Berisha tha se këtë e ka deklaruar dhe PD duke theksuar se narkoshteti shqiptar i Edi Ramës përbën rrezik të madh për sigurinë e rajonit dhe Evropës me shpejtësi marramendëse.

“Në mediat e botës po rritet denoncimi i mafies shqiptare, si më e rrezikshmja e planetit sepse është eksportuesi kryesor i kanabisit në Evropë dhe transportuesi kryesor i kokainës nga Amerika Latine në Evrope

Pyetje: Mediat në Kosovë po ngrenë alarmin se grupe të lidhura me Ramën po investojnë në ndërtim në Kosovë, pra ka dyshime se po ndërtohet një skemë pastrimi parash si në Tiranë

Sali Berisha: Ne kemi deklaruar se narkoshteti shqiptar i Edi Ramës përbën rrezik të madh për sigurinë e rajonit dhe Evropës me shpejtësi marramendëse në mediat e botës po rritet denoncimi I mafies shqiptare, si më e rrezikshmja e planetit sepse është eksportuesi kryesor i kanabisit në Evropë dhe transportuesi kryesor i kokainës nga Amerika Latine në Evropë. Është e rëndësishme që Kosova të marrë cdo masë për të prerë tentakulat mafioze të Tiranës në territorin e saj, për të mbajtur dhe respektuar ligjin dhe shtetin ligjor. Kam besim se autoritetet do të dinë ti përgjigjen këtij agresioni mafioz droge të Shqipërisë ndaj Kosovës.

The post Alarmi për skemë pastrimi parash me ndërtimet në Kosovë, Berisha: E kemi paralajmëruar, janë grupe të lidhura me Ramën appeared first on Albeu.com.

Sipas organit të akuzës, ky shtetas është dënuar me 4 vjet e 8 muaj burg, për veprën penale, ‘Pastrimi i produkteve të veprës penale ose veprimtarisë kriminale’ dhe pasuritë e konfiskuara përfshijnë, toka, apartamente dhe makina lukzose, të përftituara nga pastrimi i parave.

Pasuritë e konfiskuara si më poshtë:

Pasuri e paluajtshme, e llojit “Njësi”, me nr.54/9-19, me siperfaqe totale prej 70m2, vol.31, fq.87, zona kadastrale 8605, ndodhur në Vlorë, në pronësi të shtetasit R.Z.;

Pasuri e paluajtshme e llojit “Njësi”, me nr.54/9-18, me sipërfaqe totale prej 50m2, VOL.31, fq.86, zona kadastrale me nr.8605, ndodhur në Vlorë, në pronësi të shtetasit R.Z;

Pasuri e paluajtshme e llojit “Apartament”, me nr.pasurie 49/41 + 1-1, vol.31, faqe 180, me sipërfaqe prej 159m2, ndodhur në lagjen “Kushtrimi”, Vlorë, në pronësi të shtetasit V.Z.;

Pasuri e paluajtshme e llojit “Tokë arë”, me nr.pasurie 105/13, vol.2, fq.19, me sipërfaqe prej 5000m2, zona kadastrale me nr.2838, në bashkëpronësi të shtetasve S.Z, L.Z, E.Z, R.Z, V.Z etj;

Pasuri e paluajtshme e llojit “Truall”, me nr.pasurie 49/41-T, me sipërfaqe prej 105m2, vol.34, fq. 117, zona kadastrale me nr.8605, ndodhur në lagjen “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme e llojit “Apartament”, me nr.pasurie 49+41+1-2, me sipërfaqe prej 171m2, vol.31, fq. 191, zona kadastrale nr.8605, lagjja “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme e llojit “Bodrum”, me nr.pasurie 49-41-B, sipërfaqe prej 181m2, vol.31, faqe 179, zona kadastrale me nr.8605, lagjja “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme “shtesë 4-kate”, ndërtuar mbi bazën e lejes së ndërtimit me nr.2/446 datë 28/09/2011, në bashkëpronësi të shtetasve V.Z dhe A.M.; dhe

Automjet i markës BMW, GM730D, në pronësi të shtetasit R.Z.

The post Apartamente, toka dhe makina luksoze/ Konfiskohen mbi 2 milionë euro pasuri në Vlorë appeared first on Albeu.com.

Sipas të dhënave të grumbulluara nga strukturat hetimore, Koni është përfshirë në blerjen e një vile rezidenciale në zonën e Mulletit, pjesë e kompleksit “Rolling Hills 2”.

