Fevziu shprehet se përgjatë vitit 2024, janë dhënë mbi 11 mijë pensione për të moshuar, të cilët kanë ndërruar jetë.

Gjithashtu, Fevziu sqaron se dhënia e këtyre pensioneve pasi përfituesit kanë ndërruar jetë, kanë shkaktuar dëm rreth 1.2 milionë dollarë në buxhetin e shtetit.

Gazetari e shoqëron këtë lajm dhe me tone ironike, duke u shprehur se; “që pas vdekjes jepen dekorata, mirënjohje, vlerësime e di. Por, që pas vdekjes të paguhet dhe pensioni për të jetuar, kjo është pak e çuditshme”.

“Sot pashë një lajm të paparë fare. Kontrolli i Lartë i Shtetit ka zbuluar që në Shqipëri gjatë vitit 2024 janë dhënë 11 mijë e disa pensione pas vdekjes. Pra, personat kanë vdekur, kanë ndërruar jetë janë varrosur, dhe kanë vijuar të marrin pensionin. Dëmi ishte rreth 1.2 milionë dollarë në mos gaboj. Tani, që pas vdekjes jepen dekorata, mirënjohje, vlerësime e di. Por, që pas vdekjes të paguhet dhe pensioni për të jetuar, kjo është pak e çuditshme. Natyrisht nuk është vetëm në Shqipëri, por në Shqipëri të humbin 1.2 milionë dollarë për njerëz që nuk jetojnë më është…”, raporton gazetari Blendi Fevziu.

Gjetja ka të bëjë me pagesat e kryerja pas ndarjes nga jeta e perfituesve, përgjatë periudhës janar-dhjetor 2024. Janë arritur të rikuperohen rreth 100 milionë e 158 mijë lekë, por mbi 14 milionë e 726 mijë lekë mbeten të arkëtuara dhe kërkojnë ndjekje të vazhdueshme.

The post Blendi Fevziu: 11 mijë pensione pas vdekjes, të humbin 1.2 milionë dollarë për njerëz që nuk jetojnë më… (VIDEO) appeared first on Albeu.com.

Këshilli Administrativ i Institutit të Sigurimeve Shoqërore miratoi së fundmi tavanet buxhetore për vitin e ardhshëm ku planifikohet një rritje e shpenzimeve.
Teksa aktualisht për vitin 2025 shpenzimet janë planifikuar në vlerën e 192.3 miliardë lekëve apo 1.9 miliardë euro për vitin 2026 kjo vlerë do të rritet me 11.7 miliardë lekë. Nëse kjo shtesë do të shpërndahej proporcionalisht për të gjithë përfituesit, rezulton se çdo pensionist do të marrë mesatarisht rreth 16,220 lekë më shumë në vit, që përkthehet në rreth 1,350 lekë shtesë në muaj.

Për rreth 720 mijë pensionistë të ardhurat e mbledhura nga ISSH nuk mjafton dhe barra do ti bjerë edhe më shumë buxhetit të shtetit për këtë skemë që nga viti në vit është në rrezik. Aktualisht buxheti i shtetit për vitin 2025 financon këtë skemë deficitare me rreth 40 miliardë lekë ndërsa nga viti në vit mesa duket do të financojë më shumë. Ndërsa të ardhurat mbulojnë vetëm 76% të shpenzimeve.
Raporti midis kontribuuesve dhe përfituesve po ngushtohet ndjeshëm teksa 117 kontribuues paguajnë për pensionet e 100 pensionistëve.
Teksa për skemën e pensioneve po punohet nga qeveria në bashkëpunim me organizatat ndërkombëtare, në dokumentin e politikave të moshimit thuhet se pensionet do të rriten me 50% në 5 vitet e ardhshme ndërsa do tu sigurohet edhe një pension i 13-të.
Kjo do të bënte që pensioni nga aktualisht në zonat urbane 18 mijë e 341 lekë në mbi 27 mijë e 511 lekë. Ndërsa në fshat do të arrijë në 16 mijë e 576 lekë.

The post Shtrenjtohet fatura e pensioneve, ISSH miraton tavanet buxhetore, 2 miliardë euro në 2026 për shpenzimet e të moshuarve appeared first on Albeu.com.

