Pelegrinët po udhëtonin nga provinca Sindh në Pakistan për në qytetin e shenjtë të Irakut, Qerbela, për të përkujtuar një nga ngjarjet më të mëdha në kalendarin shiit.

Rreth 53 persona besohet se kanë qenë në autobus në kohën e përplasjes, siç raportohet nga Dawn News të Pakistanit, duke përfshirë pelegrinët nga Larkana, Ghotki dhe qytete në Sindh.

Njëmbëdhjetë gra dhe 17 burra janë midis atyre që vdiqën në aksident, sipas drejtorit të menaxhimit të krizave Ali Malekzadeh.

Autobusi mori flakë përpara pikës së kontrollit Dehshir-Taft në Iran, rreth 681 km (423 milje) në jug të kryeqytetit Teheran, sipas raportimeve nga mediat lokale.

Presidenti i Pakistanit Asif Ali Zardari tha se po mobilizonte Ministrinë e Jashtme për të riatdhesuar trupat e të vrarëve në aksident dhe për të ofruar ndihmë për të plagosurit.

Pelegrinazhi, i njohur si Arbain, shënon fundin e një periudhe prej 40 ditësh zie për Imam Huseinin, nipin e profetit Muhamed.

Rreth dy milionë pelegrinë myslimanë shiitë po marrin pjesë aktualisht.
Irani është i njohur për të dhënat e tij të dobëta të sigurisë në trafik, me rreth 20,000 vdekje në vit për shkak të aksidenteve.

The post AKSIDENT TRAGJIK/ Përmbyset autobusi, 28 pelegrinë pakistanezë humbin jetën në Iran appeared first on Albeu.com.

E simbolizuar festë, ajo ka nisur prej 18 gushtit dhe arrin kulmin në 20-21 gusht për t’u mbyllur në 25 gusht. Çdo pelegrin falet në këtë vend të shenjtë për shëndetin dhe paqen në familjen e tyre. Organizimi i pelegrinazhit bëhet nga Kryegjyshata Botërore dhe në një dalje publike kryegjyshi i bektashinjve Haxhi Dede Edmond Brahimaj tha se janë masat në shërbim të qytetarëve.

“Kryegjyshata ka marrë masat e duhura këto ditë. Ne gjithë këto kohë të zhvillimit të pelegrinazhit kemi siguruar rrugë automobilistike, kemi siguruar ujë dhe gjera sanitare për ti ardhur në ndihmë popullit. Janë marrë masa për të pritur ata në restorante dhe bare, për të bërë çdo gjë që ata të ndjejnë veten si në shtëpinë e tyre”, tha Haxhi Dede Edmond Brahimaj Kryegjyshi Botëror .

Kryegjyshi u bën thirrje besimtarëve të tregojnë kujdes të shtuar për masat në përhapjen e zjarrit, teksa ndizen qirinjtë dhe vatrat për të pjekur mishin tradicional.

“Kryegjyshata botërore ka marrë masa për t’i mbajtur gjallë këto ditë të gëzuara të Abaz Aliut. Lutemi të gjithë besimtarëve që të kenë kujdes me zjarret kur të ndezin qiri. Janë marrë masa edhe për pjekjen e mishit. Pra Kryegjyshata është në ndihmë të njerëzve. Kemi marrë masa që çdo gjë të shkojë me paqe dhe dashuri”, shton ai.

Në 5 ditë pelegrinazh në Malin e Tomorit ka edhe organizime me këngëtarë dhe shfaqje të ndryshme. Për të garantuar sigurinë publike, Policia e Beratit, e Kuçovës dhe Skraparit, kanë marrë disa masa. Shoferët që shkojnë drejt teqesë në malin e Tomorit për të shmangur trafikun duhet të ngjiten nga fshatrat Plirëza dhe Kapinov, ndërsa në zbritje nga Novaj dhe Pronovik. Mjetet e tonazhit të rëndë do ndalohet të qarkullojnë në rrugët që të çojnë drejt Malit të Tomorit  nga ora 06:00 – 24:00, gjatë gjithë ditëve të pelegrinazhit.

The post Nis pelegrinazhi në malin e Tomorrit, mijëra bektashinj pjesëmarrës! appeared first on Albeu.com.

Drejtoria Vendore e Policisë Lezhë ka marrë një sërë masash për sigurimin e rendit dhe sigurisë publike, para, gjatë dhe pas pelegrinazhit.

Masat e marra si më poshtë:

– Nga ora 08:00 datë 12.06.2021– ora 24:00 datë 13.06.2021, do të kufizohen disa segmente rrugore mbi lëvizjen dhe parkimin e mjeteve të cilët janë:

“Nga Kryqëzimi i Gjykatës – Kisha e Shna Ndout ”

“Nga Kryqëzimi i Poliklinikës – Kisha e Shna Ndout”

“Nga Kryqëzimi i Gjimnazit – Kisha e Shna Ndout”

“Nga Pallati 113 – Kisha e Shna Ndout”

Në këto segmente rrugore do të qarkullojnë vetëm mjete të transportit publik ( autobus/ taxi) të liçensuara dhe të përcaktuara nga Bashkia Laç, mjetet e Kishës, mjetet e personaliteteve të larta shtetërore ,mjetet e emergjencave civile , zjarrëfiksja, ambulanca dhe policia.

Drejtoria Vendore e Policisë Lezhë kërkon mirëkuptimin e drejtuesve të automjeteve, të përdorin akse dhe drejtime të tjera lëvizjeje, pasi, do të vlerësohej si një ndihmë mjaft e çmuar në mbarëvajtjen dhe garantimin e masave të sigurisë rrugore.

– Nga Kryqëzimi i Gjimnazit deri te Kryqëzimi i Varrezave do jetë rrugë vetëm për këmbësorët.

– Nga Mbikalimi i Patokut për në qytet Laç nuk do të lejohen të hyjnë mjete të tonazhit të lartë pasi bëhen shkak të bllokimit të qarkullimit rrugor.

– Mjetet do të parkohen në vend parkingje të përcaktuara nga Bashkia Laç. Nuk do të lejohen parkime në vende që bëhen pengesë për qarkullimin e lirë të mjeteve .

Policia e Lezhës, kërkon bashkëpunimin e qytetarëve si dhe pelegrinëve përdorues të rrugëve për tek Kisha, drejtues mjetesh apo këmbësorë, që të respektojnë dhe të ndjekin komunikimet e punonjësve të policisë në lidhje me drejtimet e lëvizjeve apo parkimet e mjeteve, një ndihmë kjo në menaxhimin e fluksit të lartë për një mbarëvajtje sa më të mirë të pelegrinazhit.

Duke falenderuar qytetarët për mirëkuptimin dhe mediat për bashkëpunimin, Drejtoria Vendore e Policisë Lezhë./albeu.com

The post Pelegrinazhi në Kishën e Laçit, policia njofton masat që duhen ndjekur appeared first on Albeu.com.

Ministria e Haxhit bën me dije se njerëzit që kanë marrë dy doza të nevojshme të vaksinës dhe për ata që kanë marrë një dozë të vetme për të paktën katërmbëdhjetë ditë do të jenë personat e vetëm që do u jepet mundësia ta bëjnë këtë ritual.

Pelegrinazhi ishte i mbyllur për shkak të pandemisë, ndërsa filloi me masa të rrepta në muajin tetor për shumë pak persona dhe me rastin e festës.

The post Pelegrinazhi në Mekë, kushtet që duhet të plotësojnë besimtarët appeared first on Albeu.com.