Bëhet fjalë për “Vilën nr. 2-B”, një objekt trekatësh me sipërfaqe ndërtimi 391.1 m² dhe të pajisur me pishinë.

Hetimet tregojnë se kjo pasuri është siguruar përmes kontratave të dyshimta, me një çmim shumë më të ulët sesa vlera fillestare e saj.

Fillimisht, vila ishte porositur nga shtetasi Vesel Demiraj për 808,000 euro, por kontrata u revokua pasi pagesat nuk u përmbushën.

Më pas, e njëjta vilë rezulton të jetë objekt i një marrëveshjeje të re me shoqërinë “Kriol.Al” sh.p.k., të administruar nga Koni, me çmim prej 300,000 eurosh.

Pagesa parashikonte një këst fillestar prej 202,000 eurosh, ndërsa pjesa tjetër në disa këste të papërcaktuara.

Hetuesit theksojnë se ky transaksion, i kryer nëpërmjet kontratave premtim-shitjeje, ngre dyshime të forta për pastrim parash, duke qenë se diferenca mes çmimit real dhe atij të rënë dakord është tepër e lartë.

Ndërkohë, hetimet vazhdojnë për të zbuluar pasuri të tjera të siguruara në të njëjtën mënyrë, ndërsa materiali procedurial i është referuar Prokurorisë së Tiranës.

The post Iu sekuestruan mbi 26 mln euro pasuri/ Kristian Koni i dyshuar edhe për pastrim parash, si u shit vila 800 mijë euro për më pak se gjysmën e çmimit, zbardhen detaje të reja appeared first on Albeu.com.

Sipas të dhënave të raportit, rasti i identifikuar përfshin një shtetase shqiptare, e identifikuar si shtetasja A, me rezidencë në një shtet të Bashkimit Europian. Në vitin 2021, ajo ka investuar në Shqipëri përmes një familjari të saj, duke blerë një truall me vlerë 90 mijë euro, çmim ky dukshëm më i ulët se tregu real.

Verifikimet e mëvonshme treguan se paratë për blerjen e kësaj pasurie ishin depozituar në para cash, jo vetëm nga shtetasja A dhe familjarët e saj, por edhe nga shtetasi B, ish-bashkëshorti i saj, gjithashtu rezident në të njëjtin shtet të BE-së. Ky element ngre dyshime të forta mbi burimin e këtyre fondeve.

Vetëm dy muaj pas blerjes, shtetasja A ka nënshkruar një kontratë sipërmarrje me një kompani ndërtimi në Shqipëri, shoqëria Y, duke vënë truallin në dispozicion për zhvillim në këmbim të përfitimeve në ndërtim. Por skema nuk përfundon aty. Vetëm një vit më pas, ajo ka shitur të njëjtin truall – tashmë të zhvilluar – po kësaj shoqërie në një vlerë rreth 2.2 milionë euro, duke shumëfishuar në mënyrë të dyshimtë çmimin fillestar.

Sipas analizës së AIF, fondet e përfituara nga kjo shitje janë transferuar më pas në një shtet tjetër të BE-së, të identifikuar si “shteti V”, në llogarinë e shoqërisë X, e themeluar nga vetë shtetasja A menjëherë pas përfitimit të shumës. Kjo kompani, me objekt veprimtarie ndërtimin, ka lidhur më tej një kontratë të re sipërmarrjeje me një kompani të tretë, shoqërinë D, ku një pjesë e fondeve është transferuar në llogaritë e kësaj të fundit si pagesë për shërbime ndërtimi.

Hetimi evidentoi se përfaqësuesi i shoqërisë D, një shtetas shqiptar, ka qenë më parë i punësuar në shoqërinë Y në Shqipëri, duke krijuar një lidhje të drejtpërdrejtë mes të gjithë aktorëve të përfshirë në skemë. Më tej, ky person rezulton të jetë aksioner në një tjetër kompani ndërtimi në shtetin V, e cila është e lidhur ngushtë me shoqërinë D.

Nga informacionet e siguruara në bashkëpunim me Njësitë e Inteligjencës Financiare të vendeve të BE-së, dyshohet se shtetasi B është përfshirë në trafikim të lëndëve narkotike, dhe se një pjesë e të ardhurave të tij kriminale janë investuar përmes kësaj skeme në Shqipëri, për t’u legalizuar dhe më pas tërhequr në shtete të tjera.

