Sipas Policisë Kufitare gjatë 24-orëve të fundit në Kakavijë janë përpunuar 7.649 shtetas në hyrje-dalje, nga të cilët 3.616 në hyrje dhe 4.033 në dalje, si dhe 2.408 mjete në hyrje-dalje, nga të cilat 1.241 në hyrje dhe 1.167 në dalje.
Fluksi i lartë i lëvizjes në kufi pritet të vazhdojë edhe ditët e ardhshme kur bashkatdhetarët tanë pasi kanë kaluar festën e Pashkës në vendlindje rikthehen në shtetin grek.

The post Fluks i lartë në Kakavijë për Pashkët ortodokse, mbi 7 mijë persona lëvizën në kufi brenda 24 orëve appeared first on Albeu.com.

Në mesazhin e tij dhënë për besimtarët që mbushën sheshin përpara katedrales “Ngjallja e Krishitit” në Tiranë, krypeshkopi Joan u ndal te vatrat e luftës në botë, duke theksuar se në mes të kësaj stuhie, Krishti i Ngjallur përsërit: “Paqe në ju”.

Besimtarët ndezën qirinjtë nga flaka e shenjtë në kishë, sepse vetëm përmes ndriçimit të zemrave mund të arrijnë paqen dhe mirësinë në Krishtin.

Rituale për kremtimin e Pashkës Ortodokse janë mbajtur përgjatë gjithë Javës së Madhe, ku ditën e enjte besimtarët lyejnë vezët me bojë të kuqe, simbol i përtëritjes së jetës dhe mbizotërimit të saj ndaj vdekjes. Po ashtu, të enjten besimtarët blenë edhe një enë prej balte, simbol i përbashkimit të njeriut me Zotin.

Një ditë më pas, besimtarët ortodoksë në të gjithë vendin kremtuan të Premten e Zezë, ditë që përkujton vdekjen e Krishtit në kryq. E premtja shoqërohet me daljen e epitafit nga kisha dhe kryerjen e procesionit në sheshet kryesore të qyteteve.

Të shtunën besimtarët ndoqën meshën e shenjtë në mesnatë, që kulmoi me Ngjalljen e Krishit, ndërsa të dielën shtrohet dreka tradicionale në familje.

Pashka është data më e rëndësishme në kalendarin kristian, festë që simbolizon gjallërimin e natyrës dhe jetës.

The post Pashkët Ortodokse, Kryepeshkopi Joan: Të bëhemi paqebërës në një botë që po shkatërrohet nga urrejtja e lakmia appeared first on Albeu.com.

Presidenti Begaj nënvizon se kjo festë, përfaqëson besimin te jeta si një forcë e pashtershme që udhëheq njerëzimin drejt së mirës.

Urimi i Begajt:

“Gëzuar Pashkën!
Pashka është besimi se e mira fiton mbi të keqen, mundimi mbi padrejtësinë, dashuria mbi forcën dhe drita mbi errësirën.
Pashka është besimi se jeta është forca e pashtershme që na udhëheq.

Pashka është shpresë dhe gëzim. Kjo festë na kujton se Zoti nuk na braktis kurrë dhe se dashuria e Tij është më e fortë edhe se vdekja.

Uroj që kjo ditë e shenjtë të sjellë gëzim, paqe dhe bekime në familjet tuaja!”, shkruan Begaj.

The post Presidenti Begaj mesazh urimi me rastin e festës së Pashkës: Kjo ditë e shenjtë të sjellë gëzim, paqe dhe bekime në familjet tuaja appeared first on Albeu.com.

Lajmin e ka dhënë vetë ajo përmes disa postimeve në rrjetet sociale, ku dhe ka ndarë momente nga pushimet në jug të vendit krah aktorit Callum Turner.

“Pashkë në shtëpi!”- ka shkruar ajo krahas fotove me Turner dhe të sajat e veshur me bikini duke shijuar diellin dhe detin.

Kujtojmë se lajmi për lidhjen e këngëtares dhe aktorit u publikua për herë të parë në janar dhe me pas ata zyrtarizuan romancën mes tyre.

Shpesh Dua i ka bërë dedikime të veçanta Callum, si ai për ditëlindjen e tij, ku ajo shkruante: “Gëzuar ditëlindjen personi im i preferuar në botë”.

The post FOTO/ “Në shtëpi!”- Dua Lipa feston Pashkët në jug të Shqipërisë me njeriun e zemrës appeared first on Albeu.com.

“Krishti u ngjall, vërtet u ngjall!” Ky ka qenë refreni i të gjithë besimtarëve ortodoksë këtë të diel ku kanë kremtuar festën e Pashkës, ndër festat më të rëndësishme të këtij besimi që simbolizon triumfin e jetës ndaj të keqes, vdekjes.

Besimtarët kanë ndezur qirinj në “Katedralen Ortodokse Ngjallja e Krishtit” për të çuar në shtëpi dritë nga drita e Jezukrishtit i cili tanimë u ngjall vërtetë.

The post Besimtarët ortodoksë në të gjithë vendin kremtojnë Pashkën appeared first on Albeu.com.

Pallati Buckingham tha të martën se mbreti Charles dhe gruaja e tij, Mbretëresha Camilla do të marrin pjesë në kishë më 31 mars, zakonisht një rast për një mbledhje të anëtarëve të familjes mbretërore.

Njoftimi vjen disa ditë pasi Kate, Princesha e Uellsit dhe nusja e mbretit, thanë se ajo gjithashtu kishte pasur një diagnozë të kancerit dhe po i nënshtrohej kimioterapisë parandaluese. Shërbimi i Pashkëve këtë vit do të jetë më i shkurtër për shkak të shëndetit të mbretit, lajmëron Buckingham Palace.

