Megjithatë, ndonjëherë, dobësitë tona na shkaktojnë pasiguri aq të mëdha sa që shtrembërojnë mënyrën se si mendojmë dhe sillemi, duke bërë kërdi në jetën tonë dhe në marrëdhëniet tona të dashurisë.

E keni të vështirë t’i besoni partnerit tuaj

Nëse pasiguritë tuaja e pengojnë partnerin që t’ju besojë, atëherë patjetër që do ta keni të vështirë të hapeni emocionalisht me të. Kjo do të ndikojë në marrëdhënien tuaj në shumë mënyra, sepse do të kufizojë llojin e intimitetit emocional që mund të keni.

Ju i përvetësoni mendimet tuaja negative dhe i ktheni ato në veprim

Të gjithë kemi mendime negative herë pas here, por nëse herë pas here e gjeni veten të kapur në ciklin e vetë-dyshimit, me siguri do t’i përvetësoni mendimet tuaja negative dhe tani do të veproni në një mënyrë të caktuar. Përfundimisht, kjo mënyrë reagimi ndaj gjërave bëhet pjesë e marrëdhënies suaj, duke prekur partnerin dhe duke i bërë gjërat toksike.

Krahasoni gjithmonë veten me ish-at e partnerit tuaj

Të gjithë jemi kuriozë të dimë se me kë kanë dalë para nesh partnerët tanë. Por nëse jeni të fiksuar pas detajeve dhe vazhdimisht e krahasoni veten me to, atëherë është padyshim e rrezikshme për marrëdhënien tuaj. Edhe nëse partneri juaj është i dashuruar me ju, ai përfundimisht do të lodhet nga krahasimi i vazhdueshëm.

Partneri juaj ka nevojë për siguri të vazhdueshme

Sigurimi nga partneri juaj nuk është një gjë e keqe, të gjithë ne kemi nevojë për të herë pas here. Por nëse partneri juaj duhet të vërtetojë çdo veprim, atëherë ka një problem serioz. Dhe në rast se ai lodhet duke ju qetësuar, atëherë pasiguritë tuaja do të shumohen. Kjo tregon gjithashtu se jeni tepër të varur nga partneri juaj për të rritur besimin tuaj, gjë që nuk është një shenjë e mirë.

Ekzistenca juaj ka të bëjë me partnerin tuaj

Kur jeni në një lidhje romantike, ka shumë gjëra që do të bëni së bashku me partnerin tuaj. Por kjo nuk do të thotë gjithçka! Ju të dy duhet të keni jetën tuaj personale, dhe kjo do të thotë të shoqëroheni me miqtë tuaj dhe të bëni gjërat që ju pëlqejnë. Nëse e gjeni veten duke bërë vetëm atë që i pëlqen partnerit tuaj, edhe nëse kjo nuk ju intereson, kjo tregon se jeni shumë të pasigurt në marrëdhënien tuaj

The post Pasiguri në dashuri! Shenjat që duhet të keni kujdes për një marrëdhënie më të shëndetshme appeared first on Albeu.com.

Për këtë temë ajo ka folur edhe sonte teksa ishte e ftuar “Në Kurthin e Piter Pan”. Përballë fëmijëve, Efi tha se ka pasur disa pasiguri ndaj dhe ka kryer operacionet plastike.

Pyetje-përgjigje:

Alketa: Si një vajzë që ka pranuar ndërhyrjet estetike, çfarë mendimi ke?

Efi: Është shume në rregull që një njeri i cili ka pasiguritë e veta të përpiqet t’i rregullojë. Unë për vete kam pasur disa pasiguri, i kam rregulluar dhe sot ndjehem më mirë.

The post “Kisha pasiguri”/ Efi Dhedhes flet për ndërhyrjet estetike appeared first on Albeu.com.

E ardhur nga Shqipëria, kjo grua me përkatësi etnike rome thotë se tani jeton në një shtëpi të vjetër në qytetin e Ferizajt, ku banon me qira. Dhjetë vjetët e saj në Kosovë nuk kanë qenë të lehta.

“Shumë herë gjatë natës nuk më ka zënë gjumi, [duke menduar] se a do të mund ta sigurojë ushqimin të nesërmen për familje”, thotë ajo për Radion Evropa e Lirë.