Nga një përllogaritje mesatare, vlera e rimbursimit të energjisë për këtë kategori shkon deri në 1600 lekë në muaj dhe në raport me pensionin mesatar që është rreth 16 mijë lekë, “shtesa” që përfitohet nga kompensimi i dritave është relativisht e lartë, rreth 10 për qind. Por përveç kësaj, pensionistët janë të përjashtuar nga taksa e banesës, taksa e përkohshme për Infrastrukturën Arsimore dhe pagesa e Tarifës së Pastrimit dhe Largimit të Mbeturinave.

Këto të fundit, për të cilat shërben si agjent tatimor Shoqëria Ujësjellës-Kanalizime Tiranë (vilen në faturën e ujit) përllogariten mesatarisht në vlerën e 900 lekëve në muaj. E nëse mblidhen të dy kompensimet për pensionistët, ato në faturën e ujit dhe energjisë elektrike, masa e përfitimit shkon deri në 2500 lekë në muaj, vlerë e cila përkthehet në një masë prej thuajse 16 për qind shtesë mbi pensionin

KOMPENSIMET

Përveç 648 lekëve në muaj që pensionistët marrin prej reformimit të skemës në 2015- n kur u hoq edhe fasha, pensionistët marrin edhe disa kompensime të tjera në vlerë më të ulët, të lidhura ndër vite. Kështu pensionistët marrin 150 lekë në muaj kompensim për diferencën e çmimit të bukës, 350 lekë në muaj si kompensim për energjinë elektrike dhe 414 lekë në muaj për çdo pjesëtar të familjes, që është në varësi ekonomike të pensionistit. Pra, është rreth 1600 lekë shuma që përfitohet shtesë e që ndikon në masën e pensionit në kushtet kur nuk ka politika të mirëfillta rritje, por vetëm indeksim bazuar në normën e inflacionit. Për të përfituar, duhet të përmbushen vetëm dy kushte. Kjo vlen për të gjithë ata që dalin rishtazi në pension. Së pari, duhet që pensionisti të mos ketë të ardhura të tjera veç pensionit.

Kushti tjetër është që fatura e dritave dhe shtëpisë për të cilën do paguhet taksa, të jenë në emër të pensionistit. Në rastin kur janë dy pensionistë, pra burrë e grua, kompensimin e përfiton vetëm njëri prej tyre. Në tabelë janë të listuara edhe dokumentet që duhet të dorëzohen në sportalet e Drejtorisë Rajonale të Sigurimeve.

TAKSA

Janë mbi 140 mijë pensionistë në të gjithë vendin, të cilët përveçse janë në skemën e rimbursimit të dritave, nuk preken as nga taksa e banesës, taksa e përkohshme për Infrastrukturën Arsimore dhe pagesa e Tarifës së Pastrimit dhe Largimit të Mbeturinave, të cilat kanë një vlerë rreth 900 lekë në muaj. Kujtojmë që taksa që aplikohet për banesën nuk është e njëjtë për të gjithë. Nisur nga tabela zyrtare me çmimet për çdo zonë kadastrale, për sipërfaqen 100 metra katrorë, taksa e re që rëndon në xhepat e konsumatorëve varion nga 3000 lekë deri në 9500 lekë në vit. Pensionistët kryefamiljarë, të cilët nuk kanë të ardhura të tjera veç pensionit, janë të përjashtuar nga ky detyrim.

Ata po ashtu mund të shmangin “Taksën e Përkohshme për Infrastrukturën Arsimore”, e cila është 150 lekë në muaj dhe “Tarifën e Pastrimit dhe Largimit të mbeturinave”, 417 lekë në muaj. Me një llogaritje të thjeshtë, vetëm nga përjashtimet e taksave bashkiake, një pensionist kryefamiljar mund të shmangë nga fatura mujore rreth 900 lekë detyrime. Edhe në këtë rast, për të përfituar mjafton vetëm që kryefamiljari të jetë pensionist dhe në certifikatën familjare të jetojë i vetëm ose me bashkëshorten, (po pensioniste), ose asnjë nga familjarët e tjerë të mos ketë të ardhura.

APLIKIMI PËR PËRJASHTIMIN NGA TAKSA E SHTËPISË

DOKUMENTET QË DORËZOHEN NË GJENDJEN CIVILE:

Certifikatë familjare.

Fotokopje e kartave të identitetit e pensionistit kryefamiljar dhe personave që ka në ngarkim).

