Rita në këtë ditë historike për atdheun e saj, ka publikuar disa postime në profilin e saj zyrtar në Instagram.

Artistja e mirënjohur ka shpërndarë pamje nga momente të ndryshme në koncertet e saj në Kosovë dhe Shqipëri.

Gjithashtu ka ndarë me ndjekësit edhe imazhe të saj ku duket e veshur me një kostum tradicional në një prej videoklipeve që ajo ka realizuar.

The post FOTO/ Dedikimi i veçantë i Rita Orës në Ditën e Pavarësisë së Kosovë appeared first on Albeu.com.

Shënimi i përvjetorit të 16 të Pavarësisë së Republikës së Kosovës në Beograd ishte i veçantë, me simbolikë dhe shumë domethënës.

Këshilltarja e kryeministrit Kurti për Luginë, Ardita Sinani, e cila poashtu ishte e pranishme në ceremoni tha se “njohja e realitetit nga kryeqendra e Serbisë për Republikën e Kosovës, do të jetë shans për demokratizimin e Serbisë”.

“Njohja e realitetit nga ana e Serbisë për Republikën e Kosovës dhe respektimi i parimit të reciprocitetit të të drejtave të pakicave në shtetet respektive, është garancë për paqe afatgjate të Ballkanit Perëndimor”, ka shkruar Sinani.

https://www.facebook.com/sharer/sharer.php?u=https%3A%2F%2Fwww.facebook.com%2Fkryetare%2Fposts%2F813049680865356&display=popup&ref=embed_post&src=post

The post Shënohet në Beograd 16 vjetori i Pavarësisë së Kosovës appeared first on Albeu.com.

Ai kujdesej që asnjë detaj të mos kalonte pa parapërgatitje dhe që procedurat do ndiqeshin e shteti i ri nuk do dështonte në hapat e parë të vendimmarrjes.

Rexhepi, drejtor për çështje plenare dhe procedurale në Kuvendin e Kosovës, rrëfen se si filluan përgatitjet për seancën e jashtëzakonshme të së dielës së dytë të shkurtit të ftohtë 16 vjet më parë, që nga kërkesa për mbajtjen e seancës së jashtëzakonshme, mbajtja e mbledhjes së kryesisë, fillimi i shkrimit të skenarit e deri te akti i shpalljes së Pavarësisë.

‘Ka qenë ditë e diel, rreth orës 11:00 kemi marr një kërkesë të nënshkruar nga ish-kryetari i Kosovës, Fatmir Sejdiu, dhe ish-kryeministri i Kosovës, Hashim Thaçi, që kanë kërkuar mbajtjen e seancës së jashtëzakonshme me dy pika të rendit të ditës’, rrëfeu nën emocione Rexhepi.

Rexhepi që edhe pak muaj do pensionohet tregon se si në atë kohë në konsultim me Sekretarin dhe Kryetarin e Kuvendit, kishte përgatitur ftesën dhe rendin e ditës, ka ftuar anëtarët e kryesisë dhe shefat e grupeve parlamentare që të marrin pjesë në ora 12:00.

Në atë mbledhje u miratuan dy pikat e rendit të ditës ‘Deklarata e Pavarësisë’ dhe ‘Miratimi i simboleve shtetërore’.

‘Kanë marr pjesë tetë anëtarë të Kryesisë, pesë shefa të Grupeve Parlamentare, kryetari i Kosovës dhe kryeministri. Është diskutu dhe janë miratu pikat e rendit të ditës që të miratohen në seancë. Është caktu edhe rrjedha e folësve në seancë dhe është caktu që seanca të mbahet në ora 15:00, ne kemi ftu deputetët, kemi njoftu opinionin. Parapërgatitja ka qenë tërë ditën’, tregon Rexhepi.

Republika e Kosovës sot, 17.02.2024, shënon 16 vjetorin e shpalljes së pavarësisë.

Për nderë të kësaj dite, institucionet qendrore dhe lokale kanë paraparë një varg aktivitetesh.

Shpallja e Pavarësisë së Kosovës është bërë më 17.02.2008 në ora 15:39 në Kuvendin e Republikës së Kosovës në Prishtinë.

Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.

Deklarata e Pavarësisë ishte lexuar nga Hashim Thaçi, i cili në atë kohë ishte kryeministër i Kosovës.

