Kryetari i Lidhjes Demokratike të Kosovës, Lumir Abdixhiku, tha se ashtu siç është i skalitur përgjithmonë në zemrën e çdo shqiptari, Rugova po përurohet i skalitur përgjithmonë edhe në bronz në Pejë, në qytetin ku ai e ka mbaruar shkollimin e mesëm.

“Sot, me përurimin e shtatores së Presidentit Rugova në Pejë, ne po nderojmë vetë vlerat e lirisë dhe pavarësisë sonë. Po i nderojmë të gjithë ata që dhanë jetën për vendin. Po i nderojmë të gjithë ata që kontribouan për vendin. Po e nderojmë krejt rrugëtimin tonë të shenjt. Po e nderojmë vendin tonë; Republikën e Kosovës, sepse Republika e Kosovës dhe emri i Ibrahim Rugovës janë NJË”, tha Abdixhiku.

Sipas tij, Ibrahim Rugova pas vete la një trashëgimi të pasur intelektuale dhe një trashëgimi politike, me rezultate të papërsëritshme e monumentale.

“Nuk ka ditë e nuk ka datë më përmbajtjesore sesa kjo e pavarësisë, për të zbuluar shtatoren e shqiptarit më të madh, e të djathtit më të madh e tradicional, themeluesit të Lidhjes Demokratike të Kosovës, njeriut më meritorë për Republikën, atit themeltar të shtetit të Kosovës, Presidentit historik, Dr. Ibrahim Rugova”, tha Abdixhiku.

The post 16 vite Pavarësi, vendoset në Pejë monumenti i Ibrahim Rugovës appeared first on Albeu.com.

Logoja e sivjetme për shënimin e ditës së pavarësisë së Kosovës më 17 shkurt është “Gjashtëmbëdhjetë Kosovë, ne të dalim zot”.

Më 17 shkurt, dita do të fillojë me mbledhje festive të Qeverisë së Kosovës, për të vazhduar me ngritjen e Flamurit dhe nderime te Monumentin e të Pagjeturve. Më vonë do të ketë edhe pritje shtetërore nga presidentja, kryeparlamentari dhe kryeministri i Kosovës.

The post “Kosovë, ne të dalim zot”, publikohet logoja e 16-vjetorit të Pavarësisë appeared first on Albeu.com.

Megjithatë qëndrimet e shteteve anëtare të BE-së që s’e njohin Kosovën, s’kanë ndryshuar as pas arritjes së darkordimit në Ohër për Marrëveshjen Themelore dhe Aneksin e Implementimit.

Në një përgjigje ekskluzive për Gazetën Express nga Ministria e Punëve të Jashtme të Spanjës kanë thënë se Spanja vazhdon të mbetet në qëndrimin e saj për mosnjohjen e pavarësisë së Kosovës.

“Spanja ruan pozicionin e saj si mosnjohëse e deklaratës së njëanshme të pavarësisë të miratuar nga Prishtina në 2008 dhe mbështet fuqimisht një zgjidhje të pranueshme reciprokisht në kuadrin e Dialogut të Lehtësuar nga BE”, ka thënë për Express Elena Aljarilla Cortezón nga MPJ e Spanjës.

Sa i përket arritjes së marrëveshjes në Ohër, Cortezon ka thënë se Spanja mirëpret progresin e bërë për normalizimin e raporteve në mes të Kosovës dhe Serbisë dhe vlerëson dhe mbështet përpjekjet e Përfaqësuesit të Lartë të BE-së, Josep Borell dhe emisarit special, Miroslav Lajcak.

Në përgjigjen e dhënë për Gazetën Express zyrtarja e Ministrisë së Jashtme të Spanjës thekson se implementimi i marrëveshjeve në Ohër, bashkë me marrëveshjet paraprake është thelbësor dhe një mundësi që s’duhet humbur.

“Në këtë drejtim, Spanja mirëpret marrëveshjet e fundit për normalizimin e marrëdhënieve ndërmjet Beogradit dhe Prishtinës, si dhe njeh dhe mbështet përpjekjet e Përfaqësuesit të Lartë të BE-së Borrell dhe Përfaqësuesit Special të BE-së Lajçak. Zbatimi i këtyre marrëveshjeve, krahas marrëveshjeve të mëparshme, tashmë është thelbësore, pasi kjo është një mundësi që nuk duhet humbu”, ka përfunduar Cortezon.

