Ministria e Punëve të Brendshme, e drejtuar nga ministri në detyrë Xhelal Sveçla, ka përmbyllur ditë më parë procedurën e radhës së prokurimit me nënshkrimin e një kontrate.

Përmes kësaj procedure të hapur, dikasteri është furnizuar me patentë shoferë ndërkombëtarë.

Vlera e kontratës arrin në 14 mijë e 985 euro, ndërsa furnizuesi i përzgjedhur është operatori ekonomik “Ndërmarrja Tregtare Grafike Blendi O.P.”.

Kompania është shpallur fituese pas zhvillimit të procedurës së tenderimit.

MPB ka bërë të ditur se oferta e këtij operatori është vlerësuar si e përgjegjshme dhe me çmimin më të ulët. Shuma e kontratës është e njëjtë me vlerën e planifikuar nga autoriteti kontraktues.

Furnizimi do të financohet nga Buxheti i Konsoliduar i Kosovës, ndërsa shpenzimi i përgjithshëm për të do të jetë 14,985 euro.

The post MPB lidh kontratë prej 14 mijë e 985 eurosh për patentë shoferë ndërkombëtarë (Dokument) appeared first on Albeu.com.

Sipas policisë, kjo masë zbatohet në përputhje me legjislacionin që rregullon fushën e trafikut.

Në përgjigjen e saj, PK theksoi se i zbaton të gjitha ligjet e aplikueshme në Republikën e Kosovës dhe, në këtë rast, ato që kanë të bëjnë me trafikun, ku përveç gjobave për kundërvajtje të ndryshme parashihen edhe masa mbrojtëse. Si rezultat, nga fillimi i këtij viti, 6,259 shoferëve u është ndaluar drejtimi i mjetit me veprim motorik.

Policia bëri të ditur se kjo përgjigje vjen pas dilemave të ngritura nga njohës të sistemit të drejtësisë, të cilët kanë thënë se “Policia e Kosovës përmes konfiskimit të patentë shoferëve po shkelë të drejtat e njeriut”.

The post Që nga fillimi i vitit 2026, mbi 6 mijë shoferëve u është konfiskuar patentë shoferi appeared first on Albeu.com.