Kate dhe trashëgimtari i fronit Princi William nuk do të marrin pjesë, ka njoftuar tashmë zyra e tyre.

Që nga diagnoza e tij, Charles ka shkurtuar daljet në publik teksa merr trajtimin. Ai humbi festimet e Ditës së Komonuelthit në fillim të marsit, një mungesë në atë që është një rast i rëndësishëm në kalendarin vjetor të monarkisë britanike.

Por ai duket se po rrit gradualisht angazhimet e tij publike.

Ai takoi udhëheqësit e besimit në Buckingham Palace më herët të martën, të cilët ishin pjesë e një programi që synonte nxitjen e harmonisë dhe shkëmbimin e përvojave të udhëheqjes në një kohë tensionesh gjeopolitike të rritura.

Konfirmimi se ai do të frekuentojë kishën të dielën pason lajmin se Charles po i dukej zhgënjyese ritmi i rimëkëmbjes së tij, sipas nipit të tij Peter Phillips , një raportim nga të paktit se si po e kalonte.

The post Po i nënshtrohet terapisë ndaj kancerit, mbreti Charles do të marrë pjesë në kremtimin e Pashkëve të dielën appeared first on Albeu.com.

Gjatë 24-orëve në pikën e kalimit Kufitar Kapshticë kanë hyrë mbi 5000 qytetarë.

Numri i sporteleve nga pala shqiptare është rritur për të përballuar fluksin e lartë të lëvizjeve. Aktualisht po punohet me pesë sportele, katër në dalje dhe një në hyrje.

Ndërkohë, nga pala greke janë raportuar vonesa, madje ku qytetarët kanë pritur deri në dy orë. /albeu.com

The post Fluks i lartë në Kapshticë, shqiptarët kthehen në vendlindje për Pashkë appeared first on Albeu.com.

Disa pretendojnë se veza e Pashkëve ka rrënjë pagane. Disa argumentojnë se paganët e lashtë në Evropë vëzhgonin Ekuinoksin e Pranverës, si një rilindje e dritës dhe një dalje nga dimri.

Disa gjithashtu tregojnë për një murg anglez, që shkroi historinë e parë të krishterimit në Angli. Bede argumentoi se edhe fjala Pashkë rrjedh nga një perëndeshë pagane e pjellorisë me emrin “Eostre” në kulturat angleze dhe gjermane. Studiuesit kanë vërejtur se ka pak ose aspak prova për një perëndeshë të tillë jashtë shkrimeve të murgut Bede. Gjithashtu, në shumicën e gjuhëve të tjera fjala për Pashkë – Pascua në Spanjisht dhe Pasques në Frëngjisht, për shembull – rrjedh nga Greqishtja dhe Latinishtja.

Për të krishterët, veza e Pashkëve është simbolike e ringjalljes së Jezu Krishtit. Lyerja e vezëve të Pashkëve është një traditë veçanërisht për kishat Ortodokse dhe Katolike. Vezët lyhen me të kuqe për të përfaqësuar gjakun e Jezu Krishtit që u derdh në kryq. Pashkët ishin shansi i parë për të ngrënë vezë pas një periudhe të gjatë agjërimi pa ngrënë mish dhe vezë.

The post Cili është kuptimi i vërtetë i vezës së Pashkës appeared first on Albeu.com.

Pretendohet se Putin vuan nga sëmundja e Parkinsonit ose kanceri dhe gjatë shërbesës mbrëmjen e djeshme në Kishë u dogj teksa shtrëngonte një qiri pranë altarit në Kishë.

Pretendimet erdhën disa ditë pasi Putin u pa duke shtrënguar një tavolinë dhe duke goditur këmbën e tij, në një video që vëzhguesit e Kremlinit pretenduan  se tregonte një rënie drastike të gjendjes së tij fizike.

Mbrëmë ai u shfaq më pak i fryrë se në javët e fundit, teksa qëndronte në Katedralen e Krishtit Shpëtimtar të Moskës së bashku me kryebashkiakun e qytetit, Sergei Sobyanin.

Videot e shkurtra treguan shenja të dukshme të dridhjeve që shpesh janë të lidhura me sëmundjen e Parkinsonit.

Ai gjithashtu u filmua i shpërqendruar, duke parë lart në tavan dhe poshtë në dysheme gjatë meshës të udhëhequr nga  miku i tij Patriarku Kirill, i cili ka mbështetur pushtimin e tij në Ukrainë.

Në një moment Putin u pa sikur po kujdesej shumë për të kontrolluar lëvizjet.

Dalja publike erdhi dosa ditë pasi Putin u shfaqë në TV rus duke i dhënë urdhër shefit të mbrojtjes Sergei Shoigu për rrethimin e Mariupolit./albeu.com

The post Nervoz e duke shtrënguar buzët, Putin rindez pretendimet se vuan nga kanceri appeared first on Albeu.com.

Përmes një postimi në “Twitter”, ambasadorja Kim shkruan se urimi vjen nga e gjithë Ambasada e SHBA në Tiranë.

Ajo thotë ndër të tjera, se urimi i tyre përqendrohet tek shpresa në këto ditë të bukura pranvere.

“Gëzuar Pashkën Ortodokse nga të gjithë ne në Ambasadën e SHBA në Tiranë! Ju urojmë shpresë në këto ditë të bukura pranvere”, shkruan Kim. /albeu.com/

The post Yuri Kim uron për Pashkët: Shpresë në këto ditë të bukura pranvere! appeared first on Albeu.com.