Rama deklaroi se plagjiatura është i vetmi element që mbeti pa adresuar, ndërsa preku edhe çështjen e mbylljes së doktoraturave.

Kreu i qeverisë deklaroi se doktoraturat se ishin kot, duke dhtuar se “doktorantët e rinj janë në proces, shpresoj mos jenë berberë”.

Edi Rama: Ndërkombëtarizimi ka filluar patjetër, po jep disa rezultate, por jemi larg. Nëse nuk do të pranojmë që jemi larg, nuk do të ecim dot më shpejt përpara.

Jemi larg, ambicia jonë duhet të jetë shumë më e madhe dhe pajtimi ynë me të shkuarën, në kuptimin se çfarë kemi bërë është një çështje për ta vendosur në tryezë.

Në momentin që e lëmë këtë punë, fillojmë i themi vetes ‘ja se bëra, këtë e atë’. Po përsa kohë jemi në këtë punë, asgjë s’kemi bërë. Duhet të bëjmë më shumë, të bëjmë diçka ndryshe, të shpikim çdo ditë se përndryshe nuk e çojmë dot punën me shpejtësi përpara. Plagjiatura që ky është Atdheu i plagjiaturës këtë e dimë shumë mirë, apo jo, ta fshehim tani.

U bë zhurmë e madhe, gjithë ajo lëvizja e madhe atëherë, pakti për universitetin, i vetmi element që mbeti pa adresua është plagjiatura. Është fakt, jo opinion. Jo se duhet ta adresojë vetë subjekti, jo po se duhet të ketë reflektim nga autori i plagjiaturës. Plagjiatura nuk është e adresuar siç duhet, të jemi realistë.

Patjetër që i bëmë një mbyllje dhe jo të shkurtër doktoraturave, se më mirë djepi bosh se shejtani brenda, Doktoratura kot, tani ka rifilluar me gjasën se disa gjëra janë vendosur në vijë, por edhe sot që flasim i kemi në proces ato doktorantët e rinj që do të vijnë, që shpresoj të jenë doktorantët dhe jo berberë.

The post Rama në takimin me pedagogët: Jemi Atdheu i plagjiaturës s’e fshehim dot, mbyllëm doktoraturat se ishin kot, doktorantët e rinj shpresoj të mos jenë berberë appeared first on Albeu.com.

Në seancën për caktimin e masave të sigurisë, Gjykata vendosi detyrim paraqitje për 7 pedagogët dhe arrest me burg për sekserin.

Gjithashtu, për 7 pedagogët Gjykata vendosi pezullim nga funksionet dhe ndalim të daljes jashtë vendit.

Gjykata vendosi që çështjen në fjalë t’ia përcjellë SPAK-ut.

Seanca për vlerësimin e masave të sigurisë nisi në 09:30 në Gjykatën e Shkallës së Parë e Juridiksionit të Përgjithshëm Elbasan.

Pedagogët dhe sekseri akuzohen për veprat penale “Korrupsioni pasiv i personave që ushtrojnë funksione publike” e kryer në bashkëpunim, e parashikuar nga neni 259/1 dhe 25 i Kodit Penal, “Shpërdorim i detyrës” , e parashikuar nga neni 248 i Kodit Penal. Arrestimi i tyre u krye në 1 Nëntor gjatë operacionit policor të koduar “Teza” që u zhvillua në Fakultetin e Shkencave Sociale dhe Edukimit në Universitetin “Aleksandër Xhuvani”.

Emrat e pedagogëve dhe sekserit

Ornela Bilali, Lënda: Arti dhe krijimtaria në fëmijërinë e hershme.

Zyhra Gripshi, Lënda: Puna me familjen dhe komunitetin.

Adrian Shingjergji, Lënda: Edukimi motorrik dhe lojërat lëvizore.

Beatriçe Gani, Lënda: Të mësuarit nëpërmjet lojës.

Edlira Gugu, Lënda: Letërsi për fëmijë.

Florinda Tarusha, Lënda: Filozofi e edukimit.

Monika Hodaj, Lënda: Edukim gjinor ne fëmijërinë e hershme.

Gazmend Hodaj, sekser.