AIF thekson se ky rast përmban një sërë indikatorësh të pastrimit të parave, përfshirë:

• Depozitime në cash në sistemin bankar për blerjen e pasurive të paluajtshme;

• Investime fillestare nën vlerën reale të tregut;

• Rritje e menjëhershme dhe e pajustifikuar e vlerës së pasurisë së blerë;

• Transferta të shumta ndërkombëtare të fondeve në kompani të lidhura me individë të përfshirë;

• Lidhje të tërthorta mes kompanive dhe individëve të përfshirë në veprimtarinë ndërtimore;

• Dyshime për burime kriminale të të ardhurave të investuara.

Për shkak të kompleksitetit të rastit dhe dyshimeve të bazuara për veprimtari kriminale të organizuar në disa shtete, rasti është referuar për hetim të mëtejshëm pranë organeve të zbatimit të ligjit në Shqipëri dhe partnerëve ndërkombëtarë. /skyweb.al

The post Një kompani ndërtimi e përfshirë në pastrim parash, shqiptarja bleu truallin 90 000 euro dhe e shiti 2.2 milion euro appeared first on Albeu.com.

Nga ana tjetër, Tabaku shton se buxheti i 2025 i hap rrugën pastrimit të parave përmes sektorit të ndërtimit.

Ekonomia ka nevojë të shohim në prizëm tjetër. Një model që stimulohet nga një politikë taksash.

Një model që nuk ka lidhje me buxhetin që do vijë javën e ardhshme në parlament. Ulja e kursit të këmbimit po shkatërron sektorin fason.

Ka 75 mijë punonjës që mund të hidhen në rrugë. Cila është përgjigja e qeverisë? Është i vetmi buxhet që e ka të formalizuar pastrimin e parasë sepse bazohet tek rritja e ndërtimit. Këto shqetësime edhe në emër të grupit parlamentar që sot në buxhet dalin më reale se kurrë.

Këto kanë nevojë të dëgjohen nga politika.

Sa herë dalin në aksione informalitetit kanë dështuar. Struktura taksave ndikon në informalitetin dhe nuk mbështet punën.

Kam folur e debatuar me njerëz të shtresës së mesëm. Pyetja kryesore e tyre është kur do të krijohet mundësia të largohemi.

Të punojmë në ndonjë vend tjetër me këto kualitete që kemi. Ky model ekonomik nga pak duar që nuk po prodhon më për 95% të qytetarëve.

Ky model ekonomik nuk i çon ato shpenzime ekonomike aty ku duhen. Nuk i çon shpenzimet e bujqësisë aty ku duhen. Po i shpërndan me tollona për fushata elektorale.

I çon tek të njëjta duar që kanë kapur ekonominë. Realitetin duhet ta ndryshojmë duke dhënë një ofertë ekonomike që ato kanë dëshirë ta zbatojnë`.

The post Jorida Tabaku: Buxheti 2025 i hap rrugën pastrimit të parave përmes ndërtimit appeared first on Albeu.com.

Komunikimi i akuzës tjetër, atyre dhe avokatëve iu bë e njohur në seancën e sotme, e cila u zhvillua në orën 10.00.

Ndërsa për Taulant Tushen, u kërkua zgjatja e afatit hetimor me tre muaj, kërkesë e cila u pranua nga gjykata.

Në 2 korrik të këtij viti, SPAK i komunikoi akuzat “Korrupsion pasiv” dhe “mosdeklarim të pasurisë” Mollës dhe Qatos, ndërsa Tushes i komunikoi akuzën “shkelje e barazisë në tendera”.

Tushe, Molla dhe Qato, u arrestuan në muajin mars të këtij viti me urdhër të Prokurorisë së Posaccme Antikorrupsion, në kuadër të hetimeve për dosjen “5D”.

Tre ish-drejtorët u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Kecci dhe Englatina Zere.

Sipas Spak, Qato dhe Molla, janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë.

Bëhet fjalë për 11 procedura tenderimi në harkun kohor të 6 viteve, nga 2016 deri në 2022. Kompania njihet dhe me dy emra të ndryshëm “Igor Electric” dhe “Vas construcion”.

Me akuzën e re Mollës dhe Qatos i zgjatet afati hetimor edhe një vit, ndërsa Tushes i përfundon pas tre muajsh.

The post SPAK shton një tjetër akuzë për dy ish-drejtorët e Bashkisë Tiranë, çfarë u kërkua për Taulant Tushen appeared first on Albeu.com.

Raportohet se mjeku kardiokirurg është i akuzuar për korrupsion dhe pastrim parash.

