Siti kontrolloi posedimin e topit për periudha të gjata dhe bëri përshtypje me cilësinë e lojtarëve të tyre më të mirë, Erling Haland shënoi dy herë dhe goli i Foden në minutën e 69 ë, i asistuar nga Rajan Çerki, vulosi një ndeshje që nuk kishte qenë kurrë në dyshim.

Megjithatë, pas përfundimit të sfidës, vëmendja e Guardiolës u përqendrua te anglezi i ri. Ndërsa pranoi ndikimin e tij vendimtar, trajneri katalanas theksoi aspekte të lojës së tij që nuk e bindën.

“Ai e humbi topin shumë herë, ishte shumë i nxituar në çdo vendim”, shpjegoi Pep. “Fill duhet të mësojë të menaxhojë më mirë ritmin, të luajë më qetësisht, të ruajë posedimin, të lëvizë topin dhe të ndryshojë ritmin vetëm në momentin e duhur”, përfundoi ai.

Me 10 gola gjithsej në të gjitha garat, Foden mbetet një lojtar kyç në ekipin e Sitit, por Guardiola, besnik ndaj filozofisë së tij, nuk është i kënaqur.

Edhe kur fiton me autoritet, qëllimi është t’i çojë talentet e tij në një nivel edhe më të lartë përsosmërie.

The post Foden ka rilindur, Guardiola kërkon përsosmërinë: Gaboi shumë herë duke nxituar, të menaxhojë posedimin e topin appeared first on Albeu.com.

Befasisht para gazetarëve doli legjenda, Kolo Toure. Toure është asistent i Pepit dhe ai tregoi arysen pse trajneri mungon.

“Pep Guardiola është mirë, mungesa e tij është për shkak të një çështjeje të vogël personale. Ai do të jetë në stol gjithsesi kundër Kristal Palas për kampionat”, u shpreh Toure.

Gjithashtu, ish-lojtari i Sitit foli edhe për ndeshjen që pret “Citizens” pas asaj me Realin, teksa u shpreh se do të përballen me një kundërshtar të fortë.

“Mund të them se Palas është një skuadër shumë e fortë, e vështirë për t’u thyer. Por, fokusi është ta bëjmë futbollin tonë”, vazhdoi Toure.

Kujtojmë se Mançester Siti në Premier Ligë rikthehet pas një fitoreje të madhe në “Santiago Bernabeu” ndaj Real Madridit në UEFA Champions League.

Pikërisht me atë rast, tekniku spanjoll, Guardiola, pak ditë më parë zbuloi përgëzimet sidomos për Rodrigon e Realit. Braziliani shënoi golin e tij të pestë kundër Sitit në karrierë, duke thyer një seriprej 32 ndeshjesh pa gol me fanelën e madrilenëve. Guardiola ishte shprehur: “Shkova te Rodrygo dhe i thashë: çfarë lojtari, je i pabesueshëm”.

Rodrygo ka qenë prej kohësh në radarët e Guardiolës. Dhe sipas raporteve, Siti tentoi ta transferojë në verën e kaluar, por marrëveshja nuk u realizua.

RODRI, KUR KTHEHET?! – Ndërkaq, mesfushori spanjoll Rodri vazhdon të ketë probleme me rikuperimin pas dëmtimit dhe nuk do të jetë i gatshëm për ndeshjet e ardhshme të Manchester Cityt. Situata është e vështirë për kampionët e Anglisë, pasi lojtari ka qenë një nga figurat më të rëndësishme të skuadrës në vitet e fundit.

Statistikat e fundit të Rodrit pas dëmtimit të rëndë, që e la gati 1 vit jashtë, janë këto: Vetëm 1 minutë lojë më 2 nëntor; 22 minuta më 5 tetor; Vetëm 5 ndeshje si titullar që nga gushti.

Rodri po punon fort për t’u rikthyer sa më shpejt, veçanërisht në këtë sezon të rëndësishëm ku përkon edhe me përgatitjet për Kupën e Botës. Mungesa e tij është një goditje e madhe për Pep Guardiolën, i cili e sheh si lojtar kyç në mesfushën e skuadrës së tij.

