Gordana Siljanovska Davkova fitoi në: Aerodrom (51,48 %), Berovë (54,92 %), Manastir (48,44%), Bogdanci (49,59 %), Bosilevë (57,61 %), Bërvenicë (33,54 %), Butel (43,91%), Vallandovë (50,29 %), Vasilevë (60,18 %), Vevçan (56,15 %), Veles (53,57 %), Vinicë (56,71 %), Gazi Babë (53,68 %), Gjevgjeli (52,62 %), Gjorçe Petrov (51,58 %), Gradsko (64,27 %), Debarcë (57,06 %), Dellçevë (47, 08 %), Demir Kapi (54,77%), Demir Hisar (52,92 %), Dojran (52,58 %), Zelenikovë (53,35 %), Zërnovci (61,15 %), Ilinden (62,96 %), Jegunoc (47,49 %), Kavadar (50,84 %), Karbinci (61,22 %), Karposh (40,82 %), Kisella Vodë (57,67 %), Kërçovë (39,84 %), Konçe (57,85 %), Koçan (53,10 %), Kratovë (62,84 %), Kriva Pallankë (47,05 %), Krivogashtan (54,84 %), Llozovë (53,09 %), Makedonska Kamenicë (50,96 %), Makedonski Brod (55,86 %), Mogillë (63,48 %), Negotinë (49,02 %), Novaci (61,88 %), Novo Sellë (56,84 %), Ohër (53,89 %), Petrovec (59,05 %), Pehçevë (53,97 %), Prilep (51,42 %), Probishtip (52,03 %), Radovish (56,34 %), Rankovc(54,34 %), Resnjë (47,64 %), Rosoman (51,36 %), Sveti Nikollë (57,63 %), Sopishte (49,44 %), Nagoriçan i Vjetër (37,59 %), Strumicë (47,06 %), Qendër (39,98 %), Çashkë (32,70 %), Çeshinovë-Obleshevë (58,93 %), Çuçer Sandevë (36,35 %) dhe në Shtip (53,44 %).

Stevo Pendarovski fitoi më së shumti vota në: Krushevë (43,02 %), Mavrovë dhe Rostushë (44,04 %) dhe në Qendrën Zhupë (34,95 %).

Bujar Osmani fitoi në: Haraçinë (53,51 %), Bogovinë (55,33 %), Vrapçisht (58,02 %), Dibër (49,88 %), Dollnen (32,95 %), Zhelinë (49,45 %), Likovë (56,83 %), Pllasnicë (66,91 %), Saraj (55,49 %), Strugë (39,38 %), Studeniçan (50,54 %), Tetovë (37,91 %), Çair (40,65 %), Shuto Orizarë (37,11 %). Arben Taravari fitoi në Gostivar (33,42 %) dhe Tearcë (41,53%), ndërsa Maksim Dimitrievski në Kumanovë (22,89 %).

The post RMV/ Siljanovska fitoi në 60 komuna, Pendarovski në tre, Osmani në 15, Taravari në dy appeared first on Albeu.com.

Kryeministri i Kosovës, Albin Kurti të martën pasdite i priti në zyrën e tij në Prishtinë liderët e disa partive politike shqiptare nga Mqedonia e Veriut. Arben Taravari, kryetar i Aleancës për Shqiptarët, Bilall Kasami, kryetar i Lëvizjes Besa, Izet Mexhiti, kryetar i Lëvizjes Demokratike dhe Afrim Gashi, kryetar i Aleternativës, ishin ftuar nga shefi i Qeverisë së Kosovës në takimin në të cilin mori pjesë edhe kryeparlamentari i Kosovës, Glauk Konjufca.

Zyra e Kryeministrit njoftoi pas takimit se kishin diskutuar që pas zgjedhjeve presidenciale, shef i Shtetit në Maqedoninë e Veriut të bëhej dikush nga shqiptarët.

“Katër udhëheqësit shprehën propozimin e tyre për një president të Maqedonisë së Veriut i cili mishëron bashkëjetesën mes etnive dhe garanton rrugën evropiane të Maqedonisë së Veriut, president i cili kësaj radhe duhet të vijë nga mesi i shqiptarëve”, u tha në komunikatën e lëshuar nga ZKM-ja.