Kardiokirurgu doli në përgjime në dosjen e ish-gjyqtares se Krujës Enkelejda Hoxha, teksa fliste me një nga punonjësit e gjykatës.

Gjatë kontrollit në zyrë dhe në banesë, mjekut ju gjetën dhe sekuestruan shuma të mëdha parash.

SPAK po e heton nën dyshimet për pastrim parash, si dhe për përfshirje në tenderin e QSUT.

Edvin Prifti i ka kundërshtuar akuzat dhe ka deklaruar se paratë i ka te gjitha te justifikuara.

The post U paraqit në SPAK, mjeku Edvin Prifti akuzohet për korrupsion dhe pastrim parash appeared first on Albeu.com.

Në pranga kanë rënë 27 persona janë arrestuar në disa provinca si Madrid, Malaga, Seville, Valencia, Alicante dhe Barcelona dhe gjatë kontrolleve janë sekuestruar 615,000 euro para cash, si dhe ora dhe bizhuteri me vlerë më shumë se 400,000 euro. Organizata, e drejtuar nga shtetas shqiptarë, mbështeti organizata të ndryshme ndërkombëtare për të pastruar fondet e përfituara në mënyrë të paligjshme për të lehtësuar pagesat për trafikun e drogës.

Hetimi filloi si rezultat i raporteve të inteligjencës kriminale të dërguara nga Europol, falë të cilave u bë e mundur identifikimi i një organizate të përbërë nga shtetas me origjinë shqiptare, të dedikuar për trafikimin e lëndëve narkotike, kryesisht mbjelljen e kulturave marijuanë në ambiente të mbyllura, dhe që së bashku me qytetarë me origjinë kineze, kishin formuar një strukturë komplekse në të cilën të dy grupet përfitonin avantazhe të ndërsjella dhe përfitime që rrjedhin nga aktivitetet kriminale me të cilat ata ishin përfshirë.
Gjatë hetimit, agjentët mundën të verifikonin sesi në këtë strukturë shtetasit kinezë u dërgonin bizneseve të tyre shuma të mëdha parash, në këmbim që kjo shumë të kompensohej diku tjetër, me qëllimin përfundimtar që ato para të mbërrinin në vendin e origjinës pa qenë subjekt i kontrollit përkatës ligjor ose formal në Spanjë. Nga ana tjetër, “havaladarët” shqiptarë, duke funksionuar si një subjekt bankar, kryenin “transferimin” dhe fshehjen e shumave të mëdha të parave nga shitja e drogës dhe merrnin rifinancimin e operacioneve të reja.

Hetuesit kanë mundur të zbulojnë se në krye të strukturës kriminale ndodheshin dy shtetas shqiptarë, njëri që vepronte si drejtues dhe tjetri si toger dhe kontabilist. Të paktën që nga viti 2018, ata kishin dy koordinatorë me origjinë kineze, të cilët dyshohet se menaxhonin një “portofol” të madh me institucione të shumta aziatike të shtrira në të gjithë territorin kombëtar, me të cilat shërbenin kërkesat në para të organizatave kriminale të dedikuara për trafikun e drogës kurdo dhe kudo. kishin nevojë. Bizneset vepruan në të njëjtën mënyrë pavarësisht vendndodhjes së tyre, duke grumbulluar shuma të mëdha parash që u dërgoheshin trafikantëve të drogës në këmbim të kompensimit financiar, duke përdorur si masë sigurie një TOKEN, që zakonisht përkonte me numërimin e dyqane, një faturë me vlerë të ulët nominale.

65.5 milionë euro dërgesa parash në më pak se një vit
Gjatë periudhës së hetuar midis majit 2020 dhe marsit 2021, dërgesa të vazhdueshme dhe të shumta cash u janë bërë organizatave kriminale shqiptare, në një vlerë totale prej gati 65.5 milionë euro, në provincat e Barcelonës, Malaga, Valencia, Madrid, Sevilje dhe Alicante.

Brenda kuadrit të hetimit, ata arritën të zbulonin se disa nga të arrestuarit vizituan një institucion “groëshop” dhe se më pas ata kryen vizita kontrolli në një shtëpi të vetme në një komunë të Madridit, në të cilën u arrestuan tre persona dhe u sekuestruan pothuajse 65 kilogramë drogë. Nga ana tjetër, kreu i organizatës, me origjinë shqiptare, u arrestua si përgjegjës për veprën penale të pengmarrjes, plagosjes dhe armëmbajtjes pa leje, pasi kishte rrëmbyer një nga “havaladerët”. Pasi hetuesit gjetën anëtarët e organizatës kriminale, u zhvillua një operacion që coi në arrestimin e 27 personave në provincat e Alicante (1), Barcelona (6), Madrid (7), Málaga (7), Seville (2) dhe Valencia (1). Gjatë kontrollit u sekuestruan 615 mijë euro cash, dhjetë ora luksoze me vlerë mbi 400 mijë euro, dy automjete të nivelit të lartë, makineri numërimi parash, pajisje kompjuterike dhe celularë të koduar.

