Sofascore ka publikuar ekipin ideal të javës së parë të sezonit të ri në Serie A, të përpiluar në bazë të notave të futbollistëve. Mes 11 lojtarëve të përzgjedhur gjendet edhe kapiteni i Kosovës, Amir Rrahmani.

Mbrojtësi i Napolit ka siguruar një vend në qendër të prapavijës, pasi paraqitja e tij është vlerësuar me notën 8.2.

Portieri i Lecces, Wladimiro Falcone, është lojtari më i vlerësuar i këtij formacioni. Ai ka marrë notën 9.9 falë një performance të shkëlqyer.

Rrahmani formon vijën mbrojtëse me Hassane Kamara, Gleison Bremer dhe Yann Bisseck.

Në mesfushë, Sofascore ka zgjedhur Davide Frattesi të Lazios, Gianluca Busio të Venezias dhe Bryan Cristante të Romës.

Sulmi përbëhet nga Giacomo Raspadori i Atalantas, si edhe nga Paulo Dybala dhe Donyell Malen i Romës. Malen është vlerësuar me notën maksimale 10.0, pas het-trikut të realizuar.

The post Rrahmani përfshihet në formacionin e javës hapëse të Serie A appeared first on Albeu.com.

Klubi italian i Romës konfirmoi të hënën vazhdimin e bashkëpunimit me Paulo Dybalan, duke njoftuar se argjentinasi ka pranuar një marrëveshje të re që shtrihet deri në përfundim të sezonit 2026/27.

Për dy javët e para të muajit korrik, 32-vjeçari ishte zyrtarisht pa kontratë, pasi marrëveshja e mëparshme i kishte përfunduar më 30 qershor. Tani, sulmuesi ka vendosur të vazhdojë rrugëtimin me skuadrën kryeqytetase për një vit shtesë.

Sipas raportimeve të gazetarit të njohur Gianluca Di Marzio, kontrata e re nuk përmban ndonjë klauzolë për zgjatje të mëtejshme. Gjithashtu, Dybala ka bërë një lëshim financiar me peshë për të qëndruar në “Olimpico”, duke rënë dakord për një ulje të ndjeshme të të ardhurave të tij.

Burime pranë lojtarit bëjnë të ditur se paga e tij bazë tani do të jetë nën kufirin e tre milionë eurove në sezon, shifër nga e cila përjashtohen bonuset e parashikuara. Kjo përbën një kontrast të fortë me realitetin e sezonit të shkuar, kur Dybala ishte lojtari më i paguar i klubit me rreth tetë milionë euro neto në vit.

Në komunikatën për shtyp, drejtuesit e Romës nuk fshehën entuziazmin për këtë zhvillim, duke nënvizuar peshën specifike që lojtari ka në ekip. Ata shkruan se që nga momenti i mbërritjes në kryeqytetin italian gjatë verës së vitit 2022, Dybala ndezu entuziazmin e tifozerisë romake. Në 139 ndeshje të luajtura, ai ka gjetur rrugën e rrjetës 45 herë, duke u bërë një shtyllë e padiskutueshme në fushë dhe një udhëheqës brenda e jashtë saj.

“Historia mes Romës dhe ‘La Joya’ vazhdon, me shumë kapituj të tjerë për t’u shkruar. Përpara së bashku, Paulo!”, përfundonte deklarata e klubit, duke vulosur kështu një aleancë që premton emocione të reja për sezonet në vijim.

The post Paulo Dybala firmos kontratë të re me Romën, sakrifikon pagën për të qëndruar appeared first on Albeu.com.

Barcelona ka sjellë 10 nënshkrime të ndryshme të lojtarëve të lirë në tre vitet e fundit, dhe në përgjithësi janë të pritur të ndjekin këtë politikë edhe më tutje.

Këtë sezon nuk ka ndodhur, por padyshim që ata do të jenë ende në gjueti për pazare këtë verë duke pasur parasysh krizën e tyre financiare. Një nga pazaret e verës mund të jetë edhe Paulo Dybala.

Yllit argjentinas i skadon kontrata verën e ardhshme dhe thuhet se ka një klauzolë lirimi prej 12 milionë euro për klubet jashtë Serie A.

Roma është e prirur të negociojë një marrëveshje të re me një nga lojtarët e tyre kryesor, por nuk është çudi që skuadrat e tjera janë të interesuara në të.

Më parë Barcelona ishte lidhur me Dybalan, por nuk janë klubi i vetëm që duan yllin e Romës.

Gazetari Rudy Galleti ka konfirmuar që atëherë se Barcelona ka mbledhur disa informacione për 30-vjeçarin, ashtu si edhe Chelsea.

