pavaresia e maqedonise se veriut Archives - Albeu.com

SHBA uron Maqedoninë e Veriut: Do të vazhdojë mbështetja për eurointegrimet

E B — Thu, 08 Sep 2022 15:48:17 +0000

Departamenti amerikan i Shtetit në emër të SHBA-së, sot i dërgoi urim popullit të Maqedonisë së Veriut me rastin e 31-vjetorit të pavarësisë së vendit.

“Me hapjen e negociatave inkuadruese me Bashkimin Evropian, Maqedonia e Veriut këtë vit bëri përparim të shkëlqyeshëm drejt integrimeve evropiane. Aleanca në Evropë dhe synimi drejt vlerave tona demokratike është shumë më me rëndësi se kurdo herë”, theksoi sekretari amerikan i Shtetit, Antoni Blinken.

Në urim ceket se “në vitet që vijojnë SHBA-ja do të vazhdojë me mbështetje për aleaten tonë Maqedoninë e Veriut në rrugën e saj evropiane”.

Blinken gjithashtu tha edhe se “të dy vendet ndajnë vlera demokratike dhe angazhim për të drejta të njeriut, pozita e të cilave është e fuqishme në fytyrën e sfidave globale”.

“SHBA-ja do të vazhdojë të qëndrojë me ju se si bëni përparim të shkëlqyeshëm për rritjen e prosperitetit të të gjithë qytetarëve tuaj, duke e përmirësuar sundimin e së drejtës dhe përforcimin e institucioneve tuaja demokratike. Ju dëshiroj dëshirat më të mira anë këtë ditë të veçantë”, porositi sekretari amerikan i Shtetit, Blinken./alsat

The post SHBA uron Maqedoninë e Veriut: Do të vazhdojë mbështetja për eurointegrimet appeared first on Albeu.com.

Festimet për 31-vjetorin e Maqedonisë së pavarur, vjen reagimi i presidentit Pendarovski

admin — Thu, 08 Sep 2022 13:01:33 +0000

Ditën e sotme në Maqedoninë e Veriut po festohet 31-vjetori i Pavarësisë së vendit.

Ndërkohë presidenti Stevo Pendarovski ka uruar popullin e tij në këtë përvjetor.

“Të gjithë filluam nga një pozitë fillestare dhe luanim sipas rregullave e periudhave të caktuara, si shtet u ballafaquam me standarde të dyfishta dhe gjykatës të njëanshëm, që nuk na e vlerësonin atë që e arrinim”, tha sot presidenti Pendarovski gjatë dekorimit të katër sportistëve me medaljen “8 Shtatori”.

“Në këtë rrugë të vështirë, arritëm suksese por edhe zhgënjime për qytetarët e Maqedonisë. Energjinë shpeshherë e harxhuam për akuza dhe opstrukcione të ndërsjella, ndërsa në planin e brendshëm sfida më e madhe me të cilën edhe sot e kësaj dite po ballafaqohemi, janë ndarjet e thella brenda shoqërisë maqedonase. Bashkimi është parakushti kyç për sukses”, deklaroi Stevo Pendarovski, president i RMV-së.

The post Festimet për 31-vjetorin e Maqedonisë së pavarur, vjen reagimi i presidentit Pendarovski appeared first on Albeu.com.

Sot Maqedonia e Veriut feston 31-vjetorin e Pavarësisë, reagon Kovaçevski

admin — Thu, 08 Sep 2022 12:52:56 +0000

Me rastin e Ditës së Pavarësisë së Maqedonisë së Veriut, kryeministri Dimitar Kovaçevski ka dërguar një mesazh urimi për të gjithë qytetarët e vendit.

Kovaçevski në fjalimin e tij thotë se planifikojnë që shpejt t’i përfundojnë negociatat me BE-në.

“E presim këtë festë të madhe shtetërore, të bashkuar në një shoqëri të përbashkët në vend, si një anëtare dinjitoze e NATO-s dhe një anëtare e ardhshme e Bashkimit Evropian në planin ndërkombëtarë. Integrimet janë beteja e brezit tonë. Dhe kështu bëj thirrje të Bashkuar në Liri ti vazhdojmë perspektivat. Historia mëson se për çdo haptë rëndësishëm përpara është e nevojshme bashkimi”, ka thënë ai ndër të tjera.

“U bëmë pjesë e NATO-s dhe siguruam vendin, në aleancën më të madhe të sigurisë, ku vendet anëtare në solidaritet mbrojnë njëri-tjetrin. Filluam negociatat me Bashkimin Evropian me krenari dhe me kokën lart, për të mbrojtur qartë dhe me zë të lartë pozicionet tona nga brenda në të njëjtën tryezë. Ne themeluam, së bashku me Serbinë dhe Shqipërinë, nismën Open Balkan, përmes së cilës siguruam një përmirësim serioz të bashkëpunimit rajonal, por edhe zhvillimin e ekonomive tona me shanse për përfitime të reja për qytetarët dhe kompanitë”.

“Bashkimi i qytetarëve është garanci për paqen e brendshme. Marrëdhëniet e mira fqinjësore janë garanci për paqen rajonale. Dhe bashkimi ynë mes 27 anëtarëve të Bashkimit Evropian është një perspektivë reale dhe e nevojshme për avancimin e cilësisë së jetës së qytetarëve, sipas parimeve dhe vlerave evropiane. Negociatat e nisura planifikojmë t’i përfundojmë me Bashkimin Evropian shumë shpejt. Po punojmë shumë dhe me dinamikë të shpejtë që qytetarët e Republikës së Maqedonisë së Veriut t’i bëjmë sa më shpejt pjesë të familjes evropiane”, thotë Kovaçevski në urimin e tij.

The post Sot Maqedonia e Veriut feston 31-vjetorin e Pavarësisë, reagon Kovaçevski appeared first on Albeu.com.