Lideri i PD-së Sali Berisha bëri transparente për gazetarët skemën e funksionimit dhe terrorin kriminal të ushtruar ndaj, dhe nga administrata publike, për dhunimin e votes; strukturën, mjetet dixhitale dhe pasojat ligjore të këtij sistemi.

Në zgjedhjet e 11 majit, Fieri u shfaq si një nga rastet tipike të kontrollit elektoral nga Partia shtet, përmes abuzimit me administratën publike dhe mbledhjes së paligjshme të të dhënave personale

Bëhet fjalë për një rrjet patronazhimi të strukturuar, ku punonjës civilë të administratës publike me role partiake

Për çdo Qendër Votimi (QV) në Fier: PS caktoi përgjegjës Drejtues ne administraten publike, shumica e të cilëve mbanin pozicione të larta në institucione, nga bashkia tek qeveria.

Në dokumentin e publikuar nga PD janë emrat e 58 koordinatorëve të patronazhistëve të rajonit 2 të Fierit. Për çdo QV janë caktuar nga dy koordinatorë kryesorë – në Rajonin NR. 2.

Ata janë drejtorë në Bashki apo degët e institucioneve qendrore në Fier, mjekë, infermerë, mësues, punonjës të OSHEE-së etj.

Si funksionon sistemi i patronazhimit– Qarku Fier

Të dhënat e zbuluara nga laptopi i zv/kryeministres Belinda Balluku zbulon se në krye të procesit të patronazhimit: Belinda Balluku, Zv. Kryeministre, Koordinatore Politike e PS në Qarkun Fier.

Më pas vinin Kryetarët e Bashkive në Qarkun Fier, Ministra, Zëvendësministra, funksionarë të lartë në administratën publike.

Një pjesë e tyre bënë dorëheqje fiktive nga postet e tyre, për të bërë fushatë active në Qarkun Fier apo në Diasporë nën urdhërat e Ballukut. Ndërkohë që vijonin e drejtonin punën në drejtoritë e tyre.

Drejtuesit e drejtorive të pushtetit vendor dhe qendror si dhe të agjensive publike

Kush ishte roli i patronazhistëve?

Secili prej patronazhistëve të punësuar nga shteti kishte për detyrë mbledhjen dhe raportimin e të dhënave personale të detajuara për punonjësit civilë brenda institucionit të tyre ose nën-rajonit gjeografik (p.sh., Rajoni 1 ose 2 – Fier).

Të dhënat e mbledhura përfshinin për cdo punonjës të drejtorisë / sektorit që drejtonin, qendren e votimit, kontaktet familjare dhe personale, deri tek data e fillimit të punësimit.

Ku mblidheshin të dhënat?

Të dhënat mblidheshin dhe centralizoheshin në mënyrë sistematike (çdo ditë) në databaza të koduara.
Më psa një patronazhist kthehej në një ‘agjent monitories’ për gjithë kohëzgjatjen e fushatës. Ose ata kontrollonin familjarët, kushurinjtë, fqinjët e të njohurit e tjerë

Në të tërë Fierin janë evidentuar 430 punonjës. Në pjesën më të madhe ata mbështesin ose janë anëtarë të PS.

Ka institucione si IEVP Fier me 100% punonjës me bindje politike për PS, apo Qendrat shëndetësore apo spitali rajonal ku 80-90% mbështesin/votojnë PS

The post Zbulohen EMRAT e 58 koordinatorëve patronazhistë të rajonit nr 2 në Fier/ Drejtorë, mësues dhe mjekë, kush punoi nën urdhrat e Ballukut appeared first on Albeu.com.

Postimi i Telitit:

90 MILIONË EURO KOSTOJA NË BUXHETIN 2025 E TRUPËS SË PATRONAZHISTËVE NË BASHKINË E TIRANËS!
Prej disa vitesh, rreth 7 mijë persona në Tiranë janë trupa e gatshme me pagesë e patronazhistëve të shefit politik të 5D dhe inceneratorit fantazëm.

Fakt 1: Në 2016 të punësuarit në Bashkinë e Tiranës dhe gjithë insitucioneve/drejtorive/sh.a.-ve të varësisë së saj nuk kalonin numrin e 5 mijë të punësuarish.