Presidenti i Shteteve të Bashkuara të Amerikës, Joe Biden, i ka dërguar shefes së shtetit kosovar, Vjosa Osmani, një telegram urimi me rastin e 16-vjetorit të pavarësisë.

Në këtë letër, Biden ka shkruar se SHBA vazhdon ta përkrahë dialogun e ndërmjetësuar nga BE për të arritur një marrëveshje gjithëpërfshirëse të normalizimit me Serbinë – të cilën e quan, ‘një hap të rëndësishëm drejt njohjes së ndërsjellë’.

Presidenti i Shteteve e Bashkuara ka inkurajuar lidershipin e Kosovës që të përmbushë të gjitha obligimet e saj, përfshirë të gjitha marrëveshjet e kaluara të arritura përmes këtij procesi.

“Në vitin e ardhshëm, mezi pres të vazhdojmë të punojmë së bashku për ndërtimin e rritjes ekonomike gjithëpërfshirëse, forcimin e institucioneve demokratike dhe avancimin e shtetit të së drejtës. Unë gjithashtu pres me padurim bashkëpunimin tonë të vazhdueshëm për sigurinë dhe përpjekjet e përbashkëta për të avancuar reformat e nevojshme për të arritur përfundimisht objektivin e Kosovës, integrimin në BE. Dhe së bashku, ne do të vazhdojmë të ngrihemi për lirinë – duke përfshirë qëndrimin së bashku me Ukrainën përballë agresionit brutal të Rusisë’- thuhet në letrën e plotë të Joe Biden të cilën Presidenca kosovare e ka ndarë me mediat më 16.02.2024.

The post Sali Rexhepi, një nga dëshmitarët kryesorë të shpalljes së Pavarësisë së Kosovës, rrëfen detajet e përgatitjeve historike appeared first on Albeu.com.

Materiali sjell një vështrim mbi lidhjet Amerikë – Kosovë, nga përkushtimi amerikan se do të jetë përkrahë Kosovës përgjithmonë deri te vënia në dyshim e partneritetit mes qeverive të të dy vendeve.

Çdo datë me peshë në historinë moderne të Kosovës ka lidhje me përkrahjen amerikane. Pavarësisht se cila parti udhëhiqte Shtëpinë e Bardhë dhe megjithë konfliktet e brendshme politike amerikane, përkrahja ka qenë dypartiake.

“Ne dhe aleatët tanë të NATO-s kemi filluar bombardimet vetëm pas përpjekjeve të përsëritura për të gjetur një zgjidhje paqësore të krizës në Kosovë”, ka thënë ish presidenti amerikan Bill Clinton më 24 Mars 1999.

Nga sulmet ajrore të NATO-s e deri te shpallja e pavarësisë dhe sigurimi i njohjeve që janë arritur deri më tani, Uashingtoni ka luajtur rol kyç në këto procese.

“Pavarësia është qëllimi dhe kjo është ajo që populli i Kosovës duhet ta dijë”, tha Presidenti George W. Bush në Tiranë në qershorin e vitit 2007, rreth 8 muaj para shpalljes së pavarësisë së Kosovës, ndërsa u bë Presidenti i parë amerikan i cili vizitonte Shqipërinë.

Një ditë pas shpalljes së pavarësisë së Kosovës, Sekretarja amerikane e Shtetit, Condolezza Rice përmes një deklarate njoftoi se Uashingtoni njeh pavarësinë e Kosovës.

Në përfundim të deklaratës thuhet: “Ndërsa Kosova fillon jetën e saj si shtet i pavarur, Shtetet e Bashkuara zotohen se do të vazhdojnë të jenë miku dhe partneri i saj i ngushtë.”

Në korrikun e atij viti, Presidenti Bush priti në Shtëpinë e Bardhë, homologun nga Kosova Fatmir Sejdiu dhe Kryeministrin Hashim Thaçi, duke bërë këtë zotim:

“Shtetet e Bashkuara do të vazhdojnë të punojnë me kombet që nuk e kanë njohur Kosovën që t’i bindim ta bëjnë këtë sa më shpejtë”, tha Presidenti Bush.

“Unë besoj fuqishëm në pavarësinë dhe integritetin territorial të Kosovës dhe aspiratën e saj për t’u bërë partner i plotë në bashkësinë ndërkombëtare dhe anëtare e Bashkimit Evropian dhe NATO-s”, tha Hillary Clinton ndërsa ishte Sekretare e Shtetit në administratwn e parë të Presidentit Barack Obama.