The post Skandali me pedagogët në Universitetin e Elbasanit/ Gjykata ndryshon masat e sigurisë, çështja i kalon SPAK-ut (EMRAT) appeared first on Albeu.com.

Ata akuzohen për veprat penale “Korrupsioni pasiv i personave që ushtrojnë funksione publike” e kryer në bashkëpunim, e parashikuar nga neni 259/1 dhe 25 i Kodit Penal, “Shpërdorim i detyrës” , e parashikuar nga neni 248 i Kodit Penal.

Arrestimi i tyre u krye në 1 Nëntor gjatë operacionit policor të koduar “Teza” që u zhvillua në Fakultetin e Shkencave Sociale dhe Edukimit në Universitetin “Aleksandër Xhuvani”.

The post Merrnin lekë për provime/ 7 pedagogët e Universitetit “Aleksandër Xhuvani” dhe sekseri dalin sot para gjykatës appeared first on Albeu.com.

Studentët e vjeshtës thonë se sekser për provimet me pagesë është bashkëshorti i shefes së departamentit Monika Hodaj. Burri i saj, tregojnë studentët, ka një lokal brenda universitetit qendror.

Studenti: Po ti ke provime?

Qytetari: Eee fillojnë në datë 10-të, 11-të.

Studenti: Ça pedagogësh ke ti? Më jep, t’i shoh njëherë!

Qytetari: Po ja mo, këtu i kam.

Studenti: Florindën e njoh, Monikën e njoh.

Qytetari: Unë s’njoh asnjë, o shok!

Studenti: I merr të gjithë emrat, çfarë pedagogësh ke, gjej mikun, që tashi!

Qytetari: Po ku ta gjej unë, atë po kërkoj.

Studenti: Nuk e gjen dot mikun këtu ti, s’e gjen dot. Ti gjej, merr emrin, pyet ndonjë shok, ndonjë mik ça ke edhe…! Ata të ndihmojnë. Këtu nuk zgjidh asgjë ti këtu.

Qytetari: Me sa i kanë këta? Me 150-të, a me 100-nd?

Studenti: Varen, sa marrin pedagogët. 50-të, 100-nd, 200-nd, të thotë tjetra. Varet, sa kërkojnë ata. E di, ku me e gjet? Në qoftë se do ta zgjidhësh. Shko te qendrori lart te kafja e shkollës!

Studentja: Hë ai, po…

Studenti: Vetëm ai mund t’i zgjidhë. Kjo Monika, kjo është shefe e departamentit,është nusja e atij, që ka lokalin.

Qytetari: Ku është ky lokali?

Studenti: Ka lokalin brenda te qendrori. Shihe në kat të parë është lokali, ngjitur me rrugën.

Qytetari: Ka lokal aty ,apo këtu nga ana e rrugës poshtë?

Studenti: Jo mo, mu brenda në shkollë.

Qytetari: Brenda në shkollë!

Studenti: Ai lokali, që është jashtë, te drejtori i shkollës, ai mund të …. Ai të grin nga lekët, po të mbaron punë.

Qytetari: Të grin nga lekët?

Studenti: Po qe kështu për lekë, ore të bien kokës. Ore s’është halli me të marrë 50-të, 100 euro, ai të merr më shumë.

Studentja: Po, se i mban vetë, prandaj.

“Stop” takon Gazmend Hodajn, i cili kërkon listën me lëndët dhe emrat e pedagogëve. Gazi merr përsipër 4 provime, duke paguar 500 mijë lekë të vjetra.

Gazi: Ça bëre?

Qytetari: Si je? Mirë!

Gazi: Hajde, se jam me njerëz!

Qytetari: Doja të flisja për një muhabet!

Gazi: Hajde pra!

Qytetari: Kam ca provime për nusen te Fakulteti i Shkencave.

Gazi: Me kë ke?

Qytetari: Po kam një listë. Kam nja 8 copë.

Gazi: Po s’ka, sa data ka një me se…

Qytetari: Pesë kishte atje, se i pashë unë.

Gazi: Po aq ik e regjistroji.

Qytetari: Të paktën të hiqja 5, o burrë!

Gazi: Këtë të parën, të dytën, të tretën, të katërtën. Domethënë, prit. Të parën të dytën po. Eh mirë, të parën, të dytën.