Fakt 2: Në 2024 dhe 2025, janë plot 12.100 të punësuar, duke rritur tërësisht në mënyrë abuzive me plot 2.4 herë numrin e të punësuarve.

HAPNI SYTË qytetarë dhe taksapagues të Tiranës, me taksat tona po paguhen mijëra njerëz që të vetmen punë kanë të na përgjojnë, ndjekin, intimidojnë dhe tjetërsojnë vullnetin tonë si qytetarë të lirë.

90 milionë euro kostoja e patronazhistëve e parashikuar në projektbuxhetin 2025 të Bashkisë Tiranë, janë 90 milionë arsye më shumë për ta votuar kundër javën e ardhshme, në Këshillin Bashkiak, propozimin e Veliaj për buxhetin 2025 të Kryeqytetit.

The post Teliti: 90 milionë euro kostoja në buxhetin 2025-ës e trupës së patronazhistëve në bashkinë e Tiranës appeared first on Albeu.com.

Teksa iu referua ish-ministrit Saimir Tahiri, Shehi tha se vetëm në një vend të Afrikës policët mund të dalin me kapele në duar për të mbështetur ministrin e tyre.

“Çfarë ka bërë Edi Rama, që e ka filluar me kanabizimin e vendit, me shkatërrimin e policisë, se e mbolli sikur të ishtë misër. Edhe kur iku ministri i Brendshëm doli policia me kapelë ‘faleminderit zoti ministër’. Vetëm në një vend të Afrikës mund të dalin policët për ministrin. Policia është e shtetit shqiptar.

Në 2017 bën ato marrëveshjet, disa thonë të hapur disa të fshehtë. Unë nuk e kam kuptuar.

Pastaj erdhëm te mandati i dytë që përfundoi me inceneratorët.

Më parë u krijuan Këtu u sajua një perzonash i ri që ishte harruar në politiken shqiptare, patronazhistët, si ata spiunet e vegjël në kohën e komunizmit. Tani kanë dalë këta aktivistët. Ne duhet të merremi me këtë lloj çështje”, tha Shehi.

Ai renditi edhe gabimet e opozitës: “Pasi numërova këto të Ramës duhet të shohim edhe cik nga vetja. Pse ikën nga reforma territoriale.  Pse ikëm nga parlamenti, pse ikëm nga zgjedhjet, pse ikëm nga ndihma që na dha Evropa në 2017?”.

The post Shehi: Patronazhistët e Ramës si spiunët në komunizëm appeared first on Albeu.com.

Çdo fund viti është bërë si traditë që media të rendisë 10 apo 100 njerëzit më të shquar të vitit.  Televizione dhe gazeta nxitojnë të nxjerrin njeriun e vitit në shkencë, në art, në komunikim, në teknologji, në novacion, në sport- dhe Shqipëria njihet si vend që prodhon shkencëtarë e novatorë  artistë, influencera me rrezatim jo vetëm në Ballkan, por edhe më gjerë.

Lista e 500 shqiptarëve më të shquar për vitin 2022 nuk i përket  sferës së biznesit ku fare mirë në këtë listë mund të sistemoheshin biznesmenë që kanë “fituar” tenderat me 99.99% të fondit limit, mund të spikasnin “investitorë strategjikë” që dalin nga vendimet e zbardhura të qeverisë, në këtë listë mund të ishin edhe investitorë të huaj nga ata që kanë 10 vjet që kanë zënë radhën për të investuar në Shqipëri. Por, jo.

Lista e 500 shqiptarëve të shquar nuk i përket as taksapaguesve dhe bamirësve që ky vend i ka me shumicë. Kjo listë mund të bëhej publike, por “kur jep dora e majtë, e djathta nuk duhet ta dijë”

Në listën “Top 500” nuk bëjnë pjesë as zjarrëfikësit, as mjekët, as policët. Jo se nuk e meritojnë, por puna e tyre nuk ka të krahasuar me angazhimin, mundin dhe sakrificën e heronjëve të vërtetë të vitit 2022

Te këta heronj nuk bëjnë pjesë as ministrat, deputetët dhe zyrtarët që për çdo fatkeqësi që kalon vendi janë në këmbë, në ballë të situatës, nuk janë as ata që po punojnë nate dhe ditë, as ata që nuk njohin pushimin se #punojnëpapushim. Jo. Heronjtë e vërtetë janë të tjerët.

