pasojat e luftes Archives - Albeu.com

Pasojat e luftës, Italia “mbshet” me emigrantë

E S — Mon, 27 Jun 2022 15:47:28 +0000

Ajo shkruan se njerëzit që i shpëtojnë urisë në vendet e Afrikës Veriore të shkaktuar nga mungesa e drithit për shkak të bllokadës së Rusisë ndaj eksporteve nga Ukraina, kanë filluar të mbërrijnë në Itali.

Gjatë gjashtë muajve të fundit, 26.000 njerëz zbarkuan në brigjet jugore të Italisë me anije, 28% më shumë në të njëjtën periudhë të vitit të kaluar, sipas një raporti në gazetën La Stampa të hënën, i cili citoi shifrat e ministrisë së brendshme.

Rënia ekonomike e shkaktuar nga pandemia e koronavirusit ka kontribuar në rritjen e numrit të personave të cilët kalojnë Mesdheun, shpesh në mënyrë ilegale.

Këto persona janë kryesish ata që largohen nga uria në vendet në Afrikën e Veriut.

Shumica e tyre janë punëtorë ndërtimi nga Bangladeshi që kishin punuar në Libi përpara se kriza ekonomike të godiste atje, të ndjekur nga ata nga Egjipti, Tunizia, Afganistani dhe Siria.

Luciana Lamorghese, ministrja e Brendshme e Italisë, tha javën e kaluar se vendi rrezikohej të përfshihej nga një krizë e paprecedentë humanitare.

“Pesëdhjetë për qind e grurit të konsumuar në Tunizi vjen nga Ukraina. Si në Tunizi ashtu edhe në Egjipt ka racionim të bukës, një efekt i shkaktuar nga lufta”, ka thënë ajo./albeu.com

The post Pasojat e luftës, Italia “mbshet” me emigrantë appeared first on Albeu.com.

Pasojat e luftë në Ukrainë, Gjermania: Kriza më e keqe ushqimore në dekada

E S — Wed, 08 Jun 2022 09:15:09 +0000

Zyrtarët gjermanë kanë deklaruar se kriza ushqimore e shkaktuar nga pushtimi rus i Ukrainës është kriza më e keqe ushqimore që pa pushtuar botën në dekadat e fundit. “Lufta e pajustifikueshme, e paprovokuar dhe e paligjshme e agresionit rus kundër Ukrainës po shkatërron prodhimin bujqësor, zinxhirët e furnizimit dhe tregtinë, duke çuar çmimet e ushqimeve [...]

OKB: 4.8 milionë qytetarë kanë humbur vendet e punës në Ukrainë

E S — Wed, 11 May 2022 17:44:09 +0000

Organizata Ndërkombëtare e Punës së OKB-së, ka bërë me dije se gati një e treta e vendeve të punës në Ukrainë, 4.8 milionë vende pune gjithsej, janë humbur që nga pushtimi rus.

“Ndërprerjet ekonomike, të kombinuara me zhvendosje të rënda të brendshme dhe flukse refugjatësh kanë shkaktuar humbje në shkallë të gjerë për sa i përket punësimit dhe të ardhurave”, tha ILO.

Në raportin e saj të parë mbi pasojat e luftës së Rusisë në Ukrainë, kjo organizatë vlerësoi përpjekjet e Kievit për të mbajtur funksionimin e sistemit të mbrojtjes sociale të Ukrainës.

“Qeveria e Ukrainës është plotësisht funksionale, si dhe punëdhënësit dhe organizatat e punëtorëve. Ne vazhdojmë t’i mbështesim në mënyrë që të jemi të gatshëm t’i ndihmojmë në situatën aktuale, por shpresojmë edhe në fazën e rindërtimit pas përfundimit të këtij konflikti”, tha në një konferencë për shtyp Heinz Koller, drejtori rajonal i ILO-s për Evropën dhe Azinë Qendrore./albeu.com

The post OKB: 4.8 milionë qytetarë kanë humbur vendet e punës në Ukrainë appeared first on Albeu.com.

Bota përballë krizës së ushqimeve, pasojat e rënda të luftës që do të na prekin

E B — Tue, 10 May 2022 12:56:10 +0000

Pushtimi rus i Ukrainës ka ndikuar ndjeshëm te çmimet e ushqimeve, duke përfshirë vajrat bimore, grurin dhe misrin.

Para luftës, Ukraina dhe Rusia përbënin 28.9% të eksporteve globale të grurit, sipas JP Morgan, dhe 60% të furnizimeve globale të lulediellit, një përbërës kyç për ushqimet e përpunura – thotë S&P Global.

Bllokada e Rusisë përgjatë në Detin e Zi ka bërë që miliona tonë drithë të mos mund të largohen nga Ukraina.

Si do të ndikohen njerëzit?

Banka Botërore ka parashikuar një rritje “të madhe” prej 37% në çmimet e ushqimeve për shkak të luftës në Ukrainë duke theksuar se kjo do të ndikonte negativisht te banorët e tokës, ku një pjesë do të shtyhen në varfëri dhe të tjerë drejt keqkushqyerjes.

Kjo do të godiste më shumë të varfërit, të cilët “do të hanë më pak dhe do të kenë më pak para për çdo gjë tjetër, siç është shkollimi”.

Cili është reagimi në mbarë botën?

Një krizë e thellë ekonomike në Sri Lanka, me shumë njerëz të paaftë për të përballuar ushqimin, ka çuar në protesta të dhunshme.

The post Bota përballë krizës së ushqimeve, pasojat e rënda të luftës që do të na prekin appeared first on Albeu.com.

G7 paralajmëron Rusinë me pasoja “të mëdha” ekonomike

E B — Mon, 14 Feb 2022 11:26:38 +0000

Ministrat e financave të grupit G7 paralajmëruan Rusinë për pasoja “të mëdha” ekonomike, nëse vendos që ta pushtojë Ukrainën.

G7 po ashtu premtoi ndihmë për ekonominë ukrainase.

“Grumbullimi i vazhdueshëm ushtarak rus në kufijtë e Ukrainës është shkak për shqetësim të madh. Ne, ministrat e financave të G7-ës, theksojmë gatishmërinë tonë për të reaguar menjëherë dhe në mënyrë të vendosur për të mbështetur ekonominë ukrainase”, u tha në deklaratën e përbashkët.

“Çdo agresion i mëtejmë nga Rusia ndaj Ukrainës do të pasohet me përgjigje të shpejtë, të koordinuar dhe të fuqishme”, thanë ministrat e G7-ës.

“Ne jemi të përgatitur që bashkërisht të vendosim sanksione ekonomike dhe financiare, të cilat do të jenë masive dhe do të shkaktojnë pasoja të menjëhershme ndaj ekonomisë ruse”, u tha në deklaratë.

Në G7 bëjnë pjesë Kanadaja, Franca, Gjermania, Italia, Japonia, Mbretëria e Bashkuar dhe Shtetet e Bashkuara.

Sipas inteligjencës amerikane, Rusia ka grumbulluar 130,000 trupa përgjatë kufijve të Ukrainës dhe ka vendosur armatime të avancuara. Perëndimi thotë se grumbullimi mund të jetë përgatitje e Moskës për ta pushuar Ukrainën, por Kremlini mohon se ka plane të tilla./rel

The post G7 paralajmëron Rusinë me pasoja “të mëdha” ekonomike appeared first on Albeu.com.