Mexhiti shkroi se biseduan “për zhvillimet politike në vendet tona, për bashkëpunim i cili do të kontribuojë në avancimin e pozitës së shqiptarëve në Maqedoninë e Veriut, zhvillimin ekonomik të dy vendeve dhe faktorizimin e shqiptarëve në rajon”.

“Bashkë, na presin punë dhe përgjegjësi të mëdha”, shkroi ai.

Përveç Taravarit, i cili nuk shkroi për këtë takim më pas, Kasami, Mexhiti dhe Gashi i kanë bashkuar partitë e tyre në një koalicion për zgjedhjet e 8 majit. Lideri i ASH-së është në mëdyshje nëse do t’i bashkohet opozitës shqiptare në koalicion, apo të shkojë me BDI-në e Ali Ahmetit, me të cilën ishin në pushtet deri tash.

Në fund të vitit të kaluar, Mexhiti kishte shkruar se Lëvizja Vetëvendosje e Kurtit i ishte bashkuar koalicionit të opozitës shqiptare, me ç’rast njoftonte për hapjen e një shtabi të përbashkët në Shkup. Kjo erdhi disa muaj pasi këtë mbështetje kryeministri i Kosovës ua ofroi edhe fizikisht gjatë një vizite shumë të diskutueshme në Maqedoninë e Veriut, në gusht të vitit 2023.

Një muaj më pas, më 25 janar të këtij viti, presidenti i Maqedonisë së Veriut, Stevo Pendarovski erdhi në Prishtinë.

Takimi i Kurtit – i cili kërkon të ndikojë në njëfarë mënyre në skenën politike në vendin fqinj – me Pendarovskin – i cili ka shprehur gatishmërinë të rikandidojë edhe për një tjetër mandat presidenti në Maqdoninë e Veriut – u përshkrua si shumë i mirë.

“Dy vendet dhe shtetet tona i dëshirojnë më të mirën njëra-tjetrës dhe kanë komunikim dhe bashkëpunim të mirë si në aspekt institucional ashtu edhe në nivel të shoqërive tona”, deklaronte Kurti, duke e falënderuar Pendarovskin për mbështetjen ndaj Kosovës në çështje të ndryshme me interes të përbashkët, veçanërisht në rrafshin ndërkombëtar përmes përkrahjes për t’u anëtarësuar në organizata ndërkombëtare.

Ky takim, mund të jetë përceptuar gabimisht si zmbrapsje e Kurtit nga përpjekja për t’u përfshirë në skenën politike maqedonase. Për më tepër, takimi zhvillohej dy ditë pasi Kurti ishte në Shkup për takimin e liderëve të Ballkanit Perëndimor, nga ku tha se se LVV s’merr pjesë në zgjedhjet atje.

“Lëvizja Vetëvendosje nuk është e regjistruar në Maqedoninë e Veriut. Ne kemi aktivistë, kemi edhe zyrtarë të subjektit tonë politik në Kosovë që vijnë nga Maqedonia e Veriut, mirëpo këtu nuk kemi qendër të Vetëvendosjes formalisht të regjistruar, andaj edhe ne si Lëvizje Vetëvendosje nuk është se marrim pjesë këtu”, deklaroi Kurti në një konferencë për media.

I pyetur nëse partitë politike shqiptare në RMV duhet të kenë kandidat të tyre për president në të vendit, Kurti tha se për këtë duhet të vendosin ata vet.

“Unë dëshiroj që të ketë pjesëmarrje sa ma të lartë në zgjedhje, sepse kjo i kontribuon demokracisë. Ne e dimë që regjistrimi i fundit i popullsisë, përfshirë edhe mërgatën, i ka nxjerrë shqiptarët në Maqedoninë e Veriut me një përqindje prej 29%, nëse nuk gaboj dhe natyrisht që duhet të vendosin ata vet se a do të ketë kandidat dhe kush do të jetë ai ose ajo”, tha Kurti.

Bekim Qoku, këshilltar i Kurtit nga Ohri i Maqedonisë së Veriut, merr pjesë vazhdimisht në aktivitetet e koalicionit opozitar të partive shqiptare në RMV. Ai pashmangshëm ishte edhe në takimin e së martës në Qeverinë e Kosovës.