Njëjtë sikurse Spanja, qëndrimin për pavarsinë e Kosovës s’e ka ndërmend ta ndërrojë as Greqia. Presidentja e Greqisë, Katerina Sakelaropoulou, një herë nga Athina e më pas edhe nga vizita zyrtare në Beograd e ka theksuar se Greqia s’e njeh pavarësinë e Kosovës.

Sekretari Amerikan i Shtetit, Antony Blinken, ditë më parë ka lënë të kuptohet se Marrëveshja e Ohrit mund të nxis shtetet e BE-së që ta njohin pavarësinë e Kosovës”

“…unë mendoj se kjo marrëveshje na vendos në rrugën drejt njohjes nga këto shtete (shtetet mos-njohëse). Sa i përket Serbisë, kjo mund të jetë çështje tjetër që mund të marrë kohë por nëse arrijmë te marrëdhëniet e normalizuara atëherë kjo mund të ketë efekte shumë pozitive në ndërveprimet e përditshme dhe ma merr mendja që me kalimin e kohës do të shkojmë atje. Por për pesë shtetet mos-njohëse, fakti që dy vendet (Kosova dhe Serbia) kanë arritur marrëveshjen, dhe me supozimin se do ta zbatojnë, atëherë kjo mund t’i drejtojë kah njohja.”, ka thënë Blinken.

Përveç Spanjës dhe Greqisë, Kosovën nuk e njeh as Sllovakia, Rumania dhe Qipro./GazetaExpress/

The post Marrëveshja e Ohrit nuk bind Spanjën: S’e njohim Kosovën! appeared first on Albeu.com.

Sipas Vuçiç plani i dorëzuar nga Presidenti i Francës dhe Kancelari i Gjermanisë ka qenë dokument i panegocieshëm dhe se kur i është dorëzuar i është thënë merre ose lëre.

Sipas tij, Serbia është kërëcënuar me pasoja nëse refuzon duke theksuar se kjo do të ndodhte duke i tërhequr investitorët dhe duke i shuar mijëra vende pune në Serbi.

Vuçiç ka thënë se kjo ka mundur të ndodhë pasi kompani të fuqishme janë tërhequr nga një treg i madh siç është Rusia për një kohë të shkurtër. Më tej, ai ka thënë se në një përgjigje që u ka dërguar ndërmjetësve u ka thënë se është i hapur për bisedime rreth gjithckaje përvec njohjes së Kosovës dhe anëtarësimit të saj në OKB.

Ai ka thënë se derisa është President i Serbisë nuk do ta njohë Kosovën e pavarur por sipas tij pavarësia e saj është realitet dhe se shqiptarët nuk do të binden për një status të autonomisë brenda Serbisë

” Të ndalemi së gënjyeri veten. Kjo nuk do të ndodhë më kurrë. 99.999 përqind e shqiptarëve janë për pavarësinë e Kosovës dhe kjo s’do të ndryshojë” ka thënë Vuçiç./express

The post Vuçiç: 99.9% e shqiptarëve të Kosovës janë për pavarësi dhe kjo s’do të ndryshojë appeared first on Albeu.com.

Në një deklaratë ata thonë se Pavarësia e Kosovës është një nga ngjarjet më të rëndësishme në historinë tonë kombëtare.

Këshilli e mbyll deklaratën duke thënë se një vendim i tillë do i gëzonte të gjithë shqiptarët, pavarësisht bindjeve politike.

Deklarata:

Duke vlerësuar 17 Shkurtin e vitit 2008, ditën e shpalljes së Pavarësisë së Republikës së Kosovës, si një nga ngjarjet më të rëndësishme në historinë tonë kombëtare; si përmbushjen e një aspirate shekullore të kombit tonë në rrugën e tij drejt forcimit të identitetit, bashkimit kombëtar dhe integrimit në strukturat Euro – Atlantike; si një ditë të shënuar që frymëzon çdo shqiptar; si ngjarje madhore për të cilën kanë kontribuar shqiptarët anembanë botës, me mbështetjen e fuqishme të SHBA-ve, BE-së, NATOs dhe vendeve të tjera aleate dhe mike,

Këshilli i Ambasadorëve Shqiptarë i ka drejtuar një kërkesë zyrtare Kuvendit, më dt. 21 Shkurt 2023, për të  ndërmarrë nismat përkatëse ligjore për ta shpallur këtë datë Festë Zyrtare të Republikës së Shqipërisë.

Këshilli i Ambasadorëve Shqiptarë beson se një vendim i tillë do të gëzonte dhe do të mbështetej nga çdo shqiptar kudo ku jeton, pavarësisht bindjeve politike. /albeu.com

The post Kërkesa ndaj Kuvendit: Dita e Pavarësisë së Kosovës të shpallet festë zyrtare appeared first on Albeu.com.