E papunë, ajo çdo ditë udhëton nga Ferizaj në Prishtinë për të kërkuar lëmoshë nëpër lagje të ndryshme të kryeqytetit. 36-vjeçarja thotë se kështu fiton nga pesë deri në dhjetë euro në ditë, të cilat i përdor për blerje të ushqimeve për familjen e saj treanëtarëshe.

Por, paratë i duhet t’i kursejë edhe për pagesat mujore të qirasë dhe faturave të ndryshme. Kjo i është vështirësuar që kur çmimet e produkteve ushqimore janë ngritur.

“Çmimet për produktet ushqimore viteve të fundit janë rritur shumë, nuk di qysh po ia dal. Po, mërzitem, mërzitem shumë, çka të bëj…”, thotë ajo.

Kosova e kishte mbyllur vitin e kaluar me një normë mesatare inflacioni prej 11.6 për qind, ndërsa në muajin tetor, sipas Agjencisë së Statistikave të Kosovës, norma e inflacionit ishte 3.3 për qind.

Gjatë kësaj periudhe ka pasur ngritje të çmimeve duke filluar nga produktet ushqimore deri tek shërbimet.

Këto çmime të ngritura i kanë shkaktuar shqetësim dhe pagjumësi disa herë në jetë edhe Xhevahir Berbatovcit. Si punëtor në sektorin e ndërtimtarisë, ai që tre muaj paguhet nga 500 euro në muaj, ndërsa më parë merrte nga 450 euro.

Por, shkaku i këstit të kredisë prej 240 eurosh në muaj dhe çmimeve të ngritura, ai thotë se paga nuk i mjafton për t’i mbuluar të gjitha shpenzimet familjare.

“Nuk e di a me thanë stres, por i shqetësuar tej mase, vështirë është bërë të jetohet më këto paga”, thotë Berbatovci, baba i tre fëmijëve.

Sfida të ngjashme përjetojnë edhe shumë qytetarë të tjerë të Kosovës, sipas të dhënave të publikuara në raportin “Shqyrtimi i Dinamikës së Varfërisë së Amvisërisë Përballë Inflacionit” më 2 nëntor nga Programi i Kombeve të Bashkuara për Zhvillim (UNDP).

Gati gjysma e të anketuarve kanë raportuar se kishin përjetuar stres, ankth ose shqetësim – që më vonë kishin shkaktuar çrregullime në aktivitetet normale ditore, të tilla si gjumi dhe produktiviteti në punë.

Këto probleme janë shfaqur pasi që të hyrat financiare kanë mbetur të pandryshuara gjatë periudhës 2021-2023, derisa shpenzimet për nevojat bazë janë rritur gjatë këtyre viteve.

Deri sa në vitin 2021, 38.8 për qind e ekonomive familjare kishin shpenzuar 200 ose më shumë euro për gjëra ushqimore, përqindja u rrit deri në 59.5 për qind më 2023.

Kjo situatë më së shumti ka ndikuar në jetën e qytetarëve të komuniteteve rom, ashkali dhe egjiptas.

Ata kanë thënë se për blerjen e më pak produkteve, kanë shpenzuar më shumë para.

Mbi 90 për qind janë shprehur të shqetësuar se çmimet do të vazhdojnë të rriten edhe në të në të ardhmen dhe kjo do të ndikojë edhe më tej në cilësinë e jetës së tyre.

Çka thonë sociologët dhe psikologët?

Florent Osmani, psikolog në Klinikën psikoterapeutike “Empatia”, pohon se ka rritje të numrit të personave që kërkojnë shërbime që nga fillimi i pandemisë COVID-19, periudhë që korrespondon edhe me rritjen e çmimeve.

Osmani është i angazhuar si psikolog edhe në platformën online “Hajde Folim” ku thotë se shumë qytetarë shprehin shqetësim për ndikimin e gjendjes ekonomike në shëndetin e tyre mendor.

Brengosja nga pamundësia për t’i mbuluar obligimet e nevojshme për jetë mund të ndikojë në shëndetin mendor sepse njerëzit ndihen të pafuqishëm për t’u përballur me situatën, shpjegon Aliriza Arënliu, profesor i psikologjisë në Departamentin e Psikologjisë në Universitetin e Prishtinës “Hasan Prishtina”.

“Kjo më pas manifestohet me pagjumësi, probleme brenda për brenda familjes se si menaxhohet [buxheti familjar] dhe si nuk menaxhohet”, shprehet ai.