The post Europol shkatërron organizatën shqiptare të drogës, 65.5 milionë euro të pastruara brenda vitit appeared first on Albeu.com.

Sipas informacionit të bankës qendrore, gjatë vitit 2022 u inspektuan pesë banka, pesë subjekte financiare jobanka, dy shoqëri kursim-krediti (SHKK) dhe 70 Zyra të Këmbimit Valutor (ZKV), prej të cilave në 27 ZKV është realizuar procesi i ndjekjes së zbatimit të rekomandimeve si rrjedhojë e mangësive të konstatuara në ekzaminimin e mëparshëm.

Llojet e problematikave të identifikuara në banka lidhen kryesisht me vigjilencën e zgjeruar dhe sistemin e centralizuar, në disa tipologji të ndryshme.

Për shembull, banka ka kryer identifikimin e pronarit fundor përfitues nëpërmjet dokumentacionit por nuk e ka reflektuar në sistemin qendror të bankës pronarin fundor përfitues të subjektit.

Në rastet kur fondet kanë qenë të depozituara apo transferohen nga një bankë tjetër, banka konsideron si dokument justifikues të burimit të fondeve faktin që këto fonde klientët i kanë pasur në bankat e nivelit të dytë dhe nuk administron dokumentacion justifikues për origjinën e fondeve.

Janë evidentuar gjithashtu transaksione në vlerë të lartë, ku qëllimi ekonomik nuk del i qartë, si edhe përdorimi i llogarisë personale për qëllime të biznesit dhe transaksione në valutë të deklaruara nga biznesi që konvertohen në arkë. Në lidhje me çështjet e administrimit të rrezikut të financimit të terrorizmit dhe zbatimit të sanksioneve nuk janë konstatuar problematika në banka.

Për institucionet financiare jobanka (IFJB) dhe shoqëritë e kursim-kreditit (SHKK), nga inspektimi i tyre janë evidentuar mangësi në kuadrin e brendshëm rregullator për PPP/FT; strukturën/stafin përgjegjës; zbatimin e vigjilencës së duhur dhe zgjeruar; sistemin e centralizuar; kontrollin e brendshëm; proceset e administrimit të rrezikut TF dhe TFS; trajnimet; etj.

Për mangësitë e evidentuara janë lënë rekomandimet përkatëse me qëllim adresimin në kohë të tyre.

Në disa raste, në procedurat e brnedshme nuk është përcaktuar rrjedha e punës e raportimit të rasteve të dyshimta, që mund të evidentohen nga stafi/agjentët, drejt personit përgjegjës, i cili pas analizimit, mund t’i raportojë pranë Autoritetit Përgjegjës (DPPPP).

Në kuadër të masave kundër financimit të terrorizmit, nuk janë përcaktuar saktësisht hapat që duhet të ndiqen për ngrirjen e përkohshme të veprimeve financiare si për shembull të transaksioneve aktuale apo të mbetura në tentativë, të fondeve apo pasurive të tjera.

Janë konstatuar gjithashtu mangësi në procesin e kryerjes së vigjilencës së duhur, si mungesë analize mbi arsyen e mbylljes së kredive para afatit shoqëruar me dokumentacion shoqërues mbi burimin e fondeve, mungesë dokumentacioni justifikues mbi burimin e të ardhurave në momentin e çeljes së depozitës apo pranimi i dokumentit të identifikimit përtej afateve të vlefshmërisë si dhe raste me dokument identifikimi jo të saktë.