Këta heronj nuk janë as ata që kanë lehtësuar këtë vit kalimin e 12 mijë shqiptarëve në kanalin e La Manshit. 500 heronjtënuk janë të përzgjedhur as mes 12 mijë shqiptarëve që duke parë kushtet e vështira në të cilat ndodhet Anglia pas Brex-it lanë Mëmëdheun, lanë shtëpi dhe katandi dhe në traditën më të mirë të solidaritetit, vajtën për të ndihmuar në rimëkëmbjen e ekonomisë së Mbretërisë së Bashkuar.

500 heronjtë e përzgjedhur mes qindra të tjerëve janë ata që orar e pa orar iu përgjigjen detyrës karshi publikut, njerëz që asnjëherë nuk panë rehatinë e tyre personale, njerëz që  nuk dallojnë ditën nga nata, të hënën nga e diela, ja pra këta janë heronjtë që vrapuan gjatë 2022 duke sfiduar herë paragjykimet, herë motin e keq dhe gjithmonë trafikun.

500 shqiptarët që meritojnë nderimin dhe përuljen e të gjithëve janë mes nesh, por si të thuash janë “fshehur” në vendin më të dukshëm- në ekranin e TV. Heronjtë e vërtetë janë të ftuarit nëpër emisione të panumërta televizive. Për të kuptuar sakrificën sublime të këtyre heronjve mjafton vetëm fakti se një televizion ka nevojë për 50 të ftuar në ditë. 15 televizione informative (pa llogaritur televizonet gjeneraliste dhe tv publik) kanë nevojë për minimumi 750 të ftuar në ditë. Janë qindra në mos mijëra që mbajnë gjallë debatin e shëndetshëm publik në Shqipëri, pa të cilin, demokracia do të vdiste dhe jeta do të bëhej pa kuptim.

As zjarrëfikësit, as mjekët, as policët, madje as patronazhistët nuk mund të krahasohen me ushtrinë e të ftuarve në ekran. Duke vrapuar nga njëri emision i televizionit në tjetrin, nga një TV në tjetrin, publiku shqiptar për çdo ditë të 2022 u informua, argëtua dhe mbi të gjitha u iluminua jo vetëm për çfarë ka ndodhur dhe ç’do të ndodhë në Shqipëri, por edhe për ngjarjet me rëndësi planetare, si ngrohja globale, terrorizmi, lufta në Ukrainë, konfliti në Jemen, zgjedhjet në Kirgistan dhe protestat në Kazakistan.  Publiku u informua për të gjitha çështjet ndërkombëtare për të cilat patën dilema zërat kopetentë nga Uashingtoni dhe Londra. Falë analistëve, komentatorëve, editorialistëve, opinionistëve, kolumnistëve, influencarve, moderatorëve, studiuesve, kritikëve, vëzhguesve, juristëve, specialistëve, ekspertëve, Shqipëria mbylli një vit në një kohë që është në pikëpyetje të madhe fakti nëse edhe vendet e tjera do të arrijnë ta mbyllin vitin.

Një dolli me fund për heronjtë e vërtetë të 2022!

The post 500 shqiptarët heronj të 2022-it appeared first on Albeu.com.

Ish-kryeministri tha se sot në administratë vendin e ekspertëve e kanë zënë patronazhistët.

“Ju përshëndes dhe ju falënderoj për të gjithë kontributin tuaj thelbësor në detyrat që keni pasur në administratën e shtetit shqiptar. Kontributin që keni dhënë në të gjitha fushat dhe shërbimet që i keni bërë vendit me përkushtim të madh.

Vitet në të cilat ju keni shërbyer në administratë nuk kanë qenë vite të përsosura pune, por kanë qenë vite pune intensive, përpjekjesh të mëdha dhe serioze në të gjitha fushat. Ato kanë qenë vite në të cilat në radhë të parë, u bën përpjekje të mëdha për një administratë eficente, të aftë, shërbëtore të qytetarëve të vendit. Treguesit e punës tuaj, përpjekjeve tuaja mbeten të pakrahasueshëm në çdo aspekt me situatën dramatike të sotme.