Fotokopje e librezës së ujit (faqja e parë dhe e fundit e librezës).

Faturë pagese e muajit të fundit nga UKT (detyrimi mujor në emër të kryefamiljarit).

Librezat e pensionit për pensionistin kryefamiljar dhe bashkëshorten (nëse jeton).

APLIKIMI PËR KOMPENSIMIN E DRITAVE

Pensionistët duhet të paraqesin në Agjencitë e Sigurimeve Shoqërore të vendbanimit:

Fotokopje të nënshkruar të kartës së identitetit.

Certifikatën familjare për invalidët.

Fotokopje të kontratës së furnizimit me energji elektrike, e cila është në emër të kryefamiljarit, e vërtetuar me firmën e pensionistit.

Fotokopje e librezës së energjisë elektrike, që vërteton se nuk ka detyrime të papaguara.

The post Kompensimet e taksat, deri në 16% shtesë për pensionistët! Përveç rimbursimit për energjinë elektrike, janë të përjashtuar edhe nga… Si aplikohet dhe dokumentet që nevojitet appeared first on Albeu.com.

Kështu ka bërë të ditur kryeministri i Kosovës, Albin Kurti në një konferencë për medie.

“Duke filluar nga ky muaj 2024 do të rrisim për 20% të gjitha pensionet si vijon , pensioni bazik i moshës, pensioni kontribuespagues i plotë dhe parcial, pension i aftësisë së kufizuar për fëmijë dhe për të rritur, pensioni për personat e verbër, pensioni për personat paraplegjik dhe tetraplegjik, pensioni familjar, pensioni invalidor i punës. Nga muaji janar i viti 2025 pra për më pak se 3 muaj do të rritet për 20% pensionet e përcaktuara me ligjin për kategoritë e luftës”, tha ai.
Ky është një hap pozitiv për mbështetje socialen në Kosovë, ndërsa në Shqipëri, rritja e çmimeve dhe mungesa e transparencës ekonomike po dëmtojnë qytetarët. Në vend që qeveria shqiptare të fokusohet në politikën e qëndrueshme dhe mbrojtjen e standardit të jetesës për të gjithë, po vjedh akoma më shumë nga qytetarët që po vuajnë për bukën e gojës.

The post Po Shqipëria? Qeveria e Kosovës rrit pensionet me 20% appeared first on Albeu.com.

Gjatë fjalës së tij, kreu i qeverisë deklaroi se sot shqiptarët kanë arsye të jenë krenarë.

Rama theksoi se nga marrëveshja me pensionet me Italinë përfitojnë 421 mijë shqiptarë. Ai iu dha mesazhin shqiptarëve në Itali, se nëse ndonjë italian i sheh shtrembër, ata kanë të drejtë ta shohin në sy dhe t’i thonë “nëse ka ndonjë gjë që nuk shkon”.

Edi Rama: Afër çerek milioni prej jush jeni qytetarë italianë, 3/5 e juaja jeni përqendruar në veriun e Italisë. Janë mbi 40 mijë sipërmarrje shqiptare në shtetin italian. 421 mijë prej jush do të përfitojnë pensione, falë angazhimit të kryeministres tuaj këtu në Itali, Meloni, një zëdhënëse e shqiptarëve, ne ia dolëm të vendosim më në fund një gur të çmuar dhe të munguar në atë kurorën e drejtësisë që ju e keni merituar plotësisht me kontributet tuaja për këtë atdhe të dytë tuajin. Ju heshtët zilen e paragjykimit të tmerrshëm, që iu shoqëroi drejt triumfit tuaj, si europianët e rinj të Italisë. Edhe Shqipëria po fiton betejën e saj të drejtë në kërkim të kurorës të munguar të drejtësisë, me Zot, ligj dhe zakon në familjen e shteteve të Europës. Ju jeni pjesë e familjes europiane. Shqipëria nga një vend i rrezikshëm, sot është ndryshe. Nëse dikush ju sheh shtrembër, keni të gjitha arsyet t’i thoni nëse ka ndonjë gjë këtu. Shqiptarët janë sot krenar për Shqipërinë./albeu.com 

The post “Keni arsye për të qenë krenarë”, Rama: 421 mijë prej jush përfitojnë nga marrëveshja e pensioneve me Italinë appeared first on Albeu.com.

