Skuadra e Teutës ka zyrtarizuar një përforcim të bujshëm në portë. Bëhet fjalë për Paul Bernardoni, 29-vjeçarin që ka vendosur të lërë klubin francez Amiens SC për t’iu bashkuar aventurës së re me durrsakët në kampionatin “Abissnet Superiore”.

Portieri vjen me një bagazh të pasur eksperiencash në vendin e tij të origjinës, duke përfaqësuar më parë formacione si ESA Linas, Troyes, Bordeaux, Clermont Foot, Nimes, Angers dhe Saint Etienne. Përtej kufijve francezë, ai ka mbrojtur edhe fanelat e Konyaspor në Turqi dhe Yverdon Sport në Zvicër.

Një aspekt i veçantë i profilit të tij mbetet fakti që Bernardoni numëron tre ndeshje me fanellën e Francës, çka e kategorizon si lojtar me status të mirëfilltë kombëtareje. Me këtë lëvizje, trajneri Edlir Tetova pasuron ndjeshëm organikën e tij me një tjetër element të kalibrit të lartë.

The post Teuta realizon goditjen e merkatos, afron gardianin e kombëtares franceze appeared first on Albeu.com.