Largimet masive nga puna e zyrtarëve të aftë, të përkushtuar, të mirëshkolluar, krijuan mundësi, hapësira që në Shqipëri të rrënohet siguria juridike, të rrënohet rendi, siguria që në Shqipëri me shpejtësi të madhe korrupsioni të shndërrohet në sistem. Ju ishit njerëz të ligjit dhe në periudhat, në vitet e shërbimit tuaj ndaj vendit, ju i shërbyet ligjit. Sot shërbimi ndaj ligjit dhe qytetarit është zëvendësuar totalisht me shërbimin ndaj partisë, klaneve të krimit, drogës, të korrupsionit.

Me punën tuaj, administrata pothuajse tre herë më e vogël se kjo e sotmja përballoi me sukses të madh, reforma të një rëndësie të jashtëzakonshme. Proceset më serioze të vendit, anëtarësimin në NATO, marrëveshjen e Stablizim-Asociimit, arritjen e statusit të vendit kandidat, liberalizimin e vizave.

Pra unë nuk them që ato ishin vite vrapi, jo, por ishin vite të ecje të pandalshme progresi në rritje.

Nga 85 mijë punonjës që kishte administrata, sot janë rreth 190 mijë. Sot vendin e ekspertit, e punonjësit të përkushtuar, zyrtarit shërbëtor të qytetarëve, masivishit e kanë zënë patronazhistët dhe kjo është një e vërtetë e pamohueshme”, tha Berisha.

The post Berisha në takim me të larguarit nga puna: Sot, vendin e ekspertit e kanë zënë patronazhistët appeared first on Albeu.com.

Ai gjithashtu u shpreh se deri më tani nuk është marrë në konsideratë e drejta e votës së diasporës, ndërsa shtoi se edhe shqiptarët brenda vendit janë përballur me vjedhje të votës.

“Asnjëri nuk e ka pranuar realisht, për arsye të thjeshtë vota në këtë vend vidhet, patronazhistët janë në sulm dhe shteti ka shkatërruar të drejtat e shqiptarëve dhe kjo ndodh brenda vendit , mendo për ata që janë jashtë vendit. Nëse duhet të bëjmë ndryshime së pari do të duhet ta shohim realitetin në sy, pra ky është realiteti kjo ka qenë pengesa. Fakti që një shumicë dërrmuese shqiptarësh prej shumë kohësh nuk ndodhen në vend, kanë ikur edhe duke u zbrazur nga një e drejtë që Kushtetuta ua garanton, e drejta e votës. Kushtetuta shqiptare ua garanton shtetasve shqiptarë të drejtën e votës, pikë dhe kjo mjafton për të ngritur qëndrimin tonë. Fenomeni i emigrimit në Shqipëri ka diasporën apo atë që e quani mërgatë, ka një fenomen tjetër më recent, migrimi i kohë të fundit të shqiptarëve, janë 500 mijë shqiptarë që janë larguar, por lidhjet me vendin i kanë të forta. Do të duhet edhe kjo kategori të ketë të drejtën për të votuar duke e lidhur me vendbanimin e fundit që kanë pasur në Shqipëri”, tha Alibeaj.

The post Vota e diasporës, Alibeaj: Shteti ka shkatërruar të drejtat e shqiptarëve në vend, mendo për ata që jetojnë jashtë appeared first on Albeu.com.

Sa u përket akuzave për patronazhistët, Spiropali ka thënë se në kohë zgjedhjesh të gjitha partitë duhet ta kenë një listë të tillë, përndryshe do të ishin si magazina pa inventarë.

“Mbi mbivendosjen e funksioneve dhe ankimeve nga qytetarët. Të gjitha zyrat zhbëhen me këtë ligj dhe ka një zyrë të vetme për ndjekjen e procedurave. Të gjitha ankesat kalojnë në të njëjtin proces që janë më gjurmueshëm. U ngrit nga zoti Shehi, por e dëgjoja si shqetësim edhe nga të tjerë çështja e një ngritjes së një strukture për kontrollin e administratës.

Kjo do ishte në rastin kur kryeministri vendosi një telefon para zyrës së tyre dhe thonë Alo, na merrni në telefon dhe i heqim nga puna. Kjo krijon përmes një ligji që tashmë funksionon dhe normon çdo masë administrative. Këtë e ruan titullari i institucionit. Nuk ka marrëdhënie varësie. Ai jep urdhra dhe institucionet zbatojnë.