Se inflacioni krijon një pasiguri ekonomike për të ardhmen dhe zbeh motivimin për të menduar pozitivisht thotë edhe sociologia Linda Gusia, ligjëruese në Universitetin e Prishtinës.

“Krijohet një ndjenjë se gjërat janë duke ndryshuar për të keq, kjo e rritë nivelin e stresit. Nga kjo ndjenjë, njerëzit fillojnë të kursejnë. Zgjedhin produktet ushqimore më të lira, fillojnë të ushqehen më produkte që të ngopin më shumë dhe janë jo cilësore apo kalorike, duke neglizhuar shëndetin”, thekson Gusia.

Si të menaxhohet stresi dhe ankthi?

Ndryshimet ekonomike dhe politike i bënë njerëzit të pafuqishëm, pasi që janë ndryshime që janë jashtë kontrollit të tyre, thotë Arnliu. Ai shton se, për të siguruar të ardhura të mjaftueshme, njerëzit detyrohen të punojnë më shumë, që rrjedhimisht u lë më pak kohë për vete.

“Ushqimi i shëndetshëm ndihmon në përballim më të lehtë të kësaj situate”, thotë Arenliu.

Psikologu Osmani konsideron se aktivitetet fizike, që s’kërkojnë shpenzime financiare, mund të ndikojnë në uljen e stresit dhe ankthit.

“Nëse personi është duke u ndjerë keq, duhet të fillojë aktivitete që largojnë mendimet negative. Por, gjithsesi duke marrë parasysh situatën në të cilën gjendet [ai person], që [duhet] të kursejë… Ai mund të merret me aktivitete që nuk kushtojnë shumë. Ecjet në natyrë dhe aktivitetet sportive nuk kanë ndonjë kosto, por largojnë stresin, ankthin dhe janë dobiprurëse në psikologjinë njerëzore”, thotë Osmani.Raporti i UNDP-së tregon se kosovarët, vetëm për t’i ulur shpenzimet, kanë bërë sakrifica personale që kanë ndikuar në mirëqenien e tyre. Ndër këto sakrifica përmenden: kujdesi për vete, aktivitetet sociale me miqtë ose familjarë, pushimet, ushtrimet ose aktivitetet fizike, e të tjera./ REL/

The post “Nuk më zë gjumi natën”, rritja e çmimeve shton stresin dhe pasigurinë te qytetarët appeared first on Albeu.com.

A jam mjaftueshëm i mirë?

Një nga pasiguritë më të zakonshme në marrëdhënie është frika për të mos qenë mjaftueshëm i mirë. Kjo pasiguri e rrënjosur thellë shpesh rrjedh nga përvojat personale, traumat e kaluara ose presionet sociale.

The post Këto janë pasiguritë më të zakonshme në një lidhje appeared first on Albeu.com.

Të rritesh në një botë digjitale nuk do të thotë thjesht të ndihmosh prindërit të përdorin teknologjinë. Kjo bën edhe që t’i përjetosh thuajse çdo sekondë në celularin tënd inteligjent fatkeqësitë e kësaj bote.

“Ne jetojmë në një vend të pasur me shumë mundësi. Shumë kriza nuk na prekin aq afër sa mendojmë ndonjëherë. Por gjithçka që ndodh, ne mund ta shohim në kohë reale. Është një përmbytje që bie mbi ne, me të cilën shumë janë të mbingarkuar “, thotë Konstantin Knorr. 17-vjeçari është e përfshirë në këshillin rinor të Fondacionit Brezat. Ai e ndalon me vetëdije vërshimin dërrmues të informacionit. Shumë të rinj kanë filluar të anashkalojnë gjithçka, mendon ai.

Shumë e përjetuan ndikimin e krizave në shëndetin e tyre mendor gjatë pandemisë. Sipas sondazhit “Jugend in Deutschland” (Rinia në Gjermani), ngarkesa mendore e të rinjve të moshës 14 deri në 29 vjeç është rritur vitet e fundit. “Veçanërisht gjatë pandemis së koronas të rinjtë ndjenin se kishin pësuar një humbje të kontrollit,” shpjegon Klaus Hurrelmann, studiues i arsimit në Berlin.

Rritje e ngarkesës mendore

Pothuajse gjysma e të anketuarve në sondazhin e fundit në mars thanë se vuanin nga stresi. Një e treta u ankua për mungesë motivimi, rraskapitje, pafuqi dhe mungesë humori. Kjo ngarkesë e madhe është e pazakontë në këtë formë për brezin e ri, sipas Hurrelmann-it.

