Sipas Thaçit, nuk ka ekzistuar asnjë dokument që parashikonte ndarjen e Maqedonisë. Ai deklaroi se kjo ide ishte promovuar nga disa pseudo-akademikë, të cilët, sipas tij, vepronin nën udhëzimet e UDB-së së Serbisë.

Thaçi theksoi se propozimi nuk kishte qenë nismë e Akademisë së Shkencave dhe se as Arben Xhaferi nuk kishte poseduar ndonjë dokument të tillë, pasi, siç u shpreh ai, ai dokument nuk ekzistonte. Ai pretendoi gjithashtu se UDB-ja i kishte sugjeruar Ali Ahmetit se kjo ishte mënyra për ta shkatërruar organizimin politik të shqiptarëve, ndërsa deklaratat e Ahmetit për ekzistencën e dokumentit i cilësoi të pabaza.

Reagimi i Thaçit pasoi deklaratat e bëra gjatë shënimit të 25-vjetorit të Marrëveshjes së Ohrit. Pasi ish-ministri Vllado Buçkovski foli për një plan për ndarjen e Maqedonisë, Ali Ahmeti konfirmoi se projekti i ndarjes kishte qenë në duart e tij.

Kryetari i BDI-së deklaroi se dokumentin e kishte marrë nga autoritete të larta, por nuk e kishte pranuar. Ahmeti arsyetoi qëndrimin e tij duke thënë se, sipas atij projekti, ai do të ishte pjesë e Shqipërisë, ndërsa shqiptarët e Shkupit nuk do të bashkoheshin me të. Ai shtoi se Shkupi, Kumanova, Struga, Kërçova, Prilepi dhe Velesi do të mbeteshin jashtë kufijve të Shqipërisë.

Thaçi, në cilësinë e kreut të PDSH-së, paralajmëroi se do ta padisë Ali Ahmetin në gjykatë në emër të Arben Xhaferit, nëse ky i fundit vazhdon të bëjë deklarata të tilla. Sipas tij, një denoncim i kësaj natyre është i papranueshëm.

The post Thaçi mohon ekzistencën e planit për ndarjen e Maqedonisë dhe paralajmëron padi ndaj Ali Ahmetit në emër të Arbën Xhaferit appeared first on Albeu.com.

Sipas tij, kjo gjendje është pasojë e një qasjeje manipuluese politike që, siç tha ai, është ndërtuar prej vitesh nga Bashkimi Demokratik për Integrim dhe Ali Ahmeti.

“Me sllavët, me maqedonasit nuk punohet kështu. Sepse ata kur janë ngusht bëjnë marrëveshje, por pastaj e rinegociojnë atë marrëveshje deri sa të lodhin. Fatkeqësisht kjo është vetëm maja e Ajsbergut të një politike manipuluese të BDI-së dhe Ali Ahmetit. Emrat e rrugëve zyrtarisht nuk kanë ekzistuar kurrë, as përdorimi zyrtar i gjuhës shqipe, as çlirimi i popullit”, tha Thaçi.

Ai theksoi gjithashtu se me kalimin e kohës, qytetarët do të ndihen edhe më të zhgënjyer nga, siç u shpreh, gënjeshtrat e BDI-së.

Pas vendimit të Gjykatës Kushtetuese, kujtojmë se partia VLEN e akuzoi BDI-në për përpjekje për të nxitur skenarë ndëretnikë, në një kohë kur çështja e emërtimit të lagjeve është duke u shqyrtuar nga një komision komunal. Nga ana tjetër, BDI deklaroi se Tetova ka historinë e saj shqiptare dhe se rikthimi i emrave jugosllavë dëshmon pafuqinë e VLEN-it për t’u përballur me vendime anti-shqiptare.

The post Thaçi: Në Tetovë, emërtimet shqip të rrugëve dhe përdorimi zyrtar i shqipes nuk kanë qenë asnjëherë të formalizuara appeared first on Albeu.com.

PDSH në Maqedoninë e Veriut kishte planifikuar që Kuvendin Qendror të partisë ta mbante në sallën e Komunës së Tetovës.

Por kjo nuk ndodhi për shkak se salla ishte e mbyllur, gjë që detyroi partinë e Thaçit që kuvendin ta mbajë në një hotel në Tetovë, ku u zgjodhën anëtarët e kryesisë qendrore të kësaj partie, nënkryetarët dhe sekretari i përgjithshëm.

Nga PDSH thonë se kjo ka qenë e organizuar nga kryetari i Komunës Bilall Kasami, për të cilin ata thonë se po e privatizon komunën.

“Ne kemi dërguar kërkesë të rregullt për shfrytëzimin e sallës së Komunës organet e komunës nuk janë përgjigjur formalisht. Ku kryetari i komunës çelësat e sallës së Komunës i ka marrë me vete. Si duket pushteti aktual e trajton Komunën si pronë private, deklaroi Visar Palloshi nga PDSH”, deklaroi Visar Palloshi nga PDSH.

“Nënkryetar të partisë u zgjodhën profesoresha  Valbona Toska, Fatmire Isaku, Fejzi Xhelili dhe Halit Krasniqi, sekretarë partie u zgjodh Sali Ajdini. Unë mendoj se hapësira e veprimit politik të PDSH pas dështimit të mirëpritur të grupacionit të Ziadinit do të rritet 100. Ne do të punojmë dhe do të veprojmë në këtë drejtim”, pohoi Menduh Thaçi, lider i PDSH.

Pas kongresit të PSDH me zgjedhjen e kryesisë qendrore dhe kryesisë së ngushtë, rrumbullaksohet organizimi horizontal i kësaj partie.

Më pas do të zgjidhen edhe kryesitë nëpër degët dhe nëndegët e PDSH-së, për të përmbyllur riorganizimin e plotë të kësaj force politike.

The post S’ka vend për PDSH-në në Komunën e Tetovës, Partia e Thaçit e mban kuvendin në hotel appeared first on Albeu.com.

Në prag të raundit të dytë të zgjedhjeve lokale, TV Klan Macedonia mëson se Bashkimi Demokratik për Integrim dhe Partia Demokratike Shqiptare ia kanë dalë të mirëkuptohen për mbështetje të ndërsjellë mes njëra-tjetrës.

Në fakt, integristët e Ali Ahmetit presin përkrahjen e votuesve të PDSH-së së Menduh Thaçit në komunat ku kandidatët e BDI-së shkojnë në balotazh, si në Tearcë, Tetovë, Bogovinë, Vrapçisht, Gostivar, Strugë, Çashkë, apo edhe në Çair, ndërkohë që është për t’u prituir që Studeniçani edhe gjatë katër viteve të ardhshme të drejtohet nga Azem Sadiku.

Sipas informacioneve, marrëveshjen për diçka të tillë e kanë arritur këtë të dielë krerët e dy partive, Ahmeti e Thaçi./albeu.com/

The post MARRËVESHJA/ Ali Ahmeti dhe Menduh Thaçi “bashkojnë forcat” për raundin e dytë të zgjedhjeve në Maqedoni appeared first on Albeu.com.