Ukraina po kërkon me ngulm dhe nguti mbrojtje më të fortë ajrore përballë sulmeve të shpeshtuara dhe rritura nga Rusia me raketa dhe dronë.

“Bisedova për këtë me presidentin [Donald] Trump të enjten e kaluar dhe gjithashtu i kërkova atij ta furnizojë [Ukrainën] këto sisteme”, tha Merz gjatë një konference në Romë për rindërtimin e Ukrainës.

Ministrat e mbrojtjes të të dyja vendeve po bisedojnë për një marrëveshje të mundshme, por ende nuk është marrë ndonjë vendim përfundimtar, tha Merz.

Merz theksoi se SHBA-ja ka nevojë për disa nga sistemet Patriot për mbrojtjen e vet ajrore, pa treguar se sa sisteme Patriot saktësisht synon t’i blejë Berlini.

Megjithatë, presidenti i Ukrainës, Volodymyr Zelensky, tregoi më vonë se Gjermania është pajtuar të paguajë për dy sisteme Patriot.

“Gjermania është e gatshme të paguajë për dy prej tyre, tashmë ka një marrëveshje”, tha Zelensky në Romë.

Sipas tij, edhe Norvegjia është zotuar të blejë një tjetër sistem Patriot dhe ta dërgojë në Ukrainë.

Këtë javë, Trump, duke shprehur pakënaqësinë e tij me mungesën e vullnetit nga presidenti rus, Vladimir Putin, për t’u përfshirë seriozisht në bisedime për paqe, tha se kishte miratuar një furnizim me armë mbrojtëse për Ukrainën.

Ai shtoi më pas se kërkesa e Ukrainës për sisteme shtesë të mbrojtjes ajrore Patriot do të shqyrtohet.

Gjermania, e cila gjithashtu përdor sistemet Patriot, ka furnizuar Ukrainën me disa sisteme të mbrojtjes ajrore, por Patriotët konsiderohen si më modernët dhe më efektivët.

Patrioti është i aftë të shkatërrojë avionë, raketa balistike dhe raketa lundruese në një largësi rreth 100 kilometra dhe në një lartësi deri në 30 kilometra.

Më herët, Merz premtoi mbështetje të vazhdueshme për Ukrainën gjatë takimit dyditor në Romë, i cili kishte për qëllim diskutimin e mënyrave për të financuar rindërtimin ndërkohë që sulmet ruse vazhdojnë.

“Mbështetja jonë për vendin tuaj është e palëkundur”, i tha Merz Zelenskyt, i cili gjithashtu mori pjesë në mbledhjen e aleatëve të Kievit në kryeqytetin italian.

Duke iu drejtuar Putinit, udhëheqësi gjerman deklaroi: “Nuk do të dorëzohemi”./REL

The post Gjermania e gatshme të paguajë për sistemet amerikane Patriot për Ukrainën appeared first on Albeu.com.

Publiku do ta dijë se pajisja e re ka mbërritur “sapo të rrëzohet avioni i parë rus”, tha Ihnat në televizionin shtetëror ukrainas.

Një grup prej 65 ushtarësh ukrainas përfunduan stërvitjen e tyre në Postën e Ushtrisë Fort Still të Oklahomas muajin e kaluar.

Më pas ata mësuan më shumë për sistemin e raketave, i cili përdoret për të gjurmuar dhe rrëzuar aeroplanët e armikut, kur ata mbërritën në Evropë.

Një bateri e raketave Patriot zakonisht përfshin gjashtë lëshues të lëvizshëm, një radar të lëvizshëm, gjenerator të energjisë dhe një qendër kontrolli angazhimi.

Gjermania dhe Holanda janë zotuar gjithashtu të ofrojnë një sistem Patriot për Ukrainën.

Përveç kësaj, një sistem anti-raketë SAMP/T i premtuar nga Franca dhe Italia pritet të mbërrijë në Ukrainë në të ardhmen e afërt, tha Ihnat. /albeu.com

The post “Do e mësoni sapo të rrëzohet avioni i parë rus”, sistemi Patriot pritet të mbërrijë shumë shpejt në Ukrainë appeared first on Albeu.com.

