Deklaratat e kryeministrit u bënë gjatë fjalës së tij në firmosjen e marrëveshjes me Italinë, për ndërtimin e anijeve në zonën e Pashalimanit.

Në fjalën e tij, ndër të tjera kreu i qeverisë deklaroi se kjo marrëveshje parashikon që siguria jonë detare dhe tokësore janë të përforcuara.

“Doja të përfitoja dhe për të falenderuar nga zemra presidentin e “Leonardo”, përfaqësuesit e Leonardo-s që na kanë qenë afër dhe e kanë vendosur të zezën në të bardhë, marrëveshjen për të përforcuar në mënyrë shumë të kompletuar, mbrojtjen tone, si nga ana detare, por dhe nga ana tokësore, me sistemin kundër raketave dhe sistemin e mbrojtjes në det. Është vetëm fillimi. Shpresoj që bota të përmirësohet dhe që luftërat të përfundojnë, por ndërkohë Shqipëria është shumë e vogël për të vendosur të ardhmen e botës dhe fatin e lojës së shahut gjeopolitike, por duhet të përshtatemi. Duhet të përshtatemi sigurisht në të voglën tonë për të pasur një mbrojtje dinjitoze dhe për të pasur gjithçka që nevojitet për të qenë në lartësinë e një vendi të vogël, por krenar në aleancën Transatlantike, ku ne bëjmë pjesë”, deklaroi kryeministri.

Kryeministri Edi Rama, tha se në kuadër të marrëveshjes mes Shqipërisë dhe Italisë në fushën e mbrojtjes për prodhimin e mjeteve detare në Pashaliman do të ndërtohen edhe dy anije për Forcat tona të Armatosura, duke e çuar në 7 numrin e flotës.

Gjithashtu, ai deklaroi se po në Shqipëri, në kantierin e Pashalimanit do të ndërtohen anije lundruese që janë në dobi të ushtrisë shqiptare, por edhe për ushtritë e tjera të vendeve aleate.

“Kjo marrëveshje hap rrugën edhe për një diskutimi të ri për arsye ekonomike si për Ficantierin ashtu edhe për KAYO sepse siç thashë do të jemi të parët që do të përfitojmë nga produktet e shoqërisë, në mënyrë konkrete nga dy anijet e para që do të ndërtohen për forcat tona të armatosura dhe që do ta çojnë në 7 numrin e flotës tonë. Në termat e përcaktuara nga statusi ynë madhor, por edhe sigurisht me NATO është një numër optimal sa i takon peshës dhe përgjegjësisë të Shqipërisë në Mesdhe. Më pas prodhimi do të vazhdojë më tej për të eksportuar këto anije, aty ky është e qartë që teknologjia e re dhe inovacioni që do të shoqërojë këtë rrugëtim do të implementimet. Është diçka fantastike”, tha Rama.

The post Ndërtimi i anijeve në Pashaliman/ Rama: Shpresoj që luftërat të përfundojnë, jemi shumë të vegjël për të vendosur fatin e shahut të gjeopolitikës, por duhet të përshtatemi appeared first on Albeu.com.

Zjarri ka rënë afër bazës ushtarake të Pashalimanti, duke u kthyer në një rrezik.

Më poshtë mund të shihni fotot e LSA për të parë situatën e zjarrit në Vlorë./albeu.com

The post Sërish zjarr në Karaburun, rrezikohet baza ushtarake e Pashalimanit (FOTO LAJM) appeared first on Albeu.com.

Peleshi tha se është punuar gjatë natës dhe tashmë vatrat në Gjirokastër janë shuar, ndërsa problematike mbetet Vlora.

“Natë e mundshme ka qenë në Pashaliman. Në orën 20:30 e konsideruam zjarrin të fikur, por pas mesnatës ka shpërthyer një zjarr i madh mbi bazën e Pashalimanit. Kishim dislokuar për vigjilencë një numër shumë të madh trupash në bazën e Pashalimanti edhe zjarrfikëshes të cilat vepruan menjëherë dhe rreth orës 4 të mëngjesit është shmangur më e keqja, është fikur zjarri. Po punohet akoma me helikopterë për të eleminuar plotësisht vatrat e zjarrit mbi Pashaliman. Mund ta imagjinoni, bëhet fjalë për një bazë ushtrake që e rrit akoma më shumë përgjegjësinë dhe nivelin e rëndësisë që ka”, tha Peleshi.

Më tej tha se, në Vlorë, vatër serioze mbetet Karaburuni, por më e keqja është eleminuar. Peleshi theksoi që duhet eleminuar patjetër prekja e Parkut të Llogarasë.

Mëgjithatë, ministri u shpreh optimist, duke thënë se aktualisht në Vlorë janë në punë tre helikopterë për të shuar flakët./albeu.com

The post “Menduam se e fikëm zjarrin”, Peleshi tregon çfarë ndodhi mbrëmë në Pashaliman: Kaluam natë të mundimshme appeared first on Albeu.com.

“Vlorë/Informacion paraprak

Sot, rreth orës 12:20, në “Pashaliman”, Orikum, shtetasi P. L., rreth 57 vjeç, banues në Lezhë, duke lyer një anije, dyshohet se është rrëzuar aksidentalisht nga skela dhe për pasojë ka marrë dëmtime trupore, i cili u dërgua në Spital ku ndodhet nën kujdesin intensiv të mjekëve.

Grupi hetimor po punon për zbardhjen e rrethanave të ngjarjes” thuhet në njoftimin e policisë./albeu.com

The post Po lyente anijet në Pashaliman, bie nga skela punëtori 57-vjeçar appeared first on Albeu.com.