Ministri i Ekonomisë, Kulturës dhe Inovacionit, Blendi Gonxhja bëri të ditur sot se takimi i parë zbatues i marrëveshjes me Italinë për njohjen e pensioneve do të zhvillohet në datat 18-20 qershor.

Gjatë diskutimit në Kuvend të projektligjit “Për ratifikimin e marrëveshjes, ndërmjet Shqipërisë dhe Italisë në fushën e sigurimeve shoqërore”, Gonxhja detajoi disa nga përfitimet që do të kenë qytetarët shqiptarë nga kjo marrëveshje.

Sipas tij, “marrëveshja nuk ka prapaveprim dhe nuk mund të ketë një pretendim financiar për vitet e shkuara”.

“Të gjitha kontributet dhe ngjarjet në jetën tonë akumulohen dhe në rast se një person është në Itali dhe ka përfituar një pension të caktuar për shkak të viteve atje, por ka edhe disa vite në Shqipëri për të cilat nuk është i kualifikuar për të marrë pension, nga momenti që marrëveshja hyn në fuqi i takon e drejta të marrë edhe pensionin për vitet në Shqipëri. Nga momenti që marrëveshja hyn në fuqi, këto vite kthehen në një të drejtë pensioni për të, por natyrisht në masën që i takon nga kontributet në Shqipëri. Qytetarët nuk mund të kërkojnë lekë për vitet para se të hynte marrëveshja në fuqi, por nga dita që marrëveshja hyn në fuqi pensioni i tyre rritet bazuar në këtë riformulim”, tha Gonxhja.

Ministri tha se janë mbi 500 mijë shtetas shqiptar në Itali që janë përfitues të skemës ndërsa në Shqipëri 4 mijë italianë

“Në parimet themelore të saj mund të përmendim bashkimi i periudhave kontributive për të përmbushur fatin prej 15 vitesh që duhet për tu kualifikuar për të përfituar pension. Personi ka të drejtë të tërheq përfitimin në çdo vend ku ai ndodhet. Për të pasur një ide mbi numrin e shtetasve italian ata që janë aktualisht në Shqipëri me leje qëndrimi numërohen rreth 4 mijë shtetas italian në Shqipëri që janë përfitues të kësaj skeme, ndërsa janë mbi 500 mijë shtetas shqiptar që punojnë dhe jetojnë në Itali që pritet që të përfitojnë nga kjo marrëveshje.

Duke folur për marrëveshjet që tashmë janë në fuqi dhe zbatohen aktualisht, Gonxhja theksoi se Shqipëria ka marrëveshje me: Turqinë, Belgjikën, Luksemburgun, Maqedoninë e Veriut, Hungarinë, Republikën Çeke, Gjermaninë, Austrinë, Kosovën, Kanadanë, Bullgarinë, Rumaninë, Zvicrën dhe Kroacinë.

Ndërkohë kemi marrëveshje në proces me Italinë, Poloninë, Serbinë dhe Greqinë.

“MEKI ka kërkuar marrëveshje në fushën e sigurimeve shoqërore me SHBA, Holandën, Suedinë, Norvegjinë, Finlandën, Francën, Slloveninë, Mbretërinë e Bashkuar, Moldavinë, Izraelin, Letoninë, Estoninë dhe Lituaninë. Kemi marrë dakordësi për inicimin e negociatave nga Danimarka, Sllovenia, Moldavia, Spanja, Emiratet e Bashkuara Arabe dhe jemi duke dërguar shkresa këto ditë që flasim për të përcaktuar vetëm datat. Me Italinë lajmi i mirë është që datat e përcaktuara për takimin zyrtar zbatues janë në 18-20 qershor, pasi kjo marrëveshje të ratifikohet në Kuvend”,

Deputetja e Partisë Demokratike, Jorida Tabaku e quajti pozitive marrëveshjen dhe se duhet dhe do të marrë votën e gjithë deputetëve, por kërkoi informacion se me cilat vende të tjera qeveria shqiptare po negocion marrëveshje të tilla, duke rikujtuar një marrëveshje me Greqinë që ende ka mbetur pezull.

The post Kuvend/ Ratifikohet marrëveshja me Italinë për pensionet! Gonxhja: Takimi i parë zbatues në 18-20 qershor! Përfitojnë 500 mijë shqiptarë atje, 4000 italianë këtu appeared first on Albeu.com.