Qytetari: Për edukatore!

Gazi: Të tretë, të katërt. Këto të katërt t’i heq, të sigurtë.

Qytetari: Po mirë! Shumë mirë! Kur të vij unë, që…?

Gazi: Nesër, pastaj fillojnë ata s’kemi, ku ta kapim.

Qytetari: 4 provime?

Gazi: Po!

Qytetari: Sa të jap?

Gazi: Hë mo, se jam në siklet, se unë do ia jap të gjithëve.

Qytetari: Të marr vesh o burrë, po tani unë s’rri t’i kap një nga një ata.

Gazi: Mbaroi. Domethënë 500 mijë lekë të katërta.

Qytetari: 500 mijë lekë të katërta.

Gazi: Në rregull?

Qytetari: Po mo, dakord! T’i shënoj me emër, mbiemër?

Gazi: Po po, veç e veç. Filanka këtu, filanka këtu, filanka këtu, këtu. Në rregull?

Qytetari: Ok! Rrofsh!

Provimet që siguron Gazi janë Filozofia e Edukimit të Fëmijërisë së Hershme me pedagoge Florinda Tarusha, Edukimi Gjinor në Fëmijërinë e Hershme me pedagoge Monika Hodaj, si edhe Praktika Profesionale dhe Arti e Krijimtaria në Fëmijërinë e Hershme me Ornela Bilali.

Qytetari: I bën dot një telefon, o vlla?

Kamarieri: Jo, unë telefon nuk i bëj dot, po ai duhet të kishte ardhur e duhet të vijë.

Banakierja: Ça kishe djali? Hajde këtu!

Qytetari: Dua të flas me Gazin!

Banakierja: Thuaje more, ç’ke!

Qytetari: Kam nja 4 provime, 4 më tha mua ai, për të marrë.

Banakierja: Hë më thuaj mua, ku i ke, të ti shikoj unë, hë! Ç’kini që, unë që të pyes!

Qytetari: Dakord më dakord, po ngaqë Gazi… Tani unë, s’e di, se si funksionon. Ai më tha 4 t’i marr, po se kë katër nga ato…Më tha këtë, këtë, këtë!

Banakierja: Provimet në datë 10-të kemi.

Qytetari: Po pra, po ta kisha mbyll, se s’do rrija, se kam, 4 më tha mua ai.

Banakierja: Po! Ato katër, që të ka thënë ai, të hënën do vish këtu!

Qytetari: Po se…

Banakierja: Këto, që të ka thënë ai, i pashë vetë unë, i ke të mbaruara. Këtë po!

Qytetari: Florindën një. Monikën?

Banakierja: Këtë po!

Qytetari: Monika ka dy më duket. Shikoje njëherë? Apo një ka? Jo nji!

Banakierja: Një!

Qytetari: Kjo Ornela Bilali?

Banakierja: Këtë, nuk e njoh unë. Monika Po! Ornela paska dy.

Qytetari: Po!

Banakierja: Mbas orës dhjetë të vish këtu! Hajde këtu tek tavolina e parë!

“Stop” shkon të dorëzojë lekët te lokali i Gazit dhe i kërkon ndihmë edhe për pedagogen Zyhra Gripshi, që jep lëndën e Punës me Familjen dhe Komunitetin. Për këtë të fundit Gazi kërkoi dhe mori 120 mijë lekë të vjetra.

Gazi: Kishe një Armand Shëngjergji.

Qytetari: Prit, se t’i nxjerr unë këtu, o burrë!

Gazi: Se kam njerëz unë mbrapa!

Qytetari: E di, mor burrë!

Gazi: Kthe kurrizin këtu, kthe kurrizin kështu! Cin kishe ti?

Qytetari: Mos u mërzit! Ja, ku i ke!

Gazi: Se kam njerëz aty.

Qytetari: E shof, o burrë, po duro, se s’di, kë të ashtu…! Fillojmë tani. M’i bëj me kshu, mo burrë, kë kemi!

Gazi: Ta thashë atë ditë.

Qytetari: Po! Domethënë Florindën, iku kjo.

Gazi: Një, dy..!

Qytetari: Monika?

Gazi: 3!

Qytetari: Ornela, 4! Këto të katërta. Këtë, do ma marrësh këtë?

