Tirana vijon lëvizjet në merkato për të përmbushur kërkesat e trajnerit Dean Klafuric. Përforcimi më i fundit i bardhebluve është qendërmbrojtësi Patrick Stanic.

25-vjeçari u prezantua përmes rrjeteve sociale dhe mbërrin me një përvojë të konsiderueshme. Gjatë karrierës së tij, ai ka luajtur për klubet kroate NK Zrinski Osjecko 1664, NK Osijek II dhe HNK Cibalia, ndërsa së fundmi shtatlarti i prapavijës ishte pjesë e NK Siroki Brijeg.

Me sigurimin e shërbimeve të një futbollisti që ofron garanci në mbrojtje, drejtuesit e Tiranës e konsiderojnë të kompletuar repartin difensiv. Po në të njëjtën ditë, klubi prezantoi edhe tre lojtarë të ardhur nga akademia, të cilët do t’i bashkohen ekipit të parë në sezonin 2026/27.

The post Tirana kompleton prapavijën, bardheblutë firmosin me Patrick Stanic appeared first on Albeu.com.