Marrëveshjet e mundshme, të cilat do të rifurnizonin sistemet kyçe të mbrojtjes me raketa për të dy vendet, vijnë vetëm disa javë pas vizitës së Presidentit Joe Biden në rajon. Zoti Biden pati shpresuar të arrinte një marrëveshje për shtimin e prodhimit të naftës me qëllim uljen e çmimeve ndërsa inflacioni ka arritur shkallën më të lartë në 40 vjet dhe kërcënon mbështetjen ndaj tij.

Pavarësisht miratimit nga Departamenti i Shtetit dhe njoftimit të Kongresit amerikan për marrëveshjet, nuk do të thotë se një kontratë është nënshkruar ose se negociatat kanë përfunduar. Pocedura e njoftimit të Kongresit shpesh shihet si një pranim publik se po punohet për marrëveshjet në fjalë.

Departamenti amerikan i Shtetit miratoi shitjen e mundshme të 300 raketave balistike të tipit MIM-104E (GEM-T) për sistemin Patriot të mbrojtjes me raketa, si dhe pajisje mbështetëse, rezervë dhe mbështetje teknike për Mbretërinë e Arabisë Saudite, njoftoi Pentagoni.

Pentagoni tha se firma “Raytheon Technologies” ishte kontraktori kryesor për pajisjet dhe raketat Patriot, me një vlerë rreth 3 miliardë dollarë.

Po ashtu, Departamenti i Shtetit miratoi shitjen e mundshme Emirateve të Bashkuara Arabe të 96 interceptorëve të sistemit të mbrojtjes me raketa “THAAD”, pajisjeve mbështetëse, pjesë këmbimi dhe mbështetjen teknike, tha Pentagoni.

Pentagoni tha se firma “Lockheed Martin” ishte kontraktori kryesor për shitjen e raketave “THAAD”, me një vlerë prej 2.25 miliardë dollarësh.

Administrata e Presidentit Biden duket se ndryshon politikën e saj për të mos i shitur armë Arabisë Saudite.

The post THAAD dhe Patriot, SHBA do t’i shesë raketa mbrojtëse Arabisë dhe Emirateve appeared first on Albeu.com.

Lajmin e bëri të ditur Komanda Evropiane e SHBA-së, e cila njoftoi se 2 bateri raketash ‘Patriot’ do të dërgohen në Poloni për “qëllime mbrojtëse”.

Në një deklaratë me shkrim nga Komanda Evropiane e SHBA-së thuhet se komandanti i Komandës Evropiane, gjenerali Tod Wolters ka dhënë udhëzimin për dërgimin e dy baterive të mbrojtjes ajrore Patriot në Poloni.

Dy bateritë Patriot nën përgjegjësinë e Komandës Evropiane të SHBA-së dhe Komandës Afrikane do të vendosen në Poloni, me kërkesë të Polonisë dhe udhëzimin e gjeneralit Wolters. Bateritë janë “plotësisht me qëllim mbrojtjeje” dhe se raketat në asnjë mënyrë nuk janë me qëllim sulmi.

Mes SHBA-së dhe Polonisë ka pasur disa dallime në qasjen lidhur me “dërgimin e avionëve në Ukrainë” ndërsa është deklaruar se Polonia avionët në fjalë mund t’i dorëzojë në bazën ushtarake të SHBA-së në Gjermani dhe jo drejtpërdrejtë në Ukrainë.

Pentagoni, mundësinë për dorëzimin e avionëve në mënyrë të drejtpërdrejtë nga SHBA-ja për Ukrainën, e ka përcaktuar si një situatë jo shumë të mundshme për t’u zbatuar në terren.

The post Numër 1 në mbrojtje, SHBA dërgon dy sisteme anti-raketore “Patriot” në Poloni appeared first on Albeu.com.

Faleminderit për angazhimin në Planin Kombëtar të Pastrimit. VEÇ PATRIOT NUK JE, nëse e ndot vendin tënd duke hedhur plehra rrugëve, parqeve, plazheve…

*momente nga pastrimi sot në Durrës, Vlorë, Gjirokastër, Mat dhe Bregu i Lumit, Tiranë”, shkruan Rama./albeu.com

The post Rama: Nuk je patriot nëse hedh plehrat rrugëve (FOTO LAJM) appeared first on Albeu.com.