Disa vite më pas, lidhjet e qeverisë së Kosovës me Uashingtonin kanë pësuar lëkundjen më të madhe, siç u konfirmua gjatë intervistës së Ndihmës Sekretarit për Evropën James O’Brien me Zërin e Amerikës:

“Nëse ne nuk trajtohemi si partner, edhe ne nuk do ta trajtojmë qeverinë e Kosovës si partnere”.

Në Prishtinë, qeveria po e trajton këtë deklaratë sikur të mos jetë bërë. Kryeministri Albin Kurti, që është në qendër të mesazheve të zotit O’Brien, foli në Prizren një ditë më pas duke thënë se marrëdhëniet SHBA-Kosovë janë të padëmtuara. Ai megjithatë la të kuptohej se nuk tërhiqet nga vendimi që shkaktoi tensionet e fundit me SHBA-të, heqja e dinarit serb nga përdorimi në Kosovë.

“Unë jam i shqetësuar se deklarimet publike të qeverisë së Kosovës sugjerojnë se partneriteti me SHBA-të nuk do të ndikohet nga kjo situatë. Unë duhet të jem i qartë: kjo thjeshtë nuk është e vërtetë”, sqarojë të enjten Ambasadori amerikan në Prishtinë, Jeff Hovernier.

Qeveria e zotit Kurti megjithatë ka miq në Kongres që nuk pajtohen me qasjen e qeverisë amerikane.

“Unë nuk jam dakord me qasjen e qeverisë amerikane. Është tjetër gjë t’i shprehësh shqetësimet privatisht një aleati, që është plotësisht e përshtatshme dhe diçka tjetër të turpërosh publikisht dhe të nënvlerësosh një aleat”, tha për Zërin e Amerikës në Uashington, ligjvënësi Richie Torres që është edhe udhëheqës i çështjeve shqiptare në Dhomën e Përfaqësuesve.

“Jam i lumtur që jam këtu jo vetëm në ditën që ju po festoni pavarësinë, por edhe që kjo përkon me ditën e Shën Valentinit. Pra është një ditë dashurie të dyfishtë”, tha Zëvendës Ndihmës Sekretari amerikan i Shtetit Gabriel Escobar më 14 shkurt, ditën kur Ambasada e Kosovës në Uashington organizoi pritje në Biblotekën e Kongresit për të shënuar 16 vjetorin e pavarësisë së Kosovës.

Atmosfera në këtë ngjarje të krijonte përshtypjen se gjithçka është në rregull në marrëdhëniet në mes të dy vendeve. Por, zoti Escobar e bëri një sqarim për këtë në fjalimin e tij:

“Shtetet e Bashkuara janë dhe do të jenë gjithmonë mbrojtësi më i fortë i Kosovës; shteti më pro Kosovës në botë. Marrëdhënia jonë është me popullin e Kosovës, jo me një person apo një parti. Kur Kosova të jetë gati për një marrëdhënie më të ngushtë, ne do të jemi gjithmonë gati dhe shpresojmë që ajo ditë të vijë përsëri shumë shpejt”, tha zoti Escobar.

“Nevoja për të promovuar njohjen e Kosovës është politikë amerikane dhe ka qenë që nga pavarësimi i Kosovës. Zbatimi i kësaj politike me besnikëri nuk duhet të varet kurrë nëse Departamenti i Shtetit ka simpati për kryeministrin”, tha ligjvënësi Torres i cili zëvendësoi bashkë-udhëheqësin e mëparshëm të çështjeve shqiptare në Dhomën e Përfaqësuesve, Eliot Engel.

Ambasadori i Kosovës në SHBA, Ilir Dugolli në një fjalim 11 minutësh, e përmendi herë drejtpërdrejtë e herë jo, pothuajse 10 herë partneritetin e Kosovës me aleatët.

“Kosova i përmbahet zotimit të mishëruar në Deklaratën e Pavarësisë dhe Kushtetutën tonë, të cilën e kemi hartuar së bashku me partnerët tanë më të afërt”, tha ndër të tjera Ambasadori Dugolli.

