Pasaporte diplomatike Archives - Albeu.com

U raportua se u arrestua në Turqi, Valdrin Sahiti dorëzon pasaportën diplomatike

E B — Fri, 12 May 2023 15:55:52 +0000

Valdrin Sahiti ka droëzuar pasaportën diplomatike në Ministrinë e Punëve të Jashtme më datë 26 prill të vitit 2023.

Ministria e Punëve të Jashmte ka thënë se me kërkesë të tij është zhvleftësuar pasaporta diplomatike.

“z.Sahiti ka dorëzuar në MPJD pasaportën diplomatike me datë 26.04.2023. Të njëjtit me kërkesë të tij, i është pa vleftësuar pasaporta diplomatike”, kanë thënë për Gazetën Express zyrtarja për media nga Ministria e Punëve të Jashtme, Qendresa Fazliu.

Ajo më tej ka shtuar se deri tani MPJD s’ka ndonjë raport zyrtar nga autoritetet turke lidhur me raportimet për ndalimin e Valdrin Sahitit.

”Gjithashtu ju njoftojmë se deri tani, MPJD nuk ka pranuar asnjë raport zyrtar nga autoritetet turke, lidhur me raportimet e mediave për ndalimin a arrestimin e z. Sahiti në shtetin turk”, ka përfunduar ajo./GazetaExpress/

The post U raportua se u arrestua në Turqi, Valdrin Sahiti dorëzon pasaportën diplomatike appeared first on Albeu.com.

Valdrin Sahiti me pasaportë diplomatike, reagon Presidenca: Iu dha nga qeverisja e kaluar

Xh — Sun, 16 Apr 2023 07:31:33 +0000

Zëdhënësi i Presidentes së Kosovës, Bekim Kupina, ka reaguar pas raportimeve të shumta në lidhje me pasaportën diplomatike të kreatorit Valdrin Sahiti dhe se atë e ka marrë nga presidentja Vjosa Osmani.

Kupina theksoi se presidentja nuk i ka dhënë pasaportë diplomatike askujt dhe se nuk ka kompetencë ligjore të japë pasaporta.

Ai ka bërë një sqarim në rrjete sociale duke thënë se këto pasaporta janë dhënë nga qeverisja e kaluar.

Reagimi i Presidencës erdhi pas lajmeve të fundit se stilisti i njohur u kap nga autoritetet turke me posedim të substancave narkotike në Aeroportin e Stambollit, duke shfrytëzuar pasaportën diplomatike.

Postimi i plotë

“Sqarim i sërishëm

Presidentja asnjëherë nuk i ka dhënë pasaportë diplomatike askujt, pra as Valdrin Sahitit. Presidentja as nuk e ka rekomanduar një gjë të tillë. Presidentja nuk ka kompetencë ligjore të japë pasaporta. Këto pasaporta janë dhënë nga qeverisja e kaluar.

Prandaj shpifjet e shumta të këtyre ditëve Presidenca do t’i trajtojë duke ndërmarrë masa të parapara me ligj ndaj të gjithë atyre që kanë shpifur”.

The post Valdrin Sahiti me pasaportë diplomatike, reagon Presidenca: Iu dha nga qeverisja e kaluar appeared first on Albeu.com.

Heqja e pasaportave diplomatike lojtarëve të Kombëtares, reagon Xhaçka

E S — Thu, 01 Apr 2021 14:00:27 +0000

Qeveria e Shqipërisë i ka kërkuar zyrtarisht Federatës Shqiptare të Futbollit, që lojtarët e Kombëtares, të cilët ishin pajisur me pasaporta diplomatike, duhet që ta dorëzojnë atë.

Në lidhje me këtë lajm bërë publik ditën e sotme ka reaguar ministrja e Jashtme Olta Xhaçka,.

Sipas Xhaçës, e gjitha është zhurmë për asgjë duke qene se pasaportave diplomatike iu ka mbaruar afati e prandaj duhet që të dorëzohen, siç ndodh edhe me dokumente të tjera në Republikën e Shqipërisë.

“Shumë zhurmë për asgjë! Vlefshmëria e pasaportave diplomatike mbaron, siç mbaron vlefshmëria e çdo dokumenti identifikimi që përdoret në shtetin shqiptar, qofshin këto pasaporta apo karta identiteti.

Ajo që nuk ka mbaruar e nuk do të mbarojë kurrë është mirënjohja e çdo shqiptari dhe e shtetit shqiptar për ekipin e heronjve të kombëtares ?? që u kualifikuan e luajtën me dinjitet në Europianin 2016, duke i bërë krenarë shqiptarët kudo që jetojnë.

Është kjo arsyeja, përse djemtë tanë, sipas rregullave duhet të dorëzojnë deri me datë 30 qershor pasaportat e marra asokohe, por ama asnjë prej tyre nuk do të humbasë statusin e fituar me aq të drejtë në 2016.” – shkruan Olta Xhaçka.

Kujtojmë që futbollistët e kombëtares dhe delegacioni i saj u pajisën, me pasaportë diplomatike pas një VKM të datës 23 qershor të vitit 2016, menjëherë pas përfundimit të aventurës në Kampionatin Europian, por me një tjetër VKM të datës 12 qershor të vitit 2019, këto subjekte nuk cilësohen më si kategori që e gëzojnë këtë të drejtë.

The post Heqja e pasaportave diplomatike lojtarëve të Kombëtares, reagon Xhaçka appeared first on Albeu.com.