia, me të parën të largohen, siç jam larguar unë. Të marrin fëmijët dhe të ikin, të shpëtojnë. Të mos i ushqejnë fëmijët me urrejtje”./albeu.com/

The post “Më përdhunoi bashkëshorti”, drama e 37-vjeçares: Pas abuzimeve, burri i merr fëmijët dhe e dëbon nga shtëpia appeared first on Albeu.com.

Adoleshentja ka dëshmuar në gjykatë se si një shqiptar e përdhunoi në mes të natës.

E reja ka thënë para gjykatës se 41-vjeçari e kishte ftuar në apartamentin e tij e më pas e ka përdhunuar.

“Më shkatërrove jetën”, ka thënë 19-vjeçarja. “Më vrave, më shndërrove në diçka që nuk e imagjinoja kurrë. Nuk kam jetuar prej asaj nate. Jam një e vdekur që eci për së gjalli”, është shprehur ajo.

Mediat ndërkombëtare nuk e kanë publikuar emrin e 41-vjeçarit shqiptar. Ai është shpallur fajtor nga gjykata për akuzën e përdhunimit dhe sulm seksual në vitin 2017. Asokohe vajza ishte 15-vjeçare. Një detektiv tha gjatë seancës dëgjimore se vajza kishte ikur nga shtëpia pas një sherri me familjen. Ajo po qëndronte në rrugë rreth orës 04:00 të mëngjesit “në të ftohtë dhe e frikësuar të shkonte në shtëpi”. Disa shoferë taksie i ndaluan pranë për ta ndihmuar, por ajo refuzoi të shkonte me ta.

Më pas, shqiptari iu afrua dhe e pyeti nëse donte që të shkonte në apartamentin e tij. Ai i premtoi që nuk do ta prekte. Vajza pranoi të shkonte në apartamentin ku po qëndronte përkohësisht. Ajo shkoi të flinte në shtrat me rroba veshur, por më vonë gjeti shqiptarin që pasi ia mbylli gojën me dorë, e përdhunoi. Vajza mundi të arratisej pasi shqiptari po bënte dush. Më pas, e reja ia tregoi gjithçka vëllezërve, të cilët shkuan në apartamentin e shqiptarit dhe e rrahën.

Autoritetet gjetën në apartament shenja gjaku të vajzës. 41-vjeçari pranoi se vajza kishte qëndruar tek ai atë natë, por mohoi se kishte kryer ndonjë marrëdhënie seksuale me të. Ai pretendoi se gjaku në çarçafë ishte për shkak të menstruacioneve. Shqiptari ndodhet në burg aktualisht dhe rrezikon deri në 15 vjet burg. Ai ka precedentë të mëparshëm penalë për shpërndarje droge. Shqiptari jetonte në Irlandë prej disa vitesh.

Vajza ka treguar se ka humbur motivimin nga sulmi seksual dhe nuk mund të kujdesej më për veten apo për të tjerët. “E kam të vështirë t’i besoj dikujt prej teje. Ja ku jam 4 vite më pas, e shkatërruar. Nuk do të mund t’i rifitoj këto vite”, tha ajo.  Dominic McGinn, avokati mbrojtës i shqiptarit, tha se klienti i tij nuk e pranon fajësinë. Ai dorëzoi disa dëshmi të familjarëve të shqiptarit dhe një raport për lirim me kusht pasi pretendon që klienti i tij nuk do të kryejë më akte të tilla.

Sipas tij, shqiptari ka punuar më parë si shef kuzhine dhe ka qenë një individ pozitiv. Seanca për dënimin e shqiptarit është caktuar më 8 Dhjetor./albeu.com/

The post “Më shkatërrove”, Shqiptari 41-vjeçar përdhunon adoleshenten! Dëshmia tronditëse në gjykatë appeared first on Albeu.com.