Kjo nuk është hera e parë që SHBA ka shprehur shqetësim për mungesë partneriteti nga qeveria e zotit Kurti. Më 30 maj të vitit të kaluar, Uashingtoni pezulloi pjesëmarrjen e Kosovës në stërvitjet “Defender Europe 2023”. Kjo ndodhi për shkak të mos-bashkërëndimit të veprimeve të qeverisë së zotit Albin Kurti me perëndimin në veri të Kosovës.

Në atë periudhë dhe sidomos pas sulmit në Banjskë, përkrahja për Kosovën u rrit, ashtu siç u rritën edhe kritikat për perëndimin se politika e saj e ka gabim, që përdor gjuhë të ashpër dhe ka vendosur masa kufizuese ndaj Prishtinës dhe nuk e bën këtë me Serbinë, që vazhdon të bashkëpunojë me Moskën. Beogradi është i vetmi që ka refuzuar t’u bashkohet sanksioneve të BE-së pas agresionit të Rusisë në Ukrainë. Është gjithashtu i vetmi vend evropian, veç Bjellorusisë që vazhdon të nënshkruajë marrëveshje bashkëpunimi me Moskën.

Më 14 shkurt, Presidenti serb Aleksandar Vuçiç njoftoi se vendi i tij ka marrë një sasi të re armatimi nga Moska.

“Mendoj se qeveria amerikane duhet të mendojë sërish se çfarë po ndodh realisht në Ballkan dhe cila është situata midis vendeve të ndryshme dhe të ketë një këndvështrim më realist për këtë”, tha për Zërin e Amerikës ish ambasadori amerikan në Prishtinë, Greg Delawie i cili ka shërbyer në Kosovë nga viti 2015 deri më 2018.

Situata ndryshoi me vendimin e Bankës Qendrore të Kosovës për të mos lejuar përdorimin e dinarit serb në Kosovë.

“Kosova duhet t’i kushtojë më shumë vëmendje dhe të mendojë se sa të rëndësishëm janë vërtet miqtë për begatinë dhe lirinë e saj të vazhdueshme”, tha ambasadori Greg Delawie për Zërin e Amerikës.

Asnjë zyrtar amerikan, deri më tani, nuk ka thënë diçka konkrete për masa të mundshme kufizuese ndaj qeverisë së zotit Kurti, por shqetësimi tjetër është nëse kjo nënkupton një ndryshim më të thellë të politikës së jashtme amerikane ndaj Kosovës.

“Duket se ka pasur një përkeqësim të marrëdhënieve mes qeverisë së Kosovës dhe Departamentit të Shtetit. Por nuk shoh asnjë dëshmi se ka pasur një ndryshim në bazat e marrëdhënieve të Kosovës me SHBA-në dhe politikës amerikane ndaj Kosovës”, tha ligjvënësi demokrat në Dhomën e Përfaqësuesve, Richie Torres.

The post 16 vjet pavarësi: Marrëdhëniet e pasigurta mes Kosovës dhe Uashingtonit, shqetësimet dhe perspektivat e ardhshme appeared first on Albeu.com.

“Shfrytëzoj rastin që nga Mynihu të përuroj dhe të përgëzoj qytetarët e Republikës së Kosovës, institucionet e Republikës, veteranët e luftës së lavdishme të UÇK, familjet e dëshmorëve, t’i përgëzoj për 16 vjetorin e Pavarësisë së krijimit të Republikës së Kosovës! Urime e gëzofshi”, u shpreh Xhaferri.

The post “E gëzofshi”, urimi i kryeministrit Talat Xhaferri: Ju përgëzoj për 16 vjetorin e krijimit të Republikës së Kosovës appeared first on Albeu.com.

The post “Nuk do ta njohim pavarësinë”, Petkoviç: Kurti po përpiqet t’i bëjë presion Vuçiçit appeared first on Albeu.com.

Ai tha se pushtimi i paprovokuar rus i Ukrainës ka potencialin të përkeqësojë tensionet ekzistuese në rajonin tonë, prandaj, ai tha se duhet t’u qëndrohet besnikë vlerave europiane.

“Me një partneritet të palëkundur me NATO-n dhe SHBA-në, ne mund të mbrojmë rajonin tonë nga kërcënimet serioze destabilizuese që mund të kenë për synim të shkaktojnë ndryshime thelbësore në rendin ndërkombëtar”.