Ali Ahmeti, kryetar i Bashkimit Demokratik për Integrim, partisë më të madhe të shqiptarëve në Maqedoninë e Veriut tha të martën se Kurti duhet ta thotë hapur nëse po synon të garojë në këtë mënyrë edhe në zgjedhjet parlamentare dhe presidenciale në Maqedoninë e Veriut.

“Nuk ka asgjë të keqe nga takimet. Edhe unë kam qenë me Kurtin me bashkëpunëtorët e mi. Secili udhëheqës cakton ca objektiva për veprim, por kjo çka tha Mexhiti nuk përkon me deklaratën e Kurtit që bëri në Shkup, e që tha se Lëvizja Vetëvendosje nuk merr pjesë në këto zgjedhje. Nëse ka strategji të kamuflohen gjërat nuk është mirë, le të thuhen gjërat hapur dhe nuk na pengon asgjë”, tha Ahmeti në një intervistë në RTK.

Aktualisht, Qeveria e Maqedonisë së Veriut udhëhiqet nga Talat Xhaferi i BDI-së, i cili të dielën u bë shqiptari i parë që e merr këtë detyrë. Është një qeveri teknike që do të zgjasë derisa të pasohet nga qeveria e re me mandat të plotë, e cila do të dalë nga zgjedhjet parlamentare të 8 majit, në të cilat shqiptarët pritet ta rrisin numrin e deputetëve. Po atë ditë, zhvillohet edhe rundi i dytë i zgjedhjeve presidenciale. I pari do të zhvillohet më 24 prill.

Që prej ardhjes në pushtet, Kurtin duket se e intrigoi pjesëmarrja në skenën politike shqiptare edhe në shtetet përreth, në disa mënyra. Në Shqipëri i bëri zyrtarisht opozitë kryeministrit Edi Rama duke garuar me partinë e tij në zgjedhjet parlamentare në vitin 2021 dhe në Luginë gjithashtu intervenoi duke e mbështetur një krah politik. /Gazeta Express/

The post Kurti vazhdon të ndërhyjë në RMV, kërkon president shqiptar një javë pasi e priti Pendarovskin në Prishtinë appeared first on Albeu.com.

Pendarovski ka thënë se vizita e Kurtit me rastin e riemërtimit të një rruge me emrin Adem Demaçi është shfrytëzuar për të “luajtur kartën e “Shqipërisë së madhe”.

“Kishte një hartë të ‘Shqipërisë së Madhe’ dhe elementi tjetër që më ngatërroi ishte Kasami, i cili regjistroi një video ku thoshte – mirë se erdhe në kryeqytetin e shqiptarëve, duke iu drejtuar Kurtit sikur të ishte kryeministri i shqiptarëve, që është fyerje për Ramën, mendoj se nuk duhet të përdorim këtë lloj retorikë nacionaliste”, tha Pendarovski.

Duke folur për ngjarjet në veri të Kosovës, ai tha se në politikën e jashtme si president ka përgjegjësi.

“Sipas meje, shteti maqedonas ka reaguar ndaj ngjarjeve në Kosovë”, shtoi Pendarovski.

Ai tha se ndjenjat e popullit maqedonas janë specifike ndaj Serbisë, që sipas tij ka të bëjë me jetën e tyre të gjatë së bashku në ish- Jugosllavi.

“Është e vërtetë që disa subjekte politike po përpiqen të riciklojnë sjelljen e autoriteteve jugosllave në dekadën e fundit. Ne imituam me sukses Millosheviçin dhe politikën e tij ndaj shqiptarëve, sepse narrativa ishte se ai mund t’i mposhte shqiptarët vetëm me dhunë. Pas 1991 ndryshoi narrativa dhe pastaj dhe pas Marrëveshjes së Ohrit, kam frikë se disa njerëz me impulse të ish-Jugosllavisë mendojnë se kjo është mënyra e vetme që shqiptarët të disiplinohen dhe të solidarizohen me botën serbe. Më në fund duhet të zbatojmë teorinë e presidentit Gligorov – se duhet distanca”, tha Pendarovski.