Llojet e problematikave të identifikuara në zyrat e këmbimit valutor (ZKV) kanë konsistuar kryesisht në mungesë e një rregulloreje të brendshme në funksion të parandalimit të pastrimit të parave dhe financimit të terrorizmit (PPP/PFT), në rastet kur aktiviteti ushtrohet nga jo më pak se tre persona; mosrespektim i procedurave identifikuese të klientëve në drejtim të identifikimit të klientëve dhe verifikimit të identitetit të tyre si dhe mangësi në ruajtjen e dokumentacionit mbështetës të veprimeve valutore; mosrespektim i kërkesave për marrjen e masave parandaluese për krijimin e një sistemi të centralizuar përgjegjës për grumbullimin dhe analizimin e të dhënave dhe elementeve për identifikimin e parregullsive; njohuri jo të mjaftueshme dhe mungesë zbatimi të detyrimeve ligjore; mungesë evidence për rastet e dyshimit për ngjashmëri emrash me listat e shpallura dhe listat e sanksioneve të Këshillit të Sigurimit të Kombeve të Bashkuara (KSKB) apo evidencave të kryera për verifikimet me listat e shpallura.

Për problematikat e evidentuara për ZKV-të janë marrë edhe disa masa administrative, konkretisht janë vendosur gjoba për 15 ZKV dhe tërheqje vëmendjeje për 8 ZKV.

Gjithashtu, në kontekstin e analizave nga jashtë, Banka e Shqipërisë ka kryer vlerësimin e ekspozimit të këtij rreziku mbi bazën e raportimeve të kryera në fillim të vitit 2023, bazuar në të dhënat e disponueshme për vitin 2022.

Ky vlerësim, konsiston në integrimin e vlerësimit për sasinë e rrezikut dhe cilësinë e administrimit të rrezikut në kuadër të kategorizimit të institucioneve dhe orinetimit të fokusit mbikëqyrës në funksion të parimeve të mbikëqyrjes së bazuar në rrezik.

Vlerësimi u krye për 671 subjekte financiare të licencuara, konkretisht 11 banka, 38 IFJB, 10 SHKK dhe 612 ZKV./monitor

The post Parandalimi i pastrimit të parave, Banka e Shqipërisë gjobiti 15 Zyra të Këmbimit Valutor vitin e kaluar appeared first on Albeu.com.

Thanas Bako konsiderohet nga Europoli si një nga “peshqit e mëdhenj” të pastrimit të parave që rrjedhin nga trafiku ndërkombëtar i drogës.

Sakaq 52-vjeçari nuk pranon akuzat. Avokatja e tij, Eleni Kriketou në një deklaratë për mediat është shprehur se Thanas Bako mohon akuzat, dhe se vetë ajo do të vërtetojë pafajësinë e tij.

Ndërkaq sipas aktakuzës Bako përmes një kompanie “Real Estate” bënte pastrimin e parave të pista në Greqi për interes të trafikantëve të drogës që operonin në Holandë dhe Belgjikë. Sipas informacioneve më të fundit të siguruara nga grupi hetimor, rreth 6 muaj më parë autoritetet holandeze kanë zbuluar në aplikacionet e komunikimit të një grupi trafikantësh kokaine, një kontakt me 3 gërma, i cili kryente pastrimin e parave.

Ky kontakt përdorte një metodë alternative të transferimit të parave, me ndërmjetësimin e personave, si sistemi haëala, dhe mënyra tjetër e trajtimit ishte me një “korrier” cashi për të mbledhur dhe dorëzuar paratë, i cili çdo ditë e informonte atë për “bilancin” e arkëtimeve dhe pagesave.

Policia holandeze i kreu këto hetime në kuadër të operacionit të koduar “Klaver”, duke arritur të zbulojë se pas kontaktit me 3 gërma fshihej emri i Thanas Bako alias Athanasios Bako, 52 vjeç me shtetësi shqiptare e kombësi greke, lindur në Sarandë, Shqipëri dhe banues në Glifadha, Greqi. Në bazë të komunikimeve në aplikacionet Encrochat, Sky ECC dhe Anom, u zbulua veprimtaria e Bakos në periudhën Qershor 2020 – Maj 2021, ku përllogaritet të jenë qarkulluar rreth 250 milionë euro.

Policia greke, e cila ka nisur gjithashtu hetim ndaj Bakos, ka zbuluar se kompania e tij Real Estate, në të cilën Bako zotëron 99 % të aksioneve, ka në pronësi të paktën 13 apartamente në zonën e Dafnit dhe Ilioupolit.

Kontrollet në banesë i zbuluar valuta të 9 llojeve të ndryshme me vlerë në total rreth 16.000 euro ndërsa i janë zbuluar llogari bankare në vlerën rreth 70 mijë euro. Në banesë gjithashtu ju sekuestruan edhe 2 ora luksoze me vlerë rreth 100 mijë euro./albeu.com/

The post Pastronte paratë e trafikantëve ndërkombëtarë, Thanas Bako mohon akuzat: Jam i pafajshëm appeared first on Albeu.com.