Konjufca në foltore tha se rajoni mund t’i zgjidhë të gjitha problemet duke përparuar në procesin e anëtarësimit në BE dhe në bashkëpunimin rajonal ndërmjet vete.

“Mbështetja e të gjithëve, e paraprirë nga njohja e Kosovës, duhet parë si një investim strategjik për të ardhmen, si një hap i domosdoshëm për ruajtjen e paqes dhe stabilitetit por edhe për zhvillimin tonë të përbashkët”.

“Prandaj dëshirojmë t’ju ftojmë ju dhe qeverinë tuaj që të mbështetni përpjekjet e Kosovës për liberalizimin e vizave, anëtarësimin në Këshillin e Evropës, statusin e kandidatit në BE, anëtarësimin në NATO dhe anëtarësimin në mekanizma të tjerë ndërkombëtarë”.

Konjufca shtoi se pushtimi i paprovokuar i Ukrainës nga Rusia, përpos që është shkatërrues për popullin ukrainas dhe ka kosto të lartë për njerëzit, ekonomitë dhe marrëdhëniet, gjithashtu po ndikon drejtpërdrejt edhe në sigurinë rajonale, duke përfshirë energjinë dhe furnizimin agroushqimor.

“Pikërisht tani që ekonomitë e rajonit tonë ishin duke u gjallëruar, lufta në Ukrainë e tronditi gjithë rajonin, kryesisht nëpërmjet çmimeve më të larta të energjisë dhe ushqimeve, por edhe nëpërmjet ndërprerjes së flukseve të tregtisë dhe investimeve. Le të mos harrojmë se rritja e çmimeve të energjisë dhe ushqimeve pritet të rëndojë shumë familjet me të ardhura të ulëta, të cilat tani po shpenzojnë një pjesë shumë më të madhe të të ardhurave të tyre për nevojat bazike siç është ushqimi dhe ngrohja|.

Për të naviguar nëpër këto sfida, thotë Konjufca, duhet punuar së bashku.

“Ne duhet t’i harmonizojmë plotësisht politikat tona të jashtme me Bashkimin Europian dhe Shtetet e Bashkuara, duke përfshirë sanksionet dhe duhet të jemi të vendosur me qëllimet tona”.

Konjufca foli edhe për kontributin e dhënë ndaj Ukrainës pas nisjes së agresionit rus.

“Republika e Kosovës ka qenë aleate dhe partnere e BE-së dhe e Shteteve të Bashkuara. Vitin e kaluar Kosova strehoi më shumë se 1300 afganë të evakuuar, duke treguar solidaritet me refugjatët dhe përkushtimin afatgjatë të Kosovës ndaj NATO-s. Për më tepër, rreshtimi i Kosovës me politikën e jashtme të BE-së në sanksionet kundër Rusisë dhe gatishmëria e saj për të akomoduar 5000 refugjatë ukrainas dhe për të ofruar kushte jetese dhe pune për 20 gazetarë është edhe një herë shenjë e rreshtimit të politikës së jashtme dhe përkushtimit ndaj integrimit në BE, standardeve dhe vlerave”.

Kryeparlamentari kosovar shpalosi edhe ambiciet e Kosovës për t’u bërë anëtare e Bashkimit Europian.

“E ardhmja e rajonit të Ballkanit Perëndimor është në BE dhe ne kërkojmë të bëhemi anëtarë të Bashkimit Evropian, prandaj preferojmë të ndjekim një rrugë të qartë dhe të ecim përpara. Megjithatë, Kosova po përballet me një sfidë tjetër. Ne jemi i vetmi vend në rajon, ku qytetarët tanë ende kanë nevojë për vizë për të udhëtuar në Evropë. Që nga viti 2018, Komisioni Evropian disa herë ka konfirmuar se Kosova i ka përmbushur të gjitha kriteret për të udhëtuar pa viza, dhe Parlamenti Evropian dy herë ka bërë thirrje për liberalizimin e vizave përmes rezolutave të miratuara nga shumica dërrmuese. Edhe pas kaq vitesh që i kemi përmbushur gjitha kërkesat, ne ende nuk e shohim dritën në fund të tunelit”.

The post Konjufca në Greqi: Njihni pavarësinë e Kosovës, do jetë investim për stabilitet në ballkan appeared first on Albeu.com.