Në këtë përvjetor, Konjufca ka kujtuar dëshmorët, martirët, të dhunuarit në luftë, të pagjeturit, të burgosurit politikë dhe qëndresën e popullit,

“Së pari, u përkulemi atyre që dhanë më së shumti, dëshmorëve tanë të pavdekshëm. I kujtojmë e i nderojmë martirët tanë të ndritur. Nuk i harrojmë të pagjeturit që nuk mungojnë, gratë e burrat që u dhunuan e u torturuan. Nuk i harrojmë dhe i falendërojmë së bashku të gjitë ata që mbajtën për lirinë tonë me mijëra vite burgje. Por, mbi të gjitha i përkulemi popullit tonë për qëndresën shekullore, e cila na frymëzon”.

Po ashtu, përmendi aletatët e Kosovës, përfaqësuesit e të cilëve ishin prezentë sot në Kuvend dhe po përcillnin këtë seancë.

“Ne nuk harrojmë. Së pari mirënjohje për të gjithë miqtë tanë për lirinë dhe pavarësinë tonë”, tha Konjufca.

Në fund të përkujtimeve, ai foli për luftën e Ushtrisë Clirimtare të Kosovës.

“Trungu ynë i lirisë u ujit me gjakun e ushtarëve të Ushtrisë Clirimtare të Kosovës, e cila zhvilloi luftë të drejtë dhe luftë mbrojtëse. Kjo ishte lufta e domosdoshme e popullit tonë, e cila u kurorëzua me pavarësinë e Kosovës”, tha Kryeparlamentari.

The post Konjufca kujton luftën e UÇK-së, s’e përmend Rugovën as në këtë përvjetor appeared first on Albeu.com.

Ai ka thënë pret vazhdim të bashkëpunimit për forcim të sigurisë dhe stabilitetit në Kosovë dhe Ballkanin Perëndimor.

“Normalizimi i marrëdhënieve me Serbinë, me njohjen reciproke në qendër, është thelbësor për këtë gjë. Marrëveshja e propozuar së fundi në kuadër të dialogut të ndërmjetësuar nga Bashkimi Evropian, e ka mbështetjen tonë të madhe dhe ajo do të drejtojë shtetin tuaj drejt një stabiliteti më të madh rajonal dhe integrimeve evropiane e euro-atlantike”, ka thënë Blinken.

I njohur në publik si plani franko-gjerman, propozimi i BE-së për normalizimin e marrëdhënieve mes Kosovës dhe Serbisë, është thënë se shërben si rrugë drejt marrëveshjes finale mes dy vendeve.

Planin e kanë pranuar si Kosova, ashtu edhe Serbia, por ai nuk është prezantuar asnjëherë në publik.

Në një draft që e ka parë Radio Evropa e Lirë, aty nuk përmendet në mënyrë specifike njohja, por parashihen të drejta të barabarta për Kosovën dhe Serbinë, respektim i integritetit territorial, paprekshmëri e kufijve, njohje e simboleve shtetërore dhe një aranzhim i veçantë për komunitetin serb në Kosovë.

Kosova dhe Serbia i kanë nisur negociatat e ndërmjetësuara nga Bashkimi Evropian më 2011.

Përgjatë kësaj kohe janë nënshkruar diku 33 marrëveshje, por jo të gjitha janë zbatuar.

Tani për tani të dyja vendet kanë synime të ndryshme për marrëveshjen finale.

Kosova insiston në njohje reciproke, Serbia kërkon zgjidhje kompromisi.

The post Blinken uron 17 Shkurtin, rikonfirmon partneritetin SHBA-Kosovë appeared first on Albeu.com.

Përktheu: Alket Goce-AlbEu.com

Ka shumë pak vende në botë ku një mosmarrëveshje mbi targat mund të kërcënojë të shkaktojë një luftë, dhe qyteti i Mitrovicës, në veri të Kosovës, është njëri prej tyre. Qyteti ndodhet në Kosovën me shumicë shqiptare. Por shumica e banorëve të tij janë serbë etnikë, të cilën nuk e njohin fare qeverinë e Kosovës.

Aty ka organe qeveritare si të Serbisë po ashtu edhe të Kosovës, të cilat ndonjëherë punojnë në të njëjtat godina. Askush nuk e di se kush është në të vërtetë në krye, por të gjithë e kanë hamendësime se kush duhet të jetë. Harresa e vendeve si Mitrovica është në fakt puna e papërfunduar e shpalljes së njëanshme të pavarësisë së Kosovës nga Serbia, e cila ndodhi 15 vjet.