Nëse Barcelona ruan strategjinë e saj të zakonshme për të luajtur me tre sulmues, Dybala duket ndoshta përshtatja më e natyrshme, duke pasur parasysh se ai priret të luajë më mirë pas sulmuesit.

Ai mund të largohet nga krahu i djathtë, por ky është pozicioni për të cilin Lamine Yamal duket i gatshëm të konkurrojë.

Në rast se Raphinha ose Ferran Torres largohen, atëherë ndoshta një marrëveshje me çmim të ulët për Dybala do të kishte më shumë kuptim. /Telegrafi/

The post Gjigantët europianë ndjekin Paulo Dybalan appeared first on Albeu.com.

Sulmuesi 30-vjeçar argjentinas ka vazhduar të luajë një rol udhëheqës në kryeqytetin italian këtë sezon, duke shënuar 12 gola dhe duke dhënë shtatë asistime në 20 ndeshje të Serie A.

I vetmi lëndim në edicionin e tij ka qenë një problem i vogël me muskuj që e ka mbajtur atë jashtë të paktën gjashtë ndeshje të ligës deri më tani.

Roma ka impresionuar me De Rossin në krye dhe tani është përfshirë seriozisht në luftën për një përfundim në top katërshe.

Ata aktualisht janë gjashtë pikë prapa Bolognas në vendin e katërt, por mund ta zvogëlojnë atë diferencë në vetëm tri pikë nëse mundin Sassuolon këtë mbrëmje.

Dybala është përjashtuar nga përballja e ardhshme e Romës në Serie A me Sassuolon pasi pësoi një lëndim të lehtë të muskujve në aduktorin e kofshës së tij të djathtë, një lëndim që do ta mbajë atë jashtë fushës për të paktën 10 ditë.

Pushimi ndërkombëtar i jep kohë Dybalas për t’u rikuperuar, që do të thotë se ai duhet të jetë i disponueshëm për ndeshjen e Giallorossëve me Leccen më 1 prill.

Pas kësaj, skuadra e De Rossit do të përballet me rivalët Lazio në Derby della Capitale më 7 prill. /Telegrafi/

The post Konfirmohet se sa do të qëndrojë jashtë fushe Dybala appeared first on Albeu.com.

Sipas raportimeve më të fundit të mediave spanjolle, Drejtori Sportiv i klubit, Deco është i gatshëm të paguajë klauzolën prej vetëm 12 milionë eurosh, për një futbollist, që së pari i kushton shumë më shumë kartoni dhe së dyti, pavarëisht dëmtimeve të kaluara këtë sezon ka arritur të shënojë plot 13 gola e të asistojë 7 të tjerë, në vetëm 26 paraqitje për “Verdhekuqtë”.

Megjithatë, Barcelona duhet të nxitojë në rast se dëshiron të sigurojë shërbimet e “yllit” argjentinas, teksa për këtë të fundit intersohen gjithashtu edhe “Çekanët” e West Ham, por edhe “Los Colchoneros” e Atletico Madrid, megjithatë, vetë Dybala pak kohë më parë u shpreh se nëse largohet nga Italia do të ishte i gatshëm të niste një “aventurë” të re, në Spanjë. /abcnews.al

The post Barcelona gati të pagujë klauzolën e Dybala appeared first on Albeu.com.

Me një klauzolë të përballueshme largimi prej 12 milionë eurosh për klubet e huaja, La Joya ka zgjuar interesimin e Barcelonës, e cila po shqyrton seriozisht mundësinë e inkorporimit të tij në radhët e saj.

Gjatë muajve të fundit, Dybala ka lënë një gjurmë të rëndësishme te Roma, duke shfaqur një stil loje që përshtatet në mënyrë të përkryer me filozofinë e futbollit të Barcelonës.

Edhe pse klubi katalunas është kryesisht në kërkim të një anësori me këmbë të majtë me aftësi individuale, shkathtësia dhe talenti i Dybala mund të jenë një aset i vlefshëm për ekipin. Megjithatë, ardhja e mundshme e argjentinasit mund të ngrejë pikëpyetje për të ardhmen e Joao Felixit në skuadër, siç raportohet nga gazeta Sport.

Pavarësisht aftësive të tij të përmirësuara para portës, Dybala ende nuk e ka dëshmuar aftësinë e tij për të bërë diferencën në ndeshjet e nivelit të lartë.

Me kalimin e viteve, emri i tij është lidhur vazhdimisht me Barcelonën, edhe pse asnjë marrëveshje nuk u finalizua.

Me ringjalljen e tij në Itali, Dybala ka tërhequr interes nga disa klube, duke përfshirë West Ham në Angli dhe Atletico Madrid në Spanjë. Megjithatë, fati i lojtarit mbetet i pasigurt pasi Roma kërkon të rinovojë kontratën e tij dhe të rrisë pagën e tij. /Telegrafi/

The post E ka klauzolën e ulët, Barcelona tenton të nënshkruajë me Dybalan appeared first on Albeu.com.