Spiropali: Ka një gjë që na bashkon të gjithëve në këtë sallë, por dhe ata që protestojnë me zhurmë jashtë. Po ju zoti Xhaferri i rrini besnik gjërave që lexoni. Brezi ynë, të gjithë që kemi prindër, kemi një borxh moral dhe financiar për ata. Ne nuk kemi mundur që të bëjmë më shumë për të gjithë ata që prodhonin grurë, apo qetësonin plagë, apo ata që mësonin. Shpërblimi moral që kanë marrë ka qenë i kundërt. Shpesh i kanë quajtur skllevër. Ne kemi bërë sa kemi mundur. Pensionet janë indeksuar në 2008, në 2013, apo dy herë të tjera më vonë. Buxheti këtë vit ishte 5.4 mld për këto indeksime. Për pensionistët janë dhënë bonuse.

Totali i bonuseve është 31 mld lekë në 5 vitet e fundit. Qeveria ka kompensuar çmimin e energjisë për pensionistët e vetmuar. Ky lloj kompensimi jemi të vetëdijshëm që nuk është i mjaftueshëm, por totali i parave nga buxheti, ka mbërritur në 22.5 mld lekë. Këto debate që duhet të bëhen këtu dhe ndërpriten herë pas here nga debatet shterpë të luftës politike, kush e ka e kush nuk e ka vulën… na marrin kohë për të diskutuar këto që janë të vërteta. Opozitarizmin e shihni si llixhën çudibërëse që ju pastron nga e shkuara. Ju që jeni ende jashtë normalitetit të sistemit politik, pak keni për të thënë për sistemin e ekonomisë./Albeu.com

The post Spiropali: Do isha gati të 10-fishoja pensionet e nënave tona, por… appeared first on Albeu.com.

Ai kishte marrë me vete bukë misri dhe kos dhe tha se këto ushqime janë të vetmet që mund të përballojnë pensionistët me koston e lartë të jetesës dhe pensionin e ulët.

“Kam sjellë bukë mistri dhe kos. Bëjnë 1 mijë e 200 lek, janë 63 mijë lekë në muaj. 110 mijë lek merr mamaja ime, mund të hajë bukë mistri dhe kos për një muaj, 100 mijë lek ilaçe ca i ngelen. I ngelen lekë vetëm për letrën higjienike. Këtë do t’ia çoj atij, po rri sot pa bukë tha plaka ime, jepja qeverisë, vetëm ata t’i kemi shëndoshë”, tha Korreshi para Kuvendit.

The post Korreshi shkon në Kuvend me bukë misri dhe kos: Kaq mund të përballojnë pensionistët me lekët që marrin appeared first on Albeu.com.

Ky projektligj u miratua në lexim të dytë me 62 vota pro, asnjë kundër dhe asnjë abstenim, në seancën e 27 korrikut.

Për të hyrë në fuqi, projektligji pas miratimit në Kuvend duhet të nënshkruhet nga presidentja e vendit.

Më herët gjatë ditës, Kuvendi e miratoi në lexim të parë këtë projektligjin, me të cilin është krijuar edhe një skemë e re e quajtur “skema e pensionit parcial kontribut-pagues të moshës.”

Në këtë skemë janë futur të gjithë qytetarët të cilët janë larguar nga puna në vitet e ’90, e të cilëve nuk u është njohur kontributi, dhe si pasojë, nuk e kanë plotësuar kriterin prej 15 vjetësh stazh, për të përfituar nga pensioni kontribut-pagues.

Miratimi i këtij projektligji është bërë me procedurë të përshpejtuar përmes kërkesës për seancë të jashtëzakonshme, të thirrur nga 41 deputetë të Kuvendit të Kosovës.

Menjëherë pas miratimit në lexim të parë të këtij projektligji, shefja e grupit parlamentar të Lëvizjes Vetëvendosje, Mimoza Kusari – Lila, e paraqiti një mocion procedural për shmangie nga afatet e përcaktuara në rregulloren e Kuvendit për shqyrtimin e projektligjit.

Mocioni u votuar dhe leximi i dytë i këtij projektligji u bë në një seancë të re plenare që nisi në orën 19:00.

Për miratimin e këtij projektligji janë shmangur të gjitha afatet procedurale të rregullores së Kuvendit.