Sipas një studimi të Universitetit të Lajpcigut, koha e pritjes për një vend në terapi për fëmijët dhe adoleshentët është rritur me tre deri në gjashtë muaj gjatë pandemisë. Në zonat rurale, koha e pritjes është edhe mbi një vit. Një sondazh i fondit të sigurimeve shëndetësore DAK tregon se në vitin 2021 – krahasuar me vitin 2020 – në klinika janë pranuar për çrregullime emocionale, përfshirë depresionin dhe çrregullimet e ankthit 42 për qind më shumë të rinj të moshës 12 deri në 18 vjeç.

Charlotte Schmiedel përshkruan me pak fjalë se si është të rritesh gjatë gjithë këtyre krizave: “zhgënjyese, dëshpëruese dhe e pafuqishme”. Kur angazhohen të rinjtë, kjo nuk është për hobi, por për nevojë të vërtetë, thotë 18-vjeçarja. Që në klasën e gjashtë, ajo u përfshi në politikën arsimore dhe tani përfaqëson interesat e nxënësve të qytetit hanseatik si presidente e “Dhomës së Nxënësve në Hamburg”.

Ajo kritikon se ka shumë pak mbështetje, shumë pak hapësirë ​​për të mësuar aftësi për të përballuar krizat dhe pasojat mendore. Në vend të kësaj, ka programe të reja arsimore me më shumë materiale për të mësuar.

Menaxhimi i stresit mund të mësohet

Ajo që të rinjtë duan shpesh është mbështetja sociale dhe psikologjike. Përveç kujdesit në spitale, mbi të gjitha nevojitet më shumë parandalim, si përmes qendrave rinore dhe psikologëve shkollorë, beson Christoph Correll, drejtor i Klinikës për Psikiatrinë e Fëmijëve dhe Adoleshentëve në spitalin Berlin Charité. Ai drejton një studim ndërkombëtar të faktorëve të rrezikut dhe atyre mbrojtës gjatë pandemisë së kovidit.

Ajo që del nga rezultatet e hershme është se adoleshentët, ashtu si edhe të rriturit i rendisin ushtrimet fizike, pra aktivitetin fizik, si një nga strategjitë kryesore të përballimit. Por sporti nuk është e vetmja gjë që mund të ndihmojë në situata stresuese.

Mënyra se si i trajton këto kriza një person është individuale. Rezilienca – pra rezistenca psikike – ndryshon shumë, por mund të trajnohet. “Fakti që fëmijët mësojnë që në moshë të re të përballen mirë me stresin dhe situatat e vështira mund të ketë një efekt parandalues”, thotë studiuesja e elasticitetit Isabella Helmreich nga Instituti Leibniz për Kërkimin e Reziliencës në Mainz. Kjo mund të bëhet nga çerdhe, shton ajo.

“Destigmatizimi i problemeve mendore”

Çdo krizë ofron gjithashtu mundësinë për ta kapërcyer atë dhe për t’u ndjerë më të fortë më pas, shpjegon psikiatri Correll, i cili shton: “Ne të gjithë jemi të prekshëm dhe kemi të drejtë të flasim për faktin se nuk jemi mirë, se nuk ndihemi mirë në shkollë dhe se e kemi të vështirë të strukturojmë veten”.

Sipas Correllit, kërkimi i ndihmës profesionale në një krizë është pjesë e shëndetit mendor, ashtu si ecja në natyrë, meditimi ose dëgjimi i muzikës. “Pandemia ka në vete edhe mundësinë për të na lejuar të destigmatizojmë problemet mendore, sepse i përket paksa të gjithëve”, thotë ai.

Situata ekonomike është përcaktuese për ndjenjën e krizës

Stresi psikologjik tashmë është i dukshëm. Kufizimet – të tilla si mbyllja e shkollave, kufizimi i kontaktit ose heqja e ofertave të kohës së lirë – kanë prekur veçanërisht ata që tashmë ishin në disavantazh social para pandemisë. “Kemi një nënton të fortë të pabarazisë sociale,” sipas Hurrelmann-it.