The post Guardiola “driblon” mediat, ja pse nuk doli në konferencë appeared first on Albeu.com.

Guardiola ka vendosur të qëndroj te City edhe përkundur një sezoni dështues, por gjithashtu ishin drejtuesit e klubit ata që vendosen ta mbajnë.

Është vet trajneri, i cili ka thënë se me këtë sezon të dështuar, klubet e mëdha si Real Madridi apo Barcelona do ta shkarkonin.

“Gjithmonë kam arritur t’i ndryshoj gjërat kur ato shkojnë keq, por këtë vit nuk ia dola”, ka thënë fillimisht Guardiola për Mirror.

“Duhet pak më shumë durim. Shikoni Carlo Ancelottin: ai fitoi Ligën e Kampionëve dhe La Ligën më parë, dhe tani do të shkojë të stërvitë Brazilin”, përfundoi trajneri i Cityt.

Vlen të përmendet se Manchester City, nën drejtimin e Guardiolës, dështoi të fitonte ndonjë trofe në sezonin 2024/25.

The post Guardiola: Real Madridi ose Barcelona do të më kishin shkarkuar për këtë sezon appeared first on Albeu.com.

Gazeta spanjolle “Sport” me bazë në Barcelonë raportoi se çifti afatgjatë u nda në dhjetor.

Pep dhe Cristina thuhet se kanë jetuar të ndarë për pesë vitet e fundit, me trajnerin që mbeti në Angli ndërsa Cristina u kthye në Barcelonë ku drejton kompaninë e saj të modës.

Pavarësisht ndarjes, ish-çifti thuhet se ka mbetur “i përzemërt, i qëndrueshëm dhe miqësor”.

Sipas raportimeve, Pep dhe Cristina janë parë rreth Krishtlindjeve duke shkuar në teatër së bashku me një nga vajzat e tyre.

The post Telashe edhe jashtë fushe, Guardiola ndahet nga gruaja appeared first on Albeu.com.

Gazeta spanjolle “Sport” me bazë në Barcelonë raportoi se çifti afatgjatë u nda në dhjetor.

Pep dhe Cristina thuhet se kanë jetuar të ndarë për pesë vitet e fundit, me trajnerin që mbeti në Angli ndërsa Cristina u kthye në Barcelonë ku drejton kompaninë e saj të modës.

Pavarësisht ndarjes, ish-çifti thuhet se ka mbetur “i përzemërt, i qëndrueshëm dhe miqësor”. Sipas raportimeve, Pep dhe Cristina janë parë rreth Krishtlindjeve duke shkuar në teatër së bashku me një nga vajzat e tyre.

The post Telashe edhe jashtë fushe, Guardiola ndahet nga gruaja appeared first on Albeu.com.

Sipas raportimeve më të fundit, të prestigjiozes britanike, “The Guardian”, i preferuari i teknikut spanjoll është “arkitekti” gjerman i Bayern Munich, Jamal Musiala, me 21-vjeçarin, që u transferua te “Bavarezët”, për vetëm 200 mijë euro, nga “Blutë” e Chelsea, në verën e vitit 2019 dhe tashmë është kthyer në një lojtar kyç në njëmbëdhjetëshen startuese, teksa vetëm këtë sezon ka marrë pjesë në 36 ndeshje , duke shënuar 12 gola dhe dhënë 7 asistime.

Me dy vite të mbetura në kontratë dhe duke marrë parasysh potencialin e sportistit, një transferim i mundshëm mund të ndodhë vetëm për rreth 100 milionë euro, megjithatë, pas largimit të Gundogan, Mahrez dhe Palmer verën e kaluar, trajneri spanjoll mendoi se nuk mjaftonte nënshkrimi i Doku dhe synon të marrë një përforcim të fortë sulmues në merkaton e radhës.