The post Pendarovski: Adresimi i Kurtit si “kryeministri i shqiptarëve” është fyerje për Ramën appeared first on Albeu.com.

Në një intervistë për Zërin e Amerikës në gjuhën maqedonase, Pendarovski ka thënë se “shteti nuk kishte zgjidhje tjetër, pos dëbimit të tyre”.

“Të gjitha shërbimet kompetente, si inteligjenca e jashtme dhe inteligjenca e brendshme, kishin një raport të përbashkët lidhur me aktivitetet e tre diplomatëve dhe vendimi i kreut të shtetit ishte i domosdoshëm. Ishte shumë e qartë se ata nuk merreshin me aktivitetet diplomatike siç e parashikon Konventat e Vjenës”, ka deklaruar Pendarovski.

Diplomatët rusë, sipas një njoftimi të Ambasadës ruse në Shkup, ishin dëbuar më 15 shtator, ndërsa vendimi është bërë i ditur më 16 shtator edhe nga Ministria e Jashtme e Maqedonisë së Veriut.

Për Rusinë, shpallja e tre diplomatëve si të padëshirueshëm është një “akt i papërgjegjshëm dhe armiqësor, që nuk do të mbetet pa u ndëshkuar”.

Presidenti Stevo Pendarovski, në intervistën për Zërin e Amerikës, ka thënë se në dy vitet e fundit, Maqedonia e Veriut ka dëbuar 18 diplomatë rusë, të cilët, siç tha ai, “kishin statusin e diplomatit, por që ishin të angazhuar me veprimtari spiunazhi”.

“Në të gjitha rastet, shërbimet maqedonase, me ndihmën e shërbimeve partnere nga aleanca e NATO-s, dëshmuan deri në germën e fundit se ata shkonin përtej statusit që u është dhënë si diplomatë në Maqedoninë e Veriut, pra ata nuk kanë qenë diplomatë dhe për këtë janë dëbuar”, tha Pendarovski.

Ai tha se pret nga pala ruse që të përgjigjet ndaj veprimeve të palës maqedonase.

Përveç tre diplomatëve rusë, Maqedonia e Veriut e shpalli person non grata [person të padëshiruar] edhe një klerik rus, arkimandritin Vasian Zmeev. Ai ishte përfaqësues i Patriarkanës së Moskës që mbulonte edhe Bullgarinë.

Vendim të njëjtë ndërmorri edhe Sofja duke e shpallur gjithashtu të padëshiruar me arsyetimin se paraqet “kërcënim për sigurinë kombëtare”.

Pas agresionit rus kundër Ukrainës, më 24 shkurt 2022, Maqedonia e Veriut, si anëtare e NATO-s dhe aspirante për anëtarësim në Bashkimin Evropian, iu bashkua vendeve perëndimore që dënuan agresionin dhe vendosën sanksione kundër Federatës Ruse.

Maqedonia e Veriut, gjithashtu, ka ofruar ndihmë ushtarake për Ukrainën në disa raste.

The post Pendarovski: Diplomatët rusë spiunonin, dëbimi ishte i pashmangshëm appeared first on Albeu.com.

“Ndryshimet e Kodit janë të harmonizuar me direktivën evropiane për ngrirjen dhe konfiskimin e sendeve dhe pronës, që krahas dënimit me burg, fokusi vihet në marrjen e pronës nga kryerësit e këtyre veprave penale.”

Kryeministri, Dimitar Kovaçevski i ka hedhur poshtë pretendimet se miratimi i ndryshimeve në Kodin Penal është bërë si pjesë e të ashtuquajturave “pazare politike”, në këmbim të mbështetjes së opozitës për ndryshimet kushtetuese.

“Nëse ka amnisti sot dikush duhej të amnistohej, për shkak se ligji është dekretuar nga Presidenti. Nuk ka pazare politike me këto ndryshime. Ato kaluan në diskutim publik parlamentar. Gjithë pajtohemi se vendi duhet ta harmonizojë legjislativën me BE-në dhe ky është hap në këtë drejtim”

VMRO-DPMNE-ja thotë se Pendarovski me këtë veprim kërkon që të marrë mbështetje nga LSDM-ja dhe BDI-ja, edhe për një mandat tjetër për president të vendit.