Gazi: Jo, jo. Edhe këtë, ndoshta pesë!

Qytetari: Kë?

Gazi: M’i shkruaj emrat !

Qytetari: Nji!

Gazi: Jo këtu, se ke njerëz!

Qytetari: Dy, tre, katër, 500 mijë lekë, siç më the..!

Gazi: Për katër!

Qytetari: Po, për katër provime, siç më the.

Gazi: Më shkruaj emrin këtu!

Qytetari: Hë?

Gazi: Më shkruaj emrin këtu!

Qytetari: Të të shkruaj emrat unë, 1,2,3,4! Këtë për më vonë thamë,- hë. Kur të vij për këtë unë?

Gazi: Po baje dhe atë nesër, kur të vish, mos e vrit mëndjen!

Qytetari: Ok! Për kë, ku të futem në fillim unë për provim?

Gazi: Fillo, o vlla!

Qytetari: Me radhë këtu!

Gazi: Ik e hyr nesër këtu, këtu, këtu!

Qytetari: Te nji nga këto të hyj nesër unë?

Gazi: Po! Te këto të katërta!

Qytetari: Ok! Shumë bukur!

Gazi: Te këto të katërta! Edhe këtë, pesë!

Qytetari: Sa të sjell për këtë tjetrën, për Zyhran? Për Zyhran, sa të sjell?

Gazi: 120!

Qytetari: Njëqind e …

Gazi: 20-të!

Qytetari: Mos i gris ashtu, mo burrë! Prit, se t’i gris unë tamam!

Gazi: Më jep emrin e atij robit këtu! Të hyjë deri në fund! Më dëgjon?

Qytetari: Hë?

Gazi: Të rrijë deri në fund, të shkruj, të bajë, ça të dojë vetë, sikur s’ka kap njeri! Të rrijë deri në fund, deri sa t’i thonë dil! Në rregull!

Gazi madje ka edhe këshilla për mënyrën e sjelljes në klasë dhe veprimet që duhen kryer për të mos rënë në sy që janë paguar para.

Qytetari: Si kalove?

Gazi: Ulu, Ulu këtu! Me ato në rregull, ato atje! Dëgjove? Ato në rregull!

Qytetari: Ok!

Gazi: Vetëm të hyjë! Po atje vetëm të hyjë, le të rrijë, mos të bëj tangërllëk, se janë çmendur, aman!

Qytetari: Jo mo, ça tangërlliku..!

Gazi: Të ulet të rrijë, të shkruajë, sikur s’njeh njeri!

Banakierja: Mbarove?

Qytetari: Po! T’ia jap?

Banakierja: Jo, s’ka gjë, m’i jep mua! Ulu këtu! Ulu këtu! M’i jep këtu!

Qytetari: Ke 120 mijë lekë!

Banakierja: Hë?

Qytetari: Ke 120 mijë lekë!

Banakierja: Po!

Qytetari: 2,4,6,8,10,11, ke 120 mijë lekë. Ka emrin këtu!

Banakierja: E ke shkruajtur mirë?

Qytetari: Ja shikoje!

Banakierja: Mirë! Hajd!

Qytetari: Në rregull? Faleminderit! Mirupafshim! Në rregull, ika. Faleminderit!

Gazi: Mirupafshim!/ TV Klan

The post 5 provime për 620 mijë lekë, korrupsion zinxhir e me sekser në universitetin e Elbasanit appeared first on Albeu.com.

Rasti është ndjekur fillimisht nga një emision investigativ “Stop”, e më pas në ketë çështje ka hyrë policia dhe prokuroria e Elbasanit, duke nxjerrë masa ndalimi për 5 profesorë dhe një sekser.