Por pse është ende kaq e vështirë për Kosovën dhe Serbinë që pas gjithë këtyre viteve të normalizojnë marrëdhëniet midis tyre, duke lënë pas të shkuarën? Së pari, serbët që janë thuajse të gjithë të krishterë ortodoksë, e konsiderojnë Kosovën vendin e tyre historik dhe shpirtëror.

Por për qindra vite kjo zonë ka qenë e banuar kryesisht nga shqiptarë myslimanë. Në vitet 1980, tensionet serbo-shqiptare u ndezën, ndërsa Jugosllavia më e gjerë u nda përgjatë vijave etnike. Në vitin 1989, presidenti serb Slobodan Miloshevic ngjalli nacionalizmin serb mbi Kosovën, ndërsa e anuloi autonominë politike dhe kulturore të krahinës.

Një kryengritje e armatosur nga shqiptarët e Kosovës në fundin e viteve 1990, shkaktoi një kundërpërgjigje brutale të serbëve, duke e nxitur NATO-n të bombardonte Beogradin në vitin 1999 për të ndaluar përpjekjet e Milosevic për një spastrim etnik të rajot.

Pasi jetoi për disa vite nën mbrojtjen e OKB-së dhe NATO-s, Kosova shpalli në mënyrë të njëanshme pavarësinë në vitin 2008, me mbështetjen e SHBA-së dhe BE-së. Por Serbia, e mbështetur nga Rusia dhe Kina, refuzoi që ta njohë atë akt. Si është sot situata pas 15 vitesh?

Kosova është një shtet de fakto i pavarur, por nuk ka përfaqësim në organizmat ndërkombëtare si OKB-ja. Bashkimi Evropian dhe SHBA-ja e njohin pavarësinë e saj, por

jo shumica e Amerikës Latine, Afrikës Sub-Sahariane dhe Azisë. Ndërkohë, mijëra trupa të NATO-s janë ende në terren për të mbrojtur afro 2 milionë banorët e Kosovës.

Bisedimet për normalizimin e raporteve midis tyre, të mbështetura nga BE-ja kanë

vazhduar për më shumë se një dekadë. Por pavarësisht ambicieve të të dyja vendeve për t’u anëtarësuar në union, ka pasur pak përparim dhe ekspertët thonë se gjërat në këtë aspekt nuk po përmirësohen.

“Ka thjesht zero besim tek pala tjetër dhe armiqësi aktive nga të dyja palët”- thotë Marko Prelec, një ekspert mbi Ballkanit në organizatën “Crisis Group”. Pjesa më e madhe e këtij tensioni përqendrohet në Mitrovicë dhe zona të tjera të Kosovës veriore, ku minoriteti lokal serb po përdor shkollat dhe spitalet e drejtuara nga Beogradi dhe po kundërshton përpjekjet e Prishtinës për të imponuar autoritetin e saj.

Vitin e kaluar, përpjekja e ngathët e Kosovës për të vendosur një kontroll më të drejtpërdrejtë mbi rajonin shkaktoi një mosmarrëveshje të fortë mbi policinë dhe madje edhe mbi përdorimin e targave të lëshuara nga Kosova. Rrugët u bllokuan nga barrikadat ngjitën lart, dhe pati për disa javë përplasje të dhunshme.

Në një jehonë rrëqethëse të viteve 1990, Beogradi kërcënoi në një moment se do të dërgonte trupat e saj ushtarake përtej kufirit. A ka tani një plan për paqe? Një përmbledhje e një projekt-marrëveshje e zbuluar kohët e fundit në media dhe e mbështetur nga SHBA-ja dhe BE-ja, përqendrohet në njohjen reciproke të kufirit, në anëtarësimin e Kosovës në OKB

dhe në garantimin nga Kosova të një lloj autonomie zyrtare për pakicat serbe në vend.

Asnjëra palë nuk detyrohet të “njohë” zyrtarisht palën tjetër si shtet. Duket si një marrëveshje deri diku e drejtë, e përse të mos funksionojë? Së pari problem mund të jetë çështja e personalitetit të udhëheqësve të të dyja vendeve.

Presidenti serb Aleksandar Vucic dhe kryeministri i Kosovës Albin Kurti, janë që të dy nacionalistë kokëfortë që e përçmojnë njëri-tjetrin. Kohët e fundit presidenti serb e quajti “terrorist” Kurtin, që iu bashkua lëvizjes për pavarësi që në vitet 1990.