Kampioni i botës shënoi tripletë për t’i dhënë të tijve 3 pikët që janë mjaft të rëndësishme për objektivat e skuadrës. Pas këtij takimi foli sulmuesi argjentinas, i cili theksoi se dëshiron të fitoj trofe dhe për këtë punon fort çdo ditë.

“Unë gjithmonë dua të fitoj trofe. Është e qartë se rrugëtimi në Europa League është ende i gjatë, por ne e dimë se cilat janë objektivat tona dhe punojmë çdo ditë për t’i arritur ato. Kur arrita këtu thashë se më dukej sikur kisha një jetë që isha këtu. Nuk e di se çfarë më pret në të ardhmen, por sigurisht që po e shijoj të tashmen” , theksoi Dybala, i cili këtë sezon ka shënuar 11 gola dhe ka asistuar në 6 të tjerë. /newsport.al/

The post Shënoi tripletë, Dybala: Rrugëtimi në Europa League është i gjatë, dua të fitoj trofe appeared first on Albeu.com.

Dybala mund të largohet nga Stadio Olimpico për një klub jashtë Serie A në dy javët e para të janarit për një klauzolë prej 12 milionë euro.

Sipas Gazzetta dello Sport, dy klube nga Superliga e Arabisë Saudite e kishin përmbushur këtë tarifë në fazat e hapjes së afatit kalimtar të dimrit.

Megjithatë, sulmuesi i njohur me nofkën ‘La Joya’ vendosi të qëndrojë te Roma, ku ka një kontratë deri në qershor të vitit 2025.

Sipas gazetës italiane, Dybala është i lumtur në kryeqytet dhe me kënaqësi do të vazhdojë kontratën e tij me Giallorossët.

Ai thuhet se vlerësoi fjalimin motivues të Daniele De Rossi në ditën e tij të parë në klub dhe do të jetë i disponueshëm për ndeshjen e Serie A të së shtunës kundër Hellas Verona.

Gazzetta dello Sport shton se e njëjta klauzolë prej 12 milionë euro për klubet jashtë Serie A do të jetë e vlefshme gjatë gjithë korrikut 2024, por Dybala shpreson të ulet me drejtuesit e klubit për të negociuar një zgjatje të kontratës më herët. /Telegrafi/

The post Dy klube paguan klauzolën e tij, por Dybala i refuzoi appeared first on Albeu.com.

Të shumta ishin reagimet e lojtarëve pas largimit, të teknikut “luzitan”, ku një reagim të shkurtër, me anë të një postimi të shpërndarë në rrjetet sociale, e bëri edhe “fantazisti” argjentinas i sulmit, Paulo Dybala, i cili falenderon jo pak Mourinho-n, për gjithçka bëri në drejtimin e “Verdhekuqve”.

“Faleminderit Mister! Faleminderit për gjithçka. Puna me ju ishte një kënaqësi e madhe. Faleminderit për këshillat dhe për çdo fjalë. Ju uroj ju dhe ekipit tuaj më të mirën. Shpresoj të shihemi së shpejti”,- është shprehur “fantazisti” argjentinas. /abcnews.al

The post Dybala reagon pas largimit të Mourinho: Faleminderit Mister për gjithçka appeared first on Albeu.com.

30-vjeçari ka qenë një figurë e rëndësishme për Giallorossët që nga ardhja e tij si transferim i lirë në verën e vitit 2022, duke shënuar 24 gola dhe duke dhënë 14 asistime në 56 paraqitje gjithsej.

Dybala ka vetëm 18 muaj të mbetur në kontratën e tij me Romën dhe klubi është i prirur t’i ofrojë atij një marrëveshje të re.

Por lojtari nuk po ngutet për shkak të përfshirjes së një klauzole lirimi prej 13 milionë euro, e vlefshme për klubet e huaja.

Siç raportohet nga TMË , Chelsea është i interesuar të bëjë një lëvizje për Dybalan këtë muaj, duke besuar se ai do të ishte i përshtatshëm për skuadrën e Mauricio Pochettinos.

Bisedimet midis ndërmjetësve dhe skuadrës së Ligës Premier kanë vazhduar, por dëmtimi i tij i fundit mund të shtyjë një lëvizje të mundshme.

Këtë sezon, Dybala ka shënuar 6 gola dhe ka dhënë 6 asistime në 18 paraqitje në të gjitha garat për Romën. /Telegrafi/

The post Gjiganti anglez vazhdon interesimin për Paulo Dybalan, klauzola e tij mbetet e ulët appeared first on Albeu.com.