Nuk krijon marrëdhënie ndërvarësie agjencia me institucionet e tjera. Nuk ka asnjë kategori imperative këtu. Çështja e gjobave mund të ketë keqkuptime. Nëpunësit nuk gjobiten dy herë. Gjobiten institucionet në rast se nuk kthejnë përgjigje. Nuk ka shkelje të parimit të autonomisë vendore. Në kohë zgjedhjesh të gjitha partitë kanë një listë patronazhimi, ndryshe janë magazina pa inventarë që nuk dinë kush i voton”, tha Spiropali./albeu.com

The post Spiropali: Partitë që nuk kanë patronazhistë, si magazina pa inventarë appeared first on Albeu.com.

Ahmetaj tha se ata nuk krahasohen me opozitën dhe shtoi se do t’i ndihmojnë sërish në marrjen e mandatit të katërt.

“Varfëria është relative. Vini këtu e bëni fjali me apologjizma, nuk thoni asgjë, bëni diskutim për çmimet. Më pas çfarë thotë FMN, që e përballuan krizën për shkak të mirëmenaxhimit. Vini këtu dhe përfaqësoni ato zemrat e zjarrta që nuk iu votuan, ato që iu sollën në opozitë për shkak të njëjtave arsye. Ato fjalë kur i nxjerr nga goja duhet t’i presësh mbrapsht. Fjalët janë jo dinjitoze, për askënd. Kërcënuat patronazhistët, t’i vini anash. Ata janë zemrat e zjarrta që votuan PS. Ne do të punojmë të gjitha instrumenteve që na lejon demokracia dhe patronazhistët për të fituar mandatin e katërt. Sa i përket krizës energjetike, nuk duhet të flisni. Edhe një koment për ju që merreni me ekonominë.

Lexoni ndonjë fjali që lexohet në botë. Janë 100 vende që përdorin rregullin fiskal, të gjithë e kanë thyer për t’iu përgjigjur nevojave të vendit. Si s’kemi emergjencë? Kemi emergjencë për vaksinat, kemi emergjencë për investimet. Për krizën energjetike nuk duhet të flisni, sepse tre pikat e thëna nga kryeministri garantojnë energji për të gjithë. Nuk do të ketë rritje çmimesh për qytetarët. Imagjinoni sikur të ishim në vitin 2013. Në atë vit humbjet ishin 45%. E dini se sa ka qenë humbja për shkak të menaxhimit, 1.1 mld.

E si flisni këtu pa pikë reference për 10 mln. Faturat e papaguara? Kishim 64 mijë fatura, sot janë 200 mijë familje që i mbështesim me çmimin e energjisë elektrike. Nëse keni propozim më të mirë silleni, e ne do e marrim në konsideratë. Por furnizimi i qytetarëve me energji është parësore për ne. Për hir të së vërtetës kemi arritur të pezullojmë modelin për të menaxhuar me transparencë kompanitë dhe i gjithë aksesi i të ardhurave të kompanive do të shkojë për blerje të energjisë elektrike. Sa për rindërtimin, ju thatë dikur 3 D, e më pas thatë që do të ndërtohen pallate te Sami Frashëri, por historia është që deri më 25 nëntor, do të hyjnë 700 familje në pallate dhe sot vetëm ata që kanë marrë përsipër fondi shqiptar i zhvillimit janë gati 2 mijë njësi individuale dhe falas për qytetarët. Kur të shpërndajmë pallatet për të gjithë do e bëjmë me short”, u shpreh Ahmetaj./albeu.com

The post Ahmetaj-opozitës: Patronazhistëve t’u vini anash, do të ndihmojnë për të marrë mandatin e katërt appeared first on Albeu.com.

Meta, përmes një postimi në Facebook, njofton se i ka bërë kërkesë SPAK dhe Prokurorisë të zbardhin të gjithë të vërtetën dhe të gjejnë autorët dhe urdhëruesit e skandalit të vjedhjes së të dhënave.

Skandali i vjedhjes së të dhënave personale të rreth 910 mijë qytetarëve të Tiranës nga Regjistri Publik Shtetëror dhe keqpërdorimi i tyre në funksion të zgjedhjeve të 25 prillit, duke u përdorur si mjet shantazhi, intimitidimi dhe presioni për të siguruar votën dhe mbështetjen, meriton një hetim të thellë dhe të gjithanshëm.