EMRAT E PEDAGOGËVE TË ARRESTUAR:

VITI I PARË

1. Florinda Tarusha, Lënda: Filozofia e Edukimit të Fëmijërisë së hershme

2. Monika Hodaj, Lënda: Edukimi gjinor në fëmijërinë e hershme

3.Ornela Bilali, Lënda: Praktikë profesionale

VITI I DYTË

1. Ornela Bilali, Lënda: Arti dhe krijimtaria në fëmijërinë e hershme

2. Zyhra Gripshi, Lënda: Puna me familjen dhe komunitetin

3. Adrian Shingjergji, Lënda: Edukimi motorrik dhe lojërat lëvizore

4. Beatriçe Gani, Lënda: Të mësuarit nëpërmjet lojës

5. Edlira Gugu, Lënda: Letërsi për fëmijë

Gjithashtu, është arrestuar edhe Gazmend Hodaj, person që ka një lokal tek Universiteti dhe që ka bërë rolin e sekserit mes studentëve dhe pedagogëve.

The post Pedagogët morën lekë nga studentët për t’i kaluar në provime, furtunë arrestimesh në Universitetin e Elbasanit (EMRAT) appeared first on Albeu.com.

Nga Fakulteti i Shkencave të Natyrës, Manastirliu ka bërë urimin së bashkë me studentë të rinj, të cilët po hyjnë në këtë fazë të rëndësishme të jetës së tyre akademike.

Ministrja Manastirliu, duke iu drejtuar studentëve të vitit të parë dhe gjithë stafit akademik universitar, tha se janë mbi 20 mijë studentë që për herë të parë ulen sot në auditore të cilët kanë zgjedhur të studiojnë në Shqipëri.

“Së bashku me studentët e Fakultetit të Shkencave të Natyrës, që hyjnë këtë vit në vit të parë dhe me shokët e tyre që tashmë kanë nisur universitetin, dua t’ju uroj suksese mbi 20 mijë studentëve të cilët nisin sot këtë rrugëtim drejt dijes dhe formimit të së ardhmes së tyre.

Gjithashtu, dua të uroj stafin akademik dhe prindërit për rrugëtimin që nisin sot fëmijët tanë”, tha në urimin e saj Ministrja Manastirliu.

Studentët iu bashkuan urimit të Ministres Manastirliu, duke vënë theksin të mundësitë që ofrojnë Universitetet tona, me ofertën akademike për tregun e punës.

The post Nis viti i ri akademik/ Manastirliu uron studentët dhe pedagogët: Suksese në rrugëtimin tuaj drejt dijes appeared first on Albeu.com.

Në një deklaratë para Korpusti Universitar,  Sindikata e Punonjësve të Universiteteve ftoi pedagogët dhe stafin akademik si dhe studentët në një tubim më 22 shkurt në po të njëjtin vend.

Kreu i sindikatës, Sandër Kovaçi tha se baza e protestës janë kërkesat e peticionit të firmosur nga pedagogët.

“Kjo VKM sjell asgjësimin e themeleve mbi të cilat ngrihen universitetet publike dhe i kthen ata në pronë private, kjo do të sjellë mbylljen e universiteteve në rrethe që do të sjellë shpopullimin, përqendrimi i programeve në Tiranë është një tjetër shqetësim, përfaqësues të qeverisë apo të kuvendit secili prej kolegëve nënshkrues të peticionit e dimë që ekziston gjithmonë një zgjidhje për problemet. Nëse do të kishte një vullnet të mirë kërkesat do të ishin miratuar. Qëllimi është që studentët tanë të bëhen të suksesshëm në rrugët e jetës, qeveria mesa duket nuk i do studentët. Sindikata ka vendosur thirrjen e një proteste të mërkurën në orën 12:00 përpara korpusit në universiteti teknik dhe studentëve”, tha ai.

The post Pedagogët paralajmërojnë sërish protestë: Universitetet po kthehen në prona private appeared first on Albeu.com.

Kryetari i PD-së, Sali Berisha u shpreh në një deklaratë për mediat se opozita nuk pajtohet me faktin që pedagogët e Universitetit të Tiranës të marrin gjysmën e rrogës së kolegëve të tyre në Kosovë.

“Sindikata e pedagogëve ka vendosur që të ndërpresë thirrjen për bojkot, por të vazhdojë luftën dhe betejën. E garantoj se në çdo hap të saj, ajo dhe ajo dhe cilido që mbron një kauzë të drejtë do të ketë mbështetjen totale të PD-së. Nuk mund të pajtohem që një pedagog në Universitetin e Tiranës të marrë gjysmën e rrogës që merr pedagogu i Universitetit të Prishtinës. Nuk pajtohem që buxheti për shkencën në Kosovë të jetë disa herë më i madh se në Shqipëri. Nuk pajtohem që studentët në Kosovë të subvencionohen me 100 euro, kurse këtu u mbyllen dyert e Universiteteve”, tha Berisha./albeu.com

The post Bojkoti i pedagogëve, Berisha: I mbështesim në protestën e tyre, rrogat sa gjysma e pedagogëve në Kosovë appeared first on Albeu.com.