Menjëherë pas dekretimit, ndryshimet në Kodin Penal u botuan edhe në Fletoren Zyrtare, çka i hap rrugën zbatimit të tyre./Klan Macedonia

The post Presidenti i Maqedonisë së Veriut dekreton ndryshimet në Kodin Penal appeared first on Albeu.com.

The post Pendarovski për vizitë zyrtare në Shqipëri appeared first on Albeu.com.

The post Pendarovski: Gjykatësit rrezikojnë të mbetën pa paga appeared first on Albeu.com.

VMRO-DPMNE, thotë se angazhimet e Pendarovskit mbeten vetëm premtime duke drejtuar akuza për keqpërdorime për qëllime politike për rastin e 130 qytetarëve të prekur me fibrozë cisitike.

“Kur pushteti ka 5.3 miliardë euro buxhet, që shohim se shfrytëzohet për vjedhje, mund të ndahet një pjesë dhe të sigurohen ilaçe dhe trajtime të domosdoshme për qytetarët me probleme serioze shëndetësore. Edhe sa jetë duhet të humben që Pendarovski dhe Kovaçevski të kuptojnë se janë në pozita kur duhet t`i shërbejnë popullit. A janë këto vlera evropiane? T`i gënjeni qytetarët për interesa personale. Dorëheqje dhe përgjegjësi. Stevo Pendarovski dorëhiqu menjëherë” – tha Dragan Kovaçki, deputet i VMRO-DPMNE-së.

The post VMRO-DPMNE: Të dorëhiqet presidenti Pendarovski appeared first on Albeu.com.

“Më 4 shkurt, nga ana jonë, si shtet, e kaluam plotësisht provimin dhe treguam se si duhet të sillet një shtet serioz evropian duke respektuar të drejtat e njerëzve për të respektuar revolucionarin e madh maqedonas dhe në të njëjtën kohë për të izoluar të gjithë ata që vijnë me qëllim të keq, për të provokuar e për të shkaktuar trazira”, tha Stevo Pendarovski – president.

Nga ana tjetër, ministri i Brendshëm bullgar Ivan Demerxhiev nga Sofja tha se marrëdhëniet mund të përmirësohen vetëm përmes dialogut dhe bisedimeve normale politike, jo përmes radikalizimit dhe konfrontimit. Ai tha se ka pasur biseda me shtetas bullgarë që mund të provokojnë dhe shumica e tyre e kanë dëgjuar që të mos udhëtojë në Shkup.

“Nuk kam asnjë provë nga kolegu im nga Maqedonia e Veriut se në kufi ka pasur shtetas bullgarë që janë sjellë në mënyrë radikale. Por po, një problem të tillë mund të ketë kur mbani makina të mbushura me njerëz në kufi pa asnjë arsye, ndërsa ata mund të shohin se në drejtim të kundërt kufiri funksionon. Është normale që të ketë një lloj reagimi dhe ata që kanë vendosur të procesojnë duhet të marrin përgjegjësi dhe të mos ia hedhin fajin qytetarëve”, theksoi Ivan Demerxhiev – Ministër i Punëve të Brendshme të Bullgarisë.

Ministri bullgar tha se sot fillon dhurimi i tre gjeneratorëve të energjisë elektrike, pasi siç i tha Spasovski, shkak për vonesën në kufi janë problemet teknike. Ai paralajmëroi takim edhe këtë javë me Spasovskin në Dellçevë./Alsat.mk

The post Marrëdhëniet maqedono-bullgare, Pendarovski: Nga ana jonë e kaluam plotësisht provimin appeared first on Albeu.com.

Deklaratat e Stevo Pendarovskit erdhën në forumin ekonomik në Davos, ku ai po merr pjesë.

“Pika e brishtë në arkitekturën e Evropës dhe rreziku nga Kremlini është Ballkani Perëndimor”, tha presidenti Stevo Pendarovski në një ngjarje në Forumin Ekonomik Botëror.

Ai shtoi se beson se Shtetet e Bashkuara duhet t’i kushtojnë më shumë vëmendje situatës në rajon. /albeu.com

The post Pendarovski: Ballkani Perëndimor në rrezik nga fushtatat e ndikimit rus appeared first on Albeu.com.