Në datat 12 prill 2021, 19 prill 2021 dhe 20 prill 2021 u kam kërkuar zyrtarisht me shkresë dhe publikisht SPAK dhe Prokurorisë të zbardhin plotësisht të vërtetën, autorët dhe urdhëruesit e këtij skandali, që përbën jo vetëm veprimtari të ndaluar nga neni 91 i Kodit Zgjedhor, por përmban elementë të disa veprave penale të parashikuara nga Kodi Penal, duke filluar nga shpërdorimi i detyrës (neni 248 i Kodit Penal) i konsumuar nga funksionarët, që kanë për detyrë të administrojnë dhe mbrojnë këto të dhëna, deri te “Përdorim i funksionit publik për veprimtari politike ose zgjedhore”, parashikuar nga neni 328/a, i Kodit Penal.

Postimi i Metës:

https://president.al/presidenti-republikes-kerkon-spak…/

https://president.al/deklarate-per-shtyp-e-presidentit…/

https://www.facebook.com/ilirmetazyrtar/videos/731988874161816/

https://president.al/kerkese-e-perseritur-per-kryerjen-e…/

The post PS kërkon shkarkimin e tij, hakmerret Meta: Zbardhni skandalin e vjedhjes së të dhënave appeared first on Albeu.com.

Rama i ka quajtur “patronazhistët” personat të cilët punojnë për fitoren e Partisë Socialiste dhe është shprehur mirënjohës ndaj tyre.

“Kanë zbuluar fjalën patronazhist e sjellin vërdallë duke e deformuar kuptimin e saj për faktin që ata nuk e dinë që PS është një familje, ku të angazhuarit brenda familjes punojnë, punojnë vullnetarisht, mbas pune, pas shkolle, punojnë duke marrë nga koha e tyre e lirë për të mbuluar territorin shpirtëror të këtij vendi, për të pasur në komunikim të drejtpërdrejtë njerëzit e zakonshëm të këtij vendi, qyett më qytet, fshat më fshat, derë më derë sepse beteja e përditshme e PS është beteja për të fituar mendjet dhe zemrat e njerëzve.

Pastaj çuditen, sepse shkojnë dhe zbresin në fushën e lojës me atë gafurrjen kur i thoshim ne në kohën që luanim sport të dikujt që mendon, që kujton e që beson se i takon fitorja dhe se është i fituar.

E pastaj kur hyn në fushën e lojës me ne fillojnë edhe kuptojnë që nuk është kaq e lehtë, e pastaj kur bie bilbili i përfundimit të ndeshjes shohin tabelën e rezultatin dhe shohin që është 74-78.

Pse?

Natyrisht për të gjitha ato që flasim, kemi bërë, besimin që transmetojmë e bindjen e shumicës se PS është e vetmja forcë që mund ta cojë Shqipërinë në majën ku meriton, por edhe për faktin se PS nuk është Edi Rama se PS nuk janë disa ministra apo disa depuetetë që për shkak të pozicionit apo detyrës janë të ekspozuar në sytë e njerëzve.

PS është një rrjet i tërë i organizuar me emra njerëzish të të gjitha moshave që janë në gjithë Shqipërinë, të organizuar e angazhuar për të komunikuar mesazhin për te percjellë energjinë dhe për ta marrë rezultatin.

Rezulteti i PS për të cilin sot e shikoni si i hapin sytë kur unë jua them në ballafaqimet nëpër këto klubet mediatike është rezultati i angazhimit të secilit prej jush e të mijëra e mijëra të tjerëve si ju nga Veriu nbë Jug e nga Lindja ë Perëndim.

Për këtë ju jam shumë mirënjohës ju e gjithë patrionazhistëve e gjithë aktivistëve të PS, sepse fitorja jonë është një fitore që krijohet nga puna, angazhimi, komunikimi vendosmëria besimi i gjithë këtyre qeliave të organizmit tonë, organizmi ynë është i pathyeshëm gjithmonë e më i fortë, është shtylla që mban Shqipërinë dhe shtylla që duke u lartësuar e ngre Shqipërinë cdo vit më lart”.

The post Vodhën të dhënat e shqiptarëve pa iu dridhur qerpiku, Rama iu del në krah patronazhistëve: Punojnë për PS appeared first on Albeu.com.