I “shumëkërkuari’ është Musiala, mirëpo, sipas raportimeve, të “The Guardian”, në listë janë edhe Luca Paqueta i “Çekanëve” të West Ham, si dhe anësori i talentuar anglez, i Crystal Palace, Eberechi Eze, megjithatë objektivi kryesor padyshim, që mbetet “arkitekti” i sulmit, të Bayern Munich.

The post Ndër më të mirët e botës, Guardiola kërkon yllin gjerman në Manchester appeared first on Albeu.com.

Në përmbledhjen e tij vjetore të sezonit, Al-Mubarak siguroi tifozët se do të gjejnë ‘zgjidhjen e duhur’ për Guardiolën.

“E kemi pasur këtë bisedë shumë herë më parë, gjatë viteve të kontratës. Pep ka qenë gjithmonë plotësisht i përkushtuar ndaj këtij klubi, plotësisht i përkushtuar për çdo kontratë që ka nënshkruar me ne”, ka thënë fillimisht Al-Mubarak.

“Ky vendim për të ardhmen e tij është gjithmonë një vendim që do ta marrim së bashku dhe nuk kam dyshim se do të gjejmë, si gjithmonë që kemi bërë, zgjidhjen e duhur që funksionon për Pep dhe funksionon për ne”.

Al-Mubarak vlerësoi gjithashtu kontributet e Guardiolës në Manchester City.

“Është e vështirë të shprehësh me fjalë atë që Pep i ka dhënë kësaj organizate, këtij klubi. Ju mund të shikoni vetëm rekorde, për hir të historisë dhe atje mendoj se ai ka arritur çdo rekord, pothuajse”.

“Dhe këto janë rekorde që mendoj se do të jetë shumë, shumë e vështirë në të ardhmen për t’i thyer ndonjëherë. Nga fitimi i gjashtë nga shtatë ligat e fundit të Ligës Premier deri tek fitimi i katërt trofeve radhazi, te numri i fitoreve, rekordet vazhdojnë e vazhdojnë me radhë”, përfundoi kryetari i Cityt. /Telegrafi/

The post “Do të gjejmë zgjidhjen e duhur”, kryetari i Man City zbulon të ardhmen e Guardiolës appeared first on Albeu.com.

Sezoni 2023/2024 ishte mjaft i suksesshëm për Cityn, të cilët arritën që ta mbrojnë titullin kampion në Ligën Premier për të katërtin vit radhazi.

Por, Guardiola e di se në nivelin e elitës së futbollit, për të qëndruar në krye duhet ta rifreskosh kohë pas kohe ekipin.

Trajneri katalan do të shpresojë se drejtori sportiv i Cityt, Txiki Begiristan, do të sjellë disa lojtarë të ri në verë teksa do të synojnë që ta fitojnë për herë të pestë kampionatin anglez.

City është lidhur me një transferim të mesfushorit të Bayern Munichut, Joshua Kimmich, por nënshkrimi me të do të thotë se Guardiola duhet ta thyejë një rregull të vjetër të transferimeve.

Duke marrë parasysh se kontrata e Kimmich skadon verën e ardhshme, City dhe Barcelona janë duke monitoruar situatën e tij në rast se Bayerni vendos ta shesë atë këtë verë.

Sidoqoftë, nëse Guardiola e do Kimmichin atëherë ai duhet ta thyejë rregullin e vjetër të tij sipas të cilit tekniku katalanas nuk nënshkruante me lojtarë nga ish-klubet e tij.

53-vjeçari e transferoi Kimmichin tek Bayerni në vitin 2015 dhe është një fans i madh i reprezentuesit gjerman, në veçanti i aspektit të tij taktik të lojës dhe faktit që mund të mbulojë disa pozicione në fushë.

Në një intervistë për AS, ish-asistenti i Guardiolës, Perarnau, kishte shpjeguar se si Guardiola heziton që të nënshkruaje me lojtarë të klubeve që ka drejtuar më herët.