Sipas vlerësimeve të ekspertit të arsimit, një e katërta e të rinjve të moshës 14 deri në 29 vjeç rrezikojnë të humbasin lidhjen me shoqërinë. Pjesë e tij janë kryesisht personat me nivel të ulët arsimor dhe prindër të pafavorizuar ekonomikisht, gjë që është e lidhur ngushtë.

Shanset për trajnim dhe punësim janë vendimtare për t’i kaluar mirë këto kriza. Ne duhet të investojmë në këtë fushë. Kriza më e keqe që mund të prekë të rinjtë është gjithmonë një krizë ekonomike, thotë Hurrelmann. Situata e mirë ekonomike – edhe për faktin se të rinjtë janë kaq të kërkuar në tregun e punës – bën të mundur zbutjen pjesërisht të konstelacionit aktual të krizave.

Ndjeshmëria mund të jetë forcë

Sipas sondazhit “Jugend in Deutschland”, gjendja bazë shpirtërore e të rinjve është pozitive pavarësisht nga presionet psikologjike. Dhe të qenit i ndjeshëm ndaj krizës nuk është domosdoshmërisht një gjë e keqe. Sigurisht, ndjenja e rraskapitjes, e pafuqisë dhe e ngarkesës psikike është më e fortë tek femrat e reja, por në të njëjtën kohë janë ato që janë më aktivet, shpjegon Hurrelmann. Kjo doli në pah në përballjen me gjendjen klimatike. “Rrallëherë e kemi parë këtë aktivizëm – domethënë reagimin konstruktiv ndaj një krize duke ndërmarrë veprime vetë – që buron kaq fuqishëm nga femrat e reja.” Është historikisht e re në këtë formë.

Të rinjtë dëshirojnë para së gjithash të merren seriozisht në politikë me propozimet e tyre. “Një pikë shumë vendimtare është të mos veprosh në kurriz të brezave të ardhshëm,” thotë Konstantin Knorr, 17 vjeç, një anëtar i këshillit rinor të Fondacionit Brezat.

Charlotte Schmiedel gjithashtu dëshiron që politika të marrë më shumë përgjegjësi. Në fund të fundit, janë të rinjtë si ajo që duhet të jetojnë me pasojat e veprimeve të brezave të vjetër./DW

The post Ndikimi i krizave tek të rinjtë appeared first on Albeu.com.

Cilat janë shenjat që kemi shumë pasiguri, të cilat nuk na lejojnë të jemi të lumtur dhe të përqafojmë vetveten?

Ne vazhdimisht po e krahasojmë veten me të tjerët. Secili prej nesh është unik dhe për krahasim do të përballemi vetëm me mjerim.

Ne nuk po mbrohemi. Nëse tërhiqemi vazhdimisht, pa mbrojtur bindjet tona, ne humbasim zërin dhe të drejtën tonë.

Ne e kemi të vështirë të marrim vendime vetë. Ne i besojmë më shumë gjykimit të të tjerëve, pasi besojmë se pikëpamja jonë ndoshta do të jetë e gabuar.

Ne bëjmë përtej nevojave tona. Është bukur të bësh gjëra për të tjerët, por nëse vazhdimisht themi “po” për gjithçka, heqim dorë nga dëshirat tona dhe nuk kujdesemi për veten.

Ne nuk pranojmë kritika. Pavarësisht nëse kritikat janë të këqija apo të mira, ne i konsiderojmë si fjalët më të këqija që kemi dëgjuar ndonjëherë. Gjetja e forcës për të dëgjuar atë që ata kanë për të thënë me siguri do të na bëjë më të mirë./albeu.com

The post Shenjat që tregojnë se keni shumë pasiguri appeared first on Albeu.com.

Sidoqoftë, për të kuptuar nëse partneri dëshion të ndahet nga ju, janë disa shenja që e tregojnë këtë.

Cilat janë këto shenja? Lexoni më poshtë:

Ai nuk ju tregon gjëra për jetën e tij të përditshme.

Shmangni bërjen e planeve për të ardhmen.

Papritmas ai vonon përgjigjen e mesazheve.

Biseda me të nuk çon askund.

Ju ndiheni të padukshëm për të.

Ai nuk bën më asgjë për t’ju rënë në sy.

Ai shpesh ndryshon planet tuaja.

Ai fsheh celularin nga ju.

Ai ju fajëson për gjithçka.

Ju thotë se jeni e pasigurt.

/albeu.com/

The post Si ta kuptoni nëse partneri dëshiron të ndahet nga ju? appeared first on Albeu.com.