Por problemi kryesor është se kush duhet të bëjë dhe çfarë i pari. Serbia thotë se tashmë Kosova është e përkushtuar t’i japë autonomi serbëve të Kosovës sipas një marrëveshjeje kornizë të 10 viteve më parë. Nga ana e tyre kosovarët thonë “se nuk do të bëjnë asgjë” të tillë derisa Serbia të ndalojë së bllokuari të drejtën e tyre për një vend në OKB.

“Të dyja palët supozojnë në mënyrë të arsyeshme se tjetra do të përpiqet që t’i mashtrojë pavarësisht çfarëdolloj dokumenti që nënshkruajnë. Ndaj që të dyja këmbëngulin të marrin përpara atë që duan, dhe kjo është një qasje problematike”- shton Prelec.

Me mbështetjen e SHBA-së, Bashkimi Evropian dëshiron të shohë një zgjidhje për problemin. Tek e fundit gjëja e fundit që dëshiron Brukseli është një tjetër luftë e shëmtuar në pragun e tij. Por me një të kaluarën shumë të hidhur dhe me kaq pak besim mes palëve, 15 vjet janë ende shumë pak kohë për të arritur një paqe të qëndrueshme. “Këtu luan një rol historia, dhe ajo është në fakt shumë e re”- përfundon Prelec. /albeu.com

The post Kosova 15 vjet më vonë: Një harresë e rrezikshme appeared first on Albeu.com.

Ai i ka bërë këto deklarata në një mbledhje festive të Qeverisë për 15-vjetorin e shtetësisë së Kosovës.

“Detyra jonë kryesore është që kur të vijë 20-vjetori, të jenë shtuar dhe shumëfishuar arsyet që të rejat dhe të rinjtë të mund të zgjedhin edhe Kosovën për një të ardhme profesionale të plotë, dhe për një jetë më të mirë”, ka thënë Kurti.

Sipas tij, Kosova është projekt i paqes, kontribuuese në paqe dhe garanci për paqe.

“Nëse në vendet tjera institucionet japin model dhe qytetarët përpiqen ta ndjekin atë model, te Kosova jonë modelin e japin qytetarët dhe ne institucionet jemi ato që duhet të bëjmë përpjekje për të ecur pas tyre”.

Ai ka përmendur dy përgjegjësi, që sipas tij, duhet t’i ketë parasysh secili qytetar i Kosovës: trashëgiminë dhe krijimin e një vendi më të mirë për gjeneratat e reja.

“Sot në këtë 15-vjetor të pavarësisë është vendi që të mburremi me diçka që Kosova e bën shumë mirë, dhe është fjala për të drejtat që u japim pakicave etnike. Askund në Evropë, minoritetet nuk gëzojnë të drejta në çdo nivel, si këtu te ne. Na përket neve të kujdesemi që ky ekuilibër të mos prishet me formula eksperimentuese, të cilat kudo që janë provuar nuk kanë sjellë rezultate të mira”.

Kosova është nën trysni gjithnjë e më të madhe për të formuar Asociacionin e komunave me shumicë serbe.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.

Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.

Serbia kërkon që Kosova të zbatojë marrëveshjet e arritura, por Qeveria e Kosovës është deklaruar kundër një asociacioni njëetnik.

Kosova ka shpallur pavarësinë më 17 shkurt të vitit 2008.

Sipas listës së publikuar në ueb-faqen e Ministrisë së Punëve të Jashmte dhe Diasporës, 117 vende të botës e kanë njohur atë.

Për 15 vjet shtetësi, Kosova është anëtarësuar në disa organizata ndërkombëtare, përfshirë ato financiare dhe sportive.

Në mesin e tyre: Banka Botërore, Fondi Monetar Ndërkombëtar, Banka Evropiane për Rindërtim dhe Zhvillim, Komiteti Olimpik, Federata Evropiane e Futbollit dhe Federata Botërore e Futbollit.

Kosova nuk është ende anëtare e Organizatës së Kombeve të Bashkuara, Bashkimit Evropian, Këshillit të Evropës, Organizatës Botërore të Tregtisë e të tjera./rel

The post 15 vjet shtet, Kurti: Kosova është shembull i mirë i demokracisë appeared first on Albeu.com.

Kryeministri Edi Rama, përmes një postimi në Facebook, i ka uruar pavarësinë me një pikturë ku shihet një vajzë e vogël me balonën me flamurin e Kosovës në duar.

“MIRËMËNGJES

Gëzuar Pavarësinë“, shkruan Rama.

The post 15 vite shtet, Rama uron Kosovën: Gëzuar Pavarësinë! appeared first on Albeu.com.