“Ishte Messi i cili e ofroi veten tek Manchester City në vitin 2020. I pari që trokiti në derë ishte Leo. Por Pep Guardiola hezitoi. Ai është shumë i qartë për të mos prekur Barçën dhe Bayernin”, kishte thënë ai. /Telegrafi/

The post Pep Guardiola synon ta thyejë rregullin e “artë” të transferimeve, shkak bëhet një ish-lojtar i tij appeared first on Albeu.com.

Sipas HITC, City po synon që të shfrytëzojë situatën e tensionuar të Kimmich tek Bayerni pas regjimit të Thomas Tuchel në ‘Allianz Arena’.

Mesfushori momentalisht po monitorhet nga të dyja ekipet Barcelona dhe Man City, para hapjes së afatit kalimtar.

Pep Guardiola ishte në krye të Bayernit kur klubi nënshkroi me Kimmich nga Leipzigu dhe tani është i etur që të ribashkohet me të në ‘Etihad Stadium’.

Reprezentuesi gjerman po hyn në vitin e tij të fundit të kontratës me Bayernin, që do të thotë se gjiganti bavarez mund të detyrohet ta shesë lojtarin në verë, për të fituar para.

Në një intervistë për AS, gjermani i është përgjigjur pyetjeve në lidhje me të ardhmen e tij duke thënë: Dua të flas me Bayernin dhe kur ta bëjë këtë, unë nuk do të flas para mediave për këtë.

Ai gjithashtu kishte komentuar edhe thashethemet lidhur me një kalim të mundshëm tek Barcelona: Për momentin nuk po mendoj për këtë.

Siç e kam thënë tashmë, unë do të flas me Bayernin fillimisht. Por natyrisht, Barcelona dhe Real Madridi janë klube të mrekullueshme me një histori të mrekullueshme.

Përkundër faktit që e ardhmja e tij tek klubi është e pasigurt, Kimmich duhet ta vendos fokusin në Euro 2024 me Gjermaninë, aty ku ai dhe bashkëlojtarët e tij do të synojnë që të sigurojnë trofeun para turmës vendase./Telegrafi/

The post Pep Guardiola synon ribashkimin me yllin e Bayernit, rivalizon Barcelonën për shërbimet e tij appeared first on Albeu.com.

Javën e kaluar, Mauricio Pochettino dhe Chelsea me marrëveshje të dyanshme ndërprenë bashkëpunimin pas një sezoni zhgënjyes.

Që atëherë, emra si Thomas Frank, Roberto De Zerbi, Kieran McKenna dhe Thomas Tuchel, ishin lidhur me një kalim të mundshëm në ‘Stamford Bridge’.

Gjatë ditëve të fundit u raportua gjerësisht se trajneri i Leicester Cityt, Marseca, është bërë kandidati kryesor për të zëvendësuar Pochettinon.

Eksperti i transferimeve Fabrizio Romano ka shkruar në rrjetet sociale: Enzo Maresca nuk ka dyshime për punën tek Chelsea, marrëveshja mbi kontratën është pothuajse e përfunduar dhe detajet e stafit të tij janë duke u finalizuar.

Tani që duket i pashmangshëm fakti se Marseca do të ulet në stolin e “Bluve të Londrës”, tifozët e Chelseat kanë filluar ta rikujtojnë parashikimin që Guardiola kishte bërë për italianin në vitin 2021.

“Unë jam shumë i kënaqur me punën e Enzo Marescas. Kam një ndjenjë se ai do të jetë një trajner i jashtëzakonshëm, njësoj siç e kisha me Mikel Artetan”, kishte thënë Guardiola.

Siç u raportua nga The Standard, Chelsea beson se qasja taktike e Marescas i përshtatet më së miri lojtarëve të klubit.

“Ai i jep përparësi formacionit 4-3-3 dhe 4-2-31 që përshtatet me pikëpamjen e Chelseat në atë se çfarë i përshtatet më së miri ekipit”, thuhej ndër të tjerash në raport./Telegrafi/

The post Parashikimi që Guardiola kishte bërë në vitin 2021 për trajnerin e ri të Chelseat appeared first on Albeu.com.