Duke folur për mediat Kovaçi tha se ata i janë drejtuar Presidentit të vendit dhe institucioneve të rendit që t’u garantojnë jetën por pa dhënë detaje se çfarë dhe kush i ka kërcëuar pedagogët.

Ata lënë pa një afat pritjen e tyre dhe se kur mund të nisë greva e urisë e paralajmëruar prej tyre për në orën 16:00 të ditës së sotme.

Sandër Kovaçi: Në pamundësi të marrjes së një përgjigje nga qeveria, Sindikata i drejtohet presidentit dhe institucioneve të rendit për garantimin e jetës së pedagogëve që do të hyjnë në grevë urie dhe familjarëve të tyre. Ne jemi këtu për mbrojtjen e arsimit dhe vlerës njerëzore. Besojmë shumë se është çështje që i takon të gjithëve. Nëse kjo garanci jepet për 3 minuta, 3 orë, apo edhe për 3 ditë, 30 pedagogë futen menjëherë në grevë urie. Ne jemi këtu për mbrojtjen e arsimit. Misioni ynë akademik vazhdon. Nëse marrin garanci për jetën 30 pedagogë kanë vendosur të futen në grevë. Do jenë në pritje të një përgjigje dhe për pak minuta do futen në grevë. Përgjigjen do e presin në ambientet e politeknikut.

SINDIKATA E PUNONJËSVE TË UNIVERSITETEVE TË SHQIPËRISË

Të nderuar qytetarë të këtij vendi,

Në pamundësi të marrjes së një përgjigjeje vlerësuese apo çfarëdo reagimi nga kabineti

qeverisës, SPUSH i drejtohet Presidentit të Republikës dhe institucioneve të rendit dhe sigurisë

publike si dhe faktorit ndërkombëtar me kërkesën për garantimin e jetës së pedagogeve që do

të hyjnë në greve urie, por edhe familjareve të tyre.

Nëse kjo garanci jepet qoftë edhe brenda tre minutave, tre orë, apo tre ditë – 30 pedagogë të

IAL-ve publike, hyjnë menjëherë në grevën e urisë.

Ndjejmë, të sjellim edhe një herë në vëmendjen tuaj, se SPUSH është organizata vullnetare e

intelektualëve të këtij vendi, frymëzuar nga shpirtrat e atyre që kanë saktifikuar më shumë se

ne sot, për arsimin dhe atdheun, por edhe të gjithë atyre që kanë rrëzuar buste diktatorësh.

Pedagogët e këtij vendi, nuk janë vetëm njerëz të fjalës dhe auditorit, por kanë pathos dhe

vullnet që të materializojne idetë dhe idealet e tyre në shërbim të kauzave që besojnë, kauzë që

sikundër është deklaruar, e konsideron “Arsimin e Lartë Publik – Prioritet Kombëtar”.

Ne jemi këtu për mbrojtjen e Arsimit dhe të vlerës njerëzore në këtë vend.

Besojmë shumë se arsimi është një çështje që i përket të Gjithëve.

Misioni ynë akademik vazhdon!

Ju faleminderit!/albeu.com

The post “Do futemi në grevë urie bashkë me familjarët”, pedagogët: Duam të na garantohet jeta appeared first on Albeu.com.

Por që ky vendim të hyjnë në fuqi duhet që të merret miratimi nga Bordi i Administrimit të Universitetit të Tiranës.

Kujtojmë se qeveria e vendosi tavanin për rritjen e pagave deri në 15 për qind për pedagogët.

Nga ky 15%, 7 për qind do të sigurohej nga buxheti i shtetit dhe pjesa tjetër nga vetë universitetet./albeu.com

The post Senati Akademik i Universitetit të Tiranës miraton rritjen me 8% të pagave të pedagogëve appeared first on Albeu.com.