Krijimi i një skeme të re pensionale përmes ndryshimeve në ligjin aktual për pensione, u bë pasi Gjykata Kushtetuese e Kosovës më 2022 shfuqizoi paragrafin 2 të nenit 8 të ligjit për skemat pensionale, pasi konstatoi se ky nen pa të drejtë iu mohoi mijëra qytetarëve të drejtën e pensionit kontribut-pagues.

Ligji aktual për skemat pensionale parasheh të drejtën e përfitimit nga pensioni kontribut-pagues vetëm për ata persona që dëshmojnë se kanë kontribuar për 15 vjet në ish-Fondin Pensional.

Për personat që u larguan dhunshëm nga puna nga regjimi i atëhershëm serb, nuk u mundësua që të gëzonin pensionin kontribut-pagues, për shkak se nuk përmbushnin kriterin prej 15 vjetësh përvojë pune.

Sipas vlerësimeve të Qeverisë së Kosovës, aktualisht, në skemën e pensionit bazik duhet të jenë rreth 70.000 persona që realisht do të duhej të kualifikoheshin për pensionin parcial kontributpagues të moshës.

Kjo skemë e re pensionale për personat që u larguan nga puna në vitet ’90, llogaritet se do t’i kushtojë shtetit rreth 60 milionë euro në vit.

The post Miratohet projektligji për skemat pensionale të financuara nga shteti në Kosovë appeared first on Albeu.com.

Ajo bëri me dije se akti është tërësisht i përafruar me Bashkimin Europian dhe do të vlejë nga ky vit deri në vitin 2027.

 “Bujqësia ka miratuar një akt që ka të bëjë me strategjinë kombëtare të sigurisë ushqimore, Është hera e parë që e miratojmë, tërësisht i përafruar me BE. E konsiderojmë këtë dokument tejet të rëndësishëm. Ka të bëjë me sigurinë ushqimore nga 2023-2027. Ne nisim këtë vit procesin screening. Kjo ndahet në 3 pjesë, rregullatorë, aspekti i agro përpunuesve, agro industrisë për ushqime të sigurta dhe konsumatori i cili përmes vetëdijes, krijon një sensibilitet të lartë për evidentimin e problematikave në tregje.”- tha Krifca. 

Ndërkohë, po në këtë mbledhje u miratua edhe marrëveshja me Malin e Zi për njohjen e pensioneve.

Ministrja e Financave, Delina Ibrahimaj bëri me dije në një dalje për mediat se se nga kjo marrëveshje përfitojnë 560 qytetarë shqiptarë që aktualisht jetojnë dhe punojnë në Malin e Zi. Përmes kësaj marrëveshje, qytetarëve shqiptarë, por edhe atyre malazezë që jetojnë në vendin tonë, do iu njihen pensionet.

“Marrëveshje me Malin e Zi sa i përket sigurimeve shoqërore, parashikon njohjen e viteve të punës për sigurimet shoqërore, përfitojnë një numër individësh qoftë shqiptarë, qoftë mali i zi. Sipas EUROSTAT, 560 shqiptare që jetojnë dhe punojnë në Mal të Zi, të cilëve në të ardhmen do i njihen vitet e pensioneve të pleqërisë, përfitimet për sëmundje të posaçme, dëmet e shkaktuara gjatë punës, por edhe përfitimet e papunësisë. Janë rreth 35 qytetarë malazez që jetojnë dhe punojnë në Shqipëri”, tha ministrja.

Ndër të tjera, Ibrahimaj bëri me dijse duke filluar nga java e ardhshme, të gjithë institucionet do të paguajnë shtesat e pagës për punonjësit për muajin prill dhe maj. nga muaji tjetër do të marrin pagat e rritura sipas vendimit të Këshillit të Ministrave.

Kemi diskutuar për çështjen e zbardhjes së VKM për pagat dhe udhëzimit. Janë gati dhe nga java e ardhshme të gjitha institucionet do vazhdojnë të paguajnë shtesat për pagat sa i përket muajit maj dhe prill. Do jepet shtesa mbi pagë për muajin prill dhe maj, ndërkohë që nga muaji i ardhshëm do paguhen pagat e plota të reja siç janë të pasqyruara në VKM.

The post Nga akti për sigurinë ushqimore te miratimi i marrëveshjes me Malin e Zi për pensionet, vendimet e mbledhjes së qeverisë appeared first on Albeu.com.