“Unë kam punuar mësues. Zakonisht mësuesia duket si anemike, por kur e shoqëron me aktivitet fizik dalëngadalë fiton një raport tjetër me vetë arsimin. E kam ndjekur edhe me nxënësit. Organizoja vajza dhe djem të rinj dhe dilnim me biçikleta.” – shprehu Dushi.

Me një biçikletë që e zotëron prej 25 vitesh, Dushi shpreh se nuk ka lënë majë të maleve të veriut të Shqipërise pa eksploruar. Prej vitesh alpinizmi është kthyer në dashurinë e tij të madhe të cilën e ushtron edhe sot e kësaj dite. Por si është përditshmëria e këtij zotërie?

“Veprimtaria ime e ka bërë minutazhin e përditshëm. Çdo ditë zgjohem vetë pa alarm në orën 4 e 30 të mëngjesit. Bëhem gati, me biçikletë shkoj në breg të liqenit të Shkodrës, shëtis në një vend që quhet Zogaj. Kam një biçikletë që kam 25 vite me të, besoj se ajo i ka kaluar 40 mijë kilometra. Eci çdo ditë me një mesatare prej 30-40 kilometra në ditë. Hypi në mal me biçikletë.”- tha ish mësuesi./albeu.com

The post ‘Zgjohem në 4 të mëngjesit, më thonë mbaje ID me vete që të gjejmë! Befason 72-vjeçari (VIDEO) appeared first on Albeu.com.

Një pensionist është bërë së fundmi i diplomuari më i moshuar në Britani pasi mori diplomën e universitetit në moshën 96 vjeçare.

Archie White mori diplomën e tij nga fakulteti i arteve të bukura të Universitetit East Sussex në fillim të vitit.

Ai ka lindur në vitin 1925 kur në fronin britanik ishte ende mbreti George V.

Amatori i pikturës ka punuar si ndihmës-avokat deri në moshën 92 vjeçare dhe thotë se u regjistrua në universitet në 2018 për ta njohur më mirë veten me kryeveprat e artistëve të mëdhenj.

Në fakt White ishte frymëzuar në sipërmarrjen e tij të vonshme nga një shoku i tij që mori diplomën një vit më herët.

Prej atëherë ai ka perfeksionuar aftësitë në poçari, në teknikat tradicionale të fotografisë dhe të programeve si ‘Photoshop’.

Archie ishte 96 vjeç e 56 ditë kur dorëzoi punën e fundit për pedagogët e tij, vetëm 144 ditë më i ri se i diplomuari më i moshuar i botës.

Mbajtësi i këtij rekordi është në fakt Shigemi Hirata nga Japonia, i cili ishte 96 vjeç e 200 ditë në kohën e përfundimit të studimeve.

Archie shënoi arritjen e tij me një ekspozitë pikture të projekteve të tij finale, të studimeve të artit.

Ai thotë: “Nuk shqetësohem shumë që jam i diplomuari më i moshuar. E shijova të qenit pjesë e kurseve, studimin e madje dhe përdorimin e Photoshop, që më la të habitur. Më ndihmonin shumë nxënësit e tjerë dhe stafi i universitetit. Tani që mbarova do të vazhdoj të pikturoj.”

Archie thotë se kërkon të hapë një grup bamirësie për studentët e paavantazhuar dhe piktorë të tjerë, që ata të fitojnë sa për të jetuar me punën e tyre.

Ai tregon: “Kam pasur një karrierë të kënaqshme për vete, por një nga gjërat që më shqetëson më shumë është se njerëz që diplomohen nuk arrijnë të sigurojnë jetesën e tyre duke qenë artistë, punues pocarie, fotograf apo modelues. Prandaj do të krijoj një bamirësi për të mbështetur të diplomuarit”.

Pedagogia e tij Hannah Birkett, tha: “Ishte një kënaqësi absolute të jepje mësim për Archie në tre vitet e fundit. Ai solli shumë kontribute në kurset, me zhvillimin e tij personal dhe aftësitë artistike”.

The post Pensionisti bëhet i diplomuari më i moshuar në Britani, mbaron universitetin në moshën 96 vjeçare appeared first on Albeu.com.